ترحيب بالعضوات الجديدات ... ودعوة للعضوات الغائبات

نجلاء زمراوي كتب:
باقي اولاد ادم ديل ما بيرتاحو الا في الكع عكس بنا ت ادم يحبن الجو الراااائق المعافي
يلا يا بنات تعالن خوجلن بيجاي

والله صدقتى يا نجلاء
نحن نحب الجو الرايق والونسة
يعنى الواحد بدخل المنتديات بمزاجو علشان يستفيد ويروح عن نفسو
ماعلشان يلقى كع وكف وفقع مرارة

علشان كدا يا نجلاء همتك معاى نزيد العنصر النسائي وبعدها نعمل للعنصر الرجالى تأشيرات خروج الا الرايقين وهادين وما بتاعين كع وكف بنخليهم
شكلى بعد التصريحات الخطيرة دى انا اللى ح يطردونى

ابو مصطفى كتب:
؟؟؟؟ انا بسعل اميرة ؟؟؟؟

شكلو يا ابو مصطفى الصينية زغللت عيونك
بس عادى اميرة ياها اختى
على فكرة اميرة اختى اللى قابلتها فى بيتنا محامية بمية راجل اذا لا قدر الله عندك اى قضية تحلها لك من جذورا
يللا اعلان مجانى للمحامية اميرة حجازى




فعلا يا ابو مصطفى صينية زى دى فى السودان ميزانية مبالغة
انت عارف فى اجازتى الفاتت الدجاجه كانت ب27 جنية وما معروف هسة وصلت كم ... وكمان قالو البصل غلا
يعنى اقل وجبة تكلف مبلغ مبالغ فيه
رغم انه من ابسط حقوق الانسان ان تكون وجبته متكامله
يعنى حرام والله ... وجبة هنا فى السعودية تلقاها عادية جداااا ... نفسها فى السودان تكون مكلفة جداااااا



لا عادى تشرف وتنور كمان
هو الحريم بيقدرو يجيبو الصينية دى براهم ... ما التكلفة قايمين بيها الرجال اكييد


تخريمة : بس اللى بياكلو فى الصينية العضوات وبس .. مع الكع والكف اللى بالمنتدى دا الرجال يشوفوا ليهم عصير ليمون

م بروي كتب:
أمك
الهضربه جات بي جاي
وينها أميرة هنا؟
بسم الله الجابني هنا شنو؟؟
كلو منك ضللتني
سؤال
إنت لاقطاك شركه؟؟؟
مرحب بالعضوات الجديدات
كان بنات واللا معرسات

ههههههههه
اهلاااااااا بشاعر القبيلة ...نورت البوست
وشايفة ابو مصطفى بيغادى عمل لك ترقية من تلميذ مشاغب لمسئول مالى
كان كدا كلنا عاوزين نكون تلاميذ مشاغبين


كنت عاوزة الصينية للعضوات بس
بس مادام شرفتونا ابو مصطفى وانت وابراهيم
خلاص دى قومة اسوى لى صينية تانية للرجال

إبراهيم حجازى كتب:
مليون مرحب ب أريج
ومليون مرحب بابنة الخالة والخال
الرائعة مها احمد الخليفة.

اهلااا ابراهيم
انا قلت ابراهيم يقول لى ارجعى المنتدى ويومى الارجع هو يزوغ
منور مرة تانية يا ابراهيم

وانا فرحت انو مها معانا
بس بينى وبينك مها دى بقت سيدة اعمال عديييل ما اظنها تلقى وقت للمنتدى
بس بلحقا بتلفون واخليها تجى

ومرحب باريج كمان وكل العضوات الجديدات

ميسره موسي الاحمر كتب:
لكن لقيت البلد عامري ..,,ياربي الصينيه دي عندنا فيها نصيب

اهلااااا اخى ميسرة
والبلد عامرة بوجودكم

واها دى صينية للرجال عشان ماقصرتو فى الترحيب بالاخوات الجديدات




شايفة فى الصينية دى ابو مصطفى وود بروي وابراهيم وميسرة
وبعدين ما قصرت معاكم كثرت ليكم الشية