هل المنصورية لا تجيد الكلام الرقيق والاهتمام ام لا تجيد نصب الشباك؟؟؟؟

من طرف **tamador alsyed** الجمعة 23 نوفمبر 2012, 4:47 am

من بعد الســــــــــــــــــــــــلام

سؤال يطرحه المنصورى ولكن ياترى ليخفى ماذا؟؟؟؟عند مرورنا جميعا بموضوع د.النافعابى قرأنا لاكثر من مره ومره ومره الكثير الكثير يردد هن المنصوريات بعرفن الكلام الرقيق؟؟؟وهى المنصوريه تعرف شنو عن الكلام الحلو؟؟والواحد المتزوج منصوريه ذى ولد عمو واحد؟؟تلقى ايده مشققه وتلقها طالعه ونازله مع الغنم ومع الحش!!!والكثير من هذه العبارات ......ولكن لمن يقال هذا الكلام الرقيق ؟؟؟ومن يستحق هذه المعامله الرقيقه؟؟؟واين هو الذى ستتزين المنصوريات من اجله؟؟ومن الذى يسمح لها بالعنايه باطراف يديها وباقى زينتها ؟؟وان افترضنا وان كل هذا حدث من سيرى ويقدر كل هذا؟؟؟؟؟؟؟اسأله كثيره تطرحها ايضا المرأه المنصوريه !!!!الكثير تفتقر له المرأه المنصوريه!!!ولكن تفتقر له فقط المرأه المنصوريه المتزوجه من منصــــــــــــــــــــــــــــــــورى ...فقط وحدها من تطرح مثل هذه الاسئله....(يقولوا ليك المنصوريات مابعرفن الكلام الرقيق ..طيب ماهو بالمنطق كدى وبالواضح كده برضو اذا عندنا فى المناصير مافى حاجه اسمها خطوبه لو الواحد لحق وصل البيت ولحقو ناس البيت قبلوا بى تلقاهم حددو يوم العرس طوالى وحتى اذا ماحددو يوم العرس يعتبر الامر دا كانه حصل طيب انتو كيف تقولوا انها ماحنيبنه مثلا ومابتعرف الكلام المعسول وباقى الحاجات دى تتكلم متين مثلا ؟؟؟!!اذا انت مفروض تعرفه فى الفتره دى وفى مجتمعنا الفتره دى شبه ممحيه!!ورينى بشس تتكلم متين؟؟وانت عرفتها كيف ذاتك بتعرف تتكلم ولا لا؟؟؟دى نفقطه .

والنقطه التانيه ممكن نقول مامشكله نفترض انها اتزوجت من غير خطوبه ومن غير مايتقال او يعرف عنها بانها ذات طبع حنون ولسان معسول...ممكن نقول عندها فرصه لسه المرأه المنصوريه تصلح الكلام البتقال عليها دا بعد الزواج ولـــــــــــــــــــــــكن !!!!!!تصلحوا كيف اذا المنصورى بطبعه لو الليله قالت لى عايزين نرتب او نحتفل مثلا بمناسبة زواج او مناسبة ميلاد طفل او اى مناسبه شبيه اول حاجه يقوله المرأه دى مجنونه والله تحتفلى شنو عشان ماضايقى الضايقوا انا وماعارفه السوق الحاصل فيهو شنو ولا الشغل ماشى كيف وبعدين بلا احتفل معاك كان الاكل والشراب دا قدرنا على تانى ماناقصنا شئ..بس قولوا لى حاصل ولا موحاصل؟!ويجوا يقولوا ليك قال المنصوريه ماذى بنات البندر............واسواء عاده ايضا فى الرجل المنصورى تلقى فى المناسبات لو جاى مع زوجته هو يصل وسلم على المعازيم كلهم ويتغدا كمان حتى تلقى ياداب مرته ظهرت من طرف الشارع وتلقى ياداب اتذكر انها جايه معاهو ويشبكه ماتتحركى سريع يامرأه انتى...لاهسه بس جنس دا يقولوا عليه شنو؟!

ولسه والله فى كتيييييييييييييييييييير بس بواصل بعد انتصار تجى ^_^

والغريبه تلقى الرجل المنصورى نفسه فاتحى وينضم عيوب المرأه المنصوريه وهو ماعرف انو هو السبب الرئيسى فيها هههههههههههه

ياجماعه انا ماقاصده شئ ولا قاصده زول من كلامى ودا مجرد رأى ...ومن هنا بنحى الرجل المنصورى تحيه كبييييييييييييره لانو برضو ماذى باقى رجال القبائل رغم ماذكرنا لن ننسى ايضا المحاسن

الابنة تماضر بعد التحية
نعم كما ورد في البوست هذة مشكلة ولقد كانت تمثل لي شخصيا هاجس وهاجس كبير جدا لان البنت التي تربت في البلد حرمت من اشياء كثيرة علي حساب شخصيتها فاالمجتمع هناك ذكوري بتطرف لذا فقد تكون فعلا فاقدة لبعض الاشياء الضرورية التي ذكرتيها في البوست والمتمثلة في رقة المعاملة ويعزي ذلك الي جانب اخر وهو طبيعة المنطقة ومشقة الحياة ولكن علي الجانب الاخر فهي حريصة جدا علي ان تنجح في حياتها لذا تجدها جادة وصبورة ولها قوة شكيمة وارادة واضعة النجاح صوب عينها قابلة للتحدي ومصممة علي النجاح مع عقل ذكي لذا اري ان الجانب الاخير اقوي من الاول في طرحة مع تشابك الحياة وتعقيداتها وباالمناسبة هذة الظاهرة ليست مختصرة علي المناصير فهي موجودة في معظم المجتمعات ولقد عايشت هذة الظاهرة في اثناء وجودي في السعودية
باالنسبة للمنصوري صحيح فعلا قد يكون حاد الطبع مع شوية تسلط ولكن مع التعليم اري ان هذة الظاهرة سوف تزول او تخف وحقيقة وليس تحيز الرجل المنصوري مسؤل جدا فهو لايتنصل من المسؤلية ومجتهد ويري في تركة لاولادة عيب كبير جدا لذا تجدية جاد في حياتة ومسؤل بعكس معظم الاخريين
لقد طرقتي موضوع مهم

