الرياض... ترحب... وتستقبل .. البرجوب

في زيارة مفاجأة وقصيرة سيصل بمشيئة الله الأخ حمداني نهاية هذا الأسبوع للرياض للقاء وعقد إجتماعات مع بعض رجال الأعمال السعوديين بهدف تنشيط وتطوير أعمالهم التجارية لخدمة الطرفين.

الأخوة المناصير وكمان الرباطاب والأصدقاء بالرياض إنشاء الله موعودون بجلسة ولقاء وتعارف وتفاكر مع الأخ حمداني قريباً انشاء الله.

نتمنى للأخ حمداني إقامة طيبة بين أهله ورحلة موفقة ومثمرة بعون الله.

وتقبلوا تحياتي،،،

رحله موفقه وانشاء الله يقضي وقت طيب بين الاهل والاحباب

تشكر استاذ عبد الغني

من طرف **نورالهادى** الخميس 14 مارس 2013, 5:30 am

الزعيم عبد الغنى تحياتى لك وللأسرة الكريمة ونسأل الله أن يوفق البرجوب فى كل خطوة يخطوها وأن يرعاه ويحفظه فى حله وترحاله وأن يوفقه فى مسعاه وأن يعود الى الوطن سالما غانما .

من طرف **النفر** الخميس 14 مارس 2013, 6:30 am

الزعيم عبد الغنى ... حياك الله وأبقاك وحفظك ورعاك ... ألف مرحب بالأخ حمدانى بالسعودية ... نسأل الله أن يحفظه فى حله وترحاله ويوفق خطاه _

لك تحياتى وودى ،،،

من طرف **انتصار حجازي** الخميس 14 مارس 2013, 1:31 pm

اهلا وسهلا بالبرجوب فى السعودية
مع تمنياتنا له بالتوفيق والنجاح دووما فى حله وترحاله

مشكور اخ عبد الغني
يعنى تمام ح تكونوا متونسين الايام دى

سلامنا للاسرة والاولاد

من طرف **ابو مصطفى** الخميس 14 مارس 2013, 2:40 pm

والله يا جماعة حمدانى دا انا اصلى اقولكم مبسوط منو خالص ؟؟؟؟ لا لا ؟؟ الراجل عندى طلب بسيط عنده بس كراكة واحدة تفتح شارع للمناصير وما كتيرة على حمدانى هو الوكيل الحصرى للفولفو ؟؟؟؟ عاوزين شارع تراب عادى مفتوح بى كراكة بس للبلد لا اكثر ولا اقل ؟؟؟؟؟ الله يهدى حمدانى

تحياتى
ابو مصطفى

من طرف **ود الحمود** الجمعة 15 مارس 2013, 12:32 am

بسم الله الرحمن الرحيم
الشكر للعم عبد الغنى الزعيم وهو صاحب واجب وركن كبير هو والعم مصباح
ومرحبا بضيفه وضيفنا مشرفا الرياض والرجل ماشاء الله عليه عقل إدارى وشخصية معروفة
ورجا اعمال ناجح نسال الله له التوفيق والسداد ونتمنى ان تكون زيارته اضافة
للمناصير بالرياض ونزلت اهلا وحللت سهلاً..............
ود الحمود
محمد سليمان الحمود

الأستاذة نجلاء زمراوي

استاذنا وسفيرنا نور الهادي

اساتذنا وشاعرنا المرهف النفر

الأستاذة انتصار حجازي

شيخنا ونوارة فريقنا/ أبو مصطفى

وابننا الراقي ود الحمود

لكم الشكر والتقدير والإمتنان وانتم تسطرون بكلمات حلوة وجميلة لنا عن مدى حبكم وتقديركم العميق لنا ولضيفنا العزيز البرجوب.

أسأل الله لكم وللأخوة المشاهدون والذين لم يتمكنوا من الرد والكتابة ولو بحرف واحد دوام الصحة والعافية.

والله يا أبو مصطفى لما عبد الرحيم البركل قال الرميات بتاعته وأغاني المناصير بتاع الرتوتي - وكان حاله بدون مكرفون تذكرتك وطبعاً ما شاء الله عنده حنجرة ذهبية حقيقة.

وفي فقرة الشيخ مصباح سوف نكتب لكم عن لقاء البرجوب.

