نصائح مطبخيه

الاخوات الفضليات اقدم لكن هذه النصائح الخاصه بالمطبخ والتي لابد لاي ست بيت ناجحه ان تلم بها

وانتو يا اخوان ممكن تخلو الحكومات تتطلع عليها لتعم الفائده.......

يلا مع ضربه البدايه........

لإطفاء نكهه الطعم الطازج للبن البودره يمكن إضافه ذره ملح.

لعلاج سلق البيض المشروخ تتم إضافه عصير ليمون الي ماء السلق او تغليف البيض بورق الفويل

اذا رغبت في ازاله الدهون من الشوربه دون انتظار تجميدها يتم تمرير قطعه من الخبز علي سطح الشوربه فتمتص الدهن.

لتقطيع الدجاج الي شرائح رفيعه يتم وضعه في الفريزر لمده ساعه قبل التقطيع.

يتم لف النعناع في ورق الالمونيوم حتي لا يذبل بسرعه.

للتخلص من بقايا الطعام الملتصق بالاواني دون الحاجه الي جهد كبير يمكنك نقعها في الماء الساخن المضاف اليه ملعقه كبيره من بيكربونات الصوديوم.

للتخلص من بقع الزيت علي طربيزه المطبح يمكن احاطتها بدقيق القمح لمده ساعه وتشطف بالماء الساخن وتجف.





نوااااااااااااااااصل اذا الله مد في العمر......

بسم الله الرحمن الرحيم

حتي انتن بوست ما فيهو كفت ما دايراتنو؟؟؟

اه لا مواصلين ولا حاجه

جزاك الله الف خير ما ها في؟؟؟

البوست يا نجلاء موجه لبنات حواء ولكنك نسيت أنه في رجال قاعدين يطبخوا ويغسلوا العدة لأن الحكومة عندهم قوية وشعارها نحن شركاء في كل شئ. الحريمات مشغولات ويبدوا أنهن اعتمدن على أكل المطاعم خاصة المغتربات.

جزاك الف خير

د مصباح

مااااقصرت تب ومرت بيجاي



قلنا اخير نلتزم المطبخ!!!!!!!!!!!!!؟؟؟؟؟؟؟؟؟؟؟؟

تشكري ام وضاح علي هذه النصائح المفيدة

لكن سؤالي : وكت تاكل كسري بي خدرة قدر ماتبقي حريف تلقي جلابيتك فيها ملاح إن شاء الله حتي كان علقتها برضو تلقي فيها ملاح

كدي انكروا الكلام ده

دحين يا أم وضاح شوفي لينا حل

نستأذن صاحبة البوست لنرد علي الصديق اللدود أبو مصطفي

ابو مصطفي داير تطردتني ---ما مشكلة--انا قبيل ماني داير اتكلم لكن دحين يا خوي وكت جابتلها طرد بتكلم

اصلك يا أبو مصطفي البكشف نومتك كلو تحاول تطيرو ---دحين إنت هسع وين ماك في المطبخ وتبلع في العضام لامن خنقت يا خي كان ما اديتك ام دلدمي علي قفاك ما كنت داير تروح فيها

واقف نص التكل ومندرج وعامل فيهازول مجهاد ---تكشف في الحلل ما خليت لك حلة---اللحمة دي والله ما إستوت كويس --وتسو في القق

الصينية دي كلفوها كويس وزيدو الشموم---داير تودها لي ناس الجيلي ---الرشاوي دي إنت ماب تطير منها

أكلت جرف ود بروي ومديه عتيداً مضبلن عشان يسكت عن حق الجرف

ياراجل نحن سألنا مجرد سؤال طردتنا ---إنت هسع يسولك كيفن

******

تخريمة

ابو حنة وحازم ومحمد بروي ديل ناس وزنهم تقيل---يا ليتنا نكن مثلهم

الدكتور الهمام ود عون الله

الاستاذ ابو مصطفي

خدوا راحتكم تب البيت بيتكم.....ويا حبذا لو جاء الاستاذ عبد الغني والشاعر محمد بروي وكملوا الناقصه

يلا بلا نصائح بل لمه .... ....

فالنستمتع بالحكاوي الممتعه