من طرف **خال ابرار** الجمعة 23 نوفمبر 2012, 8:23 pm

تماضر سلاااااااام
والكلام جاب كلام...
طبعا" الزى خال ابرار بتكلم عن تجارب غيره لانو لسه فى البر وقالو الفى البر عوام...
انا ح اتكلم بكل صراحة ووضوح عن اسباب جفاف المشاعر ومحدودية التعامل بين الطرفين فى مجتمعنا المنصورى ع وجه الخصوص والكلام عن تجارب حقيقة وحاصلة...
اولا" ابدأ باسباب جفاف المشاعر لدى النساء:
- معظم النساء بيتعاملو وكانهم آلة او اداة لاعداد الطعام واشباع رغبة الزوج (وكلو بالاوامر والنهره مصحوبة بتكشيرة فى معظم الاحيان يامره سوى كدى يامره جيبى كدى اسلوب جاف شوية).
- الكثير من الرجال بيفتكر انو دوره فى الحياة هو ايجاد لقمة العيش والمرأة وظيفتها اعداد الطعام وانجاب الاولاد (روتين ثابت وممل وحتى لو لقى ليهو زمن تلقى جارى ع الكشتينة والنادى يرفه عن نفسه والاولاد ما عندو بيهم شغلة).
- فقدان الزوجة للامن والطمأنينة بسبب توقعها غدر الزوج فى اى لحظة (يا اما يضربها يا اما اعرس فوقك وكتير من الرجال بيفتكر انو لو ضرب المراة ح تكون مطيعة وتحت امره).
ثانيا" اسباب جفاف المشاعر عند الرجل وبرضو تجارب حقيقية وحاصلة:
-عدم الاهتمام بالمظهر (ومافى حاجة اسمها شقاوة حتى الماشقيانات زى اخواتن الا من رحم ربى).
-الخجل الشديد وعدم المصارحة "(لا فى صغيرى لا كبيرى تلقاها كاتمها كلو جواها ودا باقى لى اسبابو فى الزيجات البتكون الراجل والمراة ما بيعرفو عن بعض حاجة الا بعد الزواج)..
-عدم مراعاة تعب وارهاق الزوج واستقباله بالطلبات والشكاوى (الراجل داير يرتاح وهى دايرى الفلانى والعلانى وكمان بتقارن بى ناس نفيسة وعلوية).
الاسباب كتيرة والبيئة ليها دور بس زى الحاجات دى بدت تختفى نوعا ما...
طبعا" ما ننسى اكيد عندنا الحالات التانية والناس البتتعامل بكل رقى واهتمام وفى المنتدى دا عندنا..
قال رسول الله صلى الله عليه وسلم " لو كنت آمرا أحدا أن يسجد لأحد لأمرت المرأة أن تسجد لزوجها "
وقال رسول الله صلى الله عليه وسلم (خيركم خيركم لاهله)(واستوصو بالنساء خيرا")

يا تماضر الله يستر علينا من الوقوع في[img][ندعوك للتسجيل في المنتدى أو التعريف بنفسك لمعاينة هذه الصورة][/img]

[img][ندعوك للتسجيل في المنتدى أو التعريف بنفسك لمعاينة هذه الصورة][/img]

من طرف **محاسن** السبت 24 نوفمبر 2012, 3:42 am

تماضر موضوعك جميل
بس في سؤال
ليه المراه المنصوريه
مابرضو الرجل المنصوري بنفس الطريقه
فإذا كانت المرأه المنصوريه جافه ولا تجيد التعامل الرقيق كذلك الرجل
فلا تلقو اللوم علي المرأه وحدها
واضافه الي كلام خال ابرار ومطابقه لكلام الباش مهندس هاشم الجزولي
طبيعه المنطقه الجافه هي الاساس في ذلك ولا اختلاف عليه
وكان الرجل راضيا بحاله وكذلك المرأه
لانهم لم يجدوا هذا لاعند اب ولا ام ولا اخت ولا اخ
وجاء الاستنكار بعد الانفتاح الاول على المجتمعات الاخرى
وركزو على الانفتاح الاول لانو في افتاح ثاني
واقول ليكم واقعتين صغار ربما يكونو دليل على صحة كلامي
بالرضى بالحال دون استنكار

الاول واحده ولدا مزوج واحده مامنصوريه وحصل بينهم خلاف
فقالت لها ام الولد يابت نحن المرا عندنا زي {الدلق}

موقف تاني
زوجه عمي شافت ولدا قاعد في المطبخ مع مرتو ومرت اخوه
وهم يسو في الاكل وهو يتونس معاهم فقالت لي
معليش للعباره بس انا حا اقول كما سمعت
شوفي الولد الخايب دا قاعد مع الحريم في الخص
انا ابوه الله يرحمو لمن مات ماجاني يوم داخل في الخص
الا يبقى في ضيوف يقيف في الباب ويقول لي يامره كتري الاكل
وهي طبعا بتقول الكلام دا بكل افتخار
والكلام دا في البلد وقريب يعني
الان طبعا الحال اتغير كتير وحصل انفتاح كبير في البلد
بعد طبعا دخول كتير من الاولاد والبنات للجامعات
وسهوله المواصلات التلفزيونات والموبايلات وغيره من الاشياء
يعني المنصوريه اتغيرت كتييير
واصبحت لاتقل عن بنات المدن في شي
بل بالعكس تحمل كتير من القيم الجميله
والرجل المنصوري مافيهو كلام الا حاجه واحد
هو رجل جااااف واحاينا يصل هذا الجفاف حد الجلافه
آآسفه جدا للاطاله

الرجل المنصوري اتغير يا محاسن.. وبقى تمام

من طرف **علي الكليس** السبت 24 نوفمبر 2012, 4:36 am

والله ياتماضر هذا موضوع جيد وجدير بالنقاش الجاد ونعترف ان هنالك خلل في هذه العلاقه له مسبباته الكثيره قد يكون منها التربيه والنشـأه والبيئه المحيطه والثقافه والتعليم وغيرها من المؤثرات الاخري. جيلنا هذا نشأ هكذا وحتي لو حاول ان يتجمل او يتذوق لن يتمكن بسهوله هنالك شي ما داخلنا يمنعنا . نحب زوجاتنا ولكننا لاننطق كلمة احبك بسهوله . نحب اطفالنا ولكننا لانسمعهم كلمه حنينه .وكذالك نحب امهاتنا الي درجه بعيده ولكننا لانستطيع ان نطبع قبلة حب علي جبينها كل صباح .نطلب ان تقضي حوائجنا في البيت بطريقة فيها كثير من الاستعلاء وعدم الذوق كأن من تطلب منه تقديم الخدمه خادم وليس شريك حياه .نستحي حتي الي وقت قريب ان يسلم الرجل علي زوجته حين عودته من السفر حتي ينفض الناس .هنالك الكثير الذي يمكن ان يقال حول هذا الموضوع ولي عوده

من طرف **tamador alsyed** الأحد 25 نوفمبر 2012, 7:14 am

سلااااامات...

السيد هاشم الجزولى(حدثت وصدقت والرجل المنصورى دا غايتو الله يهدى ساى) والدكتور خال ابرار(باختصار جبت مربط الفرس وسردت الحاصل من عمق الواقع لك تحياتى) والاستاذمحمد حبيب هبرم(ههههههههه الله يبعد منك شرك البندر ولا شرك البلد ؟؟^_^ باقى بنات البلد ذاتن بقن يشركن) والانيقه محاسن(هذا ماكنت احاول ايصاله بان المرأه المنصوريه لاتتحمل وحدها مسؤلية الجفاف)) وخالى الغالى على الكليس(اعجبنى سردك جذبتنى احرفك ..ولكن كيف لنا التخلص من مجتمع يفصح عن الكره بأعل الاصوات ويهمس بالحب فى خفيه كأنه به يعلن عن الصواب ويخفى باقى العيوب اى مجتمع هذا الذى فرض لنا ان نخرج منه ..ربنا يصلح الحال)) لكم تحياتى وصراحه مداخلاتكم تفرح الزول معناها الناس دى حاسه بالنقص البتتعايشه المنصوريه وعارفه تماما انو مااللوم كله عليها ذى مابيقولوا بالاخر[ندعوك للتسجيل في المنتدى أو التعريف بنفسك لمعاينة هذه الصورة]ليكم اسعدنى مروركم لكم تحياتى...

