من نوادر وحكايات الفلوجة والرحيل من المناصير الى الخيارات الاخرى

من طرف **ابو مصطفى** الأربعاء 06 فبراير 2013, 7:24 pm

افتح هذا البوست والله ليست شماتتا فى احد ولا انا من من يعجبهم شتات المناصير وفرقتهم وضياع كلمتهم بين القبائل والله وحده يعلم مافى جوف ابو مصطفى
لكن مرات اضحك ومرات ابكى والبكاء لا يفيد ولا نبكى على اللبن المسكوب ؟؟؟؟ لكن الدنيا كلها لحظة من االحظات ؟؟؟ لكن ياليت اهلى يعلمون ؟؟؟
الكل فى هذه الحياة يبحث عن حياة افضل والكل يجرى ويلهث من اجل تغير وضعه الى الافضل وتتعدد الطرق فى ذلك والحياة قناعة ؟؟؟؟
فغندما قامت الفلوجة قبل ايام وهاجت البلد وماجت ؟؟؟ عندنا ناس كتار صارفين وقاعدين وانا ببساطة قلت خير عمار بلد ؟؟ وحاجة كويسة خالص الزول يصرف ويجى يعمر بلدو ويربى وليداتو ؟؟؟ لكن الحكاية اتاريها ماهى كدى ؟؟؟
فمن ضمن الحاجات المضحكة عندن عمتنا خديجة بت ساعد ود خميس عجوز كبيرة فى السن وكلامة ونضامه وولادها صارفين وقاعدين يقولوا ليهم ولاد على ود احمودى ابوهم كان صائد بتاع تماسيح والله شوف عينى يضرب التمساح طلقة ويجلب فوقو ( زول فارس ) وبعدين فى واحد اسمو خليفة محمد على ود الحجرة طوالى يناقر الجماعة ديل انتو صارفين لازم تقوموا ونجى بعد صلاة الجمعة نلم الغداء عند الجامع ونتونس ونتحدث واخر الحكاية نتنتهى بى شكلة مع ولاد على وقوم وما تقوم وراجل وماك راجل ؟؟؟؟ ومر يازمن وجاءت الفلوجة غبارها رابط وتورت الجماعة ودخلت العجوز النضامة فى المركب وقالت بى اعلى صوت يا خليفة انا مانى قايلة الحجار ديل عندهم اسياد بى يحرسوهن ؟؟؟؟

ولى عودة
ابو مصطفى