[size=24]تصفية حسابات شخصية لكل رواد وكتاب المنتدى [/size]

بسم الله ...................
افتح هذا البوست لاى زول عندو حسابات شخصية عاوز يصفيها مع زول فى هذا المنتدى ؟؟ سواء كانت حسابات سياسية او اجتماعية او مالية او اكاديمية ؟؟
حتى لاتتحول البوستات المفتوحة لى مواضيع اخرى وتفقد معناها ؟؟؟؟ حتى نستفيد من المادة المطروحة وتعم الفايدة للمناصير القراب والبعاد وما تضيع زمن الزول المتصفح للمنتدى لانو الزمن وادارة الزمن بى فهم بسيط اغلى ما يباع ويوهب ؟؟؟؟؟
وعلى سبيل المثل ؟؟؟؟ ابو مصطفى عندو مشكلة مع ناس الصعيدية ؟؟؟؟ طيب من هم ناس الصعيدية ؟؟؟؟ الناس من جزيرة شيرى وانت ماشى لافوق للعال ؟؟؟؟؟
ديل زمان كانوا ونحن طلبة فى الثانوية العليا عندما ناتى للكاب ننتظر القطر ؟؟؟ ماشين ابو حمد الثانوية ؟؟؟؟ يقولك انت من وين ؟؟؟ يا جنى ؟؟؟ تقولوا انا من الجزيرة الفلانية ؟؟؟ يقولك بسم الله ؟؟ ما تقول ناس الكجاج ؟؟؟؟ يعنى شنو الكجاج ؟؟؟؟ ( يعنى الحتة المجكرنة الكعبة القبيحة ؟؟؟؟)
قال حبيب بكورى رحمه الله ؟؟؟؟؟؟؟؟؟؟؟؟؟
زاورت الجزر لفيتها حتى دماج وحالا بى وراك نحن سمونا كجاج
افل البدر الكان فى سمان سراج
الى اخر القصيدة ؟؟؟؟؟؟؟؟؟؟؟؟؟؟
طيب المسالة مربوطة بى حاجة معينة وهى ان المدنية دخلت للناس الفوق قبلنا ؟؟؟ طيب يجب ان يقر ويعترف ناس الجزائر بان هؤلاء الناس عرفوا القطر وبرنامجه قبل ناس الجزائر ؟؟؟؟؟؟؟؟؟؟ معقول يا جماعة شفتو ليكم قطر ماشى بى دربى اوبونى ؟؟؟؟؟ طيب المنطق بى يقبله العقل ؟؟؟
طيب ناس الصعيدية ديل ؟؟؟ اى لجنة لازم ينطوا فى نصها واى مالية لازم هم يكونوا امناء خزانتها ؟؟؟؟؟ وناس الجزائر يقولوا ليك ناس الصعيدية ديل ؟؟؟؟ ما تمام بس الفهم قسمة ونصيب ؟؟؟؟
طيب ناتى الى المحكمة وعثمان ود احمد ابجناح ؟؟؟؟؟ هل هو قاضى ؟؟؟ طبعا لا لكن هنالك عرف متوارث من زمن العمدة ؟؟؟؟؟
طيب الان الزمن اختلف واتت الثورة العلمية والناس اتغيرت ؟؟؟ طيب عاوز الناس ما تشخصن المواضيع ؟؟؟ مثلا ناس كبنة ديل ؟؟؟ الشى البعرفوا انو ناس متعلمين شديد ؟؟ وناس بعرفوا من اين تؤكل الكتف ؟؟؟ اسع المنتدى دا ساطوا بى مفراك عتيلى ؟؟؟؟؟؟؟؟؟؟؟؟ وللتاريخ ؟؟؟؟؟؟؟؟ عتيلى هذه امراة من جزيرة سور وتجيد الطبخ فى المناسبات العظام مثل البواشى والبكيات ؟؟؟ وللتاريخ قد شاركت فى مهرجان الطباخة الدولى المقام فى جزيرة شيرى وطلعت بالميدالية البرونزية ؟؟؟؟
فقط عندها دمعة وكمونية تانى ماعرفت تعمل صنف اخر ؟؟؟؟ وبرضو تقول لى ناس الصعيدية ديل ما ناس قدام ؟؟؟؟؟ طيب المشكلة شنو ؟؟؟؟؟ جاء الخزان بخيره وشره وفرق القبيلة لى كيمان ؟؟؟؟ نص وين ونص وين ونص وين ؟؟؟؟؟؟؟ وبقى كل ابناء القبيلة يغنى كل مغنى حسب هواه ويكل العبارات الثقيلة الى الاخر ؟؟؟؟
المطلوب اثباته :::::-------- كما يقول الستاذ الحسن احمد الحسن
تعالوا الى كلمة سواء ونتحد ونفتح صفحة جديدة واذا بقى فى حساب قديم نصفى هنا بس فى هذه الصفحة