طبعا فى زول هنا ماجبنا سيرته عشان شكلوا نايم ساى [ندعوك للتسجيل في المنتدى أو التعريف بنفسك لمعاينة هذه الصورة] لانه الرجل المنصورى ذى ماياهو والله مهما حاول يخفى تلقى فى اول خطوتين يطلع باطنه(الزعيم ابوحنه ماتتحسس النضم مهم ليك وبرضو اسعدنى مرورك)

من طرف **انتصار حجازي** الأحد 25 نوفمبر 2012, 1:25 pm

العزيزة تماضر
اخبارك

tamador alsyed كتب:!
ولسه والله فى كتيييييييييييييييييييير بس بواصل بعد انتصار تجى ^_^

غايتو يا تماضر يا بت امى يوم بيجينا عكاز طاااير هههههه

طبعا اتطرقتى لموضوع مهم
بس حتى لا نظلم الانسان المنصوري .. فهذه المشكلة تخص الانسان السودانى بشكل عام
فقبل فترة قرات مثل هذا الموضوع فى قروب نسائي بالفيس بوك
وكان الموضوع هو جفاف العواطف عند الشخصية السودانية .... وانه لماذا نحن السودانيين لسنا كالمصريين مثلا

بالنسبة لرأيي فى موضوعك فانا باييد ما قاله هاشم الجزولى جدا

هاشم علي الجزولي كتب:
وحقيقة
وليس تحيز الرجل المنصوري مسؤل جدا فهو لايتنصل من المسؤلية ومجتهد ويري
في تركة لاولادة عيب كبير جدا لذا تجدية جاد في حياتة ومسؤل بعكس معظم
الاخريين

فعلا يا تماضر الرجل المنصوري مسئووول جدا واستحاله تجدى رجل منصوري متملص من مسئولياته تجاه زوجته واسرته بل حتى تجدية وهو بعد الزواج لا زال ايضا مسئول ماديا تجاه اسرته الكبيرة
وهذه ميزة تميز الرجل المنصوري عن غيره

وحتى عن ما ذكر فى ان المنصوري حاد الطبع وجاف فهذه ليست موجودة فى المنصوري المتعلم
لانه بشكل عام التعليم يهذب طبع الانسان سواء كان منصورى او غير منصوري
ولو عاوزة نصيحه من اخت ليك فصدقينى مافى احسن من الرجل المنصوري مسئول ويقدر الحياة الزوجية جدا
يعنى لو جاك عريس غير منصوري فكرى كتيرررر [ندعوك للتسجيل في المنتدى أو التعريف بنفسك لمعاينة هذه الصورة]

اما لو منصورى ومتعلم فعلى بركه الله

تعرفى في اجازتى الفاتت سالتنى احدى المنصوريات وقالت لى انتى ليه فى المنتدى بتشكرى المناصير سواء رجال او حريم وعند اى اساءة للمناصير لية ما بتقبليها
فقلت لها لانى ببساطة لم ارى لهم مساوئ وكل اناء بما فيه ينضح فانا انضح بما رايته فى قبيلتى

بس تعرفى يا تماضر انا حاجه واحدة ما بحبها فى المناصير وبتفقع مرارتى انو الواحد فيهم اذا اتزوج غير منصورية تلقيه يسب فى المنصوريات وكانه متزوج ملاك رغم انو تلقيه البليلة منجضاها ليه فى خشمو Basketball

وانا ما بحب زول يسب لى المناصير ولا المنصوريات وعكازى حايم معاى طواااالى [ندعوك للتسجيل في المنتدى أو التعريف بنفسك لمعاينة هذه الصورة]

من طرف **محاسن** الأحد 25 نوفمبر 2012, 4:35 pm

علي الكليس كلامك تمام
وجبت التايهه ولخصت الموضوع تلخيص جيد
ودي عشانك ياتماضر
شكت لصديقتها ان زوجها عندما يتصل مافي كلام غير انتو كويسين الاولاد كويسين المصاريف وصلت وهو مغترب
فقالت لها صديقتها بادري انت بي كلمه حلو فعندما اتصل سأل اسئلته المعهوده ردت وقالت نحن كويسين بس مشتاقين
قاليها يامرا جنيتي !!!‏‎ ‎

تعليق والحقيقة تكملة بشكل اضافة لما ذكرتة محاسن ان الرجل المنصوري لايجيد الكلام المعسول مع زوجتة بل يكاد لايوجد وهو مهم جدا بل وأساسي أذكر ايضا انة شكت واحدة من زوجها في انة جاف وحاد الطبع ايضا كانت النصيحة بادري انتي وقولي كلمتين ثلاثة من شكل ياحبيبي وياحياتي وبعد يومين كان ردها انة قال لها ( أهة الليلي داير لك شنو )
ولكن كما ذكر صديق الانسان المنصوري اتغير وكذلك البنت المنصورية وكما ذكرتي ياتماضر اصبحت تعرف تصطاد وترمي الشباك ودة شيء ممتاز
باالمناسبة قبل سنوات عدة وانا في الغربة دار مثل هذا النقاش وكان النقاش ان المنصورية لاتعرف الكلام المعسول وكان راي البعض اكثر تشددا انها فاقدة لمثل هذة الاحلسيس وكان ردي انها ليست كذلك فهي تغازل زوجها ولكن بطريقة مختلفة فكان ردهم انهم يريدون برهان علي ذلك فقلت لهم عندما يكون هناك نقاش بين المرأة وزوجها او حديث يتخلل الحديث من جانب المرأة بعض الكلمات مع ابتسامة مثل (عاين خلقتو )
فعبارة عاين خلقتو هي بمثاية نوع من الغزل او تلطيف اما عبارات الحب فعلا قد تخلي منها معظم بيوتنا وقد يعزي ذلك الي نوعية التربية فلقد كان ابهاتنا ناس صعبين جدا ويروا في ذلك نوع من الخمالة ففي عرفهم ان الولد يجب ان لايخالط البنات ابدا وانه هو المسؤل وانة يحب ان يكون صاحب الكلمة العليا في البيت ولكن الوضع اختلف الان تماما واصبحت الشخصية تقومها العقول فاالعقل هو الاساس وفي هذا العصر اصبح للبنات القدح المعلي في جانب التحصيل العلمي وفاتن الاولاد مسافة كبيرة والبنت اصبحت طبيبة ومهندسة لاوبل حتي عالمة لذا اقول وبشوية تحفظ ان الزمان زمان نون النسوة

من طرف **عازه** الأحد 25 نوفمبر 2012, 5:52 pm

فعلا الاخت تماضر دي مشكله مابتعاني منها فقط المنصوريات وانما السودانيين عامه ولكن اعذي ذلك الي اننا شعب عملي وكريم مثلا وسيلة المرأه المنصوريه للتعبير تكون باعداد صحن قراصه كارب تطبيقا للمثل اقصر طريق الي قلب الرجل معدته لكن الزمن اتغير لذلك لابد ان يتغير الاسلوب وتصاحب صحن القراصه وكباية الشاي بعض العبارات الجميله ان رداها بعباره اجمل استخلفي الله فيه وان قال ليكي انتي جنيتي افرحي وتأكدي ان زوجك بالف خير هاهاها

