علي الكليس بااالغت معقول عاشة عمتك؟

أتاريك إنت قريبي وانا ما عارف؟
بااالغت يا علي
في إجازاتي في السودان تلاقينا كم مرة.. ما جات السيرة ولا حكيت لى,,
ألا يوم داك واحد منصوري بيعزني جدا من ناس الجيهة الفوقانية دي! شغال مدير شؤون موظفين في دبي
جات سيرتك بالخير في انك زول حي وكريم..
يحكي معاي بالتلفون قال لى : على الكليس ده قريبكم بي أهلكم ناس الكييب ..عاشة أخت حسوني عمة علي الكليس طوالي أخت ابوه!
قلت ليهو معقول الكلام ده!
قال لى: وهو صحيح
قلت ليهو الأعرفو عن ناس علي الكليس كبنة وناس الغابة وكدة وهاجروا القضارف!
قال لى لا: اساس اهلو من ناس الكييب.. من اهل حبوبتكم بت حمدين السنقورية! جدة عبد الله ود اب حنة من أمو؟وجدة ناس حسوني
قلت ليهو والله الليلة جبت خبر ثمين. انا اصلي داير علاقة تلمني في علي الكليس ده!
أتاريك إنت مننا وفينا يا كليس؟
بالله عليك الله تاني أوعك تنضم في ناس الكييب وتوابعهم، حتى العندو فيهم معرفة ساكت ما تنضم فيهو!
محبة وتقديراً وإخلاصاً وعرفاناً لى ناس الكييب.القضية تطير الكلام صلة الرحم. عشان ربنا بيسأل عن صلة الرحم يوم القيامة ومن هسي دي لغاية يوم القيامة حسب الحديث القدسي هنالك منادي من الملائكة ينادي باستمرار ويقول اللهم صل من وصلني وأقطع من قطعني.. قال رسول الله صلى الله عليه سلم ( الرحم معلق بعرش الرحمن ينادي ويقول: اللهم صل من وصلني وأقطع من قطعني).

ياخي عاشة دي بي تعزني جنس معزة لا حولالالالالا
عاشة دي بي تعمل جنس كمونية. نادر مرأة تعملا. هي ذاتا مرأة جميلة وراقية ونضيفة..
عشان انا قريبهم لما كانوا ساكنين في الجريف وانا شغال في هندسة الهلتون كنت بمشي ليهم كان ما كل اسبوع.. كل اسبوعين.. ومرات ابيت معاهم.. وكمان لما رحلوا بورتسودان كل ما اجد فرصة اسافر من الخرطوم أمشي ليهم..
كدي عليك الله لو جات السيرة قول ليها صديق ود عبد الله الحنوني بي تعرفيهو؟

من طرف **علي الكليس** الأحد 23 سبتمبر 2012, 3:28 pm

هندسه قريبي ..يادوب قريت الموضوع ...راجعلك

تذكرت أنهم هم ناس الكييب.. لكن يبدو نسب منفصل عن السناقرة والصبياب.. ناس حسوني..
ومع كدة ناس الكييب والكاب جوا قابلتهم مالين ليهم لوريين ناس للعزاء في بكا والدنا عبد الله الحنوني رحمه الله ..يا كليس... بس العلاقة موجودة من جهة ما

من طرف **علي الكليس** الأحد 23 سبتمبر 2012, 11:53 pm

تعرف ياهندسه عائشه علي الحسن دي خالتي شقيقة امي وفي نفس اللحظه عمتي بنت عم ابوي يعني بالشباطين وزوجها هو يس محمد احمد الدرويش وهم فعلا كانوا ساكنين الجريف غرب وكان اخوك عمر الله يرحمه يسكن جوارهم وانشاء الله سوف اتصل بها وابلغها تحياتك ..بعدين موضوع الانساب دا ان سهمي فيهو قليل لكن حسب معلوماتي المتواضعه ان شقيقة حبوبتي لوالدتي عائشه وهي من النفده ( حجر البيضاء )متزوجه في الكويب من الشيخ محمد ود حمدين وهو ابن عم الشيخ صبي وقد انجبت منه ابنها علي حمدين ولنا كذالك علاقه لصيقه جدا بال عمراني في الكويب ..اما عن علاقتنا بالاخت نجلاء واحمد فهي عن طريق حبوبتهم الزيني سليمان حبوبة نجلاء وزينب حبوبة احمد والسيده وهن ابنا عم لاجدادي محمد وعلي الحسن عن طريق والد الزيني سليمان وقد تزوج خال نجلاء خالتي شقيقة امي وانجب منها فتح الرحمن واخوانه ..الغريبه ناس ام سفايه اهل حبوبتي لابوي وناس حجر البيضاء اهل حبوبتي لامي وناس كبنه اهل اجدادي وناس خليفه سليمان اقرباءنا في برتي وناس القناويت لهم علاقه قرابه بالوالد غيتو جنس شربكه في المناصير ..يازول المناصير ديل كلهم اهل