تقبلوا تحياتي

من طرف **ابو مصطفى** السبت 16 مارس 2013, 4:30 pm

اسع النضم دا كيفنو ؟؟؟؟؟؟؟ ياعلى ؟؟؟؟؟؟؟؟؟؟ نحن عاوزين حمدانى يجيب رجال الاعمال السعوديين ؟؟؟؟؟ يفتحوا لينا الطريق ؟؟؟ بس خلاص بس خلاص مانى عاوزين اى شى من حمدانى ؟؟؟؟؟؟؟؟
حمدانى زول مسئول كبير فى البرلمان ؟؟؟ والقروش عندو كتيرى ربنا يزيده ومن خيرو المناصير تعمر ؟؟
تحياتى للمرور الكرام بدون فرز ؟؟ ولى عبد الغنى نصر الدين ؟؟؟ وكل جماعة المملكة بدون فرز

تحياتى
ابو مصطفى

أخي أبو مصطفى.. لك تحياتي .. نحن عاوزنك بس تعترف بي اسرائيل دي دولة.. وطبعاً مساء أول أمس في البيت قريناله حديثك وقام يضحك.. انت خلينا من طريق المناصير .امش قول له يا حمداني أنا دائر ربع كراكة وانا حقيقة محتاج لها كتير وتروح الذهب ... طبعاً في هده الحالة محتاج لي تزكية و ناس References.. وما في شيء مستحيل ويقولوا الأرضة جربت الحجر .. وانشاء الله تظبط معاك الحكاية دي وبعدين تدعي لينا كتير وتقول عبد الغني كان السبب. ربنا انشاء الله يوفقك ويعطيك قدر نيتك.

ولك خالص تحياتي ومودتي.

بعد الاحترام والتقديرللاخ عبد الغني نصر الدين وضيف العزيز
(المودر يفتح خشم البقرة)
وانت وسيط والراجل ضيف اكيد هنالك ونسات عاد واخبار وتمروا علي القضية وماادراك,
نطلب طلب بسيط وصغيروني,
من ضيفك .طرح قضيتنا للوزراء ورجال الاعمال ولاينسي خادم الحرمين
تسلم عبد الغني نصر الدين

من طرف **ابو مصطفى** الإثنين 18 مارس 2013, 3:10 pm

عبد الغني نصر الدين كتب:أخي أبو مصطفى.. لك تحياتي .. نحن عاوزنك بس تعترف بي اسرائيل دي دولة.. وطبعاً مساء أول أمس في البيت قريناله حديثك وقام يضحك.. انت خلينا من طريق المناصير .امش قول له يا حمداني أنا دائر ربع كراكة وانا حقيقة محتاج لها كتير وتروح الذهب ... طبعاً في هده الحالة محتاج لي تزكية و ناس References.. وما في شيء مستحيل ويقولوا الأرضة جربت الحجر .. وانشاء الله تظبط معاك الحكاية دي وبعدين تدعي لينا كتير وتقول عبد الغني كان السبب. ربنا انشاء الله يوفقك ويعطيك قدر نيتك.

ولك خالص تحياتي ومودتي.

طيب انا اعترفت بى اسرائيل دولة ؟؟ المشكلة شنو ؟؟؟؟؟ والكلام دا ما دخل راسى يا عبد الغنى ؟؟؟؟؟؟؟ وحاجة معروفة ان البرجوب دا براهو دولة وحكومة قائمة بى زاتها ؟؟؟؟؟؟؟
لكن حكاية البرجوب دا يدينى كراكة هذه مستحيلة ؟؟؟؟؟؟؟؟؟؟؟؟؟؟ البرجوب رجل اعمال ؟؟؟ ما يعرف الا قروش داخلة وقروش مارقة ؟؟؟ يعنى انت لازم تولد قروش
كان اخذت كراكة او ترتر ؟؟؟؟ وهى لغة المال ؟؟ بعدين والله انت راجل صاحبى شديد ؟؟؟ قول انا مشيت ليهو وقلت ليهو انا صاحب عبد الغنى وعاوز لى كراكة ؟؟؟
طوالى حا يقول لى جيب شيك ضمان ؟؟؟؟؟ وبعدين معاك من وين الشيك ؟؟؟؟؟؟؟؟؟؟؟؟؟

تحياتى
ابو مصطفى

واحد قريبنا كان زمان جاء للعمرة وعنده قريبه خارج الرياض مرطب ومرتاح.. ويبدو أن قريبنا كان يوم من الأيام خدمه في السودان أثناء إجازته السنوية خدمة كبيرة وتستاهل. وقام اتصل بأهله في البيت وماكن موجود حينها وقال لهم قولوا لي أبوكم حولي ألفين ريال. وطبعاً لما جاء طنش الحكاية دي. وقام أخونا الشيخ مصباح علق وقال له يا اخي الجبادة دي سانقها مسانقة.

