الحسن علي عون الله.. عقلية المناصير الجبارة
+11
انتصار حجازي
محمد عمر محمد
الرشيد طه
مصباح محمد مصباح
ابو مصطفى
بت الحسناب
ودالبلد
م بروي
يس مصطفي
خالد عابدين
صديق عبدالله علي أبوحنة
15 مشترك
صفحة 1 من اصل 1
الحسن علي عون الله.. عقلية المناصير الجبارة
زول في منتهي الحصافة والذكاء.. والعقلية التجارية مع التدين.. لو كتب له أن عاش في العاصمة، لكان من أصحاب العمارات الشاهقة، ولكن هي المناصير، وخجلهم وتواضعهم، ومحدودية تصورهم احياناً.. حتى الفن والمديح لم يزدهر فيها، نسبة للنظرة المتشدده بدون وجه حق أحياناً.. عيسي بروي لم يكن عيسي لولم يهاجر الي كريمة ولا كان عبد الرحمن البركل ولا عبد الرحيم البركل... لو لا أنهم هاجروا إ لى البركل بعد أن تزلطت ركبهم بحجار عقيبة اللمين.. حتى حاج الماحي هاجر لديار شايق ليسوق بضاعته، عندما كان يدرس في خلوة( الكرو) سأله الناس! إنت منصوري والله شايقي.. فأجابهم بحصافة في قصيدته
الماحي المبطر. أمي ماسطر.. يا الختم توجوك بالمر
............
الي أن قال ما يقصده
جابا الماحي وأهلي كاسنجر
.................
يعني أنا من الكاسنجر.. بغض النظر عن أني شايقي أو منصوري، ولكنه كان يخفي في باطنه بفخر كلمة منصوري.. بدليل أنه تزوج من قرية أبورميلة.. وأحفاده بعده تزوجوا من جزيرة إششي.. وخالطوا المناصير في جوانب عديدة يطول ذكرها الآن
......................
لو هاجر عمنا الحسن علي عون الله الي العاصمة مثلاً، لكان من أفذاذها..
.......................
شعر بأن سوق النعوفاب مصدر دخل.. ومركز قوي للتجارة، فأسس به دكاناً.. شعر بأن الكاب ميناء هاماً للغاية ، فأسس به دكاناً... أول من أدخل وكالة إستقبال جازولين ووكيل معتمد، يليه سعد أحمد سعد، وطيفور سيد أحمد... شل.. توتال.. أجيب..
كان من أوائل من أدخلوا ماكينات الري في المنطقة..
كان عضو محكمة شري، ساعد كثيراً في تضميد جراح الناس واصحاب الشكاوي
........................
لم أخالط معظم أبنائه، غير استاذ الجيل محمد الحسن وحسين الحسن علي عون الله.. وعبد الله الحسن علي عون الله.. وجدتهم من أذكى ما شاهدت في حياتي
....................
له الرحمة والمغفرة بقدر ما قدم لعيال منصور..
الماحي المبطر. أمي ماسطر.. يا الختم توجوك بالمر
............
الي أن قال ما يقصده
جابا الماحي وأهلي كاسنجر
.................
يعني أنا من الكاسنجر.. بغض النظر عن أني شايقي أو منصوري، ولكنه كان يخفي في باطنه بفخر كلمة منصوري.. بدليل أنه تزوج من قرية أبورميلة.. وأحفاده بعده تزوجوا من جزيرة إششي.. وخالطوا المناصير في جوانب عديدة يطول ذكرها الآن
......................
لو هاجر عمنا الحسن علي عون الله الي العاصمة مثلاً، لكان من أفذاذها..
.......................
شعر بأن سوق النعوفاب مصدر دخل.. ومركز قوي للتجارة، فأسس به دكاناً.. شعر بأن الكاب ميناء هاماً للغاية ، فأسس به دكاناً... أول من أدخل وكالة إستقبال جازولين ووكيل معتمد، يليه سعد أحمد سعد، وطيفور سيد أحمد... شل.. توتال.. أجيب..
كان من أوائل من أدخلوا ماكينات الري في المنطقة..
كان عضو محكمة شري، ساعد كثيراً في تضميد جراح الناس واصحاب الشكاوي
........................
لم أخالط معظم أبنائه، غير استاذ الجيل محمد الحسن وحسين الحسن علي عون الله.. وعبد الله الحسن علي عون الله.. وجدتهم من أذكى ما شاهدت في حياتي
....................
له الرحمة والمغفرة بقدر ما قدم لعيال منصور..
صديق عبدالله علي أبوحنة- كبار الشخصيات
احترام قوانين المنتدى :
عدد المساهمات : 7523
نقاط : 45850
تاريخ التسجيل : 14/07/2010
رد: الحسن علي عون الله.. عقلية المناصير الجبارة
عمنا الحسن علي عون الله
راجل حكيييم
هادي الطبع
حتى لو عايز يقضالو غرض يقضاهو بهدوء بدون جلبقة والله كوراك
حتى بسمتو هادية تبسم وليست قهقه
يفر عن أسنانه
مشلخ تلاتة شلخات خفيفة كدة لافوق
................ز
كان عندو حمار أبيض.. موش عالي.. لكن من الكراع لغاية سوق النعوفاب يصل في لحمة بصر..
دكانو في السوق بي وراء فاتح بالجنبة على دكان عاشة بت سليمان حبوبة أخونا وقريبنا البرجوب
..............................
حسناً فعلو ناس كبنة والكراع وحوليهم أن خلدوا ذكرى الرجل بمدرسة عون الله تقديرا وعرفانا لمساهمات الرجل الكثيرة في المنطقة
....................
لمان العم الحسن علي عون الله عرف إسمي ما تتصوروا شدة فرحتي كانت كيف؟
يقولا بلكنة الشوايقة كدة براحة( سديق) بالسين
عندو لي تقدير شديد للغاية لأسباب كثيرة.. ويحترمنى لغاية ما أخجل من نفسي مع إنو أنا لم أتجاوز العشرين من العمر
ولمان يكون عندو كلام مع حاج عبد الله يوجهو لى أنا ووشو في وشي..
راجل حكيييم
هادي الطبع
حتى لو عايز يقضالو غرض يقضاهو بهدوء بدون جلبقة والله كوراك
حتى بسمتو هادية تبسم وليست قهقه
يفر عن أسنانه
مشلخ تلاتة شلخات خفيفة كدة لافوق
................ز
كان عندو حمار أبيض.. موش عالي.. لكن من الكراع لغاية سوق النعوفاب يصل في لحمة بصر..
دكانو في السوق بي وراء فاتح بالجنبة على دكان عاشة بت سليمان حبوبة أخونا وقريبنا البرجوب
..............................
حسناً فعلو ناس كبنة والكراع وحوليهم أن خلدوا ذكرى الرجل بمدرسة عون الله تقديرا وعرفانا لمساهمات الرجل الكثيرة في المنطقة
....................
لمان العم الحسن علي عون الله عرف إسمي ما تتصوروا شدة فرحتي كانت كيف؟
يقولا بلكنة الشوايقة كدة براحة( سديق) بالسين
عندو لي تقدير شديد للغاية لأسباب كثيرة.. ويحترمنى لغاية ما أخجل من نفسي مع إنو أنا لم أتجاوز العشرين من العمر
ولمان يكون عندو كلام مع حاج عبد الله يوجهو لى أنا ووشو في وشي..
صديق عبدالله علي أبوحنة- كبار الشخصيات
احترام قوانين المنتدى :
عدد المساهمات : 7523
نقاط : 45850
تاريخ التسجيل : 14/07/2010
رد: الحسن علي عون الله.. عقلية المناصير الجبارة
لما طالب المناصير بمحكمة في المناصير.. تفادياً للسفر الى أبوحمد أو بربر.. صدقت لهم الحكومة المحلية وإدارة المحاكم محكمة شعبية، على أن يبحث المناصير عن كاتب عدل، أو كاتب محكمة، وشرطي.. وأن يكون كاتب المحكمة مندرج في سلك المحاكم الوظيفي وليس تعييناً جديداً..
كانت نقطة شرطة شري في بدايات تكوينها، قبل أن يكتمل تكوينها، كان يأتي للمحكمة شرطي من نقطة بوليس شرطة الكاب.. وقد كان ذلك في عام1974 يأتي يوم كل اسبوع.. وناس المحكمة يدفعون له من بند الغرامات بدل سفرية وبدل عليقة حمار. . بعد ما اكتمل النصاب في شرطة شري، بسياسة عمنا الحسن علي عون الله، أوقف الشرطي الذي يحضر من الكاب، واستبداله بشرطي من نقطة شري حفظاً للمال العام حينما أصبحت ليست هنالك ضرورة لإحضار شرطي من الكاب.. وإن كان الشرطي الذي يحضر من الكاب ، قد زعل في ذلك وجقلب.ز نسبة لأن حق عليقة الحمار وبدل السفرية كان يغطي معاه.. و قد حرش هو دفعته الشرطة الذي كان يحضر من شري، عشان برضو يدوهو حق المركب بتاعة عبد الله ود العجمي.... ضحك عمنا الحسن علي عون الله وقال لشرطي الكاب... دي بطبطتاً ماها نافعي.. أخير لينا حق مركب عبد الله ود العجمي بدل عليقة الحمار وحق السفريي
.......................... ولكن قال ليهو أنا كل يوم قطر بفتح دكاني في الكاب، لو احتجت لك في حاجة تعال هناك
...........................
لقد تغلبت محكمة المناصير على موضوع الشرطي ووجدته.. فضل كاتب العدل أ كاتب المحكمة
أشارت لهم الايادي على الأخ هاشم عباس حسب الله من جزيرة شري.. وقتها كان يعمل موظف كاتب في محاكم عطبرة
وكان النقاش دائراً في دكان العم الحسن علي عون الله قبل أن يصبح محكمة.. ولكنه نظم على أن يكون ساحة محكمة.. فأفرغ الدكان وشال البنك والرفوف.. وأحضرنا نحن طاولة من الحنانين وأربعة كراسي مساهمة للمحكمة..
...................
أها قام قال عثمان سليم علي الشاعر عليه رحمة الله
والله هاشم موضوعو صعب.. لأنو متزوج من خارج المناصير ومرتو تعودت على عيشة المدن وهي من شندي.. يمكن تحميهو
...............ززز
هنا تدخل القانون أحمد الحسن عثمان من شري وضحك وقال:
أول هاشم مرتو غريبيي على البلد أعماما وأهلا كلهن في شري
عشان الموضوع يبقى مغري
سوف نكتب خطاب لإدارة المحاكم بعطبرة تديهو علاوة أو ترقية لمنطقة شدة.. ونحن هنا بنديهو حق مركب ( اللشيو) يعدي بي إبراهيم فضل أو مركب ولاد الحلبيي ونزود كمان حق المركب شوية
.................
شاء لهم ما أرادوا
تكونت المحكمة..
من الآتية أسماءهم
1 الحسن علي عون الله ... الكراع
حسن أحمد الفكي.... شري
3 عثمان سليم علي الشاعر... شري
4 أحمد الحسن عثمان.... شري
.................................
وقد وافق الأعضاء على أن يسندوا رئاستها الى العم الحسن علي عون الله، ولكنه بحصافته قد كان رجلاً ديمقراطياً فقال بالحرف الواحد وقد كنت حاضرا للنقاش
ياجماعة أنا أشكركم ولكن عندي نقطة نظام
قالوا نسمع
أنا أقترح عشان الحكاية تكون تمام والأعضاء يستفيدوا
تكون الرئاسة بالتناوب.. كل شهر واحد
وافق الجميع
..................
وقد اعتذر الوالد عن المشاركة في المحكمة.. وقال والله كل زول يرتب أمورو كما يحب، وأنا رجل مادح الرسول وقلبي حنيين واخاف أن أظلم زول والمحكمة أصعب شي يوم القيامة
ما عاوز أتميز عليكم، لكن كان أحسنتو الحكم أجركم مضاعف شديد..
أنا سوف أعمل لكم عمل آخر مفيد
وهو أنني خارج المحكمة قبل ما القضيي تدخل المحكمة أنا أحاول بي برة أصلح المتشاكين وأكون مجلس صلح يكون معتمد عندكم بدل ما زول يتسجن والله يتغرم كتير وولادو واسرتو أحوج ما يكون لهذا المبلغ!
