الليلة ساير يا ود القبايل ... التهنئة بالزواج .. لجبريل وزوبا

زواج مبارك وسعيد إن شاء الله ... ربنا يجمع بينهما على خير ويوفق بينهما ويرزقهما الذرية الصالحة ... التهانىء نزفها للعريس جبريل والعروسة زوووبا ولأسرتيهما ولكل أعضاء منتدانا الرائع بأهله ... مشكورة أختى إنتصار.... نسأل الله أن يديم الأفراح والليالى الملاح _

الف مبروك

بارك الله لهما وجعل دنياه ترفل بالفرحة والرفاه والبنين

الف مبروك للعريس جبريل والعروس زوبا وربنا يرزقهم الذرية الصالحة وبالرفاء والبنين , والعقبال لبقية عذابة المنتدى

ألف مبروك لأعضاء المنتدى.. زوبا وجبريل.. ( نحن نقدم المرأة على الرجل) إجلالا
........
هذه من ثمرات المنتدى الصالحة في الدنيا والأخري
مبروك عجبنا والله
.......
لكن يا استاذة انتصار ما تحددي

والعقبي لبقية العذابة اللى بمنتدانا

عبارتك الفوق دي ما بتعجب!
ما تحددي
قالوا في أهل العوض مشوا ليهم لى شيخ.. قالوا ليهو يا شيخنا جانا عقد عمل من المملكة وجينا نودعك! وتدينا الفاتحة
الشيخ رفع يدينو ودعا ليهم وقال ليهم : ( إن شاء الله من الحلال مرزوقين ، ومن الحرام معصومين )
نطا واحد من أهل العوض قال ليهو : هووووي يا شيخنا هوى .. ما تحدد ..
..........
قال صلى الله عليه وسلم ( رحم الله أم إسماعيل ، لو لم تزمزمها لجرت نهرا )
هي من شدة ما ضاقت العطش واشرفت على الهلاك.. لما نبعت صارت تعمل لها تقانق وأطراف من الواطة عشان ما تسيل..تتدفق..وتقول لها : زمي زمي.ز عشان كدة سميت زمزم..
لكن نبينا عليه السلام قال يعني لو تركتها تسيل كان سالت وجرت نهرا حتى تصب في البحر الأحمر لى يوم القيامة..
دحين إنت يا أستاذة ما تحددي عذابة والله غير عذابة. كدة الناس بيزعلوا منك..
المهم حلال

لا موش أنا يا أستاذة انتصار.. أنا زول رافع البيرق! زي هاشم علي الجزولي. وصاحبي الدكتور. يعني واحدي وبس!
لكن أنا نبهتك لأنو قبل كدة إنت قلت ليكي كلام قريب من ده في المنتدى!
قامت جاتني رساله .. زول قال لى : (صديق قول لى قريبتك دي ما تقطع رزقنا اللي راح يكتبوا لينا الله )
عشان كدة
موش عشاني أنا
بعدين أنا عارف كلهم بنات حوه أصدقاء ومتكتلين ومتمركزين ومتمترسين مع بعض..

الف مبروك الاخ جبريل والاخت زوبا
بيت مال وعيال انشاء الله

مبروك الزواج للأخوين أعضاء المنتدى زوبا وجبريل..
مبروك العيد لكل الناس..
بس الخرفان غالية بلحيل..
بلّال الأخت إنتصار أعجبنى وهو أجمل هدية للعريس..
أكدت الأخت إنتصار بهذا البلاّل أنها منصورية تعشق المناصير وتعرف أصلها وفصلها..
أتمنى أن يخبرنا الخال صديق عن البلاّل!!وكيف كانت تقدمه الخالات والعمات للعرسان فى المناصير ومن هن أشهر الشاعرات فى هذا المجال (روضة الحاج ما كفاية)..
بلالك بلالك يا بلالى العليك البيت مبارك يا بلالى..
ما سكر يوم فى حياتو يا بلالى
ياهو زول الجنة زاتو يا بلالى
....................
عديلة أنا ليك بقول الليلة ساير..مبروك العريس سمح الخصايل.
..........................
ده الغرق الخرطوم قوليلو بخيت عليك..خلى الكبارى تعوم قوليلو بخيت عليك..
ده الغرق أم درمان قوليلو بخيت عليك خلى التجار ضيفان قوليلو بخيت عليك.
مع الإهداء للسيد العريس عضو المنتدى..
لكم جميعا عاطر التحايا والود.

الف مبروك للعروسين عبد الرحمن وزوبا نسال الله ان يوفقهم في حياتهم
اب حنة قال رافع البيرق زي هاشم الجزولي والدكتور غايتو الدكتور وصل مرحلة رفع الطار اما انا فوصلت مرحلة دق الظار
ود الحمود في البلال قال ده الما سكر في حياتو تعرف يا ود الحمود الماسكر في حياتو من المناصير ده منصوري تايواني ساكت
اما عن البلال فاتذكر كلمات قيلت في باشي لازالت في الذاكرة
بلال يابلال ده السحابي الزرنقت وعلي المهوة اتكت ويمين وشمال سقت

أنا ما عارف الناس مكسرين في البوست ده ليه!
.......
ود الحمود بركة الجيت من البلد! والله أصلك ما سافرتا! خانتك الظروف؟
هاشم حكومتك العصفورة بتاعتي قالت لى هي خارج العاصمة الآن!
البلال يا ود أختى علي الحمود ما خلاص إنت قلتو. تاني شنو عاد؟

نبارك لهما جبريل وزينب والعقبى لكل العزاب بالمنتدى ونحن في خانة هاشم والدكتور ياصديق وإن شاء الله ربنا يسعد العرسان والعروسات الذين تزوجوا هذا العام في عيد الأضحى وهم كثر في المناصير هذا العام.

خلاص يا مصباح قبلناك في خانة هاشم والدكتور هههههههههه

مبروك للعروسين جبريل وزوبا

اللهم أجعله زواجاً ميموناً --مباركاً

اللهم ارزقهما الذرية الصالحة--والمال الوفير --والسعادة الأبدية

*******

تخريمة

شايف إسمي حايم

الرد جايي

ود عون الله..
أول اسمك ما بيحوم ..مالو
انت سيد الجلد والراس
وأهل الباشي والتدان... أشرح دي
...
قال الرد جاييكم قال؟
وين رد يجينا...
أنت بوستات زي دي قالوا فيها مفاريك؟
....................
شايفين الأدباء بيحاولوا يمنطقوها كيف؟ وتسعفهم اللغة بمعانيها ، ويستولدون اللغة استيلادا
زي سامي قال : (والعاقبة للمعذبين فى الأرض ) دي عبارة مطاطة .. موش زي عبارة أستاذة انتصار..

العديل انشاء الله فالك وتعيش وترب عيالك

تهانينا القلبية للعروسين أعضاء المنتدى جبريل وزوبا ربنا يهنيهم ويزيدهم من فضله
ويرزقهم المال والذرية الصالحة وعقبال للعزابة ...

اللهم اجمع بينهما بالخير وبارك لهما الف مبروك للعرسان