من طرف **خال ابرار** الأحد 25 نوفمبر 2012, 6:27 pm

ههههههههههه والله يا محاسن شكلها المره جنت صح صح ههههههههههههه

من طرف **ود الحمود** الأحد 25 نوفمبر 2012, 6:36 pm

بسم الله الرحمن الرحيم
عفــــــــــــــــــــــــــــــــــــــــــــــــــــــــــــــوا توقعوا ردى على الموضوع
لاحـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــقا ؟؟؟

محمد سليمان الحمود
منصورى ومعرس جعلية الله يحفظها

من طرف **انتصار حجازي** الأحد 25 نوفمبر 2012, 6:52 pm

تعرفي يا تماضر مرة كنا مجموعه من السودانيات نتناقش مع بعض عن لية نحن السودانيات ما زى المصريات ولا السوريات الواحده بنشوفها اذا زوجها اتصل عليها تلفون امامنا بتقول ايوا يا حبيبي ومن الكلام اللى زى دا

فحكت لنا احدى السودانيات شايقية وهى دكتورة فى الكلية عن موقف حدث بينها وبين احدى السوريات متزوجه سعودي وكانت تاتيهم الكلية فى شكل زيارات متكررة لان سكرتيرة الكليه صديقتها
قالت انا عندما يخلص الدوام اتصل من التلفون الثابت بتاع مكتب السكرتيرة ومباشرة اقول لزوجى تعال خدنى بدون اى رتوش واضافات
وكانت السورية دايما تقولها ( هيك بتحكى مع زوجك المفروض تقولى يا حبيبى اولا وهيك شئ ) المهم السودانيه قالت لها نحن السودانيين عيب نقول كدا قدام الناس وبيهمنا ان يكون الحب فعلا وليس قولا

المهم مرت الايام واختفت السورية عن الزيارات
ويوم سالت السكرتيرة وقالت لها وين صاحبتك السورية
فقالت لها السكرتيرة يا حرام اتطلقت ورجعت بلدها
فقالت السودانية وبدون ما تشعر ( بتاعت يا حبيبي اتطلقت ) فما كان من السكرتيرة الا ان ضحكت

طبعا هنا فى السعودية عندنا مواقف كثيرة ومقارنات مع كل الشعوب

من طرف **انتصار حجازي** الأحد 25 نوفمبر 2012, 7:08 pm

شئ تانى ومهم احب اضيفه
اذا لاحظتم ان المناصير بشكل عام لم ولن تجدى لهم قضايا احوال شخصيه
وقضايا الطلاق
مقارنه بغيرنا من القبائل الاخرى يعنى عندنا تكاد تكون معدووومه
عمرك سمعتى بمنصوري عنده قضية طلاق فى محكمة

الواحد مباشرة اذا زوجته ما نفعت معاه يطلقها
فلا تسمعى بمحاكم او غيره

من طرف **amira ali** الأحد 25 نوفمبر 2012, 7:32 pm

الموضوع جميل ومهم ضحكت كثيرا وانا بقرا بعض التعليقات زي ( عان خلقتو هههه هه

جارتي مصريه لها 3 عيال متزوجة واحد من الدويم ومرتاحة مادياا ومبذرين كمان - تصوروا انها تطلقت منه مرتين والان في اخر حبل

ليه لانو حسب كلامها انه لا يقول كلام حلو ولا يعلق حتى علىها اذا غيرت شعرها اومكياجها او نظام وترتيب البيت او او المهم انو يدخل

البيت عاااادي كانو مافي شيئ حاصل وهي تكون منتظراهو عشان يعلق وتصاب بالصدمة كثيرا

تشتكي لي دائما وكنت اقول لها لا تتوقعي هذا من سوداني-كانت تقول ليتني ما اتزوجت سوداني

لكن السؤال هل كان المصري حايحترمها ويستتها ويلبي لها طلباتها زي ما بيعمل زوجها

اخر مشكله بينهم اجتمع الاهل واتلموا عشان يشوفوا المشكلة - حكت نفس الكلام ده انو ما يقول كلام

حلو

اهلها قالوا ليها زي ما انا قلت ليها انك متزوجة سوداني والسوداني ماهو مصري وده طبع السودانيين

وربنا يسعد الجميع- ويلم تماضر في اليسعدها وتخلي التنظير -والفي البر عوام

الاخت اميرة الحتية دي فعلا مهمة وانا اري ان جارتك لها حق وطبيعتنا سيئة لازم رفع الروح المعنوية عندما يكون هناك مستجد في البيت لكسر حاجز الرتابة من شكل تغير في البيت او تغير لبسة او تغير طريقة التسريح للشعر او التعليق علي الاكل مثل (ياسلام حاجة تمام الطعم والشكل ماهو اصلو الصانع كدي ) انا اتذكر ونتيجة لتعليق اصرت البنت علي ان تطبخ لنا وجبة الغداء وفعلا كانت رائعة واصبحنا نطلب منها ان تطبخ من وقت لاخر مما شجع الصغيرات الي ان يحاولن ان يحذون مثلها هذا شيء اساسي ومهم ولابد من التعود علية
لكن جارتك دي يا اميرة بدل ما تشاكل الراجل كان تقول لية عاين خلقتو

من طرف **ساري الليل** الإثنين 26 نوفمبر 2012, 3:09 am

اميره على كتب:
ويلم تماضر في اليسعدها وتخلي التنظير -والفي البر عوام

لا يا تماضر أنا ما نايم... متابع.. مرات البوست لما يكون جميل بفضل القراءة والمتابعة على الكتابة..
لكن في ناس قالوا ليكي الفي البر عوام..
موش كدة الحكاية..
أنت في البر لكن بعلمك وسرد الناس هنا ؟
أنت في البحر
بمعنى
أنك سوف تستفيدين من هذا الطرح، وتنجمع عندك تجارب الآخرين، وعموم التجارب، عشان لما يجيكي ود الحلال... أو إنت تجيهو، تكوني عرفتي تختاري صاح.. واتفاديتي التجارب المرة عن طريق الفكر.
لأن الزواج والاختيار مسألة صعبة للغاية، وهي غلطة العمر التى لن تتصلح إذا حدثت.. لذلك مثل هذه البوستات مهم ليعمل تطعيم للواحدة..والبوست هادف منه يستفيد صاحب التجربة واللي لسه ما عاش التجربة، يعطي خيوط أمل للعاشوا التجربة، بالترقيع والتصحيح، ويعطي أفكار للقادم على التجربة.

من طرف **علي الحمود** الإثنين 26 نوفمبر 2012, 9:15 pm

دوّرت دويره عجيبه مرة واحده!!!!!!!!!!
الله يجيب العواقب سليمه.........
ما فى عسل زى عسلنا روقو كدى أدوها صنا..
من مدرستو إمتحنا ومرقنا متل ما دخلنا..
شايفو مقطع الحنا
يمين جمالو محنا
.........................
مشيت فى شرى واليوم أربعا لقيت لى طالبه الله ينجحا
تنزل دمعاتى (حنك يمسحا)
فى رقه أكتر من كده؟؟حنان يجفف الدموع ورقه متناهيه..
البوغه والسبلوقه والجدول والحماره واللوبا مالن ده ما عز وجمال ورقه.
عايشين التجربه ومستمتعين بيها وما ما شين بعيد بنريد المنصوريات بى قسوتن!!!!!!!
ديل وزينتين فى نيلن..فى جزيرة أترم مقيلن يا حليلن!!!!!القليب ما حبا غيرن!!!!!!