اثنوا على رأيه، وقالوا كدة إنت بي تكون ساعدت المحكمة كتير
وبالفعل انعقد مجلس صلح ساهم كتير جدا في حلحلة قضايا المناصير وقد تكون المجلس خارج المحكمة من
1 الوالد عبد الله أبوحنة
2 عضو المحكمة نفسها عثمان سليم علي الشاعر
3 أحمد محمد الزين من قرية الزيناب
4 الطيب الحسين الفحل أحياناً
5 نصر الدين أحمد نصر الدين .. أحياناً
6 شيخ جزيرة شرري الشيخ دبيليب
7 عثمان أحمد سليمان من السلمات
8 سلمان محمد الخليفة من قرية النعوفاب.. أحيانا
...............................
قام قال عمنا الحسن علي عون الله
ياجماعة الحكاييي إتنظمت فضل فطور أعضاء المحكمة وأنا أقترح حاج عبد الله عليهو الفطور.. وأنا أتبرع بدكاني للمحكمة
ضحك الجميع وقالوا مافي مانع
الوالد قال كدة جبتوا لى أجر زيادة بي حكاية الفطور دي
لما طلعوا خارج المحكمة والحق يقال .. وسوس سلمان محمد الخليفة في أذن الوالد وقال ليهو ياحاج عبد الله عشان ندخل في الأجر.. خلي الفطور أسبوع على واسبوع عليك... وافق الوالد
هكذا تكونت أول محكمة شعبية نافذة في المناصير خلفاً للإدارة الأهلية السابقة
كانت نقطة شرطة شري في بدايات تكوينها، قبل أن يكتمل تكوينها، كان يأتي للمحكمة شرطي من نقطة بوليس شرطة الكاب.. وقد كان ذلك في عام1974 يأتي يوم كل اسبوع.. وناس المحكمة يدفعون له من بند الغرامات بدل سفرية وبدل عليقة حمار. . بعد ما اكتمل النصاب في شرطة شري، بسياسة عمنا الحسن علي عون الله، أوقف الشرطي الذي يحضر من الكاب، واستبداله بشرطي من نقطة شري حفظاً للمال العام حينما أصبحت ليست هنالك ضرورة لإحضار شرطي من الكاب.. وإن كان الشرطي الذي يحضر من الكاب ، قد زعل في ذلك وجقلب.ز نسبة لأن حق عليقة الحمار وبدل السفرية كان يغطي معاه.. و قد حرش هو دفعته الشرطة الذي كان يحضر من شري، عشان برضو يدوهو حق المركب بتاعة عبد الله ود العجمي.... ضحك عمنا الحسن علي عون الله وقال لشرطي الكاب... دي بطبطتاً ماها نافعي.. أخير لينا حق مركب عبد الله ود العجمي بدل عليقة الحمار وحق السفريي
.......................... ولكن قال ليهو أنا كل يوم قطر بفتح دكاني في الكاب، لو احتجت لك في حاجة تعال هناك
...........................
لقد تغلبت محكمة المناصير على موضوع الشرطي ووجدته.. فضل كاتب العدل أ كاتب المحكمة
أشارت لهم الايادي على الأخ هاشم عباس حسب الله من جزيرة شري.. وقتها كان يعمل موظف كاتب في محاكم عطبرة
وكان النقاش دائراً في دكان العم الحسن علي عون الله قبل أن يصبح محكمة.. ولكنه نظم على أن يكون ساحة محكمة.. فأفرغ الدكان وشال البنك والرفوف.. وأحضرنا نحن طاولة من الحنانين وأربعة كراسي مساهمة للمحكمة..
...................
أها قام قال عثمان سليم علي الشاعر عليه رحمة الله
والله هاشم موضوعو صعب.. لأنو متزوج من خارج المناصير ومرتو تعودت على عيشة المدن وهي من شندي.. يمكن تحميهو
...............ززز
هنا تدخل القانون أحمد الحسن عثمان من شري وضحك وقال:
أول هاشم مرتو غريبيي على البلد أعماما وأهلا كلهن في شري
عشان الموضوع يبقى مغري
سوف نكتب خطاب لإدارة المحاكم بعطبرة تديهو علاوة أو ترقية لمنطقة شدة.. ونحن هنا بنديهو حق مركب ( اللشيو) يعدي بي إبراهيم فضل أو مركب ولاد الحلبيي ونزود كمان حق المركب شوية
.................
شاء لهم ما أرادوا
تكونت المحكمة..
من الآتية أسماءهم
1 الحسن علي عون الله ... الكراع
حسن أحمد الفكي.... شري
3 عثمان سليم علي الشاعر... شري
4 أحمد الحسن عثمان.... شري
.................................
وقد وافق الأعضاء على أن يسندوا رئاستها الى العم الحسن علي عون الله، ولكنه بحصافته قد كان رجلاً ديمقراطياً فقال بالحرف الواحد وقد كنت حاضرا للنقاش
ياجماعة أنا أشكركم ولكن عندي نقطة نظام
قالوا نسمع
أنا أقترح عشان الحكاية تكون تمام والأعضاء يستفيدوا
تكون الرئاسة بالتناوب.. كل شهر واحد
وافق الجميع
..................
وقد اعتذر الوالد عن المشاركة في المحكمة.. وقال والله كل زول يرتب أمورو كما يحب، وأنا رجل مادح الرسول وقلبي حنيين واخاف أن أظلم زول والمحكمة أصعب شي يوم القيامة
ما عاوز أتميز عليكم، لكن كان أحسنتو الحكم أجركم مضاعف شديد..
أنا سوف أعمل لكم عمل آخر مفيد
وهو أنني خارج المحكمة قبل ما القضيي تدخل المحكمة أنا أحاول بي برة أصلح المتشاكين وأكون مجلس صلح يكون معتمد عندكم بدل ما زول يتسجن والله يتغرم كتير وولادو واسرتو أحوج ما يكون لهذا المبلغ!
اثنوا على رأيه، وقالوا كدة إنت بي تكون ساعدت المحكمة كتير
وبالفعل انعقد مجلس صلح ساهم كتير جدا في حلحلة قضايا المناصير وقد تكون المجلس خارج المحكمة من
1 الوالد عبد الله أبوحنة
2 عضو المحكمة نفسها عثمان سليم علي الشاعر
3 أحمد محمد الزين من قرية الزيناب
4 الطيب الحسين الفحل أحياناً
5 نصر الدين أحمد نصر الدين .. أحياناً
6 شيخ جزيرة شرري الشيخ دبيليب
7 عثمان أحمد سليمان من السلمات
8 سلمان محمد الخليفة من قرية النعوفاب.. أحيانا
...............................
قام قال عمنا الحسن علي عون الله
ياجماعة الحكاييي إتنظمت فضل فطور أعضاء المحكمة وأنا أقترح حاج عبد الله عليهو الفطور.. وأنا أتبرع بدكاني للمحكمة
ضحك الجميع وقالوا مافي مانع
الوالد قال كدة جبتوا لى أجر زيادة بي حكاية الفطور دي
لما طلعوا خارج المحكمة والحق يقال .. وسوس سلمان محمد الخليفة في أذن الوالد وقال ليهو ياحاج عبد الله عشان ندخل في الأجر.. خلي الفطور أسبوع على واسبوع عليك... وافق الوالد
هكذا تكونت أول محكمة شعبية نافذة في المناصير خلفاً للإدارة الأهلية السابقة
صديق عبدالله علي أبوحنة- كبار الشخصيات
احترام قوانين المنتدى :
عدد المساهمات : 7523
نقاط : 45850
تاريخ التسجيل : 14/07/2010
رد: الحسن علي عون الله.. عقلية المناصير الجبارة
رحم الله حسن علي عون الله واسكنه فسيح جناته وتشكر ياصديق على الموضوع الجميل وسيرة هذا الرجل السامق في تاريخ المناصير واتمنى من الاخ فتح الرحمن ان يدلي بدلوه ويحدثنا عنه فالرجل كماتعلمون جده - وبالمناسبة حسن علي واجدادي ابوالوالد والوالدة امهاتهم بنات خالات - من النقعة أي هم أولاد خالات
حسن علي لازلت اذكره ونحن اطفال عندما يحضر في كبنة للسفر عبر لوريه (الملكة ) او لوري ابنه حسين (الرحيل ) وكان مكتوبا عليها في صفحة التنك زهرة من جناين كبنة
كانت كبنة عامرة منذ ان فتحنا عيوننا بفضل هذا الرجل ودكان عبدالغفار الذي هو اصلا لابنه حسين الحسن
كان دكان عبدالغفار هو المحطة التي تقف فيها اللواري وخاصة الملكة والرحيل وكذلك مكان تجمع للمسافرين للخرطوم وعطبرة وكدباس خاصة في ذلك الوقت
واذكر كذلك السائق الجعلي من العبيدية وهو سائق لوري حسن علي (الملكة ) وقضى هذا الرجل زمنا طويلا سائقا وملازما لحسن علي حتى وفاته رحمة الله عليه
كما اذكر السائق الطويل من شندي اعتقد لقبه العنكليب (عنكوليب)
وقد قال عنه الحاج محمد حمودي وهو في الحسبه خاله
(كتبته من المصدر في منتدى شعراء المناصير تقريبا ولا اذكره الان )
حسن علي انت في شق وهم في شق
هم شقيقك وانت المرق
الي .....
خالك يضحك لامن شرق
حسن علي لازلت اذكره ونحن اطفال عندما يحضر في كبنة للسفر عبر لوريه (الملكة ) او لوري ابنه حسين (الرحيل ) وكان مكتوبا عليها في صفحة التنك زهرة من جناين كبنة
كانت كبنة عامرة منذ ان فتحنا عيوننا بفضل هذا الرجل ودكان عبدالغفار الذي هو اصلا لابنه حسين الحسن
كان دكان عبدالغفار هو المحطة التي تقف فيها اللواري وخاصة الملكة والرحيل وكذلك مكان تجمع للمسافرين للخرطوم وعطبرة وكدباس خاصة في ذلك الوقت
واذكر كذلك السائق الجعلي من العبيدية وهو سائق لوري حسن علي (الملكة ) وقضى هذا الرجل زمنا طويلا سائقا وملازما لحسن علي حتى وفاته رحمة الله عليه
كما اذكر السائق الطويل من شندي اعتقد لقبه العنكليب (عنكوليب)
وقد قال عنه الحاج محمد حمودي وهو في الحسبه خاله
(كتبته من المصدر في منتدى شعراء المناصير تقريبا ولا اذكره الان )
حسن علي انت في شق وهم في شق
هم شقيقك وانت المرق
الي .....
خالك يضحك لامن شرق
خالد عابدين- Admin
- احترام قوانين المنتدى :
عدد المساهمات : 2564
نقاط : 33202
تاريخ التسجيل : 22/03/2010
رد: الحسن علي عون الله.. عقلية المناصير الجبارة
من قصص الحسن علي عون الله
انو لما كانوا هو والوفد المرافق في مدينه الدامر بخصوص مقابله الحاكم بغرض تسجيل مدرسه عون الله 0 ولما وعدهم بمقابلته بهد شهر من تاريخه 0امر وفده بان يشتروا حله ودقيق قمح ونصب الخيمه داخل حوش الحاكم 0وما مر يوم واحد اي في صبيحه اليوم التاني كان الحسن علي ووفده قد استلموا خطاب التصديق بالمدرسه 0هكذا كان اجدادنا واباءنا يطاردون قضاياهم
انو لما كانوا هو والوفد المرافق في مدينه الدامر بخصوص مقابله الحاكم بغرض تسجيل مدرسه عون الله 0 ولما وعدهم بمقابلته بهد شهر من تاريخه 0امر وفده بان يشتروا حله ودقيق قمح ونصب الخيمه داخل حوش الحاكم 0وما مر يوم واحد اي في صبيحه اليوم التاني كان الحسن علي ووفده قد استلموا خطاب التصديق بالمدرسه 0هكذا كان اجدادنا واباءنا يطاردون قضاياهم
عدل سابقا من قبل يس مصطفي في الإثنين 22 نوفمبر 2010, 9:36 pm عدل 1 مرات
يس مصطفي- نائب المدير العام
مشرف المنتدى الاسلامي
احترام قوانين المنتدى :
عدد المساهمات : 1273
نقاط : 29775
تاريخ التسجيل : 04/05/2010
العمر : 45
رد: الحسن علي عون الله.. عقلية المناصير الجبارة
عون الله كبيرنا وزعيمنا
وربنا يدخله جنات النعيم
بقدر ما قدم لأهله
و من مساهماتهم العكبيرة
في تطوير المنطقة فتح خط الغرب
وكل خطوط العربات الحاليه ومعه
الزعيم أحمد الحسن.
