مرحب بــ( نداء)

مراحب

بس كدي..
مرحب

الف مرحب
وانشاء الله تكون نداء اضافه للمنتدي
مبروك بنات حواء المنصوريات ...... !!!!!!!!!!!!!

هههههههههه
الحقيقة يا أميرة علي ويا نجلاء أنا ما عرفتها بت والله ولد
لأنو نداء تحمل الوجهين.
ومشيت في التعريف لقيتا ما عرفت نفسا.
السبب منها
بس برضو لسه ما عارف نجلاء قالت مرحب بي بنات حوا
هل متأكدة!
المهم ظاهرة جيدة وعظيمة ورد على كل زول إنو المنتدى صار طارد
اهو الناس زي نداء
لسه شايفين قيمة المنتدى الكبيرة وبيجوا يتسجلوا
كان عرفت نفسا بي نعرفا
وكان سكتت أو سكت ..قوانين المنتدى تكفل له ولها السرية
أنا غايتو مع نجلاء ارجح هي من بنات حوا
مراحب بعيال منصور من الجنسين
واضح انها إضافة حقيقية
لكن واضح انها من الجيل الذي نشأ خارج البحيرة
عشان في كلمة ( غاغة) قالت لى إنتو الكلام ده بي تجيبوه من وين؟
لاتثريب عليك
لأنو عمتك نجلاء دي ذاتا كلمة غاغة ما عارفاها
وإن كان اصابها رزاز الغاغة في اليومين الفاتوا ديل
ولسه هي بي تقشقش في الرزاز
واجرها اكيد مكتوب
في كتم الغيظ

الصديق
قايتو حاستي قالت انها من بنات حواء
والله يا صديق نسيت زمااااااااااااااااااان الغاغه الكانت حا صله في المنتدي والله يبعد الغاغات( جمع غاغه)عشان يرجع سامي ورفاقه

اليوين ديل انا في غاغه براي!!!!!!!الله يسهل

امبارح الجماعه اشكلو وانا قاعده جنبهم(ابو بكر وماب)فقت بصوت عالي ونهرتهم الغاغه العا ملنها دي ايه!!!!!!!!!!
فانبري احدهم وقال لي كلمه ايه ما بتجي مع كلمه غاغه

تصبح الجمله
الغاغه في شنو!!!!!!!!!!!!!

طالما الخال رحب نحن نرحب ترحيب حار!!!!!!!!!!!

لكن ولد ولا بت مانى ساعلين منو!!!!!!!!!

سئمنا الإستعارات التصريحية والمكنية..

نحب أن نرى الناس بى صورتا وكت ربنا سهل هذه اللقيا..

نود أن نرى كل شخص بكامل لحمه ولحمها ودمه ودمها المنصورى طبعا..

نحب المناصير لكن نحن ضد التوارى والظهور سمح..

الواضح ما فاضح

خاصة زى نداء دى يمكن تلقالا عريس لو يقت ما معرسة..

لدينا النموزج..

وكذلك لو بقى ولد..

نحن نفتش للحاجات المفيدة والترويح.

عشان كدى نركز على المكتوب .

وهو بالطبع يعبر عن الدواخل..

كل إناء بما فيه ينضح..

اللهم نسألك أن نكون دعاة خير .

وفقنا لما فيه الخير..

أحسن خاتمتنا فى الأمور كلها .

حتى لو كانت منتدى المناصير بلدى..

أحب بلدى وأحب ناسا كلهن..

المشاتر والعديل .

إنشاء الله نبقى عديلين مانا مشاترين..

تسلم ود أختى ود الحمود
خلاص هي ضيفتكم الجديدة العزيزة هي نداء..
نداء الحق من الله ورسوله
لأنو هي أمنت على كلام استاذة نجلاء. وعاشت في المحلي كمان
لكن هي زولة مسهبة المشاعر الانسانية العالية . الرفيعة ، لذك بعد الاغراق قالت ما بتقدر تتمالك ترى إغراق بلادها
لله در.. عيال منصور

نرحب بها ونحييها ونحى فيها ذلك الشعور المتدفق نحوالبلد الاصل والتراب

اهلا بك اختنا نداء
واهلا بكل زيادة فى عدد المنصوريات بالمنتدى

طلعت بت أختك يا انتصار كمان؟ ما شاء الله. يعني قريبتنا

ما تخافي من الغاغة يا نداء.. سلمان عقيد موجود..
ما تخافي من الغاغة... خافي من الفرناغة..

