يا ادارة المنتدي هووووي

يا ادارة شنو الصور الموجودة في صفحتي دي

العيد مبارك عليك اخونا عبدالواحد
نفس هذه الصورة عند ابراهيم حجازى
يجو ناس الادارة من العيد ويشوفوا الحاصل دا
يمكنك الاستعانة بانتصار حجازى

يعني عشان لقيت الهنديه
ما بتقرأ بيجاي
تقوم تنكر بنياتك
عالم ما تختشيش

الاخ عباس كل سنة وانت طيب

*والله يا خال لو ربط الصورة مع شغلي مع الهنود

!!تجيب لود اختك الهرشة وعارفوا مهروش وخواف

*لكن في المجمل طالما ان الاختراق ساهل بهذه الطريقة

*اذا ابو ضوة برئ؟؟

يس قال : احتمال تكون الصور دعايه من الشركه المالكه ودي دايما تختفي بعد فتره بسيطه

أيوه يا شيخ يس. راح تختفي بعد فترة بسيطة
ما تكاف!
كمان ما تخاف يا عبد الواحد.. فعلا صورة كبيرة غير الصور العادية البي تنزل في المنتدى يا عبد الواحد.. مما يدل ما أنت العملتها.. هندية وبنيتا أدعو ليهن.. بالخير.. لامن يجوا ناس المنتدى يمرقوها ليك.. مالك كدي زي الزول الشاف ليهو عقرب..
........
هنالك في اللغة العربية مثل يقول : ( عجمي فالعب به ! )
......
يعني الليلة كان طلعت الصور سودانية كان شلتو حال عبد الواحد والله شنو؟
عادي عبد الواحد شغال مع هنود ، ويتعامل معاهن يا شيخ يس عادي زي وزيك
ما تحرش عليهو الإدارة يا شيخ يس!
........
السر عثمان الطيب أخو القامة عادل عثمان الطيب قال : ( الذي ألهمنى الشعر الماء والخضرة والوجه الحسن )
والله لو كان الناس تدينت دين مزبوط وعالي وقيم راقية.. والرجل أصبح ينظر لأي مرأة زي أختو بالزبط..كان ما تشوف فيها أي شئ.. لكن لايزال الرجل يرزح تحت قيود الجهل والتخلف المدقع.. ومفاهيم خطأ.والشهوة الطائشة... الواحد المرأة معاه في البيت وفي الشارع وفي الحافلة وفي المدرسة وفي الجامعة وفي كل ضروب الحياة.. لكن لما تهبشوا يقول ليك ده حرام!
صحيح قد تكون هنالك أشياء يأباها ديننا.. ولكن ليس مطلقا يابى كل شئ عن المرأة
كان صورة أي مرأة تكون ليك عادية تماما زي صورة اي عضو بلا أي مزايدة لو الزول نضيف..
خلاص شيخ يس قال احتمال تكون الصور دعايه من الشركه المالكه ودي دايما تختفي بعد فتره بسيطه) خلاص شيخ عبد الواحد برضو راح تزول من عندو دعاية الشركة المالكة بعد فترة بسيطة..
يعني هانت

شكرا الاخ يس

كل سنة وانت بالف خير وربنا يحقق امانيك

غيرت التوقيع والحال في حاله

الهنديات مصابحاتني في الشغل وكمان في المنتدي الله يعين

+العمدة الباشمهندس صديق كل سنة وانت بخير

الزاوية التي نظرت بها للصورة انا انني لا استطيع ان اكتب معاها شي والكتابة تكون تحت الصورة

بعدين انا واخوي عباس من الجيل المهروش الادارات مطمئنات!!

دكتور عبد الواحد كل سنه وانت طيب وعيدك مبارك .

الجماعة قالوا يمكن تكون دعاية من الشركة المالكة دحين ان بقت دعاية انت شغال تنشر فيها مجانى محل ما تكتب موضوع اورد تنزل الصورة معاهو وماعندك حل غير تقيف من الكتابة اليومين ديل .
شكرا ليك وكل سنه وانت طيب,

يا ربي هل واحد حاول يعبث بالمنتدى، وبحسابات السادة الأعضاء..
وينك يا انتصار الإدراة غايبة كلها معيدة إلا أنت.. مفروض يدوكي الباص ويرد العامة وخاصية البحث..

يا عباس الصورة دي عندي برضو ؟ شكلو موضوع الزوجة الثانية بقي جد جد ههههه. هندية كمان ومعاها بنتين هييييع انا أخو البنات ما عندي مشكلة طالما عبد الواحد نكر الموضوع هههه.

لاحظت انها موجودة كاضافة وسام لاعضاء معينين
يعنى تم منح وسام هندية ببنياتا ههههههه

عموما دخلت على حائط عبد الواحد وغيرت الوسام
لغاية يجى خالد ويشوف حكاية الاوسمة الهندية دى شنو


وح احاول اغير ليقية الاعضاء الاخرين


بس حابة اضيف ملاحظة مهمه ذكرها الاخ يس
المنتديات المجانية عادى تظهر فيها اعلانات غصبا عنك
لاننا منتدى مجانى على استضافة احلى منتدى
فااكييد بتظهر صور عشوائية من الشركة المستضيفة

العيش لخبازينو لو بقي بالخسارة

تسلم وتشكر ام ساريا

العيش لخبازينو لو بقي بالخسارة

عبد الواحد قال كدة؟
تعيش بت أسد أب سباع.. نعم الإدارة..
طيب أيه رايكم بعد كدة ندفع رسوم ونحول منتدانا لى منتدى بالقيمة.. كدة ذاتو بتلقى وسائل إضافية.. أن تتحمل الصورة طوالي وكبيرة. وخاصية كط آند بيست طوالي.. وخاصية تحميل سريعة وتصل لقيقابايت.. وأشياء أخرى كثيرة
........
يعيشوا أهل التخصص والعلم
........
شوف النعمي دي. بناتنا بقن دكاترة انترنيت. يعالجن المشاكل العجز عنها الرجال..
هسي دي عبد الواحد ليهو أربعة يوم يكورك ..لامن جات بت أسد اب سباع فكت كربتو!
نحن زمان البت زميلتك إلا تكون مثلا متكسرا لك شوكة تمر في كراعك تجي تنقشا ليك تطلعا.. يكون تلعبوا في التمر بي تحت؟
لكن حكاية تزيل الأخطاء من الكمبيوتر وتصححا.. وين عاد دي!
..........
ود عون الله أنا غيرت رأي
أسحب بسوت يعيوت.. حريموت..
يازول ( نمشي محل ما البياض غليد )ههههههه زي ما قلتا أنت لى دكتور مصباح..

الباشمهندس نصرين كل سنة وانت بالف خير

ربنا يحقق امانيك

الحمدلله انتصار حلتنا من الهندية وبناتها

*اظنها خافت علي اخوها ابراهيم من الهرشة!

الصورة دى ما جننتنا عدييييييييييييييييييييييييل الحقينا يا انتصار

انتصار حجازي كتب:
بس حابة اضيف ملاحظة مهمه ذكرها الاخ يس
المنتديات المجانية عادى تظهر فيها اعلانات غصبا عنك
لاننا منتدى مجانى على استضافة احلى منتدى
فااكييد بتظهر صور عشوائية من الشركة المستضيفة

هو دا ... تشكر الاخ يس والاخت انتصار