وربنا يدخله جنات النعيم
بقدر ما قدم لأهله
و من مساهماتهم العكبيرة
في تطوير المنطقة فتح خط الغرب
وكل خطوط العربات الحاليه ومعه
الزعيم أحمد الحسن.
م بروي- كبار الشخصيات
- احترام قوانين المنتدى :
عدد المساهمات : 2592
نقاط : 33187
تاريخ التسجيل : 24/04/2010
رد: الحسن علي عون الله.. عقلية المناصير الجبارة
حاج الحسن رجل عقمت حواء المناصير ان تلد مثله وكفى.
اللهم ارحمه واحسن مثواه
اللهم ارحمه واحسن مثواه
ودالبلد- عضو فضي
- احترام قوانين المنتدى :
عدد المساهمات : 869
نقاط : 28192
تاريخ التسجيل : 25/05/2010
رد: الحسن علي عون الله.. عقلية المناصير الجبارة
شايفين العقليات الكبيرة تتصرف كيف يا ولاد؟انو لما كانوا هو والوفد المرافق في مدينه الدامر بخصوص مقابله الحاكم بغرض تسجيل مدرسه عون الله 0 ولما وعدهم بمقابلته بهد شهر من تاريخه 0امر وفده بان يشتروا حله ودقيق قمح ونصب الخيمه داخل حوش الحاكم 0وما مر يوم واحد اي في صبيحه اليوم التاني كان الحسن علي ووفده قد استلموا خطاب التصديق بال
أنا زول مواطن أجيك إنت مسؤول أقول ليك عايز اسوي لى مدرسة وأهل المنطقة موافقين يبنوها بالعون الذاتي! بس عايزين منك التصديق... تقول لينا تعالوا بعد شهر؟
خلاص نجيب حلة ودقيق وندق خيمة ننتظر الشهر جنبك بي هنا.. بدل ما نرجع ونجيك..
الزول المسؤول مفروض يكون خادم للناس موش عقبة أمام الناس..
شوف حكمة حاج الحسن في التصرف السلمي. إعتصام سلمي.. لازم يعقبه الحل..
صديق عبدالله علي أبوحنة- كبار الشخصيات
احترام قوانين المنتدى :
عدد المساهمات : 7523
نقاط : 45850
تاريخ التسجيل : 14/07/2010
رد: الحسن علي عون الله.. عقلية المناصير الجبارة
خالد إنت محمد ود حمودي حاضرو؟ مات زمان افتكر
مادح كان.. صاحب أبوي. لمان يجي السوق ما كان بيفوت أبوي
ناس البلد كعادتهم يجوا السوق بالعراقي والسروال الوسخانات بتاعات البوغة.. لكن ود حمودي ده ده دائما تلقاهو نضيف وبالجلابية البيضاااء المكوية
والعمة.. زول من أولياء الله راجل دائم البسمة سهل.. طيب ممتاز.. كعادة الناس الكبار مرات يضعوا كحل على عيونهم؟
مادح كان.. صاحب أبوي. لمان يجي السوق ما كان بيفوت أبوي
ناس البلد كعادتهم يجوا السوق بالعراقي والسروال الوسخانات بتاعات البوغة.. لكن ود حمودي ده ده دائما تلقاهو نضيف وبالجلابية البيضاااء المكوية
والعمة.. زول من أولياء الله راجل دائم البسمة سهل.. طيب ممتاز.. كعادة الناس الكبار مرات يضعوا كحل على عيونهم؟
صديق عبدالله علي أبوحنة- كبار الشخصيات
احترام قوانين المنتدى :
عدد المساهمات : 7523
نقاط : 45850
تاريخ التسجيل : 14/07/2010
رد: الحسن علي عون الله.. عقلية المناصير الجبارة
يصعب جداً أن يوثق إنسان لشخصية كثيرة التنقل وكثيرة المجالات الخدمية والتجارية في البلد وخارج البلد مثل حاج الحسن علي عون الله.. ولايكتمل التوثيق إلا من عدة زوايا، ومن عدة أناس عاصروه.. ومن عدة كتاب وموثقين ومحللين. ولذلك كلما كثرت الزوايا، تأصل التوثيق وتأطر... فأنا مثلاً حينما أكتب عن هذا الرجل القامة، اكتب من منظوري الخاص حيث سمحت لى الظروف بحكم العمل العام مشاهدته..فأنا أري بعض الأخوة هنا تداخلوا وذكروا شذرات من قيم الرجل.. وعليه نرجوا المزيد من الأخوة الأعضاء في هذا المجال.
صديق عبدالله علي أبوحنة- كبار الشخصيات
احترام قوانين المنتدى :
عدد المساهمات : 7523
نقاط : 45850
تاريخ التسجيل : 14/07/2010
رد: الحسن علي عون الله.. عقلية المناصير الجبارة
رحمت اللة تتقمدة جدنا الحسن علي الذي لاتسع هذة السطور ان تتوفية قليل من حقة
كان له مضيفة او كما يقولون ديوان ينزل فية كل مسافر زمان لمن كان القطار ينتظرو اللوري
كان حكيما يصمت حتي يستمع لاراء من حولة حتي يقول راية
لة الرحمة والمغفرة ولي عودة مرة اخرة لنوفي هذا الرجل العظيم حقة
![الحسن علي عون الله.. عقلية المناصير الجبارة Icon_flower](https://2img.net/i/fa/i/smiles/icon_flower.png)
![الحسن علي عون الله.. عقلية المناصير الجبارة Icon_flower](https://2img.net/i/fa/i/smiles/icon_flower.png)
![الحسن علي عون الله.. عقلية المناصير الجبارة Icon_flower](https://2img.net/i/fa/i/smiles/icon_flower.png)
بت الحسناب- عضو جديد
احترام قوانين المنتدى :
عدد المساهمات : 20
نقاط : 26042
تاريخ التسجيل : 19/06/2010
رد: الحسن علي عون الله.. عقلية المناصير الجبارة
كان هنالك شخص في الكاب إسمو أحمد خميس.. والناس عادة تقول ليهو ود خميس. من جهة الكاب..هذا الرجل كان الساعد الأيمن لحاج الحسن في توزيع الجازولين.. وهو من العتالة.. والعتالة مصدر رزق كبير للغاية في الكاب.. وكانت العتالة كلها على ظهر الحمير، نسبة لرمال الكاب.. وأحمد خميس كان رائداً بأن أدخل الكارو مع الحصان وقد كان يشرف على بعض توزيع الجازولين مع حاج الحسن، إلا أنه مرات يتعاون مع سعد أحمد سعد. لأن الكارو تشيل البراميل. ويعجز باقي العتالة عن ذلك.. وقد كان في الماضي يتم ترحيل براميل الجاز بالدحرجة فقط.. وأحياناً الناس تستعمل الترولي بتاع الدراسة. عن طريق خط وابور ( الدونكي) الذي يملا خزان المياه للقطر..
أحمد خميس كان دائماً يشكر حاج الحسن على فعل الخير في المحتاجين ومرات يعطيه بعض قروش الزكاة لتوزيعها في قرى الكاب المحيطة..مرة جاي أشيل جاز وقد رفض واحد كان حارس للفناطيز أن يعطيني.. بأننا ليس في هذا الكشف.. وأن هذا الكشف للبوابير فقط.. وحصة اللنش من الجازولين هذه المرة ليست عندنا وإنما مع سعد أحمد سعد.. وأنا أعلم أن سعد وزع حصته من الجازولين.... فهرولت بسرعة الى دكان حاج الحسن، فحكيت له الحاصل، عاين لى في وشي.. ولم ينطق بكلمة واحدة.. كتب على وريقة كدة 2 وشخبت كدة على السريع في الورقة.. شلت الورقة وجري على الفناطيز.. الزول الحارس الفناطيز قال لى إنت عملتا شنو؟ قلت ليهو ولا حاجة؟. قال لى حاج الحسن مفروض يمشي يقطع السادي قبل ثلاث ساعات في بكا هناك. الأخرو شنو؟ قلت ليهو رزقي؟
أحمد خميس كان دائماً يشكر حاج الحسن على فعل الخير في المحتاجين ومرات يعطيه بعض قروش الزكاة لتوزيعها في قرى الكاب المحيطة..مرة جاي أشيل جاز وقد رفض واحد كان حارس للفناطيز أن يعطيني.. بأننا ليس في هذا الكشف.. وأن هذا الكشف للبوابير فقط.. وحصة اللنش من الجازولين هذه المرة ليست عندنا وإنما مع سعد أحمد سعد.. وأنا أعلم أن سعد وزع حصته من الجازولين.... فهرولت بسرعة الى دكان حاج الحسن، فحكيت له الحاصل، عاين لى في وشي.. ولم ينطق بكلمة واحدة.. كتب على وريقة كدة 2 وشخبت كدة على السريع في الورقة.. شلت الورقة وجري على الفناطيز.. الزول الحارس الفناطيز قال لى إنت عملتا شنو؟ قلت ليهو ولا حاجة؟. قال لى حاج الحسن مفروض يمشي يقطع السادي قبل ثلاث ساعات في بكا هناك. الأخرو شنو؟ قلت ليهو رزقي؟
صديق عبدالله علي أبوحنة- كبار الشخصيات
احترام قوانين المنتدى :
عدد المساهمات : 7523
نقاط : 45850
تاريخ التسجيل : 14/07/2010
رد: الحسن علي عون الله.. عقلية المناصير الجبارة
صراعات الكبار مرات تولد مشكلة أو تنافس حر
كادت أن تحصل كارثة بين لنش حاج عبد الله ابوحنة ولنش حاج الحسن قبالة الحيبي الشرقيي في عام1970.
كان اللنشيين محملين بالركاب للطيش في موسم الضحية وتصادم اللنشين في البحر وكادت أن تحصل كارثة يموت فيها غرقاً كمية من النساء والرجال.. ولكن ربنا قدر ولطف.. عدد كبير من ركاب اللنشين حملوا المسؤولية حمودة خلف الله من قرية السادي.. لأنو هو الذي بدأ بضرب لنش حاج عبد الله في البحر.. ولكن هذا خطأ... وقد كنت داخل اللنش شاهداً على الحادثة.. ويرجع الفضل في تسوية هذه المشكلة لمربي الأجيال والرجل الحكيم الزكي محمد الحسن على عون الله.. ولشخصى الضعيف، فقد قلت شهادتي وكان عمري حوالي16 سنة امام حاج الحسن... إنو حموده بري من هذه الحادثة، ويجب على الوالد أن لايحمله المسؤولية الكاملة.. ولا لحاج الحسن أن يلومه،
الحق يقال ان حمودة فقد السيطرة على اللنش وبفعل تيار الشيمة قذفت الأمواج اللنش تجاهنا.. وحموده ماعندو اي سبب في التعمد او القصد، بإيحاء أو بغير إيحاء
. ما تصدقوا حمودة عليه رحمة الله فرح من نقطتي دي كيف؟ وانبسط كيف؟
حاج الحسن تبسم.. وقال الكلام كلام الولد الفلته ده؟ صديق
ومن يومها صار يحترمني إحترام لامن أخجل..
ولمان يجي المحكمة في السوق كنت إحتراماً له لرد الجميل آخذ منو الحمار وأربطوا في ( المدور)
أها تاني يوم من مشكلة اللنش هذه
الأستاذ محمد الحسن عون الله.. ارسل واحد من ناس الكراع راكب حمار حاج الحسن وجانا في الحنانين وقال الآتي
أستاذ محمد الحسن قال ليك ياحاج عبد الله بكرة السفرية ما تفوتوا طوالي..نحنا ضابحين خروف كرامة في الكراع لازم تربطوا اللنش في الكراع وتجوا الكرامة..
أها بكرة وانا كنت في الإجازة الصيفية من المدرسة ثلاثة شهور. كنت في اللنش. لمان وصلنا جنب كبنة ومقابل الكراع .. كان الأستاذ محمد الحسن همه أن نركز وكان خايف نفوت، فجاء جاري من البيوت لمان شاف لنشينا يلوح بيده وطلع عمتو من راسو يلوح بيها، ركزنا وربطنا اللنش وفطرنا وانبسطنا وكل شئ كان على مايرام والركاب كلهم فطروا واتقهوجوا
ثم واصلنا رحلتنا الى الكاب
هكذا كان كبارنا في المناصير حكماء ظرفاء.مؤدبين.. عاقلين.. التحية لهم في مراقدهم الأبدية ورحمة تغشاهم من رؤوف رحيم..
