بلد ما فيها حكومة ؟؟؟

الاخ سليمان محجوب سلام عليكم ورحمة الله
قدرنا ياسليمان انه قضيتنا ما انحلت لي يوم الليلى
قدرنا ياسليمان انه يحصل بينه اختلاف مش في المنتدى في البيت الواحد والاسره الواحده
بي سبب الخزان والغراق والخيارات وكل زول يشكر خيارو
قدرنا ياسليمان ان يظهروا لينا معانا فى الخيارالمحلى ناس ضده ناس تبنى وناس تجى بي الليل تهدم
دي واجب حسمهم
قدرنا نجى نلقه المنتدى ونتناقش ونتحاور
انا اختلف معاك وكتيرين معاي في رايك واحترمه واقدره
اذا الاداره قفلت القسم دى هل خلاس العلاقات تصبح طيبه والنفوس تهدا
لا المنتديات كتيره والفيس مبوك مليان مجموعات ونقاشات في القضيه هل تقعدتباريهم يقفلو ويخلو النقاش
نحن فعلا نفسنا حار وسخنين ومرات يحصل تجاوزات دى طبيعة النفس البشريه ياخى جل من لايخطى
وياسليمان اخدها من زول عمك انته شاب ووغيرك شايف قسم القضية المسخن ده ماينفع معاه توجد اقسام كتيره الناس تغير اليها ولى موكدى اجتماعيات وكوره وترفيه واسلاميات
انا واحد من ناس بجى الى القضيه وبرجع واذا اتلقه بفوت الكلام التانى فى الاقسام فى اى موقع بلقاهو مالى فيه غرض واليوم بس دخلته الاجتماعى وجدته فيه قافله دوا العقارب واعجبته بى الفكره
بس قضيتنه ونقاشاته ومشاكستها ده مابلقه الا هنى
انا اتفق ان الناس تترقه بى اسلوب الحوار ويتركو الاتهامات بي الباطل لى ناس ابرياء بدون استناد وادله وانا اليوم اتلقيت كم كلام سي واتهامات ولكن احتسبه عندالله وممكن اسمحهم فى النهايه اخوان كل حد يشوف بي منظار
ولما تنحل القضيه باذن الاحد ماظنيت سوفتجد قسم قضيه جايز تجد فيه اسعار الحوت وانواعه واماكن الثلاجات والمراكب والثلاجات التى تنقل لى العاصمه واخبار عن انخفاض وارتفاع كنتور البحيره لى المزارعيه
يادى الكنتور
هسى يجى الكليس يمسك فى الكنتور دى ويطلع زيته
سلام يابلد تصبحون على خير

ربنا يوفق يا سليمان
اختلاف الراى واختلاف وجهات النظر لايفسد للود قضية
فقط تحدثنا كثيرا عن الابتعاد عن المهاترات واتهام الناس بالباطل

فلابد لليل اى ينجلى ولابد للصبح ان يتنفس

تسلم يا شاب ياغيور