البرجوب في قناة الخرطوم

الآن البرجوب في برنامج في قناة الخرطوم

لمن فاتتهم الحلقة ، البرنامج كان مبروك العيد ، واستضيف فيه عدد من المصرفيين
حديث البرجوب ، تناول ذكرياته في بنك فيصل ، طرائفه وحكاياته ، وطريقة عمله ، اسباب فصله من البنك ،
واهم مال قاله :
معايدة لأهل الدائرة ـ مناصير ورباطاب
وقال إن خواتيم هذا العام ستشهد بشريات في الكهرباء والطرق وحقوق المهجرين

سلام لاستاذنا عبد الوهاب احمد وعيد مبارك لقد حضرت هذه السهرة وحرصت على حضورها بحكم عملى السابق ببنك فيصل الضيوف كانوا مدراءنا ونحن فى بداية الطريق فى تسعينات القرن الماضى الاستاذ معاوية مصطفى كان من عمل لى المعاينة وكانت كالاتى

تسميع سورة الفاتحة واية الكرسى بالتجويد

دعاء السفر والاستخارة

بعض الاسئلة الخاصة بالتخصص مثل تعريف الاقتصاد الكلى والجزئى والفرق بينهما

تعريف المشكلة الاقتصادية

اتزان السوق

المنافسة الحرة

ماذا تعرف عن الاقتصاد الاسلامى والبنوك الاسلامية ودا ماكان مقرر لينا فى الجامعة وهاك يانجر

اسئلة عامة عن الوضع السياسى العالمى الراهن ولحسن حظى كنت قد حضرت نشرة التاسعة فى التلفزيون ورصيتها ليهو بالنص

واخيرا وفجاة سالنى بى تصلى حقيقة فوجئت بالسؤال معقول زول ماقاعد يصلى جايى يشتغل فى بنك فيصل فاجبته طبعا فقام قال لى شنو طبعا ماتقول ربنا يقبل

وطبعا التزكية كانت من البرجوب فضرب ليهو تلفون طوالى وقال ليهو العربى بتاعك دا اقول ليهو بى تصلى يقول لى طبعا

لكن البرجوب ماقصر رد ليهو وقال ليهو نحن ناس مابنتخيل انو زول مسلم مابيصلى

اعود واقول انه ورد خطا غير مقصود فى كلام اخونا عبدالوهاب وهو ان البرجوب رفت من البنك والصحيح انه قدم استقالته وشكرا