ياااا الله يا علي الكليس..
اكيد المعلومات دي حكاها ليك زول لمان كان عمر أخوى رحمو الله جارهم في الجريف؟ سنين عددا
عمر والشمباني زوجته الشايقية
وناس أحمد عميري
وناس سليمان الطريشي متزوج بت خالتنا وناس أحمد ريشابي.. وناس عباس علي محمد خير.. وناس حسن محمد حسيب وناس حسين محمد حسيب وناس سالم محمد حسيب..وناس حماد ود السميد وناس ود أب سلوم.. وغيرهم وغيرهم
لمان كل جمعة يتلموا عند دكان أحمد حسيب ويضبحوا خروف فوق الكشتينة. ويوقدوه ويترجوه عند الدكان بي مرارتو وشيتو.. حتى الحريم ما يخلوهن يصلنوا. بس يدوهن حقهن جاهز جوه.. زمن السودان كان بي خيرو وخريرو.. يااااه يا علي يا لها من أيام..
ولمان يتغدوا ويشبعوا لحم. يسووا الرتوتي والضو خزينا برة برندة الدكان.. وناس الشاعر الشمباني يربطوا العمم ويرقصوا والباقين يصفقوا والعالم دي تجي تتلما وتتفرج في بدع المناصير دي؟
ياخي كان في الجريف اللفة والجريف الشيطة المناصير كان صوتهم ظاااهر وقربوا يمتلكوا الجريف هناك..
أيام لها إيقاع على طريقة حسين خوجلي

من طرف **رجعنالك** الإثنين 24 سبتمبر 2012, 3:08 am

تسلموا على المعلومات الدسمة وشكرا لكم وانتم تذكروننا بحق الرحم

من طرف **علي الكليس** الإثنين 24 سبتمبر 2012, 3:16 am

غريبه ياهندسه اننا لم نلتقي مع اشتراكنا بعلاقه باشخاص نعرفهم جميعا .ناس الجريف غرب نحن طلاب كثيرا مانزورهم ونساعد عمك احمد حسيب في الدكان ايام العطلات ومعي حسن حسيب وخرساني حمزه الصادق ربنا يرحمه .من الغرائب ان عمك احمد حسيب كان مؤجر دكان بابكر واسامه عبدالله تزوج ابنة بابكر هذا فيما بعد .وكانت لنا علاقه جيده بابناءه (شوف الزمن يدور كيف في الاخر يجي اسامه يظلم المناصير )وايضا كما ذكرت كان هنالك الشمباني بطرافته ولطفه وظرفه وقد اسفت لماحصل وكنت حتي اللحظات الاخيره معهم ولكنها القسمه وكانت غاده وهاديه صغارا واذكر ان غاده لاتستطيع نطق اسم الكليس وتقول الكديس واليوم ماشاء الله صاروا امهات واذكر عمك احمد حسيب وبراد الشاي الكبير بااللبن كل مغرب والبيبسي لكل ضيف ومساعدة المحتاجين والمرضي واثناء نقاش لاحدهم مع عمك احمد ان التجاره تحتاج الي بعض الضبط ذكر له مش ممكن الرزق دا جانا بسبب الانفاق ..واذكر عمك يوسف صديق الرجل المرح وعمك حاج احمد الفرعي وحب العمل والكرم الحاتمي وعمك ريشابي والعوده بعد الاوبه.ومحمد ابشلوق الرجل الطويل القامه والرصين جدا وحسين حسيب وحبه الشديد للقطط وسليمان الطريشي والذي اختاره ربنا الي جواره في الاراضي المقدسه وموسي القصير وخليفه بشير والدكان الشراكه في الشيطه وهنالك الكثير من الذكريات في الجريف وكثيرا ماكنا نشعر كاننا في البلد

ايضا جزء اخر من العلاقه المشتركه وهو المرحوم الدكتور عبد الله محمد سليمان وقد كنا قريبين جدا من بعض وتجمعنا علاقات مشتركه وذكريات مشتركه ايضا وقد كنت اسكن بعد تخرجي في حي الامراء بامدرمان شارع الجمهوريه وقد كان نصف المنزل مؤجر لمعهد لتعليم الاله الكاتبه وكنت اسكن مع الاخ احمد محمد عمر وهو دفعة دكتور عبد الله وكان كثيرا مايتواجد معنا في هذا البيت وقد اغتربت قبله للسعوديه واغترب هو ايضا بعدي قي الرياض وكنا كثيرا مانتواصل ..ماتالمت لفراق احد بعد والدتي الا لقراق عبد الله ولم انسي يوما واحدا ان ادعو له والرجل كان فريدا في كل شي ..مالي انكأ الجراح ..سنتواصل ياهندسه سلم علي وليداتك

ياسلام حكى رائع واصلوا نحن متابعين.ياصديق سقت الكليس فى سكه ساهلى وباردى الرجل مبدع فى الحكى ورجل مجتمع وظريف .لكن القضيه محررى نفسو شويه.

متااابعة معاكم
واصلوا تعجبنى جداااا القصص اللى كدا
وبينى وبينكم عملتو لينا تغيير حلووو

الغريبة ان الجريف تعتبر جمهورية المناصير
فيها كمية مناصير ما طبيعية

بس عندى ملاحظة الشمبانى البتتكلمو عنه دا
هو الشمبانى الشاعر ولا واحد تانى

والله ابو حنه يستاهل جائزه نوبل عديييييييييييل كده

عارفين ليه؟؟؟؟؟

لانو ورانا الجانب الاخر للكليس قريبنا وانو بيعرف الانساب وعندو ذكريات وقصص جميله .... وبيعرف يحكي ويسرد بشكل رائع ....الله يجازي ده الخزان .... تسلم كتير

اول مره يا ابو حنه اعرف انو الكليس عندو قرابه مع عائله الشيخ صبي جدنا

وبعدين يا الكليس انا قلت انشاء الله الكليس في البوست ده ما يجيب سيره لجنه ولا خزان لكن خزلتني ودخلت اسامه عبدالله نص الموضوع وقربت تخرب البوست الجميل ده!.... مجرد مزحه...

