قصيده حللللللللللللللللللوه

القمـــــــــــــــــــرة
كلمات : احمد محمد الحســـــن

القمـــــــرة
طلبتك بالله يا القمره
تشوفى ليّ كيف بالله ناس حلتنا فى الليل ده
وتشوفى ليّ ناس حلتنا عد يتعشو واللا يغنوا
واللا مكومين يتحاجوا فى الرمله
آى طلبتك با الله يا القمرة
وانا مشتاق ..وزى ما عارفه يا القمـــــــره
لى سنيـــن فى نار الغـــــربة اتقله
ونار الغربة زى ماك عارفة يألقمره
شوق يومين يهرد الزول
وكيف للفيها سبعة سنين بنات حفرة
آه من شوقى يـألقمره
آه من قلبى من اوجاعو
من جواهو لما تمر بى الذكرى
اسرعى شوفى يألقمره
وقبل ما تشوفى ارخى اضانك أسمره
اسمعى لييّ ايه بيقولو عن احبابم الشعراء
فى حجواتن ايه بيقولو ناس امونه ناس علوية
ناس زينوبه ناس السيدى والزهرة
اتذكرت يا القمرة فاطنى السمحى من حجاويهم
ومن اشعارهم البت البيصف بالسواد شعره
ارخى اضانك آ القمره
اسمعى لي صوت اطفالنا فى لياليهم الساره
لما يضجو لما يوجو لما يكوركو
زى طير العشية الراكى فى الشجره
لما يغنو لى ليلك ... بسحب الكاف وكسر اليا
حليل ايام براءتنا ووداعه وجهنا السمره
ايام كنا من جدول نعوم فى النيل ونطلع نخرط النخله
ومرات نلعب الطقاش ومرات نلعب الحفره
ومرات نلعب الشراب وسيجة ونط كلب مره
وصفرجت آحليل واحله حليل الطق يا عبدالله
اتذكرت وكت كنا نشيل اشراكنا نندله
نكوس الدود من البتق نقد العيشه بالابره
نبارى الطير نشركلو وندودرو بشييشى نمشى ورا
حليل ايام جبابيدنا المتينه اوتادها فى الحجره
نرميها وقبل ما نمشى نشبك خيته بى قفرا
ونمشى نفتش الجندب نجيبوا طعم مع الكسره
حليل ايام براءتنا ووداعه وجهنا السمره
ايام كنا مبسوطين نغنى ونشدو بالفطره
ولاب نعرف شقى الليله ولا بنشيل هموم بكره
ايام كنا بنناديك يا القمره
ايام كنا بنقول ليكى اقلبى السنسنه الحمره
شوفى ابوى ما جا
حليل ايام كنا ما عارفين ورا الايام سناسن مره
ولاعارفين فى يوم نرحل نفارق ونبكى فى حسره
طلبتك با الله يألقمره اى طلبتك با الله يألقمره
تشوفى ليا كيف با الله حال حلتنا فى الليل ده

للامانه منقول من صفحه اشعار الشوايقه

للامانه منقول من صفحه اشعار الشوايقه
انت في زول سألك......
بي امانه قصيده جميلة شديييد

قصيدة حلوة يحس قارئها كأنه قائلها ... طاعمى...
تقبلى مرورى الأخت محاسن ...

انتو يا جماعه القصيده دي قالتها متين وانتو ما رديتو عليها... أصلو انا بعد مرات بمشي اشوف المواضيع التي لم يتم الرد عليها وأقول ألقي فيهن اللجر.....هههههه
اصلي بشوف الخدار الباير ومعروض طووول وجاتو الشمش .. وبجرو علي الضل
أنت يا الفكي بالذات بلومك شديد لأنك شاعر....
تقبلي مروري ....يا أنتي

ياانت شكرا علي بحتي القصيده
والقصيده دي عل قولك طولت
زول كدي عبرا مافي
بارك الله فيك
المهندسين شكرا علي المرور المتأخر

وياانت قلت لي مافي زول سألك
قايلي من اشعار الشوايقه لي شنو
لي دواعي تحشريه
ههههههههههههه