جهجهتنا يازعيم فرناغة دى شنو؟

سؤال محول لود الحمود
والله سلمان عقيد
والله ود عون الله (أصلك يا نصر سارح)
واحد فيكم يوري أختنا الجديدة ( الفرناغة) أو ( الدغناغة)
حاجة كويسة يا نداء.. ما تخافي..

اهلا وسهلا اختى نداء

نزلت اهلا وحللت سهلا

مرحب حباب الأخت نداء ... ألف مرحب بك بمنتداك ووسط أهلك والدار دارك ونتطلع لمشاركاتك والتى حتما ً ستثرى منتدانا الرائع بأهله _

الفرناغه كتيرة فى الحويلى يا خال صديق..

قلب الخيار المحلى والتى عليها يعول فى استقرار المناصير حول البحيرة...

زمان اللورى يشيل الناس يوديها الكاب للقطر .

المسافة كلها 30 دقيقة وتصل الكاب كأنك جايى من المقابر!!!!!!!!!!!

اللورى كان يسوقو عمر الخليفة..غنولو قالو :

عمر الخليفة يجر التعشيقة!!!!!!!!!

الناس المسافرة ناس أبو مصطفى يجو يبيتو فى الحنانين من قبل يومين عشان يركبو اللورى يمشو القطر فى الكاب..

الفرناغة حاليا ما كتيرة فى الخيار المحلى إلا فى الحويلى...وبى فوق للسهيب شوية ..

البحيرة لطفت الأجواء..

البنية دى قول ليها أمشى هناك ما فى فرناغه كتيرة ..

فى سمك مشوى بس وناس حلوين حلاوة الجلاكسى عند ود الطرشان والحاج شرف الدين..

لا لا خلاص يا ود أختى نطمنا
نقول ليها فرناغة مافي
أهم حاجة السمك المشوي الكتير والمحمر كمان

الف مرحب بالاخت نداء بين اخوانك واخواتك , والمنتدى منتداك والدار دارك الف مرحب.

يلا يا نداء
عايزين الإبداع..
قصص.. أحاديث.. مواعظ.. إرشاد.. حكاوي.. دين.. شعر.. تراث.. نثر..
أبعدي من ققص القضية.. والحقوق.. وخط الكنتور. ومنع الحصر. والثالوث.. والزوجة الثانية.
تبعدي من ديل تكوني تمام التمام
وما بتصلك الغاغة. ولا رزازها.

ههههههههههه
ظاهر عليكي حا تبدعي
ما تخوفك القفة بتاعة انتصار دي!

لا يا نداء الحق
الحاجات البي تخوف
هي الثالوث.. ومنو الرفض الحصر.. وكدا..
والملاسنة انتصار قالت راح ترفع قضية كان ما قفوا في حدهم..
إنت خليك معانا بي جاي في التراث والقاموس والفرناغة وكدا.. وقصص الابداع حتى الاشباع بتاعة الأديب الأريب سامي.. واشعار الفكي.. وحا تستفيدي من تجويد اللغة ومراقبها هنا في المنتدى دكتور مصباح زول أم لقاديب..

فعلا ديل زعماء يا أخت نداء.. زعماء بعلمهم، بأدبهم بتواضعهم بأخلاقهم..
انتصار ومصباح والفكي وسامي

هههههههههه
الزعيم الكبير منطوي في الأربعة ديل. يعني يفهم ضمنيا..
مبروك عليكم العيد يا استاذة

والله بأمانة يا نداء أنا بعمل شية..( يغني عليها الشاعر)
اي زول ضاقا قال زي دي ما لاقتو في حياتو! والسر في نوعية اللحمة وفي التبهير بتاع الشية.. و( حاجات تانية حامياني)و ( ما منى من العلي)
يعني الشية تخصص.. وليس كل من دب وهب يعمل شية..

كمان جابتلها شية

انت يازعيم ماتخلينا فى القاموس اللغوى باقى لي ده تخصص اسهل

خلاص يا نداء عيدتو وضربتوا المشاوي الفاهمة.. وبرنامج الزيارات الممتع ، وجيتوا لقيتونا نحن بي هنا الحمييير في طينو في الغربة الحااارة دي! لاشفيع لاوقيع.. حارسين ليكم المنتدى بي هنا.. حتى الحكومة بتاعتي الايامات دي حايمة في العاصمة في السودان ، مخلياني براي بى هنا..
الله موجوووود

نداء كتب:وانا الجابنى المنتدى شنو بلا الزعماء ديل

لكم كل الود والتقدير والاحترام

وكل سنه وانتو طيبين

عشان خاطر الزعماء..لبي النداء يانداء..وعاودي الطله...