واتذكر كمان وكما يحكوا لنا عندما ظهرت شركات البترول وشركة هجليج في السودان قام البروف المهندس/محمد خليفه خدم واحد من اهلنا وشغله في الشركة بعدما جري وتعب وراه.. وقد سمع بنصيحة قريبنا الذي قال له إذا عاوز محمد خليفه يشغلك تقوم كل يوم تصلي الصبح حاضر جنبه في أركويت .. والحمد لله قد طبق الخطة ونجح بجدارة . والآن بفضل الله وفقه الله وأخذ وضعه والتحية والتقدير للأخ محمد خليفه وأتمنى أن أي منصوري يقدر يخدم واحد أو عدد في مجاله لتعم الفائدة للجميع.

دحين أخي ابو مصطفى لك الشكر والتقدير وأنت تقدم لنا الطرفة والحكاوي... والله كلامك دا الذي تنقله لنا فيه تنفيس شديد وفلترة لنا ولغيرنا من ضغوط وهموم وقلق الحياة.. قال صح يا عمدة صاح... الإنترنت في السودان.

دحين يا عمدة ..عدي على بوني وجبادتك دي سانقة مسانقة مرة ومرتين وتلاتة وأربعة....

ولك تقديري وشكري الزائدين .. والتحية للمرور الكرام .. ونواصل.

من طرف **ابو مصطفى** الثلاثاء 19 مارس 2013, 3:53 pm

اسع عبد الغنى دا بقى ينضم فى حلفا ؟؟؟؟؟؟؟؟؟؟ الجبادى دى مسانقة معاها مافى
يا خوى جبادة البرجوب دى صعبة ؟؟؟ اما اتقطع الخيط او قبضت ؟؟؟ ماعندو معاك هظار فى مجال المال ؟؟؟ اخذت كراكة تخت شيك الضمان ؟؟ وقدر الله مشيت الدهب وما لقيت شى ؟؟؟ الحكاية هنا جارى فوق ضهرك ؟؟ عملت حركة حركتين انت جوه السجن ... اقطع الشك ؟؟ تلقى بتاع البوليس واقف فى خشم الباب وعصاتو فى اباطو ؟؟؟ وانت اباطك والنجم ؟؟؟ يازول اول البرجوب كان بى يدى ناس زعيط ومعيط ؟؟؟ ويطلقها كدى ساكت كان زمان اعلن افلاسو ؟؟؟؟؟؟؟؟؟
مرة من المرات جانا واحد من ناس البلد ؟؟؟ وقمنا جبنا الشاى الصباح فى الديوان وقلنا له يا ود اللمين انت ماشين وين والجابك شنو ؟؟؟؟ قال انا والله عيان والبرجوب قال لى تعال ؟؟؟؟؟ قلنا له انت والله ربنا داير يفتحها عليك ؟؟؟ البرجوب شخصيا قالك تعال قال ايوه ؟؟؟
وبعد داك كم يوم يمشى ويجى ؟؟ وكل يوم نساله اه البرجوب قال شنو ؟؟
والله الليلة قال الموية مقرنة ؟؟؟؟؟؟؟؟؟؟؟ بكره قال شنو ؟؟؟؟؟؟؟ الموية مقرنة ؟؟
بعد كم يوم السكرتيرة قالت جيبوا ورق المرض ؟؟؟ غايتو حكايتو جرت قريب العشرة يوم ؟؟؟ لكن قبض فى النهاية ؟؟؟؟ فناس القروش مابفكوها ساكت ؟؟

تحياتى
ولى عودة

[ندعوك للتسجيل في المنتدى أو التعريف بنفسك لمعاينة هذا الرابط]

الرياض... ترحب... وتستقبل .. البرجوب

الرياض... ترحب... وتستقبل .. البرجوب

رد: الرياض... ترحب... وتستقبل .. البرجوب

رد: الرياض... ترحب... وتستقبل .. البرجوب

رد: الرياض... ترحب... وتستقبل .. البرجوب

رد: الرياض... ترحب... وتستقبل .. البرجوب

رد: الرياض... ترحب... وتستقبل .. البرجوب

رد: الرياض... ترحب... وتستقبل .. البرجوب

رد: الرياض... ترحب... وتستقبل .. البرجوب

رد: الرياض... ترحب... وتستقبل .. البرجوب

رد: الرياض... ترحب... وتستقبل .. البرجوب

رد: الرياض... ترحب... وتستقبل .. البرجوب

رد: الرياض... ترحب... وتستقبل .. البرجوب

رد: الرياض... ترحب... وتستقبل .. البرجوب

رد: الرياض... ترحب... وتستقبل .. البرجوب

رد: الرياض... ترحب... وتستقبل .. البرجوب