السلام عليكم وجمعة مباركة بإذن الله تعالى ، عفوا أستاذنا محمد حبيب هبرم كيف تلوم الزول على الشى الماشافو ولاعندو خبرو ؟ إنت بارك الله فيك نبشت هذه القصيدة وسليتا من تحت كم يوم ، أصلو المواضيع فى منتدانا ده زى الجمر أغلبها مع إنو ذو شأن ويهم الجميع لكن يصادف أن لا يُلقى لها بال أو يأتى بعدها بدقائق موضوع آخر قبل أن يطلع عليها الكثيرون ، فيجثم عليها هذا الجديد ولكنها تظل تحته متقدة متى ما أزيح ماتراكم فوقها تراها تلمع وتتقد فيطلع عليها من لم يمر عليها من قبل وكأنها وليدة الساعة ، بعدين مرات الواحد فينا يجى متلهف ومشتاق للمنتدى ولأخبار الأهل لكن ماعندو زمن يكفى ليرتع ويرعى كما يشاء وعلى مهلو ، فتراه زى الغنمايه العاقه إلا مايطلقوها مع باقى القطيع تكون عارفه ليها خدارا سمح لكنه ممنوع وتعلم أنه إذا رآها أحد فلن يدعها وما تشتهى ، فتراها فى عجلة من أمرها تأكل هنا وتقرض هناك وتنظر بين الفينة والأخرى تحسبا من أن يكتشف أمرها ، وفجأة ينبرى أحدهم ويبعدها عن هذا المرتع الخصب
فتعود مهرولة لباق القطيع وفى فمها بقية تمضغها وتجترها ... هناك الكثير من المواضيع القديمة الجديدة لمن لم يطلع عليها الحلوة والشيقة والهادفة تستحق أن تعود من جديد ... مع تحياتى للجميع ...

زي ما قال ليك ود حبيب في زول سألك؟
للأمانة وما للأمانة
المهم القصيدة حلوة
يا ود حبيب
التبس اليابس لمان يجهيو الخريف، موقاعد يرشوا ويخدر وحتى يسوى المشع ويسوى ( الكريب) دحين أنت زي الخريف رشيت القصيدة دي خدرتها
العرب لمان تجيب ليهم في الخلوة الغداء بي ملاح بامية مفروكة ومعاه صحن سلطة وجرجير، وبعدين تعشهم بي فطير بي لبن
يقولوا ليك ( الليلي ما شاء الله ،عشانا خريف تب! نحمد سيدنا)
دحين يا خوي أنت وكت بي تعرف تجي دبي.. مالك آب تسعل عني!
دا الليلي لو كان واحد من أصحابي الهبارمة أعمامك دحين كان بي يفوتني؟
انت ما تحي صلة الهبارمة وتقول كدي تتحزم تزورنا! في أبوظبي!
الهبارمة من شيمهم ما بيتغابوا العرفي في زولن.

لا حولللللي... علي قول استاذنا عيسي بروي... يا هندسة ...كريب... دي حفرتها من ويين...كدي في كم زول في المنتدي دا بعرف الكريب..؟؟؟
والله أنا الكريب خبتو.. وأكلتو..وسويناهو.. قراصة حجر بي لبن ... هسع يوم داك في المناصير الجديده لقيت لي تبسي قايمي في الجامع.. وخرتها وقلتها للناس بعد الصلاه .. يا أخوانا الشي دا شنو ما عرفو زول الا لمان جو ولاد الهبارمه... هسع في منتدانا دا الا أكان يبقي سلمان عقيد وخالد عابدين,,..
(بخصوص دبي الحمد لله سجلت شركة في دبي واستلمت مكتب فخم في 7wfبدبي الحره وزيارتي القادمه باذن الله ستكون علي اقامتي..وان شاء الله بشوف كل المناصير وين وازورن باذن الله... لك العتبي حتي ترضي يا هندسه يا رائع)

يا الباشمهندس الفكي ... أنا الحاشرني في نص المهندسين ديل شنو...ههههههه
بختك يا أنتي العلقوا عليك كلهن مهندسين....تلاتة مهندسين وعربي..هههه
ياااا... هندسة....يا أخي بعد نقتك الكتيري دي ..يا أخي العفو والعافيه..
يا الفكي بمناسبة الغنماييي العاقة دي .. مرة سوماجه الحكيت قصته داك مع خطيبة البروف بدر الدين.....هووويي هسع دا الناطق الرسمي بأسم المؤتمر الوطني...جا لي صاحبه تحت التمر وقاله يا سوماجه الرقته دي طوالي تنط من الكر وتجي تخرت التمر الشتل القصار دا ..أسويلها شنو... طوالي عمنا سوماجه قالو ...
تضبحا.. تضبحا.. والعاديات ضبحا... طوالي عاين للناس القاعدين جنبو لقاهن يدردقو من الضحك ..هههههههه

الباشمهندس الفكي لك العتبي حتي ترضي
انا مابقدر اقول العربي الحشرو هنا شنو
لانو هو كتر خيرو بحبت
بس ههههه وسط المهندسين
فعلا انا بختي مهندسين وعرب مندسين

واول مره اشوف لي عربي محنكش مابعرف الكريب
زح كدي الكريب دا ما حب التبس
هبرم ود اب ابحنه الزول علشان يقرأ كلامكم ويفهمو الا يجيب dicshenary
هسي ياهبرم عنوان البوست الفي شعراء المناصير اتهجيت لمن فترت ماجمعت كلام يتفهم
ماتنسو الناطقين بغير المنصوريه البحته

محاسن كتب:الباشمهندس الفكي لك العتبي حتي ترضي
انا مابقدر اقول العربي الحشرو هنا شنو
لانو هو كتر خيرو بحبت
بس ههههه وسط المهندسين
فعلا انا بختي مهندسين وعرب مندسين

