فطور العريس

هههههههههه

الفطور بالدفااار

[ندعوك للتسجيل في المنتدى أو التعريف بنفسك لمعاينة هذه الصورة]

واااخر التقليعات العجيبة
خروف هدية مع الفطور ... وعاد خروفا ما هو خمج
خرووف بمكياج وزينة

ام العريس جينا ليكي جبنا الخروف مكيجناهو ليكي
ام العريس اقيفي لينا جينا بي خروفنا مكياج وزينة


وما اقول غير يا مثبت العقل والدين
ثبت عقولنا

ولسة مسلسل التقليعات النسائية مستمر
اصلا حاليا هناك نساء متخصصات لعمل الفطور وكمان موزعه ارقامها وتلفوناتها
يعنى الظاهرة اصبحت مقننه كمان

والله يستر بكرة تفتح محلات متخصصة فى زينة خروف فطور ام العريس
مكياج ويمكن كمان فستان زفاف ... ما معروف

هنا فى السعودية وفى مدينة القصيم معقل الشيوخ والمطاوعه
عندما بدأت تنتشر ظواهر نسائية بوبارية فى الزواج
اجتمع الشيوخ واصدروا قرار فى مدينة معينة فى القصيم
وحددوا ان العريس فقط يوم الزواج يذهب ومعه تورته فقط يقدمها لاسرة العروس وياخد العروس ويخرج
لا مناسبة ولا عشاء حتى
حتى تحرم النساء التفاخر وتصعيب الزواج

اتمنى عندنا فى السودان ان يوقفوا هذه الظواهر الغريبة التى ادت الى صعوبة الزواج وعزوفهم عن موضوع الزواج

كفيتى ووفيتي اختى العزيزة

والله ده بوبار بس

شكرا انتصار على الموضوع الحي
والله يا انتصار الظاهره دي بقت حاجه مبالغه
هي خساره على الطرفين
لانو احيان كثيره بيرتبط هذا الفطور حسب مايجيبه العريس
وبدخل الناس في صرف مافي منو اي فايده
في ناس تظل تحل في ديون العرس لمن يجي المولود والله
غايتو في بعض المناطق بدأو في محاربة هذه العاده لانها جد مرهقه جدا
ونشاالله ماتصل اهلنا هناك

هذه الظاهرة لا توجد لدينا هناك الاخت انتصار
ولن تعرف سبيل للوصول الى تلك الديار

شكرا اختي انتصار علي هذا الموضوع الجميل وهي عاده سودانيه يتم بها تبادل لطعام لاكرام الضيةف وغالبا ماتكون عزومةة اهل العروس فطور يقدمو جزء من الطعام لاهل الزوج الذي غالبا ماتكون وليمته غداء حتي هنا لا بأس ولكن المبالغه من الجانبين في تقديم الهدايا هو المشكله الكبيره والان دخلت مع ظاهرة الفطور وموية رمضان تقديم الثلاجات ولبوتجازات وطقوم العشاء الفاخره هذا طبعا للعريس الذي يقدم الشيله داخل عربه فارهه ووسط زغاريد النساء يسلم مفتاح العربه المليئه بالهدايا الي ام العروس

فطور العريس، عشاء العريس، غداء العريس، لامن البنوت بارن.. لازم البنت تبدأ بثورة تتخلص من عادات الأم والحبوبة الغير ملائمة مع ديننا الحنيف..

كلامك مظبوط يالخال لكن البنت غالبا وحتي في هذا الزمن لن تستطيع ان تغير هذا المفهوم لانها بتكون في دائرة الضوء وخائفه من كلمة رخصها ن وماجاب ليها00000000000الخ و لذلك هي تكون حريصه علي ان يعزها ويكرمها وبقدم لها كل مايملك من اموال باعتبار ان هذا هو الدليل علي معزتها وغلاوتها

والسبيل من الخلاص من هذه العادات من اختصاص الاب يكون واعي مايخسر ولايخسر العريس وفي نفس الوقت يعز البنت ويكبرها امام اهل زوجها والنسب يكون نسب رجال مانسب اموال

ما اصدق القول فى ذلك عند العم صديق والاخت عازة
هذا هو فهم السلف الصالح

التحية والسلام لصاحبة البوست وأسرتها الكريمة وكل الحواليها..

الحاجة دى وهمة خرطومية عاملتنها نسوان السياسين عشان يشدهوبيها الناس وياكلو حقوقهم زى ما أكلو حق المناصير...

كما قال الأخ الرزين عباس هذه الظاهرة لن ولم تعرف لديارنا سبيلا..

نحن هناك عندنا الخالة تجيب خروف والأخت تعز أخوها بى خروف.والعمة تجيب خروف..