واصلو متابعين

لقد ابكتني كلماتك اخي الكليس ....ولم استطيع ان احبس دموعي...خربانه ام بناين قش
تقبل الله الدكتور عبدالله قبولا حسنا ....

يسلموا المرور
ناس محمد عمر وانتصار ونجلاء ورجعنالك
.........
نعم يا انتصار هو الشمباني الشاعر..
وبتو غادة هي التى ذكرها الكليس. يغنوا لها( الزمان قدر يا ملاك)
وكمان ما ننسى فيما بعد جات مزرعة محمد حجازي في الجريف
وعدد كبير من طلبة الجامعة والمعاهد والثانويات كان يجوا دكان محمد حسيب
..........
معانا واحد هنا في الإمارات من ناس الجريف. وهو غير منصوري وبيتهم الناصية من ناحية السوق الصغير في الجريف. سوف اللفة.محل ما الباصات تلف. بيتهم.. فاتح على دكان المنصوري عباس علي محمد خير
الزول ده دكتور تخصصي هنا اسمو مجدي حسن طه أو محمد حسن طه.ز عندو إسمين..
أها كل مرة يذكر لى ظرافة المناصير وانهم ناس راقيين وأذكياء... وأنهم هم كانوا يجروا ويشيلوا من دكان أحمد حسيب ومرات والدو يتزنق في المصاريف ويمرر شهر وشهرين ما يدفع لى أحمد حسيب..
قال رحم الله أحمد حسيب يوم واحد ما ضايقن في دين ولا سألن لامن يجيبوا براهم..
شرقان بالمناصير في الجريف ويحترمنى لهذا السبب بشدة ويزورني في البيت بأولاده
كمان دكتور زين العابدين عيادتو في الجريف جنب دكان ود خالتي أحمد عميري.. ودكان وطاحونة أحمد ريشابي.. وكمان فاتح عليهم بيت ناس العمدة نعمان عمدة المناصير أي الناس التزوج منهم في الجريف بعد ما دخل البرلمان.. وعندو منها بت عمدتنا.. وينا البت دي هسي دي يا الكليس؟ يا ترى عندها علاقة مع أخوانا والمناصير..
طبعا عمدتنا ما شاء الله في حبلو كانن أكثر من ثمانية حريم وكلهن عندهن ولاد. طبعا اربعة ثابتات وواحدات ماتن أو طلقن..

معقول أسامة عبد الله متزوج بت بابكر ..!!!
ياخي بابكر ده بيعز المناصير جنس معزة.. وكمان عندو أحمد حسيب ده زول ولي عديييل.. ويقدر أحمد حسيب شديد..
والمناصير يجتمعوا في بيت وصالون ودكان أحمد حسيب كل يوم جمعة ويضبحوا.. خروف
هو الخروف كان بي قروش الزمن داك..
وكان أحمد حسيب ينادي بابكر يجي يتغدا معانا. ولما شعر بابكر بان البساط أحمدي والمناصير أحبوه بقا يجي براهو.
وكنا نحن كأولاد صغار يرسلونا. نوزع صحانة اللحم للبيوت المجاورة ده زمان قبل ما أجي الهلتون وكنتا يا دوب دخلت المتوسطة بجي لى ناس عمر أخوى في الجريف بقضى جزو من الإجازة. كل البيوت المجاورة لى ناس أحمد حسيب كنا نوزع ليها صحن فتة بالرز والعيش مقطع فوقو واللحم مكوم فوقو. نودي من ضمن البيوت لى بيت ناس بابكر.. وعشان بابكر عندو معزة عند أحمد حسيب كان هو ومرتو يجوا هنا. أما بقية اسرتو نودي ليهم صحن زيهم وزي الجيران..
يعني زوجة أسامة عبد الله أكيد أكلت فتتنا دي!
أكيد هي من تحت لى تحت عندها معزة للمناصير.. حقو تاني نركز على الحتة دي يا كليس أصلو التغيير في سير قضية المناصير لو ما جاء من الحكومات ما بينفع!
ايه رايك نجرب الوترة دي؟
أتاريهو أسامة عبد الله بعد الإعتصام قال: أنا متبرع بي بناء المحلية... ومتبرع بي بناء مجموعة سكنية من 300 وحدة سكنية.. ومتربع بي بناء مستشفى تخصصي.. وكان ساعي يجتمع مع المناصير في الدامر..يمكن الحكاية دي من وراها الزولة دي جارة المناصير.. نقول جزاها الله خير كان كدي..
ياخي والله مناصيرنا ديل غايتو. لابيغفروا لابيسامحوا لابينسوا! ياخي الزول مفروض يبقى مطاوع حسب سير قضيتو عشان يكسب الناس!
والله شنو..
ندق تاني على وترة الحكومات دي يا كليس.. يمكن تجيب ليها فايدي
...........
الكليس هذا البوست بتاع نسب وعاشة وحبوباتنا. ما عايزين الجماعة يحولوه لينا لى قضية هنا..
تمام
دي ونسي ساااكت
القضية عندها باب بي هناك
سمح

خالتك أخت أمك طوالي وعمتك بت أعم ابوك عاشة يا علي الكليس، عندها ولد إسمو السر. مسمنوا على السر العمراني ، تزوج قريب.. زول فارس خلاص وحي وزول ضيفان محب للناس بي صورة عجيبة..