تحياتى
ولى عودة
ابو مصطفى
الطيب محمد عبد الرحيم احمد

ابو مصطفى تحياتى
فقط تصحيح وواصل الموضوع

حالا بى وراك سمونا نحن كجاج

هذه الابيات قالها عمر لهيفان فى رثاء ابراهيم الشاعر
وليس المرحوم حبيب بابكر

تقبل المرور

اخى ابو مصطفى لك التحية.
نهاية السنة المالية عليها شوية قلت اخير تدقق حسابات المنتدى , ما انتو اصلكم ناس المحاسبة الواحد لو مالقالو حاجة يعمل لها كشف حساب يدور على الولية يطين عيشتها , كلامى دا مزحة ما تاخدبو كتير .
اخى ابو مصطفى لعله كما قال ربنا جل شأنه عسى ان تكرهوا شيئا وهو خيرلكم , احيانا تاتى المنح فى طيات المحن, فقد قال اهل العلم سابقا ان اكبر محنة فى التاريخ الاسلامى هى الفتنة الكبرى , ولكن من المنح التى جاءت فى طياتها ان وضعت اللبنات الاولى لعلم من اشرف العلوم وهو علم الحديث لانه بعد الفتنة بدأ الوضاعون والكذابون كل ينصر ملتة وفريقه لذا نشأ علم الحديث وعلم الرجال حتى لاتضيع سنة المصطفى صلى الله عليه وسلم .
وكذلك من منح المحنة التى مر ويمر بها المناصير انها جمعت شمالهم بجنوبهم ولاول مره يعايشون بعضهم البعض سواء ان كان فى الخيار المحلى او الخيارات البديله والمكذب ما عليه الا ان يذهب الى اى قرية فى المكابراب ويشوف اهل الجزر واهل الكاب واهل العار كلهم جيران وحبايب وتزوجوا من بعضهم البعض ودى عمرها ما كان ممكن تحصل بسبب البعد . وكذلك الخيار المحلى رغم انه لم ينشأ بعد ولكن تشوف الناس تركب مراكب المكنه من الجماميع الى برتى ليساعدوا اخوانهم اثناء الطوفان وهذه ايضا ماكان ممكن تحصل فى الظروف العاديه.
اما الان المشكلة ليست مشكلة الصعيد والسافل بقدر ما هى مشكلة خيارات ولم تعد مشكلة شرى والكاب , وانما المشكلة صارت احيانا بين افراد الاسرة الواحدة طالما هم مختلفين فى رؤيتهم للقضية .لذا اذا نظرت كمثال الى مايحدث فى هذا المنتدى فانه ليس صراع مناطق وانما صراع افراد ورؤى مختلفه . وانا اعتقد طالما الصراع اصبح فكرى وليس مذهبى او جهوى سيتم رتق النسيج الاجتماعى بكل سهولة وتعود المناصير اكثر وحدة وقوة اذا توفرت الارادة الصادقة . نسأل الله ان يوحد بين اهلنا ويجمع شملهم ويوحد كلمتهم انه ولى ذلك والقادر عليه .
تقبل مرورى وآسف على الاطاله

يا ابو مصطفى ’’ عوافي
يا سيدي في رجال في المنتدى دا داخلين باسماء نسوان !!! ولو عايز تتاكد اسأل صاحبك الكليس
بس ان شاء الله ما يكون نسى ؟؟

أبو مصطفى
أنا عندي تصفية حسابات مع زول بيحبني واحبو!
اعمل ليهو شنو؟وحساباتنا أصلو ما عندها طريقة تصفية..
بس قلت أنت زول درست الزمالة يمكن تلقى لينا طريقة في تصفية الحسابات دي؟
خليك من ناس الصعيدية والكجاج ركز معاي هنا

الحنونى دى ماعنده حكومه تقرى كلام الريدوالمحنه دى والمحن البسو فيه دى
دى حكومه امنها غيرمستتب

علي الباقدان
انا احب المحلي
والمحلي بيحبني
ومغترب ما قادر اجيهو
موش دي ما عندها طريقة تصفية حسابات؟؟؟
ولا ناس دارسين الزمالة زي ابو مصطفى يقدروا يحلوها
لأنو لسه فترة إغترابي بدري عليها
يعني أنا والمحلي بي نحب بعض
وما لاقين بعض عشان نسكن سوا
اها إن شاء الله تكون فهمت يا الباقدان

قبيل انتى قلت بحب زول
ماقلتى ارض ولى بلد
العفو

ماهو يا الباقدان
الزول هو أرض والارض هي زول
والزول بيقعد بلا ارض كيف؟
والارض بي تتعمر بلا زول كيفن؟
يعني الحكاية مشربكة
إنت يا الباقدان ما تحكها لامن تجيب الدم
ارخي الوترة شوية
والحبل وسع لو الشـُرْعي، لاتخلو ينزرد في رقبتي.. انا رافع البيرق!

