فضيحة سد مروى

يا أهل الله المعلومة الأكيدة 100% أنو الحكاية غلطة مهندسى السد من كبيرهم لى صغيرهم .. وهاكم الحصل بالتفصيل : بعد تشغيل الطوربينات ودخولها الشبكة قام المهندسون بتجربة أحتياطى التبريد والذى من المفترض أن يعمل أوتوماتيكياَ عندما وقوف نظام التبريد الأساسى الذى يقوم بعملية تبريد الطوبينات .. والذى حدث أوقفوا نظام التبريد الأساسى فلم يشتغل الإحتياطى فحاولوا معرفة سبب العطل وإنشغلوا بالموضوع ونسوا الطوربينات الشغالة من غير تبريد لامن سيحت البلالى ..والبلى بيصنع بالطلب وتغييرو بس داير شهر ونص إلى شهريين .. وأخيراَ هداهم تفكيرهم إلى أخذ الأسبير من الطوربينات التى من المفترض تشغيلها شهر سبعة .................
ده كل الحصل .. وغلطة يتحملها الشعب المغلوب على أمره فكم من مريض وطفل وشيخ وووووووو عانى ناهيك من الخسائر الأقتصادية ِ
والشكية لغير الله مذلة

لا حول ولا قوة إلا بالله
حسبنا الله ونعم الوكيل
يا عثمان أخوي ديل فالحين في ترضية ولعق جزم الكبار وما هماهم الشعب البعاني
شكرا يا رائع على المعلومة

فضائح ادارة السد ما ليها حد
ولو قعدنا نعددها لا تحصى ولا تعد بداية من تكلفة التشييد والتمويل الربوى الى الرحلات السياحية والرد الرد كبارى وسد وما فى كهرباء وبعد الاحتفال بافتتاح كهرباء السد تم التعاقد مع اثيوبيا ومصر لاستيراد كهرباء وده كلام فى الجرايد ما كلامى انا غير فضيحة مبانى المهجرين ما تكلف 12 مليون ويقولو ليك تكلفتها 47 مليون اما فضيحة الفضائح يوم الاحتفال بالافتتاح كانت الجنريترات تسوى الدن وريسنا يدوس فى مفتاح الجنريتر ويكبر ما عارف حاجة بالمناسبة هذا الموضوع اثير فى المجلس الوطنى وكان رد الزبير وزير الطاقة ده احتفال سياسى ردا على حملة اوكامبو .

والله ياعثمان انت زول شديد شدة من اين اتيت بهذه المعلومات الحساسة والدقيقة 0
ولك خالص الشكر اخى عثمان

ياجماعة انا عاوز اقول كلام الفى ايده القلم ما بكتب نفسه شقى ؟؟؟
بعدين انتو المناصير ناسين حاجة مهمة خالص خاص ؟؟؟ اللهى ما عندكم ناس فى الحاكومة ماثرين وحتى ان بقوا فى ما بستحملوا الذى يستحملونه اخوانا الشايقية والشايقية القلم فى ايدهم والخزنة ما سكين مفتاحاها ؟؟؟
والحلة حلتهم يسوطوا ويلحسوا فيها من زمن الانجليز ولى يومنا هذا ؟؟؟
وانتو يا المناصير اصبروا شوية البقت بقت والله لا يورينا اكتر من دا الشفناه ؟؟؟؟
هل تعلموا ان حق البلى الاتحرق سوف يدفع ثمنه المنصورى الصياد فى الادريميه او ظهر الحمار صدقونى النو السمك نزل تحت خالص والموية فوق عكرة والعسكرى او البوليس جاب الايصالات للصيادين ؟؟؟؟

غايتو الله يعدل الحالة

ابو مصطفى

القاهرة

يا جماعة الخير حقو نمشى قدام و نتجاوز الحدث ونشوف القدامنا وننجزوعشان اهلنا الغلابة ونخدم قضية اهلنا بما يفيد و نتبنى ما يفيد مجتمعات بني اهلنا اكرر التعابة الغلابة الذين ما زالو يعانون من الثالوث اللعين

ابو مصطفى كتب:ياجماعة انا عاوز اقول كلام الفى ايده القلم ما بكتب نفسه شقى ؟؟؟
بعدين انتو المناصير ناسين حاجة مهمة خالص خاص ؟؟؟ اللهى ما عندكم ناس فى الحاكومة ماثرين وحتى ان بقوا فى ما بستحملوا الذى يستحملونه اخوانا الشايقية والشايقية القلم فى ايدهم والخزنة ما سكين مفتاحاها ؟؟؟
والحلة حلتهم يسوطوا ويلحسوا فيها من زمن الانجليز ولى يومنا هذا ؟؟؟
وانتو يا المناصير اصبروا شوية البقت بقت والله لا يورينا اكتر من دا الشفناه ؟؟؟؟
هل تعلموا ان حق البلى الاتحرق سوف يدفع ثمنه المنصورى الصياد فى الادريميه او ظهر الحمار صدقونى النو السمك نزل تحت خالص والموية فوق عكرة والعسكرى او البوليس جاب الايصالات للصيادين ؟؟؟؟

غايتو الله يعدل الحالة

ابو مصطفى

القاهرة

دى كلم رجال عديل كدة ربنا يديك العافية ويهدى اهلنا الى فهم معادلات السطة والثروة الظالمة التى رزينا بها ونخبنا تجرى
جنب الحائط تبكى وتضحك لاجل اسعاد صاحب الصولجان وهم يسعون لانتفاخ جيوبهم ناسين ومتناسين اهلهم المظلومين .
ربنا يديك العافية يا اومصطفى