كادت أن تحصل كارثة بين لنش حاج عبد الله ابوحنة ولنش حاج الحسن قبالة الحيبي الشرقيي في عام1970.
كان اللنشيين محملين بالركاب للطيش في موسم الضحية وتصادم اللنشين في البحر وكادت أن تحصل كارثة يموت فيها غرقاً كمية من النساء والرجال.. ولكن ربنا قدر ولطف.. عدد كبير من ركاب اللنشين حملوا المسؤولية حمودة خلف الله من قرية السادي.. لأنو هو الذي بدأ بضرب لنش حاج عبد الله في البحر.. ولكن هذا خطأ... وقد كنت داخل اللنش شاهداً على الحادثة.. ويرجع الفضل في تسوية هذه المشكلة لمربي الأجيال والرجل الحكيم الزكي محمد الحسن على عون الله.. ولشخصى الضعيف، فقد قلت شهادتي وكان عمري حوالي16 سنة امام حاج الحسن... إنو حموده بري من هذه الحادثة، ويجب على الوالد أن لايحمله المسؤولية الكاملة.. ولا لحاج الحسن أن يلومه،
الحق يقال ان حمودة فقد السيطرة على اللنش وبفعل تيار الشيمة قذفت الأمواج اللنش تجاهنا.. وحموده ماعندو اي سبب في التعمد او القصد، بإيحاء أو بغير إيحاء
. ما تصدقوا حمودة عليه رحمة الله فرح من نقطتي دي كيف؟ وانبسط كيف؟
حاج الحسن تبسم.. وقال الكلام كلام الولد الفلته ده؟ صديق
ومن يومها صار يحترمني إحترام لامن أخجل..
ولمان يجي المحكمة في السوق كنت إحتراماً له لرد الجميل آخذ منو الحمار وأربطوا في ( المدور)
أها تاني يوم من مشكلة اللنش هذه
الأستاذ محمد الحسن عون الله.. ارسل واحد من ناس الكراع راكب حمار حاج الحسن وجانا في الحنانين وقال الآتي
أستاذ محمد الحسن قال ليك ياحاج عبد الله بكرة السفرية ما تفوتوا طوالي..نحنا ضابحين خروف كرامة في الكراع لازم تربطوا اللنش في الكراع وتجوا الكرامة..
أها بكرة وانا كنت في الإجازة الصيفية من المدرسة ثلاثة شهور. كنت في اللنش. لمان وصلنا جنب كبنة ومقابل الكراع .. كان الأستاذ محمد الحسن همه أن نركز وكان خايف نفوت، فجاء جاري من البيوت لمان شاف لنشينا يلوح بيده وطلع عمتو من راسو يلوح بيها، ركزنا وربطنا اللنش وفطرنا وانبسطنا وكل شئ كان على مايرام والركاب كلهم فطروا واتقهوجوا
ثم واصلنا رحلتنا الى الكاب
هكذا كان كبارنا في المناصير حكماء ظرفاء.مؤدبين.. عاقلين.. التحية لهم في مراقدهم الأبدية ورحمة تغشاهم من رؤوف رحيم..
صديق عبدالله علي أبوحنة- كبار الشخصيات
احترام قوانين المنتدى :
عدد المساهمات : 7523
نقاط : 45850
تاريخ التسجيل : 14/07/2010
رد: الحسن علي عون الله.. عقلية المناصير الجبارة
رحمه الله الناس كانت تجر اى تستلف منه الجازولين للزراعة حتى موسم الحصاد وبالذات ناس الجزائر ؟؟ رحمه الله كان تاجرا عبقرية ؟؟؟
ابو مصطفى- اداري
مــــــــــــــالي
احترام قوانين المنتدى :
عدد المساهمات : 2518
نقاط : 32464
تاريخ التسجيل : 22/06/2010
العمر : 52
هذا من الرجال القلائل
الأخ المهندس صديق عبدالله لك التحية والاحترام نعزيك وأنفسنا فيمن وافته المنية من أهلنا وأهلكم نسأل الله لهم الرحمة (الأخ المرحوم عمر عبدالله لا أنسى لهذا الرجل فضله لأني أديت معه حجة الفريضة في عام 1403هـ وكانت الحجة جمعة فكان خير المعين والمطوف لي له الرحمة والمغفرة ) كتاباتك وسردك لمحاسن الحاج الحسن علي عون الله في غاية الصميم نشكرك عليها لأن هذا الرجل تربطنا به علاقات أسرية وله فضائل جمه علينا، ويمكن أن تجد مزيد من شيم وأخلاق هذا الرجل عند ابنه فتح الرحمن ولكني أراه ساكتا وأظنه مشغول جدا (حثمد أحمد الملاريا ما فايق ليها ) ولكن لدي حكمتين سمعتهما من عمنا الحسن الأولى أن المحاكم لا تحل مشاكل أبدا وقد قال هذا القول وهو في قاعد المحكمة الشعبية وهو عضو فيها. أما القول الثاني فهو السيف مسكته أولانيه ( بمعنى أن يكون الإنسان حذر من الضربة الأولى، ويمكن أن ينطبق على الإنسان الذي يأخذ راتبا شهريا فإن استطاع أن يوفر من أول راتب فسيستمر على هذا ) وطبعا هو يتصور أنه إذا قذف لك السيف إن مسكته كويس فستسلم من جروحه، وإن لم تستطع مسكه فإنه سيجرحك. ( وآسف للتحدث بالدارجية الركيكة ) ولك التحية مرة ثانية أخ صديق - مصباح-
مصباح محمد مصباح- كبار الشخصيات
- احترام قوانين المنتدى :
عدد المساهمات : 1897
نقاط : 30411
تاريخ التسجيل : 14/08/2010
رد: الحسن علي عون الله.. عقلية المناصير الجبارة
أووووووووه صديقنا وجارنا وحبيبنا مصباح محمد مصباح... مشتاقين يا رجل.. والله عاد هي جنس غربة..
إفتكر آخر اتصال كان مني لك في المملكة قبل سنوات خلت، أخذت تلفونك من الأخ عبد الغني الحسن أحمد نصر الدين عندما زارني هو واسرته في أبوظبي قبل سنوات.. وقلت ليهو ياعبد الغني عليك الله أكتب لى كل تلفونات المناصير الفي المملكة. راح كتبهم ولا زلت أحتفظ بهذه الوريقة خط عبد الغني نفسه بالقلم..
بارك الله فيك في مواساتنا في ود حجتك أخونا عمر.. والله يامصباح لسه جرح عمر جديد، لأنه زول مؤثر للغاية في اسرتنا وفيمن حوله، والله بالرغم من تجارته وزحمة اللواري والقرش يجري على يده، لكن دائماً متواضع ويساعد ويكرم الضعفاء والمساكين.. لكن هي حال الدنيا ماهو كتير على الله.. السنة القبل الفاتت كانت وفاته في منزله بالراشدين بأم درمان.. بالرغم من أنه له منازل بالعاصمة لكن اصر على السكني بين الغبش في المناصير لامن مات اسرتو ومكانو في الحنانين وبيتو بتاع أم درمان بس يستقيم فيهو دوب ماجات السفرية التانية.. ربنا يرحمو يا مصباح أنا مشيت تاني يوم للوفاة، ودفن وقبر في مقابر حمد النيل، ويمها قالوا ما حصل حمد النيل شهدت تشييع مثل هذا، ما فضل منصوري في العاصمة إلا جاء.. كان حشد تشييع ملفت للغاية.. والناس متأثره للغاية.
أما بخصوص عمنا حاج الحسن يستاهل هذا الرجل أن يخلد منا بكتابات.. أما بخصوص فتح الرحمن.. أظن سمح إنطباع السيرة لعمنا حاج الحسن أن يأتي من خارج اسرته، اما أسرته إذا كتبت فياهو زيتهم في بيتهم، وقد ينحاز القلم، لأنه والدهم .. أما أن تنشر سيرته عرفاً وشذى ويكتب عنها الآخرون فهذه هي السيرة بين الناس بالحسنى.. طبعا لابد ان نسمع من فتح الرحمن عنه هنا أو في مجال آخر.. وسميت السيرة لأنها تسير بين الناس، ولذلك عندما ووقتما يكتب عنها الآخرون مثلي، سوف تأتي الكتابة بعبق جديد وانشرار بين الناس، إنشرت سيرته بين الناس لأنهم أحبوه، واحبوه لأنه خدمهم بعمق، والإنسان لمان يكون انطوائي ودابو وداب نفسو أكيد ما حا تكون عندو سيرة بين الناس، لأنهم لايعرفوه، ودابو وداب نفسه، هكذا السيرة اخي مصباح تسير بين الناس، والمثل المنصوري يقول( الداب نفسو! اقل من نفسو!)
لك مني المودة يامصباح وشكراً على إثرائك الموقع هنا
تسلم
إفتكر آخر اتصال كان مني لك في المملكة قبل سنوات خلت، أخذت تلفونك من الأخ عبد الغني الحسن أحمد نصر الدين عندما زارني هو واسرته في أبوظبي قبل سنوات.. وقلت ليهو ياعبد الغني عليك الله أكتب لى كل تلفونات المناصير الفي المملكة. راح كتبهم ولا زلت أحتفظ بهذه الوريقة خط عبد الغني نفسه بالقلم..
بارك الله فيك في مواساتنا في ود حجتك أخونا عمر.. والله يامصباح لسه جرح عمر جديد، لأنه زول مؤثر للغاية في اسرتنا وفيمن حوله، والله بالرغم من تجارته وزحمة اللواري والقرش يجري على يده، لكن دائماً متواضع ويساعد ويكرم الضعفاء والمساكين.. لكن هي حال الدنيا ماهو كتير على الله.. السنة القبل الفاتت كانت وفاته في منزله بالراشدين بأم درمان.. بالرغم من أنه له منازل بالعاصمة لكن اصر على السكني بين الغبش في المناصير لامن مات اسرتو ومكانو في الحنانين وبيتو بتاع أم درمان بس يستقيم فيهو دوب ماجات السفرية التانية.. ربنا يرحمو يا مصباح أنا مشيت تاني يوم للوفاة، ودفن وقبر في مقابر حمد النيل، ويمها قالوا ما حصل حمد النيل شهدت تشييع مثل هذا، ما فضل منصوري في العاصمة إلا جاء.. كان حشد تشييع ملفت للغاية.. والناس متأثره للغاية.
أما بخصوص عمنا حاج الحسن يستاهل هذا الرجل أن يخلد منا بكتابات.. أما بخصوص فتح الرحمن.. أظن سمح إنطباع السيرة لعمنا حاج الحسن أن يأتي من خارج اسرته، اما أسرته إذا كتبت فياهو زيتهم في بيتهم، وقد ينحاز القلم، لأنه والدهم .. أما أن تنشر سيرته عرفاً وشذى ويكتب عنها الآخرون فهذه هي السيرة بين الناس بالحسنى.. طبعا لابد ان نسمع من فتح الرحمن عنه هنا أو في مجال آخر.. وسميت السيرة لأنها تسير بين الناس، ولذلك عندما ووقتما يكتب عنها الآخرون مثلي، سوف تأتي الكتابة بعبق جديد وانشرار بين الناس، إنشرت سيرته بين الناس لأنهم أحبوه، واحبوه لأنه خدمهم بعمق، والإنسان لمان يكون انطوائي ودابو وداب نفسو أكيد ما حا تكون عندو سيرة بين الناس، لأنهم لايعرفوه، ودابو وداب نفسه، هكذا السيرة اخي مصباح تسير بين الناس، والمثل المنصوري يقول( الداب نفسو! اقل من نفسو!)
لك مني المودة يامصباح وشكراً على إثرائك الموقع هنا
تسلم
صديق عبدالله علي أبوحنة- كبار الشخصيات
احترام قوانين المنتدى :
عدد المساهمات : 7523
نقاط : 45850
تاريخ التسجيل : 14/07/2010
رد: الحسن علي عون الله.. عقلية المناصير الجبارة
باشمهندس صديق
احس بجرحك النازف على فقد شقيقكم عمر جعل الله الجنة منزله واعانك الله .
جدنا حسن على كان يقال عليه رجل عملى ومن الحكاوى فى هذا انه كان معه مزارع وقف العمل ورفع راسو داير الخبر شاف ليهو ناس ماشين فى الدرب سالو مالك قال ليهو داير اشوف الناس ديل قال له جدنا حسن على عليه الرحمة كان قالو ليك القيامة فى الحيبى دى ما ترفع راسك لامن تجيك عند كرعينك .