من طرف **علي الحمود** الإثنين 26 نوفمبر 2012, 9:17 pm

السلام والحب يا خال لازم يكون فى محل براهو!!!!!!!!
يصلك ويلقاك تسبح فى السعاده والرفاهية وكل الناس الحلوين المعاك..

من طرف **tamador alsyed** الثلاثاء 27 نوفمبر 2012, 2:09 am

انتصار حجازي كتب:
العزيزة تماضر
اخبارك

tamador alsyed كتب:!
ولسه والله فى كتيييييييييييييييييييير بس بواصل بعد انتصار تجى ^_^
غايتو يا تماضر يا بت امى يوم بيجينا عكاز طاااير هههههه

طبعا اتطرقتى لموضوع مهم
بس حتى لا نظلم الانسان المنصوري .. فهذه المشكلة تخص الانسان السودانى بشكل عام
فقبل فترة قرات مثل هذا الموضوع فى قروب نسائي بالفيس بوك
وكان الموضوع هو جفاف العواطف عند الشخصية السودانية .... وانه لماذا نحن السودانيين لسنا كالمصريين مثلا

بالنسبة لرأيي فى موضوعك فانا باييد ما قاله هاشم الجزولى جدا

هاشم علي الجزولي كتب:
وحقيقة
وليس تحيز الرجل المنصوري مسؤل جدا فهو لايتنصل من المسؤلية ومجتهد ويري
في تركة لاولادة عيب كبير جدا لذا تجدية جاد في حياتة ومسؤل بعكس معظم
الاخريين

فعلا يا تماضر الرجل المنصوري مسئووول جدا واستحاله تجدى رجل منصوري متملص من مسئولياته تجاه زوجته واسرته بل حتى تجدية وهو بعد الزواج لا زال ايضا مسئول ماديا تجاه اسرته الكبيرة
وهذه ميزة تميز الرجل المنصوري عن غيره

وحتى عن ما ذكر فى ان المنصوري حاد الطبع وجاف فهذه ليست موجودة فى المنصوري المتعلم
لانه بشكل عام التعليم يهذب طبع الانسان سواء كان منصورى او غير منصوري
ولو عاوزة نصيحه من اخت ليك فصدقينى مافى احسن من الرجل المنصوري مسئول ويقدر الحياة الزوجية جدا
يعنى لو جاك عريس غير منصوري فكرى كتيرررر [ندعوك للتسجيل في المنتدى أو التعريف بنفسك لمعاينة هذه الصورة]

اما لو منصورى ومتعلم فعلى بركه الله

تعرفى في اجازتى الفاتت سالتنى احدى المنصوريات وقالت لى انتى ليه فى المنتدى بتشكرى المناصير سواء رجال او حريم وعند اى اساءة للمناصير لية ما بتقبليها
فقلت لها لانى ببساطة لم ارى لهم مساوئ وكل اناء بما فيه ينضح فانا انضح بما رايته فى قبيلتى

بس تعرفى يا تماضر انا حاجه واحدة ما بحبها فى المناصير وبتفقع مرارتى انو الواحد فيهم اذا اتزوج غير منصورية تلقيه يسب فى المنصوريات وكانه متزوج ملاك رغم انو تلقيه البليلة منجضاها ليه فى خشمو

وانا ما بحب زول يسب لى المناصير ولا المنصوريات وعكازى حايم معاى طواااالى [ندعوك للتسجيل في المنتدى أو التعريف بنفسك لمعاينة هذه الصورة]

سلاااااااااااااااام على الناس البياعه...المره دى سيتى فينى حقت الجبنه فزع بقى وجع انا اقول مابتم كلامى الا انتصار تجى وانتى لماتجى تقولى لى اذا جاك غير المنصورى فكرى[ندعوك للتسجيل في المنتدى أو التعريف بنفسك لمعاينة هذه الصورة]واذا جاء منصورى اتوكلى ..صدمتينى صدمتينى affraid

من طرف **tamador alsyed** الثلاثاء 27 نوفمبر 2012, 2:13 am

محاسن كتب:علي الكليس كلامك تمام
وجبت التايهه ولخصت الموضوع تلخيص جيد
ودي عشانك ياتماضر
شكت لصديقتها ان زوجها عندما يتصل مافي كلام غير انتو كويسين الاولاد كويسين المصاريف وصلت وهو مغترب
فقالت لها صديقتها بادري انت بي كلمه حلو فعندما اتصل سأل اسئلته المعهوده ردت وقالت نحن كويسين بس مشتاقين
قاليها يامرا جنيتي !!!‏‎ ‎

هههههههههههههههههههههههههههههههههههههههههههههههههه جنت جنت المره دى يامحاسن ويقولها كدى لى شنو مسى خلقته^_^

من طرف **tamador alsyed** الثلاثاء 27 نوفمبر 2012, 2:18 am

عازه كتب:فعلا الاخت تماضر دي مشكله مابتعاني منها فقط المنصوريات وانما السودانيين عامه ولكن اعذي ذلك الي اننا شعب عملي وكريم مثلا وسيلة المرأه المنصوريه للتعبير تكون باعداد صحن قراصه كارب تطبيقا للمثل اقصر طريق الي قلب الرجل معدته لكن الزمن اتغير لذلك لابد ان يتغير الاسلوب وتصاحب صحن القراصه وكباية الشاي بعض العبارات الجميله ان رداها بعباره اجمل استخلفي الله فيه وان قال ليكي انتي جنيتي افرحي وتأكدي ان زوجك بالف خير هاهاها

...سلام عازه......الليله ياعازه كلامك دا خطير يعنى المابتعرف تعمل قراصه راحت عليه ولاشنو ههههههههههههههههههههه

من طرف **tamador alsyed** الثلاثاء 27 نوفمبر 2012, 2:24 am

ساري الليل كتب:
اميره على كتب:

ويلم تماضر في اليسعدها وتخلي التنظير -والفي البر عوام

...الانيقه اميره والرائع سارى الليل

النعوم هسه الدنيا دى مامعروفه يمكن يجى يوم وانسى العوم Very Happy

من طرف **tamador alsyed** الثلاثاء 27 نوفمبر 2012, 2:50 am

صديق عبدالله علي أبوحنة كتب:
وتنجمع عندك تجارب الآخرين، وعموم التجارب، عشان لما يجيكي ود الحلال... أو إنت تجيهو!!!!!!!!!!!!!!عاد يازعيم يجىكى دى كلنا عارفنها بس انت تجيهو دى كيفنها!!ماعندة خبرها علو بس المنصوريه اتطورت واتثقفت وبقت تمشى تتكلم وتخطب كمان ، تكوني عرفتي تختاري صاح.. واتفاديتي التجارب المرة عن طريق الفكر.
لأن الزواج والاختيار مسألة صعبة للغاية، وهي غلطة العمر التى لن تتصلح إذا حدثت.. لذلك مثل هذه البوستات مهم ليعمل تطعيم للواحدة..والبوست هادف منه يستفيد صاحب التجربة واللي لسه ما عاش التجربة، يعطي خيوط أمل للعاشوا التجربة، بالترقيع والتصحيح، ويعطي أفكار للقادم على التجربة.