محمد عمر كتب

ياسلام حكى رائع واصلوا نحن متابعين.ياصديق سقت الكليس فى سكه ساهلى وباردى الرجل مبدع فى الحكى ورجل مجتمع وظريف .لكن القضيه محررى نفسو شويه..

...................
محمد عمر
ترانا أنا ونجلاء نسوي ليهو في موية السكر بي جاي.. إن شاء الله يشرب منها...( فيها حـُواطة)
لكن إنت عارف صاحبك علي الكليس. مافي شئ بي يؤثر في شئ عندو.. ( يعني حربنا في محلو) ياكل مع ناس المنتدى في مطعم شري السياحي كما حكت لى العصفورة.. ويجي يناطحهم الحجة بالحجة. ويحكي مع ناس نجلاء ويتكلم عن الثالوث..
تخريمة:-
الناس بقت تخاف من عصفورة ود أب حنة.. لما ناس انتصار حجازي في إجازتهم في السودان زاروا كل الأهل.. مرة يوم كدة قالوا نمشي نسوق الوليدات نرفه عليهم شوية في مطعم من مطاعم الخرطوم الراقية دي البي نسمع بيها! عشان نذكرهم مطاعم المملكة.. عشان تعبناهم معانا في السفر والجري عشان ما يكرهوا السودان نمشي نرفه عليهم شوية..
أها أخدوهم مطعم..
انتصار حجازي لغاية ما الجرسون يجيب ليهم الأكل بقت تبلحق شمال يمين في صالة المطعم، صاحبنا الدكتور ود عون الله قال ليها: مالك يا مرة!
قالت ليهو خايفة عصفورة ود اب حنة تكون بي جاي
ضحك قال ليها معقولة دي؟
وفعلا عصفورتي كانت قريبة منهم وهي من الأسرة ونقلت لى الخبر بي ضبانتو؟ بس هم ما شافوها. بس هي احتراما لهم خلتهم دخلوا المطعم وانصرفت..
...............................
هو علي الكليس فيه صفات القائد، عشان كدة يتكلم بي هنا عادي ويمشي بي هناك يولعا .. قضية .. ثالوث.. وكدا..
لكن زي ما قلت يا محمد عمر ( القضيي مقومي نفسو!!!!)
لكن الرجل من طراز فريد في الحكي والقصص والتراث المنصوري.. أنا قايل كان مشى في موضوع التراث ده!
راح يوريكم البدع
زي ما وراكم البدع. والرأى والرأى الآخر في موضوع القضية..

من طرف **علي الكليس** الإثنين 24 سبتمبر 2012, 2:09 pm

والله ياهندسه ذكرتني زواج العمده نعمان من ناس الجريف عندما كان نايب في البرلمان اعتقد ان نسيبه يعمل في المطار وهو رجل راقي جدا واحواله تمام وبيته مقاصد لدكان احمد ريشابي واحمد ريشابي هو الواسطه في هذا الزواج ..الشاهد الداير اصل ليه ان العمده نعمان عزم كل الطلاب علي وجبة غداء في بيت نسيبه وهو بيت فخم وعندما احضروا الغداء كان الجلوس علي طاوله وكراسي وكان غداءا فخما جدا كل انواع الاطعمه والحلويات المشكله الوحيده التي قابلتنا وخلتنا مانضوق اي طعم لهذا الغداء هي وجود الشوكه والسكين وقد بدا صاحب البيت باستعمالهم بعد لبس الفوطه علي صدره وقد كانت بجانب كل واحد مننا واحده والله ياصديق كان شفت جنس بهدله وكبكبه وفضائح غيتو مرات نسرق النظر لي صاحب البيت ونحاول ان نجاريه لكنها ابت تظبط معانا ابدا بس الراجل كتر خيرو مااكل كتير وقام بدري. بعد ماقام العمده لما شاف احراجنا قال ياولاد اكلو اكلكم البتعرفوه خلوها الشوكه والسكين وبعد داك شوف جنس معط في المشوي والمحمر والمجمر وجنس حلويات حتي ناس ام علي اول مره نشوفها في حياتنا

وقد كانت بجانب كل واحد مننا واحده والله ياصديق كان شفت جنس بهدله وكبكبه وفضائح غيتو مرات نسرق النظر

الكليس معليش ما فهمتا عبارتك دي
قلت وقد كانت بجانب كل منا واحدة!
واحدة شنو يعني!
والله بجانب كل واحد منكم شوكة
أم فوطة
تقصد شنو؟
لأنو حكاية كبكبة
وبهدلة
ومرات نسرق النظر
قلت يمكن الراجل ده متحرر صاحب البيت وتاكلوا في مائدة مختلطة
وخاصة أنكم كنتو طلبة جامعيين يمكن تروق ليكم الحكاية زي ما راقت لى عمدتكم وتناسبوا ناس الجريف
معليش يا الكليس
لو ما مصدقني أسأل دكتور مصباح
لمان العمدة ده فاز في البرلمان ودخل مجلس الشعب وتزوج في الجريف
أنا كنت طفل في رابعة ابتدائي.. ومصباح في ثالثة إبتدائي..
وولد العمدة ذاتو كان معانا دفعتنا جعفر نعمان.. وكان ساكن مع ناس انتصار محمد حجازي لما كانوا ساكنيين الكلاكلة محمد والنذير حجازي سوااا..
أها شفتا كيف يا الكليس.حوشتك من قدام!
إنتو طلبة في المعهد الفني
وانا طفل في رابعة ابتدائي!!!