لا زلت اذكر اخر ايامه كان فى الحج وجاء عند بنت ولده الاستاذ محمد والد الاخ فتحى فى الحاج يوسف وتوفى عليه رحمة الله بعد حجتو بايام ودى من علامات حسن الخاتمة .
احس بجرحك النازف على فقد شقيقكم عمر جعل الله الجنة منزله واعانك الله .
جدنا حسن على كان يقال عليه رجل عملى ومن الحكاوى فى هذا انه كان معه مزارع وقف العمل ورفع راسو داير الخبر شاف ليهو ناس ماشين فى الدرب سالو مالك قال ليهو داير اشوف الناس ديل قال له جدنا حسن على عليه الرحمة كان قالو ليك القيامة فى الحيبى دى ما ترفع راسك لامن تجيك عند كرعينك .
لا زلت اذكر اخر ايامه كان فى الحج وجاء عند بنت ولده الاستاذ محمد والد الاخ فتحى فى الحاج يوسف وتوفى عليه رحمة الله بعد حجتو بايام ودى من علامات حسن الخاتمة .
الرشيد طه- اداري
مشرف المنتدى السياسي
مشرف منتدى الصحافة
احترام قوانين المنتدى :
عدد المساهمات : 2625
نقاط : 33036
تاريخ التسجيل : 15/04/2010
رد: الحسن علي عون الله.. عقلية المناصير الجبارة
المحكمة كانت كل يوم ثلاثاء بسوق النعوفاب، بدكان حاج الحسن الذي صار محكمة.. حاج الحسن يجي كل مرة بحماره... مرات يراني قدام باب المحكمة في ضل الصباح..
ينزل من حماره ويقول لى: الصدوق عليك الله أربط حمار عمك ده؟ ومرات لا أحوجه لهذه الكلمة، أول ما أشوفو طوالي أمسك في رقبة الحمار وأسوقو على المدور..
مرة من المرات يبدو إنو في مرة لا أعرفها هل هي من البحر والله من العتمور والله من ناس لاتحت. يبدو أن هنالك شخص ما. قال ليها لو عايزه مشكلتك تحل مدى الابد ، تنتظري حاج الحسن قريب باب المحكمة ولما يجي ينزل من حمارو.. هى أكيد قبل كده ما شافت حاج الحسن، لكن يبدو انها إطلعت على كل المعلومات..
قالت: حاج الحسن المحل.. والراجل مات وترك لى الوليد ده، ومعاهو بنتين.. وما عندي أخوان ولا ناس يساعدوني وما بقدر على الحياه.. دحين دايري، من زكاة من عطيي.. حق الله!!!
قال ليها إنت من وين.. بدأت توسوس معاهو وأنا أربط في الحمار، تعمدت أن لا أعرف وسوستها.. بس سمعتو قال ليها.. هسه بصورة عاجلي شيلي ليكي شوال قمح من سلمان ولد ود الخليفة.. بعدين كل موسم قمح تشيلي ليك شوال قمح وكل موسم مريق تشيلي ليكي شوال مريق من سلمان وأنا بعرف وبحاسبو.. وفتح جزلانو أداها مبلغ لا أعرفو كم.. عندو نوتة وقلم داخلها مربوطة بلستك دائري عشان القلم الفيها ما يقع..هذه النوتة تلازمه طوالي.. طلع هذه النوتة وكتب فيها بسرعة وقال ليها أمشي مع الولد ده لى سلمان.. لما مشيت سلمان اديتو الورقة.. ضحك. قال لى هسي دي الوراها حاج الحسن منو.. هي اكيد ما بتعرفو.. بعدين شوال قمح تسوي بيهو شنو كلو!
قلت ليهو يا سلمان عليك الله خليها.إنت ما عليك حقك جاييك..
قال ليها طيب الشوال نوديهو ليك وين.. قالت ليهو بنادي ود الزرقه ينزلو لى المشرع بعدين مركب محمد عثمان إبراهيم من سور في المشرع بدخلوا فيها..
لفترة هذه المرأة كانت تشيل من سلمان.. لكن بعد سنوات عرفت أنها ماتت.. وتعمدت أن لا أعرف هي من وين..
...............
هذا التصرف الرائع الذي ينم عن حالة قلب كبير مفعم بالإيمان من حاج الحسن، جعلني استذكر هذا الأمر كل طيلة هذه السنوات
وهكذا كبارنا يتصرفون بعقليات جباره
ينزل من حماره ويقول لى: الصدوق عليك الله أربط حمار عمك ده؟ ومرات لا أحوجه لهذه الكلمة، أول ما أشوفو طوالي أمسك في رقبة الحمار وأسوقو على المدور..
مرة من المرات يبدو إنو في مرة لا أعرفها هل هي من البحر والله من العتمور والله من ناس لاتحت. يبدو أن هنالك شخص ما. قال ليها لو عايزه مشكلتك تحل مدى الابد ، تنتظري حاج الحسن قريب باب المحكمة ولما يجي ينزل من حمارو.. هى أكيد قبل كده ما شافت حاج الحسن، لكن يبدو انها إطلعت على كل المعلومات..
قالت: حاج الحسن المحل.. والراجل مات وترك لى الوليد ده، ومعاهو بنتين.. وما عندي أخوان ولا ناس يساعدوني وما بقدر على الحياه.. دحين دايري، من زكاة من عطيي.. حق الله!!!
قال ليها إنت من وين.. بدأت توسوس معاهو وأنا أربط في الحمار، تعمدت أن لا أعرف وسوستها.. بس سمعتو قال ليها.. هسه بصورة عاجلي شيلي ليكي شوال قمح من سلمان ولد ود الخليفة.. بعدين كل موسم قمح تشيلي ليك شوال قمح وكل موسم مريق تشيلي ليكي شوال مريق من سلمان وأنا بعرف وبحاسبو.. وفتح جزلانو أداها مبلغ لا أعرفو كم.. عندو نوتة وقلم داخلها مربوطة بلستك دائري عشان القلم الفيها ما يقع..هذه النوتة تلازمه طوالي.. طلع هذه النوتة وكتب فيها بسرعة وقال ليها أمشي مع الولد ده لى سلمان.. لما مشيت سلمان اديتو الورقة.. ضحك. قال لى هسي دي الوراها حاج الحسن منو.. هي اكيد ما بتعرفو.. بعدين شوال قمح تسوي بيهو شنو كلو!
قلت ليهو يا سلمان عليك الله خليها.إنت ما عليك حقك جاييك..
قال ليها طيب الشوال نوديهو ليك وين.. قالت ليهو بنادي ود الزرقه ينزلو لى المشرع بعدين مركب محمد عثمان إبراهيم من سور في المشرع بدخلوا فيها..
لفترة هذه المرأة كانت تشيل من سلمان.. لكن بعد سنوات عرفت أنها ماتت.. وتعمدت أن لا أعرف هي من وين..
...............
هذا التصرف الرائع الذي ينم عن حالة قلب كبير مفعم بالإيمان من حاج الحسن، جعلني استذكر هذا الأمر كل طيلة هذه السنوات
وهكذا كبارنا يتصرفون بعقليات جباره
صديق عبدالله علي أبوحنة- كبار الشخصيات
احترام قوانين المنتدى :
عدد المساهمات : 7523
نقاط : 45850
تاريخ التسجيل : 14/07/2010
رد: الحسن علي عون الله.. عقلية المناصير الجبارة
قيض الله لى فرصة في أوائل الثمانينات.. أن اسافر مع العم حاج الحسن علي عون الله من المناصير الى الخرطوم.. وقد كانت الرحلة لمدة يومين وكانت عهده اللوري عند ابنه حسن الحسن على عون الله..
هذه الرحلة جعلتني أكبر هذا الرجل أكثر من ذي قبل لأسباب سوف اذكرها
لم أتزوج بعد وقد حضرت في إجازة العيد لأعيد في البلد بعده بأيام انتهت الإجازة وفكرت في السفر
كان حسين الحسن على عون الله في سوق النعوفاب..
لقانا واقفين أنا وعيسى بروي أمام دكان عثمان ود العباس نتفاكر ونناقش أمراً ما
عيسى أول ما شاف حسين قال ليهو حسين أنا لايمك.. ما زرتني.. ما عارف في فقاعة والله كريمة لا/ر مشترك بينهما هم يعرفانه وانا متفرج...
رد حسين وقال
( هو في زول يقدر يتجاوز عيسى بروي.. هو في زول يقدر ينقص قدر عيسى بروي!! كان فتحت الرادي ده ساكت ، يجيب ليك عيسى بروي)
ضحك عيسى وتجاوز عن المسألة
.......
وحسين الحسن على عون الله لمن لايعرفه
رجل صبور للغاية وظريف وذو طرفة وملحة.. ورجل متطرق غرقان في الدين لى إضنيه.. وهو من اكثر ولاد حاج الحسن مخالطة لى في الحياة وعشنا مع بعض فترات طويلة كثيرة في الحياة
وهو رجل مهذب للغاية... رقيق.. ذو مشاعر جياشة..
قلت ليهو ياحسين قالوا لى في السوق مسافر يوم الثلاثاء
قال لى نعم
قطعت شري للتصديق للشحنة من المجلس ولم اجد الضابط بجي بكرة الصباح ارجانا جاهز وحضر الفطور في خلوة حاج عبد الله..
بس بي نأخذك معنا كبنة. عندنا باقي شحنة من هناك وعمك حاج الحسن مسافر معانا
جاء
فطرنا
قطع شري..
وجاء وفي يده التصديق
ودعت الحنانين في إتجاه كبنة ومنها للخرطوم.. تغدينا في كبنة ثم شق اللوري العباب
حسين كان مشغل شريط مديح من ناس الشكينيبة
يقول( سمعنا بي عبد الباقي ماتا.... قد مات لكن عرقوا حي) ظللنا نسمع في هذا الشريط وغيره من شرايط ود مصطفى مادح وشاعر الشيخ الجعلي.. حتى وصلنا أم درمان..
نواصل
هذه الرحلة جعلتني أكبر هذا الرجل أكثر من ذي قبل لأسباب سوف اذكرها
لم أتزوج بعد وقد حضرت في إجازة العيد لأعيد في البلد بعده بأيام انتهت الإجازة وفكرت في السفر
كان حسين الحسن على عون الله في سوق النعوفاب..
لقانا واقفين أنا وعيسى بروي أمام دكان عثمان ود العباس نتفاكر ونناقش أمراً ما
عيسى أول ما شاف حسين قال ليهو حسين أنا لايمك.. ما زرتني.. ما عارف في فقاعة والله كريمة لا/ر مشترك بينهما هم يعرفانه وانا متفرج...
رد حسين وقال
( هو في زول يقدر يتجاوز عيسى بروي.. هو في زول يقدر ينقص قدر عيسى بروي!! كان فتحت الرادي ده ساكت ، يجيب ليك عيسى بروي)
ضحك عيسى وتجاوز عن المسألة
.......
وحسين الحسن على عون الله لمن لايعرفه
رجل صبور للغاية وظريف وذو طرفة وملحة.. ورجل متطرق غرقان في الدين لى إضنيه.. وهو من اكثر ولاد حاج الحسن مخالطة لى في الحياة وعشنا مع بعض فترات طويلة كثيرة في الحياة
وهو رجل مهذب للغاية... رقيق.. ذو مشاعر جياشة..
قلت ليهو ياحسين قالوا لى في السوق مسافر يوم الثلاثاء
قال لى نعم
قطعت شري للتصديق للشحنة من المجلس ولم اجد الضابط بجي بكرة الصباح ارجانا جاهز وحضر الفطور في خلوة حاج عبد الله..
بس بي نأخذك معنا كبنة. عندنا باقي شحنة من هناك وعمك حاج الحسن مسافر معانا
جاء
فطرنا
قطع شري..
وجاء وفي يده التصديق
ودعت الحنانين في إتجاه كبنة ومنها للخرطوم.. تغدينا في كبنة ثم شق اللوري العباب
حسين كان مشغل شريط مديح من ناس الشكينيبة
يقول( سمعنا بي عبد الباقي ماتا.... قد مات لكن عرقوا حي) ظللنا نسمع في هذا الشريط وغيره من شرايط ود مصطفى مادح وشاعر الشيخ الجعلي.. حتى وصلنا أم درمان..
