بالمناسبة، الجيل داك القديم من المناصير الكان بي يجيبوا ليهو شاي الصباح في البوغة

انتهى ياهندسة هذا العهد وشاي الصباح معاه كباية لبينة وربما صاحبته المديدة وبسكويت شاي الصباح ده البتقول عليه أميره كان مافي لذا نجد أن شاي الصباح إذا كان في البوغة يكون الفطور بدري والشاي الآن في المناصير أصبح متأخر بعد تغيرت العادات بسبب الخزان وياحليل أيام زمان.

بسكويت شنو؟ بتاع أميرة يا دكتور مع شاي الصباح؟
ده مافي كان عندنا..
نعتبروا دلع..
وحركات ناس صعيد؟
يوم العيد ذاتو مافي بسكويت؟
لو دلعوك كان يجيبوا ليك نص كبايي حمرا.. وبعدا تشرب بي لبن..
ومرات الشاي ذاتو بانجقلي..
لما السكر ينعدم
في صينية الشاي يختوا التمر
تلوك التمرة في جضمك لامن تتمضغ.. وترشف عليها جغمة الشاي وتحركها مع التمرة الممضوغة في جضمك ، تتم المعالجة الكيميائية،عشان تتضوق حلاوة الشاي.. وتبلعهما الإثنين مع بعض. أي جغمة الشاي والتمرة الممضوغة..
وإلا لو بلعت التمرة الممضوغة قبل جغمة الشاي بالغلط سوف تصادفك مرارة الشاي بلا سكر..؟
.......
في المحلي لقيت حتى الحريم نايمات والشمش فوق راسن.. والشاي لسه ما فكروا فيهو
زمان المرة الكبيرة تلقاها بي طرحتا قبل ما الشمش شرقت.. حلبت الغنم.. وعلقت لى غنما باقي فترن الكسري من البارح مع حبات عيش؟ .. تتنسم نسائم الصباح الأولى قبل ما تفرقها أشعة الشمس، فتهبها صحة وعافية ونشاط.. تلقاها تعلق للغنم وتترنم وتغني من الفرحة والصحة والنشاط والعافية..وشالت قفتا ونزلت الجرف
في قرى التهجير
أدوهم مساحات معقولة؟
لكن مين يزرع
الواطة غبشاااااء
والموية مقددة في الحواشات سايلي
ومافي زول... أشتروها منهم الجعليين بي جسم الرماد من القروش؟
وين؟
قاعدين في سوق القرية 4 مصنقرين كميات من الشباب البض.. مئات
كل واحد خاتي ليهو حجر قاعد عليهو
سديريتي وسديريتك
عكازي وعكازك
طاقيتي المحدرة وطاقيتك.. الطاقيي من الحدير لامن دايري تقع..
كل واحد قاعد على حجرو دا..
كان سلمت عليهو ما يرد عليك السلام..مغيم في عالم تاني بفعل فاعل.. مسطول يعني؟
ليه قاعدين كدة هم؟
يسألوا
مافي لوري ماشي الدهب؟ منتظرين لوري أو بوكس في علم الغيب يجيهم؟
حتى الحريم الجابوهن من البلد الواحدي في حوشا ما قادرة تزرع؟ ليها شوية جرجير والله بامية والله كركدي؟
قلة تفعل ذلك
ولاها قادري تسعى ليها غنم؟
تشتري اللبن؟
غايتو جنس هوايل ومحن
يا دكتور مصباح
وهتك

بعد التحيه أهلي : التحيه لكم كبارنا الاعزاء ومع كل المودة فإن العادات والتقاليد تتغير مع الزمن وكل جيل له عادات خاصه به وهذا جيل العولمه يختلف كلية عن باقي الاجيال ولزاما عليه ان يختلف هو جيل الحداثه التطور في كل نواحي الحياة ..ثم ان الوسائل قد تغيرت وسبل العيش ايضا ..ولي في قول علي كرم الله وجهه متكأ .."أولادكم خلقوا لزمان غير زمانكم فلا تقصروهم على عاداتكم "..مع وافر الاحترام ..

تسلم يوسف..
نعم فليتغيروا نحو الأحسن، مافي مانع
لكن يتروا لا وراا
دي ما مقبولة!
الحقيقة آباءنا واجدادنا غزوا لينا العصاية فوق للمريخ ، ما قدرنا نصل حدها أو نجيبا من هناك لغاية يوم الليلة
دي موش مرجلة حمرااا

ياصديق ياهندسة ربنا يسوي الفيها خير ويوسف يعدل ويهندس لجيل الزمن الحاضر وكلامك صاح الناس بتمشي للأمام ونحن راجعين لاورى والتحية لأهلنا الغبش وأمهاتنا اللائي يصحين قبل الفجر ولما كان الواحد يشم رائحة النار حتى شختة الكبيرة كانت عندها رائحة ومن رائحة النار يعرفون من صحا بدري