والله يا صديق انا بتذكر الكليس ده .... كان بيجي يزور حبوبتي الزينه بت البصير في الكلاكله الوحده ويا دوب جاي من الاغتراب وطبعا كان بيعمل معها الواجب ومجرد ان يخرج نسمع منها الاطراء والمدح.....وفعلا المرحوم عبد الله كا بيعزو شديد وما زال الوالد يكن له كل تقدير ....انت عارف يا صديق ان علاقتنا الاسريه بالذات من جانبنا لم تعكره هذه الاجواء...وان الوالده مترقبه اخبار والده اول باول لتقوم بزيارته عندما يرجع بالسلامه

والثالوث لا لا اقصد احمد...قد ذهب الي زياره اسره الكليس في سوبا وقام باداء الواجب وكيف لا !ورسولنا وصي بالارحام ...اللهم تقبل مننا ...دائره اوريك يا صديق ان الارحام والاهل في شان والسد ومشاكلو في شان اخر...إلا يكون في شئ غير الخزان؟دي عاد الله اعلم
ياليت الزمان يعود يوما ونخبره بما فعل الخزان

يا صديق دايرين تخربو البوست مالكم!!!!!!!!!!!!!!

لا ما حا نخربوا يا نجلاء

من طرف **رجعنالك** الإثنين 24 سبتمبر 2012, 4:13 pm

والله ياجماعه اكتر حاجة تعجبنى فى المنتدى الحكايات وكشنا الخذان المنعنا من جنس الحكايات الممتعه دى ويلا واصولوا

وزى ماقالو ماقعدو منصوريين الاوكان الحذان ثالثهم يعنى بقى محل الشيطان اعوذ بالله منه

دايرين نتونس وتكون ونستنا الحلوة زادنا يلا اها بعداك فى شنو

رجعنالك كتب:والله ياجماعه اكتر حاجة تعجبنى فى المنتدى الحكايات وكشنا الخذان المنعنا من جنس الحكايات الممتعه دى ويلا واصولوا

وزى ماقالو ماقعدو منصوريين الاوكان الحذان ثالثهم يعنى بقى محل الشيطان اعوذ بالله منه

دايرين نتونس وتكون ونستنا الحلوة زادنا يلا اها بعداك فى شنو

بسم الله الرحمن الرحيم

الليله قاعده تكتبي وانتي نائمه ولاشنو!!!!!!!

الخذان قال؟؟؟الله يستر علي دكتور مصباح وانشاء الله ما يمر بيجاي

رجعنالك كتب:والله ياجماعه اكتر حاجة تعجبنى فى المنتدى الحكايات وكشنا الخذان المنعنا من جنس الحكايات الممتعه دى ويلا واصولوا

وزى ماقالو ماقعدو منصوريين الاوكان الحذان ثالثهم يعنى بقى محل الشيطان اعوذ بالله منه

دايرين نتونس وتكون ونستنا الحلوة زادنا يلا اها بعداك فى شنو

بسم الله الرحمن الرحيم

الليله قاعده تكتبي وانتي نائمه ولاشنو!!!!!!!

الخذان قال؟؟؟الله يستر علي دكتور مصباح وانشاء الله ما يمر بيجاي

نجلاء.
بالله عليكي الله ما تطعّـنـي..
اي حاجة تكتبا رجعنالك دي مقبولة..
هي عارفاه الخزان. بس العجلة والمشغولية..
والناس ديل ناس صحافة كان قاموا عليك يا أستاذة نجلاء بي يبهدلوكي..
المهم رجعنالك تكتب الباقي كلو هين!
ياخي سلمان عقيد بيغلط في الكتابة من السرعة مرات
ودكتور مصباح ذاتو من السرعة مرات بيغلط..
الحكاية حكاية سرعة ما حكاية لغة..
لغة رجعنالك تمام
بأمانة يا نجلاء
لغة رجعنالك أحسن من لغتك أها رايك شنو؟
شفتي الانحياز الأعمى ده لى قريبتي كيف؟
.............
الخذان.. قال..
كدي حاولي أنطقيها بالفم وردديها يا استاذة نجلاء..( الخذان ) شوفيها تجي شينة كيف؟
الزول براهو يضحك بلا يقولوا ليهو
هههههههههه