نواصل
صديق عبدالله علي أبوحنة- كبار الشخصيات
احترام قوانين المنتدى :
عدد المساهمات : 7523
نقاط : 45850
تاريخ التسجيل : 14/07/2010
رد: الحسن علي عون الله.. عقلية المناصير الجبارة
شكرا هندسه .هنالك قصيده رثاء قيلت فيه صاحبها عمر لهيفان .اذكر منها القليل ..
حاج حسن نص فى المناصير بل بقوله ثلاثه ارباع
حاج حسن كان راجل الكرم وكيله بالاردب ماهو صاع
.......................................................
حجك المبرور حاج حسن ليك عند الخالق دفاع
بى ثلاثه ايام من مجيك يبقى حجك حجه وداع
............................................
حاج حسن تبكى المناصيربرتى ثانى العار ابسباع .
حاج حسن نص فى المناصير بل بقوله ثلاثه ارباع
حاج حسن كان راجل الكرم وكيله بالاردب ماهو صاع
.......................................................
حجك المبرور حاج حسن ليك عند الخالق دفاع
بى ثلاثه ايام من مجيك يبقى حجك حجه وداع
............................................
حاج حسن تبكى المناصيربرتى ثانى العار ابسباع .
محمد عمر محمد- عضو متميز
- احترام قوانين المنتدى :
عدد المساهمات : 659
نقاط : 27349
تاريخ التسجيل : 20/08/2010
رد: الحسن علي عون الله.. عقلية المناصير الجبارة
شكرا محمد عمر على هذا الإثراء الجيد للبوست
متل ديل يامحمد يستاهلوا الكثير في الرثاء
............
أها نواصل
كنت مفرش بطانيتي ورا في اللوري وراكب ومتمدد سماحي.. لما فتنا قهوة محمد ودعلي بي فوق.. حسين كورك لى.. قال لى عمك حاج الحسن عايزك تركب معاهو قدام
...........
قلت ليهو ياحسين ياخي مالك على.. أنا هنا مرتاح ومتمدد.. ياخي ماني قادر لى صنقرة بي قدام دي! بعيدن الناس الكبار ديل الواحد ما بيقدر يقعد جنبهم إلا مؤدب وطوالي صاحي.. أخاف أنوم إنتكي فوقو أو أضايقو
قال لى ماعليك تعال
وقف اللوري ومشيت ركبت جنب حاج الحسن..
خلال الرحلة تناولنا قضايا عدة
وصححنا موا قف عدة
ماخلينا تجارة
ما خلينا قراية
قال لى والله زمنكم سمح قريتو.. والله أنا لو فاضي جنس قرايتكم دي والله بعد الجامعة عندي فيها كلام
قال لى إنت هسه في الهلتون شغال شنو؟
نحن الهلتون ده لو جينا بي جنبو ساكت نخاف
شرحت له الهلتون والحاية فيه والخواجات وهو كأنو قطعة خارج السودان
أو قطعة في غرب العالم
قال لى معاك ولاد بلد فيهو شغالين قلت ليهو لا
حتى عدد السودانيين بسيط
رئيسنا إنجليزي ونايبو اسكوتلندي ديل نحنا في الهندسة
أما الاقسام التانية ثلاثة ارباعا أجانب خاصة المطبخ لأنو لسه السودانيين ما بيعرفوا الأكلات العالمية وليس هنالك طباخين دارسين عالمين
قال لى الوراك الدرب ده شنو والشغلك منو!
قلت ليهو قسمة!
زميل من ولاد رفاعة درس في معهد الكليات التكنولوجية.. من ولاد أبوسن عمد رفاعة.إسمو يوسف محمد مالك أبوسن
قال لى ديل عمد صفاتهم صفات رجولة
لو كان واحد تاني كان جاب زول من أهلو
قال لى يدوكم كم راتب
قلت ليهو بالدولار. كنا نصرف. لكن نميري الملعون قال للخواجات ناس السودان أدوهم بالجنيه
قال الله يجازي
قال لى كم
قلت ليهو 75 جنيه ( سنة 1980) وكان خريج الهندسة جامعة الخرطوم يتعين جنبنا في الإدارة المركزية في المقرن بي 45 جنيه واستاذ الإبتدائي يتعين من الثانوي أو معهد شندي بي 32 جنيه
قال لى إن شاء مستور مع ناس حاج عبدالله وبت حبيب
قلت ليهو شهري أرسل مع إنو موش محتاجين
قال لى خبر العرس شنو!
قلت ليهو ناوي السنة الجاية وقد عرست في 1982
قال لى الزيك مفروض أنا أديهو بت.. لكن ماعندي
وبنات ولادي مافيهم شيتاً جاهز هسه
قلت ليهو
ياريت الزيكم ياحاج يزيدنا شرف
قال لى ما تعرس إلا منصوريي
قلت ليهو حاضر ودي خطتي..
قال لى أنا من زمان حافظ لك الجميل
قلت ليهو
أنا أعرف ياحاج
..........
نواصل الرحلة من كبنة الى أم درمان
وقد كنت الراكب الوحيد معهما
متل ديل يامحمد يستاهلوا الكثير في الرثاء
............
أها نواصل
كنت مفرش بطانيتي ورا في اللوري وراكب ومتمدد سماحي.. لما فتنا قهوة محمد ودعلي بي فوق.. حسين كورك لى.. قال لى عمك حاج الحسن عايزك تركب معاهو قدام
...........
قلت ليهو ياحسين ياخي مالك على.. أنا هنا مرتاح ومتمدد.. ياخي ماني قادر لى صنقرة بي قدام دي! بعيدن الناس الكبار ديل الواحد ما بيقدر يقعد جنبهم إلا مؤدب وطوالي صاحي.. أخاف أنوم إنتكي فوقو أو أضايقو
قال لى ماعليك تعال
وقف اللوري ومشيت ركبت جنب حاج الحسن..
خلال الرحلة تناولنا قضايا عدة
وصححنا موا قف عدة
ماخلينا تجارة
ما خلينا قراية
قال لى والله زمنكم سمح قريتو.. والله أنا لو فاضي جنس قرايتكم دي والله بعد الجامعة عندي فيها كلام
قال لى إنت هسه في الهلتون شغال شنو؟
نحن الهلتون ده لو جينا بي جنبو ساكت نخاف
شرحت له الهلتون والحاية فيه والخواجات وهو كأنو قطعة خارج السودان
أو قطعة في غرب العالم
قال لى معاك ولاد بلد فيهو شغالين قلت ليهو لا
حتى عدد السودانيين بسيط
رئيسنا إنجليزي ونايبو اسكوتلندي ديل نحنا في الهندسة
أما الاقسام التانية ثلاثة ارباعا أجانب خاصة المطبخ لأنو لسه السودانيين ما بيعرفوا الأكلات العالمية وليس هنالك طباخين دارسين عالمين
قال لى الوراك الدرب ده شنو والشغلك منو!
قلت ليهو قسمة!
زميل من ولاد رفاعة درس في معهد الكليات التكنولوجية.. من ولاد أبوسن عمد رفاعة.إسمو يوسف محمد مالك أبوسن
قال لى ديل عمد صفاتهم صفات رجولة
لو كان واحد تاني كان جاب زول من أهلو
قال لى يدوكم كم راتب
قلت ليهو بالدولار. كنا نصرف. لكن نميري الملعون قال للخواجات ناس السودان أدوهم بالجنيه
قال الله يجازي
قال لى كم
قلت ليهو 75 جنيه ( سنة 1980) وكان خريج الهندسة جامعة الخرطوم يتعين جنبنا في الإدارة المركزية في المقرن بي 45 جنيه واستاذ الإبتدائي يتعين من الثانوي أو معهد شندي بي 32 جنيه
قال لى إن شاء مستور مع ناس حاج عبدالله وبت حبيب
قلت ليهو شهري أرسل مع إنو موش محتاجين
قال لى خبر العرس شنو!
قلت ليهو ناوي السنة الجاية وقد عرست في 1982
قال لى الزيك مفروض أنا أديهو بت.. لكن ماعندي
وبنات ولادي مافيهم شيتاً جاهز هسه
قلت ليهو
ياريت الزيكم ياحاج يزيدنا شرف
قال لى ما تعرس إلا منصوريي
قلت ليهو حاضر ودي خطتي..
قال لى أنا من زمان حافظ لك الجميل
قلت ليهو
أنا أعرف ياحاج
..........
نواصل الرحلة من كبنة الى أم درمان
وقد كنت الراكب الوحيد معهما
صديق عبدالله علي أبوحنة- كبار الشخصيات
احترام قوانين المنتدى :
عدد المساهمات : 7523
نقاط : 45850
تاريخ التسجيل : 14/07/2010
رد: الحسن علي عون الله.. عقلية المناصير الجبارة
ورد ذكر الأخ مهندس يوسف محمد مالك أبوسن
وهو رجل صاحب فضل على جداً.. ولايزال يتصل على.. وهو الآن كبير مهندسين التدريب بشركة أرامكو في المملكة العربية السعودية. وأظنه سوف يذهب نهائي السنة القادمة للسودان
وهو رجل ثري للغاية وصاحب عمارات في السودان..
وأنا لسه في دي مطلقة ودي مرجوعة.. ( لسه أحوم بالعبيديي والقمبارات).. ده داير دواء. ده رسلوا ليهو داير يعرس.. ده عايز يقرا.. وهكذا.. رزق اليوم باليوم ولكن نحمدالله على العافيي
وهو رجل صاحب فضل على جداً.. ولايزال يتصل على.. وهو الآن كبير مهندسين التدريب بشركة أرامكو في المملكة العربية السعودية. وأظنه سوف يذهب نهائي السنة القادمة للسودان
وهو رجل ثري للغاية وصاحب عمارات في السودان..
وأنا لسه في دي مطلقة ودي مرجوعة.. ( لسه أحوم بالعبيديي والقمبارات).. ده داير دواء. ده رسلوا ليهو داير يعرس.. ده عايز يقرا.. وهكذا.. رزق اليوم باليوم ولكن نحمدالله على العافيي
صديق عبدالله علي أبوحنة- كبار الشخصيات
احترام قوانين المنتدى :
عدد المساهمات : 7523
نقاط : 45850
تاريخ التسجيل : 14/07/2010
رد: الحسن علي عون الله.. عقلية المناصير الجبارة
صديق سلام
والله نستمتع بالحكاوى والقصص التاريخية التى تسردها متعك الله بالصحة والعافية
تحياتى
والله نستمتع بالحكاوى والقصص التاريخية التى تسردها متعك الله بالصحة والعافية
المثل ده احفظه من صغير كان الوالد عليه رحمة الله يردده كثيرا لكن يا صديق ما عارف حكايتو ياريت لو تشرحو ليناصديق عبدالله علي أبوحنة كتب:
( لسه أحوم بالعبيديي والقمبارات)..
تحياتى
الرشيد طه- اداري
مشرف المنتدى السياسي
مشرف منتدى الصحافة
احترام قوانين المنتدى :
عدد المساهمات : 2625
نقاط : 33036
تاريخ التسجيل : 15/04/2010
رد: الحسن علي عون الله.. عقلية المناصير الجبارة
شرحو جاهز يا الرشيد ومضحك.. لكن اشرحوا ليك وين؟؟
هنا
والله في قاموس المناصير
والله في التراث
والله في بوست الأمثال الشعبية الفاتحو المرجع القامة سلمان عقيد
...........
كدي خلي سلمان يتقدم يقول حاجة
بعدين العندي دي تراها ملحوقة
هنا
والله في قاموس المناصير
والله في التراث
والله في بوست الأمثال الشعبية الفاتحو المرجع القامة سلمان عقيد
...........
كدي خلي سلمان يتقدم يقول حاجة
بعدين العندي دي تراها ملحوقة
صديق عبدالله علي أبوحنة- كبار الشخصيات
احترام قوانين المنتدى :
عدد المساهمات : 7523
نقاط : 45850
تاريخ التسجيل : 14/07/2010
رد: الحسن علي عون الله.. عقلية المناصير الجبارة
الناس الكبار عندنا والحكماء يكرهون الذهاب لبيت الخلاء في السفر.. خاصة حمامات القطر لأنها متسخة والقطر يكون مزدحم.. لاحظت أثناء سفري مع حاج الحسن. يكاد يكون متوقف عن الأكل والشرب. شبه صائم حتى وصل أم درمان. وذلك ليسهل على نفسه قلة الحركة، وتوقيف اللوري كل مرة..لايتوقف إلا للصلاة..