نحن نجلس لنقرأ ونستمع فقط وسط الكبار

صديق عبدالله علي أبوحنة كتب: بسكويت شنو؟ بتاع أميرة يا دكتور مع شاي الصباح؟
ده مافي كان عندنا..
نعتبروا دلع..
وحركات ناس صعيد؟
يوم العيد ذاتو مافي بسكويت؟
لو دلعوك كان يجيبوا ليك نص كبايي حمرا.. وبعدا تشرب بي لبن..
ومرات الشاي ذاتو بانجقلي..
لما السكر ينعدم
في صينية الشاي يختوا التمر
تلوك التمرة في جضمك لامن تتمضغ.. وترشف عليها جغمة الشاي وتحركها مع التمرة الممضوغة في جضمك ، تتم المعالجة الكيميائية،عشان تتضوق حلاوة الشاي.. وتبلعهما الإثنين مع بعض. أي جغمة الشاي والتمرة الممضوغة..
وإلا لو بلعت التمرة الممضوغة قبل جغمة الشاي بالغلط سوف تصادفك مرارة الشاي بلا سكر..؟
.......
في المحلي لقيت حتى الحريم نايمات والشمش فوق راسن.. والشاي لسه ما فكروا فيهو
زمان المرة الكبيرة تلقاها بي طرحتا قبل ما الشمش شرقت.. حلبت الغنم.. وعلقت لى غنما باقي فترن الكسري من البارح مع حبات عيش؟ .. تتنسم نسائم الصباح الأولى قبل ما تفرقها أشعة الشمس، فتهبها صحة وعافية ونشاط.. تلقاها تعلق للغنم وتترنم وتغني من الفرحة والصحة والنشاط والعافية..وشالت قفتا ونزلت الجرف
في قرى التهجير
أدوهم مساحات معقولة؟
لكن مين يزرع
الواطة غبشاااااء
والموية مقددة في الحواشات سايلي
ومافي زول... أشتروها منهم الجعليين بي جسم الرماد من القروش؟
وين؟
قاعدين في سوق القرية 4 مصنقرين كميات من الشباب البض.. مئات
كل واحد خاتي ليهو حجر قاعد عليهو
سديريتي وسديريتك
عكازي وعكازك
طاقيتي المحدرة وطاقيتك.. الطاقيي من الحدير لامن دايري تقع..
كل واحد قاعد على حجرو دا..
كان سلمت عليهو ما يرد عليك السلام..مغيم في عالم تاني بفعل فاعل.. مسطول يعني؟
ليه قاعدين كدة هم؟
يسألوا
مافي لوري ماشي الدهب؟ منتظرين لوري أو بوكس في علم الغيب يجيهم؟
حتى الحريم الجابوهن من البلد الواحدي في حوشا ما قادرة تزرع؟ ليها شوية جرجير والله بامية والله كركدي؟
قلة تفعل ذلك
ولاها قادري تسعى ليها غنم؟
تشتري اللبن؟
غايتو جنس هوايل ومحن
يا دكتور مصباح
وهتك

الله عليك .. يا أبو حنة .. ما شاء الله .. والله قلت الحقيقة بحدافيرها...وصورت لنا واقع أبناءنا في المحلي.. وأنا شخصياً قضيت يومين مع أخواني وأهلي بالمكابراب قبل سنتين .. كانت حقيقة جميلة جداً ..قضييت عيد الأضحى معهم.. وكنا نأكل في اللحم الطازج ونلعب في الكشتينة.. ولكن وضع الشباب كما ذكرت حاجة يؤسف لها.. وحضرنا زواج ابن جدنا حسن الفحيلي ... وزي ما قلت يا سديرتي ويا عصاتي.. وهلم جرا.. والواحد يسلم عليك وكأنه لا يعرفك.

والوضع عامة والحياة والناس تغيرت كثيراً كما قال الأخ يوسف هذا هو عهد العولمة.. هلا .. هلا ..وناس شيخنا مصباح يتكلم في حلفا.. وكمان في شاي الصباح.. قال شاي الصباح قال.. وشاي الصبح ال بتتكلموا عنه كان حقيقة في عنبر جودة.. وكفى.

والسلام وتقبلوا تحياتي

شكراً كثيراً يا استاذنا العلامة صديق بن عبد الله الحنـــــــــــــــــــــــــــوني.

لاتقصروا أولادكم على زمانكم فانهم خلقوا لزمان غير زمانكم

نعم ياود جيب الله خلقوا لزمان غير زماننا
لكن من محبتنا لهم نريدهم دائما قدام..
وراح يكونوا قدام بإذن الله..
الواقع المرير في المعيشة في البلد كلها، أضفى ظلاله عليهم
وهي غشاوة تنجلي بإذن الله
بالنقد البناء يستفيد الكل.