صدقت يازعيم عشان ماكل حاجه الا الزول يعيشه فى حاجات ممكن نتعرف عليه ونتعمق داخله من تجارب الغير واهو ذى مابيقولوا الزواج نصيب ..ولكن الاختيار قرار

من طرف **tamador alsyed** الثلاثاء 27 نوفمبر 2012, 3:25 am

المرور الكرام ...اسعدتنى احرفكم,,وشكرا ع المرور وعلى ارائكم القيمه[ندعوك للتسجيل في المنتدى أو التعريف بنفسك لمعاينة هذه الصورة]...

بس عندى تذكره بسيطه (البوست دا اساسا اتكتب عشان موضوع د.النافعابى اللى كان عنوانه مالو يتزوج اولادنا من غير المنصوريات شفت كتير من الناس تركت رأس الموضوع وبقت تتكلم عن سلبيات المرأه المنصوريه متجاهلين عيوب الرجل المنصورى وحتى اسم البوست دا اتسرق من سؤال احد المتداخلين ..بس حبيت اذكرهم انو ذى ماالمنصوريه تنقصها بعض الجماليات ايضا يفتقر المنصورى للكثير ...والكمال لله ايها المنصورى..

واكيد الزول مابيعب نفسه يعنى ابوى منصورى وخالى منصورى وعمى منصورى وجدى منصورى وامى ذاته منصوريه وحتى حبوبتى منصوريه ماح اجى انا واعيب المنصورى ولكن لا نعتبر ماذكرنا عيوب ممكن نعتبره بعض النواقص التى يمكن لمن اراد علاجها ..المعزره بس انا بفضل دايما مااخلط جانب النقاش بالاشياء الاخرى عشان كده كتبت عن الشئ الشايفه والكلنا عارفنه فى الرجل المنصورى بس مامعنى كده انى برئ الرجل المنصورى قليل القيمه وحتى موافقتى انو المنصورى يتزوج من الخارج كانت لاختلاط بعض المفاهيم والثقافات التى نحتاجها نحن كقبيله...للجميع تحياتى

من طرف **ود الحمود** الثلاثاء 27 نوفمبر 2012, 3:28 am

بسم الله الرحمن الرحيم
آلسلآم عليڪم فى آلبدء آلٺحيه لطآرح آلمۈضۈع ۈڪثر آلحديث حۈل آلمۈضۈع ۈلآن آلمۈضۈع يمسنى
ۈڪنٺ محٺفطظ بحق آلرد (آلجمرة بٺحرق آلۈآطيهآ) ۈلمآ لدى من ٺجربة شخصية فى آلزۈآج من خآرج
آلقبيلة فرآيى من يٺمحۈر فى عدة زۈآيآ
أۈلآً: آلبنٺ آلمنصۈرية آلمۈجۈدة بآلبلد
ثآنيآ : آلبنٺ آلمنصۈرية آلٺى آٺٺ آلى آلعآصمة
ثآلثآ : آلبنٺ آلمنصۈرية آلٺى منذ صغرهآ نشآءٺ بآلخرطۈم
فلندلف آلى آلحديث بآلٺفصيل ( دعۈنى آڪمل من فضلڪم)
ۈلدى ملحۈظه مهمة خـــــــــــــــآلص
ۈمعلش يعنى ۈرآيڪم يهمنى فى آلحٺآ دى ۈدآ حآصل فى ڪل قبآئل آلنيل للآۈلى (بٺ آلبلد ) آلسمحة
( سمآحة سمآحة ۈشى الطبع عند الله ) بعرسۈهآ لۈد عمهآ ( لاحب ولا حاجتين ) ۈ يقآٺل فيهآ ؟؟؟
طيب آلنجى ليهم ٺآنى بآلٺفصيل :-
آلآۈلى : ۈشرحنآ جزء منهآ ۈللآسرة هنآ دۈر ڪبير آلۈآلد لۈ مٺعلم آۈ ۈآحد فى آلآسرة من آخۈآنآ بقى غدۈة رآح ٺۈآصل ٺعليمآ
ۈربمآ ٺٺزۈج ۈربمآ ٺظل مخطۈبة ۈٺڪمل حسب قنآعٺهآ.

آلٺآنية : آلجآٺ من آلبلد آلخرطۈم طبعآ عندهآ عقدة من آى زۈل مآ منصۈرى ۈيآ جآٺآ صدمة حضآرية ۈآنفڪٺ بۈشيهآ ( آلڪلآم ده فى آلجآمعة ) ۈدى عندهآ رآى طبعآ آلبٺ فٺحٺ يآ ٺحب ليهآ ۈد منصۈرى قيآفة مفٺح زيهآ ۈٺبآرى ( شآفٺ رفآقٺآ ) ۈيآ دقسٺ ۈقعٺ فى غير منصۈرى آسٺۈب .

التانية : الجات من البلد الخرطوم طبعا عندها عقدة من اى زول ما منصورى ويا جاتا صدمة حضارية وانفكت بوشيها ( الكلام ده فى الجامعة ) ودى عندها راى طبعا البت فتحت يا تحب ليها ود منصورى قيافة مفتح زيها وتبارى ( شافت رفاقتا ) ويا دقست وقعت فى غير منصورى استوب .

نجى للتالتة: طبعا اكيد سمحة سماحة ( ضلله هههه ) يا ابوها وامها سمحين ( بالصدفة او ابوها مفتح ومريش ) قلع امها من البلد او اى جنس اخر وطلعت سمحة ودى عندها كم حكاية اكملا ليكم لو طلبتوا منى ذلك

اخيرا وليس اخرا اسف للاطالة والذى زكرتة قابل للصح والغلط ونسمع اراءكم ونكمل تسلموا الله يحفظ بناتنا ...

ود الحمود
محمد سليمان الحمود

من طرف **ود الحمود** الثلاثاء 27 نوفمبر 2012, 3:38 am

راح اكمل عن التالتة وكلامى الفوق عن التانية
وشكرا

ود الحمود بهلا.. ود أختى
.........
منصوريي مكملا وزايدي فوق البنوت حلاه
...........
أولادنا يختارو غير المنصوريات مرات عاد القسمي..

يا تماضر ....علي عبد الله الجنا الفنطوط الما قام من الواطه دا___ قاعد ويتفصح قال ما داير يعرس منصوريي عشان المنصوريات ما فيهن أنوثه... خفست عليهو واحدي ضكره متربيه بين خمسة ولاد زي الأسود وقالتلو: الأنوثه خليناها ليك أنت أتمسح ساااااكت
شن قولك في نضم بت عمي دي يا تماضر... أنا قلت ليها ما كان تحرجيهو كدي...