لاحظت نفس الشئ عند ابوي لما يسافر
يقول لى أمي أديني سفوفة حرجل مدقوق.. ويصر منو شوية في منديلو.. ويكتح منو كتحة بالصباح مع كباية لبن.لما يبقى مسافر. تاني ما يأكل ولايطلع الخلاء وبطنه زي تيبس كدة لغاية ما يصل عطبرة أو الخرطوم.. يقول لى أصلو ما بتجد راحتك في حمامات السفر.. ويقول لى أنا أول ما أدخل الحمام النضيف حتى... أطرش طوالي ناهيك عن الحمام المتسخ.. هم تعودوا على روتين معين.. طلعة كدة من الصباح يشيل إبريقو ويطلع الوادي ، يشم ريحة الحرجل والمحريب والجو النقي بدون قيود، لذلك كانوا يكرهون المدينة وقيودها.. لذلك عمرو وعاشوا حياة نقية صافية بلا قيود.ونبعت منهم الحكمة.
لاحظت نفس الشئ عند ابوي لما يسافر
يقول لى أمي أديني سفوفة حرجل مدقوق.. ويصر منو شوية في منديلو.. ويكتح منو كتحة بالصباح مع كباية لبن.لما يبقى مسافر. تاني ما يأكل ولايطلع الخلاء وبطنه زي تيبس كدة لغاية ما يصل عطبرة أو الخرطوم.. يقول لى أصلو ما بتجد راحتك في حمامات السفر.. ويقول لى أنا أول ما أدخل الحمام النضيف حتى... أطرش طوالي ناهيك عن الحمام المتسخ.. هم تعودوا على روتين معين.. طلعة كدة من الصباح يشيل إبريقو ويطلع الوادي ، يشم ريحة الحرجل والمحريب والجو النقي بدون قيود، لذلك كانوا يكرهون المدينة وقيودها.. لذلك عمرو وعاشوا حياة نقية صافية بلا قيود.ونبعت منهم الحكمة.
صديق عبدالله علي أبوحنة- كبار الشخصيات
احترام قوانين المنتدى :
عدد المساهمات : 7523
نقاط : 45850
تاريخ التسجيل : 14/07/2010
رد: الحسن علي عون الله.. عقلية المناصير الجبارة
صديق لا انت ولا سلمان اديتونا خبر الحكايى شنوصديق عبدالله علي أبوحنة كتب:شرحو جاهز يا الرشيد ومضحك.. لكن اشرحوا ليك وين؟؟
هنا
والله في قاموس المناصير
والله في التراث
والله في بوست الأمثال الشعبية الفاتحو المرجع القامة سلمان عقيد
...........
كدي خلي سلمان يتقدم يقول حاجة
بعدين العندي دي تراها ملحوقة
الرشيد طه- اداري
مشرف المنتدى السياسي
مشرف منتدى الصحافة
احترام قوانين المنتدى :
عدد المساهمات : 2625
نقاط : 33036
تاريخ التسجيل : 15/04/2010
رد: الحسن علي عون الله.. عقلية المناصير الجبارة
يا صديق عوووووووووووووك سلمان قال ما عارف القصةالرشيد طه كتب:صديق لا انت ولا سلمان اديتونا خبر الحكايى شنوصديق عبدالله علي أبوحنة كتب:شرحو جاهز يا الرشيد ومضحك.. لكن اشرحوا ليك وين؟؟
هنا
والله في قاموس المناصير
والله في التراث
والله في بوست الأمثال الشعبية الفاتحو المرجع القامة سلمان عقيد
...........
كدي خلي سلمان يتقدم يقول حاجة
بعدين العندي دي تراها ملحوقة
الرشيد طه- اداري
مشرف المنتدى السياسي
مشرف منتدى الصحافة
احترام قوانين المنتدى :
عدد المساهمات : 2625
نقاط : 33036
تاريخ التسجيل : 15/04/2010
رد: الحسن علي عون الله.. عقلية المناصير الجبارة
جاييك يا الرشيد بس أفضى شوية من زحمة العمل والشغل
صديق عبدالله علي أبوحنة- كبار الشخصيات
احترام قوانين المنتدى :
عدد المساهمات : 7523
نقاط : 45850
تاريخ التسجيل : 14/07/2010
رد: الحسن علي عون الله.. عقلية المناصير الجبارة
الله يديك العافية يا صديق فيما قلته عن الحسن على عون الله
سمعت كتير عنه انه شخصية قوية جداااا
فهو جد زوجى
الله يرحم الحسن على عون الله
ويسكنه جناته
سمعت كتير عنه انه شخصية قوية جداااا
فهو جد زوجى
الله يرحم الحسن على عون الله
ويسكنه جناته
انتصار حجازي- مشرف
مشرف منتدى المرأة والأسرة
احترام قوانين المنتدى :
عدد المساهمات : 1668
نقاط : 29042
تاريخ التسجيل : 19/01/2011
رد: الحسن علي عون الله.. عقلية المناصير الجبارة
أختنا إنتصار حجازي تسلمي والله
على إضافة كلمات مضيئة منك في سيرة هذا الرجل القامة..
نعم كما ذكرت أنت صلتكم به..تسلمي يا أستاذة، هنيئاً لكم بهذا الرجل وهنيئاً للمناصير به.. هؤلاء من خطوا مداد سيرتهم خلفهم، يتذكرهم الناس بالخير
على إضافة كلمات مضيئة منك في سيرة هذا الرجل القامة..
نعم كما ذكرت أنت صلتكم به..تسلمي يا أستاذة، هنيئاً لكم بهذا الرجل وهنيئاً للمناصير به.. هؤلاء من خطوا مداد سيرتهم خلفهم، يتذكرهم الناس بالخير
صديق عبدالله علي أبوحنة- كبار الشخصيات
احترام قوانين المنتدى :
عدد المساهمات : 7523
نقاط : 45850
تاريخ التسجيل : 14/07/2010
رد: الحسن علي عون الله.. عقلية المناصير الجبارة
هل عقمت حواء المناصير أن تلد مثل هذه القمم الشاهقة التى لاتطال!!!
صديق عبدالله علي أبوحنة- كبار الشخصيات
احترام قوانين المنتدى :
عدد المساهمات : 7523
نقاط : 45850
تاريخ التسجيل : 14/07/2010
رد: الحسن علي عون الله.. عقلية المناصير الجبارة
صديق عبدالله علي أبوحنة كتب:هل عقمت حواء المناصير أن تلد مثل هذه القمم الشاهقة التى لاتطال!!!
اولا : رحم الله عمنا الحسن عون الله رحمة واسعة وادخله الجنة
لم تعقم حواء المنصورية ياباشا ولكن لكل زمان رجاله وربما بتقادم ازمان والتغيير الذي حدث تقاذمت القمم الشاهقة
حاتم طه الافندي- عضو ذهبي
- احترام قوانين المنتدى :
عدد المساهمات : 1115
نقاط : 27244
تاريخ التسجيل : 31/03/2011
رد: الحسن علي عون الله.. عقلية المناصير الجبارة
الشكر كل الشكر لاخونا ابوحنة ، احمد خميس او ود خميس ، كان صاحب مطعم بالكاب و ليس صاحب كارو كما ذكرت ، اول منصوري جاب كارو بالكاب هو شقيقي احمد الحسين احمد و معه ابن خالي فرح عوض الكريم حمودي و كان ذلك في العام 1969م ، هذا بمسابة تنويه
عبدالسلام الحسين- عضو جديد
- احترام قوانين المنتدى :
عدد المساهمات : 6
نقاط : 23274
تاريخ التسجيل : 14/12/2011
رد: الحسن علي عون الله.. عقلية المناصير الجبارة
تسلم ود الحسين. نعم كنت صغير. تشابهت عليا الاسماء. بين احمد الحسين وأحمد خميس. نعم أحمد خميس صاحب مطعم. واحمد الحسين صاحب كارو.. أقصد أحمد الحسين برضو كان ساعد ايمن لى حاج الحسن تسلم يا زول على التصحيح الدقيق المطلوب ود حمودي وود الحسين صاح كانوا سوااا
صديق عبدالله علي أبوحنة- كبار الشخصيات
احترام قوانين المنتدى :
عدد المساهمات : 7523
نقاط : 45850
تاريخ التسجيل : 14/07/2010
رد: الحسن علي عون الله.. عقلية المناصير الجبارة
كان من زمان مفروض تشارك في هذا البوست يا دكتور حسن.. وهسي دي شاركناك بالقوة
حسن يا ريت صورة تانية ليهو يكون لابس عمة وملفحة صورة كاملة يعني . حاج الحسن نادر ينزع عمتو من راسو حتى ولو في الكراع ساكت لازم تلقى عمة أو طاقية على راسو.. يبدو هنا الصورة كانت لغرض معين كجواز كجنسية كده.... نزل لينا صورة هناياحسن. الزول ده قدرو عندي كبير وهو عندو ليا تقدير خاص وأنا لسه في ريعان الشباب وكان دايما يقول
صديق ولد زكي وولد فلتة.)
![الحسن علي عون الله.. عقلية المناصير الجبارة 8484o](https://2img.net/r/ihimizer/img43/1141/8484o.jpg)
![Sad](https://2img.net/i/fa/i/smiles/icon_sad.gif)
صديق عبدالله علي أبوحنة- كبار الشخصيات
احترام قوانين المنتدى :
عدد المساهمات : 7523
نقاط : 45850
تاريخ التسجيل : 14/07/2010
رد: الحسن علي عون الله.. عقلية المناصير الجبارة
باشمهندس سلامات وأعلك عافي والله يا صديق شركتك شركتها فوق الجدول الضكر ----دودته غليدى وتنالق وغزيت جنبها قصبه طويلي
الشركه هبرت والعلج قبض
يا صديق الصورة دي وضعها ابن عمي فتح الرحمن
انا طبعاً شهادتي يمكن تكون مجروحة
تخريمه................
السيرة إتحركت ،الكف ضارب ضرب صاح ،أخوات العروس يحررن في الباشى ،رقيص صاح ، يابنات تعالن ارقصن ، نحن مارقصنا معاكن في عرس اخوكن ، والله اخوكن الآخر يعرس ماتلقن البرقص معاكن .
سمعتها قالت هأ .
الطمبور عكل والجنيات تطير لا فوق تطير تندق .
العرق سايل جداول حتى العريس الكحل سال فوق شدوقوا والناس يشجعوا فيهوا ابشر يالعريس بالخير وهو بالو كتر.
ادخلي ارقصي
هأ بري يا يمى.
الحكاية سخنت بالحيل وكم زغروته .
فجأة رأيتها دخلت نص الدارة وما هماها جنس رقيص الطرحة وقعت وماهماها .
رقيص أطرق طراقة اشتر شتارة وماهماها .
مسكت الدارة على حسابة والناس بقت فراجة .
قالوا جنت قالو دسترت قالوا جاها الزار
الآن هي متزوجه وبي وليداتا .
ياصديق أخوي علجك فكوا اليطير .
الشركه هبرت والعلج قبض
يا صديق الصورة دي وضعها ابن عمي فتح الرحمن
انا طبعاً شهادتي يمكن تكون مجروحة
تخريمه................
السيرة إتحركت ،الكف ضارب ضرب صاح ،أخوات العروس يحررن في الباشى ،رقيص صاح ، يابنات تعالن ارقصن ، نحن مارقصنا معاكن في عرس اخوكن ، والله اخوكن الآخر يعرس ماتلقن البرقص معاكن .
سمعتها قالت هأ .
الطمبور عكل والجنيات تطير لا فوق تطير تندق .
العرق سايل جداول حتى العريس الكحل سال فوق شدوقوا والناس يشجعوا فيهوا ابشر يالعريس بالخير وهو بالو كتر.
ادخلي ارقصي
هأ بري يا يمى.
الحكاية سخنت بالحيل وكم زغروته .
فجأة رأيتها دخلت نص الدارة وما هماها جنس رقيص الطرحة وقعت وماهماها .
رقيص أطرق طراقة اشتر شتارة وماهماها .
مسكت الدارة على حسابة والناس بقت فراجة .
قالوا جنت قالو دسترت قالوا جاها الزار
الآن هي متزوجه وبي وليداتا .
ياصديق أخوي علجك فكوا اليطير .
ود عون الله- V.i.P
- احترام قوانين المنتدى :
عدد المساهمات : 611
نقاط : 24331
تاريخ التسجيل : 29/02/2012
رد: الحسن علي عون الله.. عقلية المناصير الجبارة
ههههههههههههه
والله يا حسن ضحكتني جنس ضحك..