واول مره اشوف لي عربي محنكش مابعرف الكريب
زح كدي الكريب دا ما حب التبس
هبرم ود اب ابحنه الزول علشان يقرأ كلامكم ويفهمو الا يجيب dicshenary
هسي ياهبرم عنوان البوست الفي شعراء المناصير اتهجيت لمن فترت ماجمعت كلام يتفهم
ماتنسو الناطقين بغير المنصوريه البحته

يا بت نحن برانا الغنماية عرفناها قبل ايام هههههههههه.
لكن الفهم درجات والعلم جامعات والسماح وجنات والشبع لقيمات ...ههههههههه

ناس سمحين بالحيل
مودتى وتقديرى

محمد حبيب بشير هبرم كتب:لا حولللللي... علي قول استاذنا عيسي بروي... يا هندسة ...كريب... دي حفرتها من ويين...كدي في كم زول في المنتدي دا بعرف الكريب..؟؟؟
والله أنا الكريب خبتو.. وأكلتو..وسويناهو.. قراصة حجر بي لبن ... هسع يوم داك في المناصير الجديده لقيت لي تبسي قايمي في الجامع.. وخرتها وقلتها للناس بعد الصلاه .. يا أخوانا الشي دا شنو ما عرفو زول الا لمان جو ولاد الهبارمه... هسع في منتدانا دا الا أكان يبقي سلمان عقيد وخالد عابدين,,..
(بخصوص دبي الحمد لله سجلت شركة في دبي واستلمت مكتب فخم في 7wfبدبي الحره وزيارتي القادمه باذن الله ستكون علي اقامتي..وان شاء الله بشوف كل المناصير وين وازورن باذن الله... لك العتبي حتي ترضي يا هندسه يا رائع)

يا اخوانا ود اخوي العريبى دا ماشى يسوي شنو في دبي

اظنو داير يشتغل صادر جمال صبق

ماتنسي تزور عمك ابحمد باقي عندو شوية عرفي في السوق والبادية وقاعد يناوش الخلاجية

معليش ابنتي صاحبة البوست اصلو الولد ده شرادو كتير عشان كده لما نلقاهو في اي ملف نحاول ننجض الحديث معاهو

قريبي ابحمد لك التحيه يا رائع ..ولقلك انا عريبي خلا وزول نصيحي أول العرب ديل بباريهن زولن ماهو منهن ..... وأنا من كلامك النجييض داك عن البصرة ...عرفتك عربي خلا والمناصير ديل تداخل عجيب ودا المحليهن ومسمحن
لكن قريبك العريبي دا مافي زول بباريهو لأنه زمااان قلنا الدرب بي جاي ...ونطو علينا ناس الحاكومه قالولنا مالكن الدايرنو شنو... والله حكايه البيوت دي عرضوها علينا قبل الجماعه ديل بي زمن.... ووين ....هني في كافوري دي مش في الخلا داك...
لمان رفضنا ...قبلو علينا ورونا المكشن بلا بصل...
تاني نشرد ويين مع الايباد دا..هههه
لك شكري
ناس حفارين بلحيل

والله حكايه البيوت دي عرضوها علينا قبل الجماعه ديل بي زمن.... ووين ....هني في كافوري دي مش في الخلا داك...


افو افو يا ود اخوي

الناس يتمنو ويسعروا فيك مالن وانت زولا ماك هين اعلو ما شافولن فيك فدسه

شكراً شكراً قريبي ابحمد... علي كترة الطله .. لكن لأنه الكلام موجه لي أنا ... أستاذن صاحبة البوست في الرد..
يا ابحمد ..يا حليلك يا النايم علي حيلك..
السياسه دي مزادات وعرض وطلب..وللانجليز مثل قديم(كل الضمائر تشتري ولكن يختلف الثمن)...وقد دخل هذا العريبي دهاليز السياسه في وقت كان الذين يعمرون (المنتدي السياسي) في هذا المنتدي اليوم .. لايميزون بين الترابي والصادق وقد يعتقدون ان محمد ابراهيم نقد تاجر عمله بالخرطوم 2 او سعاد الفاتح مغنية في دار الأبرا ..
.للاسف الشديد حتي قضيه المناصير وجدناها معروضه في ملجة السياسة..كنتم تعطونهم العهود نهاراً ليخبرونا بها ليلاً..(أن قضية المناصير لاخوف منها لأنه ماسكنها أولادنا...مصطفي عثمان اسماعيل..(نمسك الان عن الزمان والمكان)
قضية المناصير لاخوف منها لانها في يدنا..عوض الجاز(رئيس اللجنه الامنيه منذ صبيحة 30يونيو وحتي يوم الناس هذا)
ان كان هذا فهمك يا قريبي لا تصلح حتي لفتل قيود جمال الصبق..دعك من ان تكون معي في قافلة الخليج
لك خالص ودي وتقديري