صديق عبدالله علي أبوحنة كتب:نجلاء.
بالله عليكي الله ما تطعّـنـي..
اي حاجة تكتبا رجعنالك دي مقبولة..
هي عارفاه الخزان. بس العجلة والمشغولية..
والناس ديل ناس صحافة كان قاموا عليك يا أستاذة نجلاء بي يبهدلوكي..
المهم رجعنالك تكتب الباقي كلو هين!
ياخي سلمان عقيد بيغلط في الكتابة من السرعة مرات
ودكتور مصباح ذاتو من السرعة مرات بيغلط..
الحكاية حكاية سرعة ما حكاية لغة..
لغة رجعنالك تمام
بأمانة يا نجلاء
لغة رجعنالك أحسن من لغتك أها رايك شنو؟
شفتي الانحياز الأعمى ده لى قريبتي كيف؟
.............
الخذان.. قال..
كدي حاولي أنطقيها بالفم وردديها يا استاذة نجلاء..( الخذان ) شوفيها تجي شينة كيف؟
الزول براهو يضحك بلا يقولوا ليهو
هههههههههه

يا صديق ,,,خلي كسير التلج ده!!!

واسع اقلب البوست كع وكف...ما تقول المتداخل الرئيسي هو الكليس,,,

هههههههههه
ده ما كسيير تلج يا الشيخة!
دي حقائق. بأمانة رجعنالك مكسب لمنتدى المناصير..

من طرف **رجعنالك** الإثنين 24 سبتمبر 2012, 10:38 pm

شكرا القامه صديق وانت لاتقدر بثمن واصل فى سرد حكاياتك الممتعه
وياباشمهندس
نجلاء باقى لى ماسمعت بالمقوله حقت لاتفوت على فطنة القارئ

من طرف **رجعنالك** الإثنين 24 سبتمبر 2012, 10:45 pm

رجعنالك كتب:والله ياجماعه اكتر حاجة تعجبنى فى المنتدى الحكايات وكشنا الخزان المنعنا من جنس الحكايات الممتعه دى ويلا واصولوا

وزى ماقالو ماقعدو منصوريين الاوكان الخزان ثالثهم يعنى بقى محل الشيطان اعوذ بالله منه

دايرين نتونس وتكون ونستنا الحلوة زادنا يلا اها بعداك فى شنو

من ذكريات الجريف غرب مصاهرة اسد ابوسباع الزعيم محمد حجازي لاهل الجريف غرب وكان الواسطه في هذه الزيجه عمنا احمد حسيب وكما ذكر المهندس صديق كان هنالك تلاحم كبير وتداخل بين المناصير وناس الجريف غرب فاراد الزعيم محمد حجازي ان يتوج هذه المعرفه والتلاقي بمصاهره واعرف الرجل عن قرب لم يكن له اي هدف اخر غير ماذكرت والرجل من الذين يعملون من اجل خير المجموعه حتي ولو كان ذالك علي حساب نفسه وقد طلب احدي بنات الرجل الكبري ولما علم بارتباطها لم يتراجع وتزوج التي تليها ..وكان احتفالا كبيرا حضره معظم المناصير بالخرطوم وبعدها كانت سيره مصغره حتي فندق الهلتون وكان لحظتها غالي المنال لايسكنه ولايقضي شهر العسل فيه الا علية القوم وكبارهم ..انتصار معليش هذا توثيق للتاريخ ولااريد ان انكأ الجراح

زواج ابوى من الجريف ما تم سنة وطلقها

بس عموما كثير من اولاد المناصير اتزوجو من الجريف
يحي ود عمتى كمان اتزوج من الجريف

صحيح ياانتصار هذا الزواج لم يدم طويلا ولكن علي مااعتقد ان له منها ابن لم يحصل ان رايته ومااعتقد ان له تواصل مع اهله المناصير لانه لم يحصل ان رايته في المناسبات العامه .الغريبه يانتصار معظم الذين تزوجوا من خارج المنطقه ليس لابناءهم اي تواصل ممتد مع اهلهم المناصير الا النادر جدا وقد مازح احدهم البرجوب( ياخي التانيه دي ماتخليها منصوريه مادام جلت الاولي ) الراجل ماداير كل هذا الجاه والنعمه تروح من دون ان يكون لاهله نصيب فيها . والمشكله ان الذين غادرونا خيرة ابناءنا ومن النوابغ والعلماء . زمان صحيح نجد لهم بعض العذر لظروف تعليم المراه ولكن بعد الان لن نجد عذر لاخرين بعد انتشار التعليم وانعدال الحال في مختلف النواحي ....صحيح الاخ يحيي حاج قيلي تزوج ايضا من الجريف( ماعارف هي من سكان الجريف وله من اهلها) واعتقد ان هذا تم مؤخر جدا واعتقد اني حضرت هذا الزواج اثتاء حضوري للسودان من السعوديه في اجازه سنويه غيتو الجرافيه ملت ودعمتك ولادي

با الله يا انتصار يحي ود عمتك يعني الحاجه مدينه تبقي عمتك!!!؟؟؟؟؟؟؟؟؟

شفتو الحكاية دي كيف؟
لو فتشنا زيادة نلقى المناصير كلهم أهل بعض..