كمان ذكرتنا حكاية القصبة البي يغزوها جنب الشركةليقيف عليها العلج و يقبض في الشركة!
ها ها ها
أما قصة البت البي ترقص. ياخي أنت كمان عندك أدب القصة القصيرة.. ودي تنفع في بوستي داك( ونسي في باشي) لأنو الجزء التاني فيهو( اللعب بدا.. والحريم نزلت التمر! يلا يا ولاد أجرو أنزلوا حرروا اللعب..
طبعا اللي كان مأخر الجزء ( اللعب) هو إعتصام الدامر
وهسي دي الناس فرحانة والاعتصام تكلل بالنصر
معناهو بعد كدة نبدأ اللعب في بوست ( ونسي في باشي)
والله يا حسن ضحكتني جنس ضحك..
كمان ذكرتنا حكاية القصبة البي يغزوها جنب الشركةليقيف عليها العلج و يقبض في الشركة!
ها ها ها
أما قصة البت البي ترقص. ياخي أنت كمان عندك أدب القصة القصيرة.. ودي تنفع في بوستي داك( ونسي في باشي) لأنو الجزء التاني فيهو( اللعب بدا.. والحريم نزلت التمر! يلا يا ولاد أجرو أنزلوا حرروا اللعب..
طبعا اللي كان مأخر الجزء ( اللعب) هو إعتصام الدامر
وهسي دي الناس فرحانة والاعتصام تكلل بالنصر
معناهو بعد كدة نبدأ اللعب في بوست ( ونسي في باشي)
صديق عبدالله علي أبوحنة- كبار الشخصيات
احترام قوانين المنتدى :
عدد المساهمات : 7523
نقاط : 45850
تاريخ التسجيل : 14/07/2010
رد: الحسن علي عون الله.. عقلية المناصير الجبارة
ود عون الله كتب:باشمهندس سلامات وأعلك عافي والله يا صديق شركتك شركتها فوق الجدول الضكر ----دودته غليدى وتنالق وغزيت جنبها قصبه طويلي
الشركه هبرت والعلج قبض
يا صديق الصورة دي وضعها ابن عمي فتح الرحمن
انا طبعاً شهادتي يمكن تكون مجروحة
تخريمه................
السيرة إتحركت ،الكف ضارب ضرب صاح ،أخوات العروس يحررن في الباشى ،رقيص صاح ، يابنات تعالن ارقصن ، نحن مارقصنا معاكن في عرس اخوكن ، والله اخوكن الآخر يعرس ماتلقن البرقص معاكن .
سمعتها قالت هأ .
الطمبور عكل والجنيات تطير لا فوق تطير تندق .
العرق سايل جداول حتى العريس الكحل سال فوق شدوقوا والناس يشجعوا فيهوا ابشر يالعريس بالخير وهو بالو كتر.
ادخلي ارقصي
هأ بري يا يمى.
الحكاية سخنت بالحيل وكم زغروته .
فجأة رأيتها دخلت نص الدارة وما هماها جنس رقيص الطرحة وقعت وماهماها .
رقيص أطرق طراقة اشتر شتارة وماهماها .
مسكت الدارة على حسابة والناس بقت فراجة .
قالوا جنت قالو دسترت قالوا جاها الزار
الآن هي متزوجه وبي وليداتا .
ياصديق أخوي علجك فكوا اليطير .
من أجمل ما قرأت في هذا المنتدى مؤخرا ...
كلام بطعم البلد
لك التحية دكتور الروعة ود عون الله
ولك التحية باشمهندس الروعة ود ابو حنة
ود المناصير- مشرف
مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 35002
تاريخ التسجيل : 06/04/2010
رد: الحسن علي عون الله.. عقلية المناصير الجبارة
الغريبة ... مع هذا الكلام الطاعم .. والمواضيع الجميلة
هناك من يتحدث عن ملل في المنتدى ؟؟؟
هناك من يتحدث عن ملل في المنتدى ؟؟؟
ود المناصير- مشرف
مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 35002
تاريخ التسجيل : 06/04/2010
رد: الحسن علي عون الله.. عقلية المناصير الجبارة
الراقي الواعي اللذيذ ود المناصير
لي مدة داير أرد ليك وماني لاقي لى شئ يشبهك ويفشني
أكبر مسكب في المنتدى الواحد تعرف على قامة مثلك
لكن في المنتدي الواحد تشوف أترو ومابتقدر تمسكو
وأيم الله لو كنت في السودان كان جيتك ولو ركبت عري
تخريمه.................
مسعول من الخير باقيلك الجماعة البوست بتاعك الأخير فهموه
لي مدة داير أرد ليك وماني لاقي لى شئ يشبهك ويفشني
أكبر مسكب في المنتدى الواحد تعرف على قامة مثلك
لكن في المنتدي الواحد تشوف أترو ومابتقدر تمسكو
وأيم الله لو كنت في السودان كان جيتك ولو ركبت عري
تخريمه.................
مسعول من الخير باقيلك الجماعة البوست بتاعك الأخير فهموه
ود عون الله- V.i.P
- احترام قوانين المنتدى :
عدد المساهمات : 611
نقاط : 24331
تاريخ التسجيل : 29/02/2012
رد: الحسن علي عون الله.. عقلية المناصير الجبارة
[img]ود عون الله كتب:الراقي الواعي اللذيذ ود المناصير
لي مدة داير أرد ليك وماني لاقي لى شئ يشبهك ويفشني
أكبر مسكب في المنتدى الواحد تعرف على قامة مثلك
لكن في المنتدي الواحد تشوف أترو ومابتقدر تمسكو
وأيم الله لو كنت في السودان كان جيتك ولو ركبت عري
تخريمه.................
مسعول من الخير باقيلك الجماعة البوست بتاعك الأخير فهموه
![الحسن علي عون الله.. عقلية المناصير الجبارة 605890121](https://2img.net/h/www6.0zz0.com/2012/03/19/10/605890121.jpg)
إهداء صورة الزعيم ولأن الدقة ضعيفة ما قدرنا نعمل ما نريد
م بروي- كبار الشخصيات
- احترام قوانين المنتدى :
عدد المساهمات : 2592
نقاط : 33187
تاريخ التسجيل : 24/04/2010
رد: الحسن علي عون الله.. عقلية المناصير الجبارة
سلام المبدع دوماً ود بروي.ماشاء الله الارض التغشاها كلها تخدرا .أبدعت جداً .
الاخ الصدوق داير أدخل الدارة ودايرأنط عند حوض الراس وبعدين المويه بى نعقّلا بس خايف يبقى رقيصي أطرق.
كان في واحد من ناس كبنة إسمو ود علي ود سالم متوسط الطول ،ضخم الجثة ،قوي الحجة، وكان يلبس عراقي أقرب للجلابية ،لم أره في حياته يلبس جلابية ، عندو لهجة هادئة مميزة ،وكان يسكن في وادي كبنة وقد زرع الوادي كلو نخيل . كان هذا الرجل في خلاف شديد مع حاج الحسن على أرض علي النيل في منطقة إسمها سربجي اقرب للكنيسة واشتد الخلاف حتى وصل المحاكم ، محاكم في محاكم وشهود تقوم وتقعد تسافر وتجي .حتى تم الحكم لحاج الحسن ولكن ود علي ود سالم لم يستسلم واستمر الحال.
وعندما توفي حاج الحسن إلى رحمة الله جاتنا أمة محمد معزية ، والناس كلها حزينة وفجأة جانا ود على ود سالم لابس عراقيه المميز ولابس طاقيتو والعمة فوق كتفو وشايل عصاتو وانسند على عصاتو وشال الفاتحه وبعد الفاتحه انسند علي عصايتو كأنو في سوق عكاظ وخطب في الناس خطبة عصماء شكر حاج الحسن دا جنس شكر واذكر فيما قاله انا وحاج الحسن اختلفنا كتير لامن وصلنا المحاكم وكان في المحكمة جوة نتغالط قدام القاضي لامن عجاجنا يربط وبعد نطلع برة يحلف علي لازم نفطر او نشرب الشاي او الجبنة سوا ونونس زي كاننا اصحاب ومافي مشكلة بيناتنا والله بموت حاج الحسن البلد فقدت راجل زي جبل الصالح وقاسي تاني نعوضو الله يجعل البركه في اولادو
وبالله شوفوا أدب الخلاف هنا كان كيف
ديل ناس ما بنقدر نبقى زيهم
الاخ الصدوق داير أدخل الدارة ودايرأنط عند حوض الراس وبعدين المويه بى نعقّلا بس خايف يبقى رقيصي أطرق.
كان في واحد من ناس كبنة إسمو ود علي ود سالم متوسط الطول ،ضخم الجثة ،قوي الحجة، وكان يلبس عراقي أقرب للجلابية ،لم أره في حياته يلبس جلابية ، عندو لهجة هادئة مميزة ،وكان يسكن في وادي كبنة وقد زرع الوادي كلو نخيل . كان هذا الرجل في خلاف شديد مع حاج الحسن على أرض علي النيل في منطقة إسمها سربجي اقرب للكنيسة واشتد الخلاف حتى وصل المحاكم ، محاكم في محاكم وشهود تقوم وتقعد تسافر وتجي .حتى تم الحكم لحاج الحسن ولكن ود علي ود سالم لم يستسلم واستمر الحال.
وعندما توفي حاج الحسن إلى رحمة الله جاتنا أمة محمد معزية ، والناس كلها حزينة وفجأة جانا ود على ود سالم لابس عراقيه المميز ولابس طاقيتو والعمة فوق كتفو وشايل عصاتو وانسند على عصاتو وشال الفاتحه وبعد الفاتحه انسند علي عصايتو كأنو في سوق عكاظ وخطب في الناس خطبة عصماء شكر حاج الحسن دا جنس شكر واذكر فيما قاله انا وحاج الحسن اختلفنا كتير لامن وصلنا المحاكم وكان في المحكمة جوة نتغالط قدام القاضي لامن عجاجنا يربط وبعد نطلع برة يحلف علي لازم نفطر او نشرب الشاي او الجبنة سوا ونونس زي كاننا اصحاب ومافي مشكلة بيناتنا والله بموت حاج الحسن البلد فقدت راجل زي جبل الصالح وقاسي تاني نعوضو الله يجعل البركه في اولادو
وبالله شوفوا أدب الخلاف هنا كان كيف
ديل ناس ما بنقدر نبقى زيهم
ود عون الله- V.i.P
- احترام قوانين المنتدى :
عدد المساهمات : 611
نقاط : 24331
تاريخ التسجيل : 29/02/2012
رد: الحسن علي عون الله.. عقلية المناصير الجبارة
دكتور حسن. بعرف قصة ود سالم دي بجميع حذافيرها وتضاريسها. وكثيراً ما كنا نسمع.. فيها صلح أو نحضر محكمة... أو يكون الوالد عبد الله طرف في صلح فيها.. هو ود علي ود سالم برضو راجل واسع الذكاء المخلوط بشئ من المكر.. وإلا ما كان بيناطح حاج الحسن الراس بالراس.. شفتو كتير ود علي ود سالم.. وركبته المميزة فوق حمارة غبشي كدي ويخت عصايتو بالعرض على السرج ويضغط على العصاية بي يدو دي وبي يدو دي! ويتكلم بهدوء..
صديق عبدالله علي أبوحنة- كبار الشخصيات
احترام قوانين المنتدى :
عدد المساهمات : 7523
نقاط : 45850
تاريخ التسجيل : 14/07/2010
![-](https://2img.net/i/empty.gif)
» من المناصير .. إلي إسحاق احمد فضل الله وآخرين
» رد شعراء المناصير علي اسحق احمد فضل الله
» حصر 99م أصحب مرجعية لأسامة عبد الله لمهجري المناصير[/size]
» عدم إحترام عقلية الشعب .. حكومة البحر الأحمر أنموذج
» يوم الجمعة القادم باذن الله الافطار مع طلاب المناصير بالداخلية بالفتيحاب
» رد شعراء المناصير علي اسحق احمد فضل الله
» حصر 99م أصحب مرجعية لأسامة عبد الله لمهجري المناصير[/size]
» عدم إحترام عقلية الشعب .. حكومة البحر الأحمر أنموذج
» يوم الجمعة القادم باذن الله الافطار مع طلاب المناصير بالداخلية بالفتيحاب
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى