كلام حلو وجميل

Mogaheed Ahmed‎‏

قالو ام منصور قاعدی عند اهلا وجاها ولدا جاری قالها یایمه سمعتی کلام الریس
قالتلو الریس منو هونحن عندنا ریس یاولدی
یایمه البشیر قال الناس المشو یجو راجعین
قالتلو الناس منو یاولدی انا ذاکرتی راحت الرحلو بعد البلد غرقت یاااااحلیلم هن للیلی عایشیین بلا امهم ماتراه ریسکم سمح اداهم بیت وحواشه ونورلهم وتانی قالهم ارجعو هو دا الریس الغرقنا ولا واحدن تانی یاجنای
یاهو ذاتو یمه
ماتراهو بقا عدیل وکریم
یایمه دایر یفتنا البقا عدیل شنو
ماتبقی مبدل یاولدی انا من زمان عارفی الحیکومه غشتم دار ابوک منصور فراقا حار ولو فی فد واحد قالک غیر کدی کضاب انت قایل قبیل قعادی دا لی روحی بس انا ولاد منصور عارفاهم بی یجو راجعین وان دایر تقول حقنا ماادونا لیو حقنا قاعدین فوقو المحلی جبنا بی ضراعنا یاولدی والحیکومه انا رامی طوبتا من زمان لکن ولادی مارمیت طوبتم ای صح فی واحدین حرقو حشای وباعونی لکن فی اخرتا هم ولادی سمعت الکلام دا یاجنا اول زول یجیک راجع صحنک یبقی ملیان والشای التقیل یکونو نسوهو
لکن یایمه الریس قال یحاکمو الناس الکسرو البیوت
یاولد انت مابتفهم البیوت الکسروها دی حقت الحیکومه ماحقت اهلنا هن وکت رحلو مش اتنازلو من حقهم للحیکومه ونحنا فجخنا بیوت الحیکومه زی ماغرقت بیوتنا یعنی بدلولم حقهم فی الجرف بی فوق
لکن یایمه هم زعلانین
یا جنای هو زول خلا بلدو بی حالا یزعلو فی سریقتین اسع دا کلام بصدق البی یقول کدی دایرلو حجی ساکت
واه یایمه قولک شنو فی کلام الریس
عاد دا بقول فوقو کلاما مثقف شویه ذی المتنبی اصلو شعرو کلو حکمه
کبرت عن المدیح فقلت اهجو
اراک قد صغرت عن الهجا


(منقول)
مبروك و تسلم مجاهد احمد

یا جنای هو زول خلا بلدو بی حالا یزعلو فی سریقتین اسع دا کلام بصدق البی یقول کدی دایرلو حجی ساکت

صدقت ام منصور

ياريت اولاد منصور كلهم يجو راجعين لامهم ولا يتركوا واحد بيقفاهم ويقولوا لابوهم اسامة الذى غشاهم يقطعه الحلاوة نحن راجعين الي اصلنا وارض ايونا منصور حنينة ومن يوم مافارقناها ما لقينا راحة والفدادين ماها بالكترة ولكنها بالبركة

عود الاكسير وما ادراك ما عود الاكسييير بالبلد