قالت لي دا أحرج المنصوريات كلهن لازم يقعد في علبو صاح sm263

من طرف **نجلاء زمراوي** الأحد 23 ديسمبر 2012, 4:33 am

محمد حبيب بشير هبرم كتب:يا تماضر ....علي عبد الله الجنا الفنطوط الما قام من الواطه دا___ قاعد ويتفصح قال ما داير يعرس منصوريي عشان المنصوريات ما فيهن أنوثه... خفست عليهو واحدي ضكره متربيه بين خمسة ولاد زي الأسود وقالتلو: الأنوثه خليناها ليك أنت أتمسح ساااااكت
شن قولك في نضم بت عمي دي يا تماضر... أنا قلت ليها ما كان تحرجيهو كدي...

قالت لي دا أحرج المنصوريات كلهن لازم يقعد في علبو صاح [ندعوك للتسجيل في المنتدى أو التعريف بنفسك لمعاينة هذه الصورة]

صاحبه البوست لك الف تحيه

اعجبتني مداخله الكريم ود هبرم...واضحكتني

ما شاء الله عليكم ...دخلتو العولمه من اوسع ابوابها!!!!!!!!!!!!

يا اخوانا صاحبة البوست مشت وين وخلتنا حايمين فيهو برانا كدي لأنه عندنا قضايا اجتماعيه كتيييري دايرين رايكن فيها ... يا نجلاء يعجبوك وليداتك نان وكت عجبتك ما تورينا رايك شنو... انتي باقي لي متضامنه معاهو... وكلام بت عمي دا شايفاهو غلط

سلام على كل المتداخلين الرائعين

منصورى راحل عليه رحمة الله زوج بنته التى يعرف طبائعا جيداً وهو محتار ! لماذا إختار هذا الزوج بنتى ؟ ولم يبد هذا التعليق أكيد . مرت الأيام وأيقن أنه ( شبيهنا وا تلاقينا )

بعد فترة قصيرة إختلف الزوجان ( وحردت بتو وجاتو راجعة واجتمع الأجاويد ) وكلٌ أدلى بدلوه وصاحبنا صامت على غير عادته وعندما استنطق واستفز تنهد ثم قال : ( أنا غايتو كان بقيت عزابى طول حياتى فلانة دى ما بعرسة وكان بقيت فى محل فلانة دى مع زيد دا للصباح فد يوم واحد ما بصبح )

يقصد بنته وزوجها فتم الصلح وعرف كلُ منهم قدر نفسه

المحترم ود هبرم .
والله انا اري ان الكلام الرقيق والذوق ما بتعلمو شي كدي طبيعي وما اطيبهن بنات عمي المنصوريات!!!!!!!!!

راجلا يجي بنصب الشباك ما هو مضمون!!!!!!!1

يا نجلاء أهاها رايك شنو في دي...
هسع دي مرا الزول يعرسا ؟؟ هو الشىء دا عرس ولا اخد -- جني وجن الواحد يقولك اخد بت فلان - اللخد دا طوالى يوديك للمشترا والمشترا يوديك للدفع والدفع يوديك للسلعة المعروضة فى سوق الله دا .. والمرا ليست سلعة خلونا نقول تزوج بت علان .
والسلعة مرات بتكون ماها 100% يعنى الحكاية فيها قولان هههههههه.
اها بعد دا كلو الوجعة ان بقت النوع داك :-
تسمع قهقتها وعلو ضحكاتها وانت مار بجوار منزلها وانت فى الشارع .
تصول وتجول بين الرجال بصوت عالى وجهور .
ترفع صوتها على زوجها .
تهمل بيتها وعيالها وتحجر المناسبة مهما كانت بعيدة .
الافتاء فى امور لا تدركها تماما .
راكبة فى اللوري ... وفت تنط تنزل قبال الرجال .
الكريعات غبش ومشققات .
النخرة بى باقى عيجنها واللدين بى سجم دوكتن .
النضم تلفحو لفح .
مكجنه نسابتها .
العوين وسخانين .
تسف ود عمارى .

براحة معانا ناس فى السوق دايرين ياخدوا ما تخوفوهن

من طرف **ابو مصطفى** الخميس 03 يناير 2013, 4:25 pm

بسم الله الرحمن الرحيم

بسم الله ............. بسم الله

تلفوا وتدوروا من الحقيقة والكلام النجيييييييييد
والمنصورية وما ادراك ما المنصورية ؟؟؟؟؟؟؟
اقيفوا اسمععوا ابو مصطفى ؟؟؟؟؟؟؟؟؟

والله تلفوا الدنيا دى كلها مره زى بت المناصير ما بتلقوها ؟؟؟؟؟؟؟؟؟؟؟؟ لكن القسم فوق الرقاب ؟؟؟؟؟؟؟؟ تجربة حياة وابو مصطفى متزوج رباطابية وقالوا هم قريبين من المناصير ؟؟؟؟؟؟؟؟؟؟؟؟؟؟؟؟؟ والله فى حاجات دقيقة ما فى راجل منصورى يلقاها الا فى المراة المنصورية ؟؟؟؟؟؟؟؟؟؟ظ زى شنو ؟؟؟؟؟؟؟؟؟ظ عم على الكليس عارف ؟؟؟؟؟ظ وخالى صديق عارف وكل الكبار هنا عارفين ؟؟؟؟؟؟؟؟؟؟؟؟ظ

لا تهم يا خوى ابسنيد وقالوا قايم شوك للعشر ؟؟؟؟؟؟؟؟؟
وزى---------------- فى البنوت نقر
يا جماعة انا اتلخبطت وقعدت كداد ؟؟؟؟؟؟؟؟؟؟؟ الحكاية واصل الرواية ؟؟؟؟؟؟؟؟؟؟

البئة + الوراثة بى تشكل سلوك كل الناس ؟؟؟؟؟؟؟؟
لكن ما تقولى دى خرطومية ودى ريفية ؟؟؟ اوع من كلام زى دا ؟؟؟؟؟؟؟؟؟؟؟؟؟؟ المنصورية ياها المنتصورية ؟؟؟؟؟

والله طاريك يا دهب السبيك ؟؟؟؟؟؟؟؟؟؟؟؟؟؟؟؟

ارجع واقول حاجة ؟؟؟؟ المنصورى من يعمل ليهو قرشين ثلاثة ؟؟؟؟؟؟؟؟؟ يقعد يشيلها فى المراة ؟؟؟؟؟؟؟؟؟؟؟ بس تبقى قصتو وموضوعه الرئيسى ؟؟؟؟؟ المراة ؟؟؟ مالها المسكينة ؟؟؟؟؟ والله يقولك عندى حاجات ما لاقيها ؟؟؟؟؟؟؟؟؟؟؟؟؟
ورينى بالعربى كده الحاجات التى انت ما لاقيها فى المراة المنصورية ؟؟؟؟؟؟؟؟؟؟؟؟؟ مالها ؟؟؟؟ ناقصة فى شنو ؟؟؟؟؟؟؟؟؟؟ حنية زايدة مافى ؟؟؟؟؟؟؟؟؟؟ ما الانسان وليد البئة ؟؟؟؟؟؟؟؟؟؟؟؟؟ مالها ما شايفة روحها ومتجيه؟؟؟؟؟؟؟؟؟؟ والله كلامك دا معناهو شنو ؟؟؟؟؟؟؟؟؟؟؟؟؟؟