له منها ابن لم يحصل ان رايته ومااعتقد ان له تواصل مع اهله المناصير لانه لم يحصل ان رايته في المناسبات العامه

ايوة يا الكليس لانه ببساطه اتربى مع والدته وليس معنا وان كان بعد ان كبر اصبح دايما معنا

وقد مازح احدهم البرجوب( ياخي التانيه دي ماتخليها منصوريه مادام جلت الاولي )

ايوة والله مشكلة انو الغريبات استحوذوا على اولاد المناصير
بالرغم من ان بناتنا المنصوريات اصبحن قمة في التعليم والرقي

با الله يا انتصار يحي ود عمتك يعني الحاجه مدينه تبقي عمتك!!!؟؟؟؟؟؟؟؟؟

والله يا نجلاء شكلو شبكتك طاشة عديييل
افتكرتك عااارفة لانو عمتى مدينه جارة اهلك بالكلاكله
وعلى فكرة يا نجلاء كمان الكلاكلة دى بعتبرها جمهورية منصورية
كمية من المناصير

ويا ابوحنه فعلا المناصير مشربكين شربكة شديده
يعنى انت مثلا قريبي ومع ذلك ما عرفتك الا هنا بالمنتدى

انت عارفه يا انتصار شبكتي دي طاشه والبركه في المنتدي

زي ما قال ابو حنه المناصير كلنا اهل ...قايتو المحيرني ابو حنه ده اي زول في الدنيا قريبو...

لأننا جامعين القبايل يا نجلاء
.............
بعدين زي أبو مصطفى
كل زول في الدنيا دي خالو

انت يا صديق الكليس حالف ما يفوت ناس بيغادي!!!!!!!!!!!

ما خليتلو شئ في البوست ده عشان يحكي لكن برضو الحنين يعاودو بيغادي وما قادر يستمر بيجاي!!!!!!!!!

كدي شوف ليك صرفه تانيه!!!!الله يحلها دي القضيه جننت الخلق...والغريبه اهلنا مرتا حين وما هم جايبين خبر لا ي كع وكف في زراعتهم وعيشتهم والخلق بيجاي اخر كفت

من طرف **علي الكليس** الخميس 27 سبتمبر 2012, 9:53 pm

والله يانجلاء براكي دايري تنقلي لينا البي هناك بي جاي .انتي حقو تفتحي عين وتغمضي التانيه ..غيتو انا راي مشكلتنا دي نسلمها النسوان مادام الرجال غلبتهم بس شرط يكون معاهن صديق ...ماانتي وانتصار قربتو تحلوا لينا مشكلة الدار وبالمناسبه في خطوات عمليه في هذا الاتجاه

علي الكليس كتب:
والله يانجلاء براكي دايري تنقلي لينا البي هناك بي جاي .انتي حقو تفتحي عين وتغمضي التانيه ..غيتو انا راي مشكلتنا دي نسلمها النسوان مادام الرجال غلبتهم بس شرط يكون معاهن صديق ...ماانتي وانتصار قربتو تحلوا لينا مشكلة الدار وبالمناسبه في خطوات عمليه في هذا الاتجاه

انشاء الله مشكله الدار محلوله محلوله بعون الله...انا اليت علي نفسي اي بوست لازم ادخل فيه موضوع الدار

وانا عمري ...والعياذ با لله من كلمه انا...واحمد الله حمدا كثيرا ما من النوع البيغمض ويفتح ...او مفتحه علي طول او مغمضه علي طول يعني بين بين دي ما عندي؟؟؟؟؟؟؟؟؟

يعني اغمض في المواقع البتستاهل التغميض والنظر اليها مضيعه للوقت
وافتح في المواقع الجااااااااااده الهاااااااااادفه وهنا اكون مفتحه علي طول

كدي يا الكليس يوم كامل خليك بيجاي وما تمشي بيغادي ..نشوفك حا تقدر ولا لا؟؟؟؟؟؟؟؟
تسلم

من طرف **رجعنالك** الجمعة 28 سبتمبر 2012, 1:56 am

اها جينا للخيانات حليتوا مشكلة الدار وماقلتوا

[quote="رجعنالك"]اها جينا للخيانات حليتوا مشكلة الدار وماقلتوا [/quote

ابو حنه يا ا اخوي الحق فريبتك عاملاها ظاااااهره...ما بتقرا الا بوستات معينه..

في بوست كامل للدار....كدي مري عليهو شوفيها اكان انحلت ولا لا؟؟؟؟؟؟؟؟؟؟؟؟؟؟؟؟؟؟

رجعنالك..
أحسن ننسحب من المواجهة أنا وأنت مع نجلاء ..
وأحسن نقرا بوست دار المناصير ونساهم بالمال..
.........
علي الكليس با نجلاء بت الشاعر الشمباني زمان في الجريف كانت تقول ليهو علي الكديس
وهي صغيرة..
.....
تعرف يا علي
خالتك عاشة زمان عندها أخو راجلا عبد المنعم كان منتدب في أبوظبي.. وشغال في الدفاع فني رادار.. قامت عاشة رسلت ليهو جواب وقالت ليهو رسل لينا تلاجة.. وهم كانوا في بورتسودان

قام عبد المنعم رسل ليهم أحسن تلاجة وأكبر تلاجة.. ( إينديست ) جيراننهم في بورتسودان يجوا يتفرجوا فيها.. كان ذلك في عام 1983.. وكانوا ساكنين في سكن السكة حديد في بورتسودان..
بجي أواصل القصة والنكتة جاتني مشغولية