الأخو الكبير ينزل المطرق..أسألى الخهال صديق من المطرق دى؟

يكون نزلها ليهو أخوهو المرحوم عمر عبد الله..

عندنا العرضة والبرجى والقعيده..

عندنا العدل فوق دربو..

عندنا دق الصوت..

الحريم يتلن تل ما بتبوبرن..

الفركى والقرمصيص فى الشيلة وعندنا الرضا بالبسيط والبت تعصر على ولاد عمها..

نحن ناس السودان ديل كان سووا العندنا كان البلد دى مشت لى قدام يا أخت إنتصار..

فطور العريس ده وهمة كبيرة وحاجة دخيلة على مجتمع السودان خلا الخرطوم كلها بنات سافرات .نسأل الله السلامة..

شكرا الأخت إنتصار على الإثراء والمواضيع المهمة ومحاربة العادات الضارة.

فطور العريس عليك
وكمان لايام دي الصالة ام سته ملاين عليك انا شاهدة هذا وكمان مناصير
وتحصل في حالة بنتك ازوجت من غير منصوري يكون في حبة استقلال
اما في عاده جديدة انا لم ارها في البلد الحنة نسوان الجيران والحلة المجاورة
لمنزل العريس يسون صينية الحنة بخور وعطور وحاجات جميلة في سيرة الي
منزل العريس؟
ممكن لا قدام تتقلب عشاء العريس؟
ذمان العريس معا نسابتوا اربعين يوم؟
وشوية بقي السبوع؟
وشويه ثلاثة ايام؟

واليوم في نفس اليوم تستلم العروس؟
شوية شويه فطور العريس؟؟؟؟؟؟؟؟؟؟؟؟؟؟؟

غايتو فطور العريس ده ؟ يعجب اللاخر آبعرفو!
بيكون ضلع ولحوم ومشاوي.. أنا أموت في المشاوي وبعرف ابهرا كويس..
واي زول ضاق شيتي قال خلاقي
.......
فطور العريس ده موش حاجة جديدة؟
مرة ودونا ناس هلتون الخرطوم لما كنت في هندسته، مشينا وفد حضرنا إفتتاح هلتون الدار البيضاء..
واحد زميلنا في قسم الهندسة ساقنا لى بيتهم هناك. دخل فيهو المعروف كان جانا في هلتون الخرطوم وأكرمناه...
أها أخوهو تزوج.. وعندهم عادة زي فطور العريس.. بس ديك بعد ليلة الدخلة.. الفطور يجيبوا ليهو براهو خروف كامل محمر ب فرن التنور داك البي يحفروا ليهو في الواطة.. ويعطوه صينية براهو فيها الخروف ده مع الرز.. وبقية الضيوف في صينية وصواني أخر.. العريس صينيتو تجيبا أم العريس وأم العروس. والعروس ذاتا تجي تشجعوا على الأكل وعشان ما يفضحا لازم يقوم بالخروف وماسكة ليهو كوز الموية..لابسة حاجة كدة زي القرمصيص.. ويجلسن جنبو وما بياكلن معاه.. وهو ياكل. قالوا كان ما قام بالخروف ده براهو.. ينبشوه ويشيلو حالو.. وأم العروس تزعل وتطردو اسبوع.. لامن يدخلوا الأجاويد. ويقوم العريس يدي حق الأجاويد قروش..
الغريبة أنا آكل وأعاين ليهو.. كم ساعة كدة بعد مانحن قمنا وشربنا الشاي.. عندهم شاي أخضر كدة ما بيستعملوا الشاي زي بتاعنا ده.. أعاين ليهو قام بالخروف تب.. لكن بعد ما قام إلا سندنو أم العروس وأمو..
تصدق قالوا ثلاثة ارباع العرسان عندهم يقوموا بالخروف ده!
حاجة غريبة.
بعدين بعد ياكل خروفو ده يقوموا يزغرتو كلهم رجالن على حريمن.. ويصفقوا، ويزفوه في سيرة.. وكلنا طلعنا معام في السيرة دي، قلنا كدي النشوف الشئ ده للزمان..
أول ما يزغرتو.. طوالي الجيران كلهم يعرفوا أن العريس قدر أكل الخروف.. ويجوا يتلموا ويسيروه لغاية أوضة العروس ويجوا راجعين..
قبيل كان ما أكل الخروف. العروس طوالي تشيل القرمصيص داك وترميهو فوقو.. وتزعل وتطلع وتعقبا أمها وأمو .. وترمي القرمصيص فوقو، دلالة على أنك بقيت مرة.. موش راجل وتحرد.. وهو مسكين يطردوه اسبوع..
اها نحن الحمد لله عريسنا الجابونا نحضروا أكل خروفو..
انا قايل كان ده علي الحمود ود أختى كان سوالنا فـَـطـَّـة. وغلبو ياكل الخروف.