ياعالم يا خلائق تلفوا صينية وما تلقوا زى المنصورية ؟؟؟؟؟؟؟؟؟ اسالوا ابو مصطفى ؟؟؟؟؟؟؟؟؟؟ والقسم فوق الرقاب ؟؟؟؟؟

اللهم الطف بنا فى ما جرت به المقادير ؟؟؟؟؟؟؟؟؟؟؟؟؟؟؟؟؟؟

تحياتى
ابو مصطفى ولى عودة

من طرف **amira ali** الجمعة 04 يناير 2013, 3:17 am

محمد حبيب بشير هبرم كتب:يا نجلاء أهاها رايك شنو في دي...
اها بعد دا كلو الوجعة ان بقت النوع داك :-
تسمع قهقتها وعلو ضحكاتها وانت مار بجوار منزلها وانت فى الشارع .
تصول وتجول بين الرجال بصوت عالى وجهور .
ترفع صوتها على زوجها .
تهمل بيتها وعيالها وتحجر المناسبة مهما كانت بعيدة .
الافتاء فى امور لا تدركها تماما .
راكبة فى اللوري ... وفت تنط تنزل قبال الرجال .
الكريعات غبش ومشققات .
النخرة بى باقى عيجنها واللدين بى سجم دوكتن .
النضم تلفحو لفح .
مكجنه نسابتها .
العوين وسخانين .
تسف ود عمارى .

هه هه هه ........ طول ما ضحكني موضوع بالمنتدى ده بالغت فيها يا هبرم
بس ما اظن تجد مثل هذه النوعية في الزمن ده-صعوط كمان
تخيلتها طبعا
اما كلمة اخد ده كلمة قبيحة وفيها حقارة واستهانة بالمراة ولا يستخدمها الا القلائل

الاخ المحترم هبرم

مالك صورت المراه وكأنها من العصر الحجري...شئ عجين وشئ سفه وشئ لوري!!!!!!!!!!!1
المراه التي من هذا النوع انقرضت حتي في الولايات لان العولمه دخلت كل البيوت واصبحت المراه تجاري ما تراه امامها .

والله اذا اي واحده عملت بنصيحه وصيه ام لابنتها والتي جاء فيها
كوني له ارضا يكن لك سماء
هذه العباره تحمل معاني كثيره

استمع اخي هبرم الي هذه القصه

في واحده تتنزه مع زوجها في حديقه الحيوان وعندما مرو امام الاسد وجدوه يا كل وزوجته واقفه امامه فقالت الزوجه لزوجها
ما اتعسها من حياه تعني ان الاسد مستعبد زوجته
ثم بعد ذلك مروا اما م قرود تلعب وتقفز فقالت الزوجه ما اجملها من حياه!!!
وكان رد الزوج ان ذهب الي حظيره الاسد وقذف بزجاجه فارغه امام زوجه الاسد فهاج الاسد واحذ يجري يمنه ويسري

ثم ذهب الي محل القرود وقذف الزجاجه فاخذت القرود تهرب حوفا من ان تتاذي بالقزازه الفارغه عندئذ قال الزوج لزوجته
لا تخدعك المظاهرو فما بالداخل اجمل واحلي

يعني البي عجينه دي يمكن تكون ذات صفات احسن من ذات المكياج!!

والفوق اللوري يمكن تكون احسن من السايقه فلكسواجن!!!!
يعني ما ناخد الناس باشكالهم بل بصفاتهم

وجه نظر...

حبيب الحسن معرس خالتي النعيمه بت عمو والحمد لله حالتهم مستورة وعندهن وليداتا يا حلاتن نفرت عوين واحدين فى الاساس وواحدين فى العالي وغايتو يدعبشوا فى الحياة. لكن عمي حبيب الحسن جابلو عادة كعبة تب قدر ما يشوفلو مرتا طلقوها والله راجلها مات يقول داير يعرس ونقوم عليهو نكاتلو ويهجس شوية وتانى يرجع -- وهو مسكين ماعندو التكتح رزق اليوم باليوم ..
اها كلم النعيمه قالها هووى يا عجبولك انا ان بقيت لقيت لى عروس داير اعرس رايك شنو ؟ ضحكت وقالت لو دى منو الشهيدة البيتاخدك انت بعد دا العمر قرقرقرقرقرقرقرقرقرقرررررر.

الهدف :

الهترشة الكتيرة بالعرس التانى يعنى شنو ؟
الزول ان بقى اتوكل وعرس بيحصل شنو؟
ماهى دواعى العرس التانـــــــــــــــــــى ؟

ناس كضابين بالحيل
مودتى وتقديرى

من طرف **نجلاء زمراوي** الجمعة 11 يناير 2013, 3:06 pm

اخي هبرم اي واحد هيترش ويكتر الكلام في العرس التاني ..ما بيعرس تب!!!!! داير يفك عقدتو بالنضم !!!!!!!!!!ولا مو هيك
يعني الحداث مو سواي...قلبناها

نجلاء زمراوي كتب:الاخ المحترم هبرم

مالك صورت المراه وكأنها من العصر الحجري...شئ عجين وشئ سفه وشئ لوري!!!!!!!!!!!1
المراه التي من هذا النوع انقرضت حتي في الولايات لان العولمه دخلت كل البيوت واصبحت المراه تجاري ما تراه امامها .

والله اذا اي واحده عملت بنصيحه وصيه ام لابنتها والتي جاء فيها
كوني له ارضا يكن لك سماء
هذه العباره تحمل معاني كثيره

استمع اخي هبرم الي هذه القصه

في واحده تتنزه مع زوجها في حديقه الحيوان وعندما مرو امام الاسد وجدوه يا كل وزوجته واقفه امامه فقالت الزوجه لزوجها
ما اتعسها من حياه تعني ان الاسد مستعبد زوجته
ثم بعد ذلك مروا اما م قرود تلعب وتقفز فقالت الزوجه ما اجملها من حياه!!!
وكان رد الزوج ان ذهب الي حظيره الاسد وقذف بزجاجه فارغه امام زوجه الاسد فهاج الاسد واحذ يجري يمنه ويسري

ثم ذهب الي محل القرود وقذف الزجاجه فاخذت القرود تهرب حوفا من ان تتاذي بالقزازه الفارغه عندئذ قال الزوج لزوجته
لا تخدعك المظاهرو فما بالداخل اجمل واحلي

يعني البي عجينه دي يمكن تكون ذات صفات احسن من ذات المكياج!!

والفوق اللوري يمكن تكون احسن من السايقه فلكسواجن!!!!
يعني ما ناخد الناس باشكالهم بل بصفاتهم

وجه نظر...

والله يا نجلاء البنات البيسفن ديل غايتو انا ما عارف سبب السفه شنو ,, لكن بتذكر عندنا زميلتنا فى الجامعة كانت بيتسف ... ومرة سألتها عن السبب قالت لى هى اصلا كانت بتسجر وبعدين السجارة فى البيت مزعجة ومرة ابوها شم ريحة السجارة وقالهن الليلة الجاكن دا منو فى ريحة سجاير ومن اليوم داك حولت للصعوط -- لكن الله بيسعلنى اكان شوفتيها تقوليلنا كلن سفوا راجيين شنو... والغريبة اسمها سماهر شوفى سماحة الاسم دا .

ناس خرمانين بلحيل