شوف عيني الحبيب بي حشمة لابس التوب

الجــــــــــــــــــــــــــلابيــــــــــــه بيضــــــاء مكويـــــــــــــــــــــــــــــــــــــــــــــــــــــــــــــــــــــــه..

عاد ياريس القميص الفى الصوره عجيييب ...ياخ انا بقيت لماااشوف لى زول لابس جلابيه اقرب اوقفه اسلم على واتصور معاهو واقول لى الحمدلله نحن لسه فى السودان مع السستم والحاجات الوقعوا فيها الاولاد ديل يعنى حتى الجلابيه دايره انقاذ ماالتوب براهو

أيوة هو كدة يا تماضر.. فعلا موش التوب براهو... حتى الجلابية خايفنها تروح في خبر كان.. الله يهون..
......
كمان حتى البي يلبس جلابية، بقت معاها طاقية بس بلا عمة..
حتى الفنانين الجديدين بتاعين الطنبور، بقت طاقية بس! وظهرت الطواقي المزركشة والملونة..
هسي دي لو قلتى لى محمد جبارة أو عيسى بروى.. غنى بلا عمة! يقدر يغني!
محمد كرم الله ... الله يرحمو لامن مات يغني بي عمتو!
لو قال ليهو بتاع البرنامج عايزنك تغني بي طاقية بلا عمة.. يستحيل يعملا! يشوف نفسو زي العريان..
خليك من الفنانين..
هسي دي لو قلتي لى ( علي الكليس) تعال بي طاقية مزركشة مع الجلابية بس مناسبة عزاء. أو باشي.. دحين بي يجي! يشوف نفسو مشاتر..