من طرف **علي الكليس** الجمعة 28 سبتمبر 2012, 4:18 pm

كيفك ياهندسه فعلا عبد المنعم محمد احمد الدرويش اعرفه تماما وقد التقيته قبل فتره طويله شوي وهو حتي الان مازال عازب بس المشكله مابتقدر تفهمه بسهوله تحس انه منعزل اجتماعيا بعض الشي لاادري مااذا كانت هذه المساله قديمه من ايام دبي ام جديده ولكن عندما تجلس معه تحس انه راجل فاهم جدا

وبعدين ياهندسه قريبتك دي غلبها تصبر علينا وقلبتها في حوض اللوبه سريع. فرز الكيمان (وليس فرز العيشه ) مهم

من طرف **tamador alsyed** الجمعة 28 سبتمبر 2012, 5:07 pm

شنووووووووووووو شنووووووووووو ياناس ضيعتونى عديل وسط الزحمه دى هسى ياخالى انا ببقى لى منو ..وهندسة المندى دا يقصد خالتوعائشه(طبعامفروض انهافى مقام حبوبتى بس فتحنا لقينا امى تقولها خالتى عائشه وبقينا نقول ذيها لحد الليله)والله اعلم افهم شريكت الاسر دى بس غايتو اساسا اى زول من طرف بحرنا وبلدنا ودموا منصورى اكيد اناوهو بنبقى لى بعض

يسلم الخالو علي الكليس . تماضر
......
خالتك عاشة أو حبوبتك عاشة زولة متدينة.. وفاهمة ومنصورية على السكين..
........
نرجع نكمل قصة التلاجة

يس محمد أحمد الدرويش راجل عاشة خالتك وعمتك يا الكليس راجل زاهد وعابد.. في هذه الدنيا.ز والدراويش عموماُ في قرية السادي كانوا ناس معروفين بالصلاح.. وجدهم الكبير سموه الدرويش عشان كان متتلمذ على الشيخ حاج حمد الجعلي الكبير.. وكان رجل مشهود له بالصلاح والمكاشفات..
لذلك جاء أبناءه كلهم صالحين..
عبد المنعم محمد أحمد الدرويش الذي تكلمت عنه أنت.. اغترب لما الإغتراب كان عزيز.. في الثمانينات.. لما نحن دخلنا الإمارات هو كان رجع السودان قبلنا بسنوات طويله. بعد أن قضى وطراً منها. وقد كان في وظيفة مرموقة فني لاسلكي في الدفاع..
هذا الرجل يقيم الليل وهو عابد كأخوه يس.. جمع ثروة طائلة من الاغتراب.. لكن قال ما آخذ منها إلا القليل
وجاء لما رجع منها وضع قروشه كلها في كيس كبير..
ومسكها من السادي شرق غرب.. قال أوزع هذه القروش على ثلاثة أشخاص
1 مرة والدي
2 شيخ مسن
3 زول مريض يود علاج
........
وزع كل ما يملك..
ورجع وظيفتو عادي في الجيش يقتات منها وقال القروش وسخ دنيا.. وأنا ما عايز وسخ الدنيا عايز أمشي لى ربي نضيف
............
ده ذكرني الشيخ المكاشفي راجل الشكينيبة
قالوا لا يلبس جلابية
بس عراقي
عشان الجلابية بيعتبرها تبذير
والعراقي يوصي الترزي ما يخيتوا ليهو فيهو جيوب.ز عشان ما يضع فيها قروش.
وحتى لو جاء زائر ووضع قروش على طرفو
ينفضا كدة بقوة
ويقول أعوذ بالله من وسخ الدنيا..
يجروا الحيران يلقطوها
.........
أها عبد المنعم ده جاب لى عاشة تلاجة مستوردة ( أينديست)
نواصل.

بيوت بورتسودان من الخشب وخاصة المطبخ، بيوت السكة حديد ويس زوجها كان ناظر محطة بورتسودان.. عاشة كانت خايفة التلاجة تنسرق.ز لأنها بأمانة تلاجة خترية. أنا شفتها وشربتا من مويتا وكل الجيران جو اتفرجوا فيها..
عاشة كانت خايفة التلاجة تنسرق..
كانت تشيل ما يعادل اربعة ألواح تلج في الفريزر وكان يس يستغلها في رمضان ويقسم للجيران لغاية البيت العشرين كل زول قطعة قدر ما تفطرو.. كان يحب الأجر
على التحقيق هي كانت التلاجة الأولى في بورتسودان كلها.. لا معتمد زمان ولا والي ولا تاجر سوق عندو زيها..
ده زمان قبل القفز بالزانة الآن..
المسؤولين كانوا زيي وزيك واحد مصادر دخلهم معروفة( من اين لك هذا)
لو عايز الواحد المسؤول تلاجة والله تلفزيون .ز شوية من راتب الشهر ده وشوية من راتب الشهر الجاي.. ودين من صديق شوية .ز حتى يقدر يروح يجيب تلاجة من الصناعة السودانية ( أدميرال) أو ( كولديير) ماركة عادية..
اما هسه ويين ونحن وين؟

مالو البوست الجميل ده توقف؟؟؟؟؟؟؟؟؟؟؟؟؟؟؟؟
الكليس ما فاضي مره في موضوع الدار ومره يسوي في الكع بيغادي
والبا شمهندس صديق يا ربي غاطس وينّ...ما هو ظاهر تب اليومين ديل!!!!!!!!!!!!!!!!!