والله سعدت بالمرور كثيرا من نصر الدين عندما كتب عن المحن ؟؟؟ وهذه حقيقة القبيلة مرت بمحنة كبيرة خالص خالص ومنعطف كاد ان يزول المناصير من خارطة السودان لكن الله لطف ؟؟؟ ويا نصر الدين لا تقول طولت فى الكتابة بل انت قصرت الموضوع وجنى وجن الزول البى يكتب ليهو سطرين ؟؟؟؟؟
عم على شايف ابو هشام دا نفسو حار ؟؟ وانت يا ابو هشام برد نفسك ونحن عاوزين نعمل جودية ومحكمة اهلية بينك وعمى على ؟؟؟؟ وما داير اقول على بالطلاق ام بقى عم على غلطان عليك ؟؟؟؟ يا طيبنالك طيبة مقبولة ؟؟؟ يا بطحناه ليك بعد شيبو دا ؟؟؟ وماظنى انت ترضى ؟؟؟؟؟ انا عارف هنا فى حروم داخلات بى اسم رجال ورجال داخلين بى اسم حروم ؟؟؟؟ وبنتوت كمان ؟؟؟ لكن نقول شنو ؟؟؟ الله قادر ؟؟؟وديل انا اصفى حسابى معاهم كيف اقوم طوالى اخت صفر كبير فى محل الزول واجمع واطرح ويكون الناتج صفر معاك الواحد ؟؟؟؟؟؟
خالى صديق انت حبك ما عندو نهاية ولا بداية وحسابك مع زولك ومعاى انا لا يمكن يتصفى بالزمالة الامريكية ولا الزمالة البرطانية ؟؟؟؟ لانه حساب جارى ؟؟؟؟ يعنو شنو حساب جارى ؟؟؟؟ دوما تكون فيه معاملات مالية على مدار الساعة وفيه مقاصة الكترونية على مستوى البورصات المالية وصاحب الحساب مرة فى ام القيون ومرة فى الكويت ومرة فى باريس ؟؟؟ بمعنى اخر نوع من الحسابات يدخل فى نظام الشركات متعددة الجنسيات وصاحبه له اكثر من جواز وجنسية ويحمل العديد من الاوراق المالية وهى فيها معدلات سعر الصرف ؟؟؟؟فنحن ناس الزمالات والحسابات بنقوم نعمل شنولمثل هذا الكيس او النوع من الحسابات ؟؟؟؟؟؟؟
اول حاجة نشوف كمية النقود الواردة فى الحساب ونوع العملات وعددها وناخذ متوسط سعر الصرف لكل العملات حتى نوحد العملة ونجيب هامش الخطاء المعيارى من المتوسط ونحسب التشتت لقيمة العملة عن طريق الاحصاء وناخذ القيمة النهائية بعد ما نحسب تكامل حاجة اسمها الفا وبيتا ؟؟؟؟؟وتتم تصفية الحساب ؟؟؟؟ انشاء الله تفهم يا خالى صديق ؟؟؟؟؟
لكن حلك يا خالى صديق ماهو كدى ؟؟؟؟ كل المغتربين صرفوا بيت وحواشة وباعوها ؟؟؟ واصلك يا نصر سارح وماك قاعد معانا فى السودان لانه اصلو جارى وراء قروش ؟؟؟؟ والحكاية وقت بقت قروش ؟؟؟؟؟ خلاص ؟؟؟ مش داء فهمك ؟؟؟؟؟
لكن وما اقبح القول بعد لكن عاوزين نرجع الى البيت الكبير ونصفى الحسابات بى طريقة حضارية وحساب واحد ما يقلب ؟؟؟؟ممكن بين ابناء المناصير ؟؟؟؟

ولى عودة
وداير اصل البعيد والقريب وما نى قادر وداير سترة الحال ولمة الاخوان الا الظروف والقسم فوق الرقاب ؟؟؟؟
داير اشد الغبشى ام لجام
واخليها زراعة ام حمام
وفى القعاد ما طاب لى مقام
الله الله الله مناصير وكت تتلم تتوحد يقيف كل البقيف يسمع


تحياتى
ابو مصطفى

شكرا ابومصطفى –التحية لجميع المتداخلين—ناس الجزاير معروف عنهم الذكاء وصفاء الضمائر الا انهم لايقبلون الظلم او الحقارة وهم كما يقال اتجاه واحد فى حالة الظلم او الحقارة حالا يرفعون شعار الكع—اما اتهام ناس الصعيدية او تسمية مناطقهم كذلك فقط للمداعبة لانهم يتوقعون منهم الزعل او يريدون معرفة رد الفعل—اما الابيات التى قالها الشاعر الهيفان فى تأبين الشاعر-توحى وتشير لتلك المناكفات—وتدل ايضا ان الراحل كان لايصفهم بتلك الصفة واراد اللهيفان ان يذكر ذلك—فالحرورية الزايد لأهلنا فى الجزاير تجعل الناس تداعبهم بذلك ويقال ايضا ان الشاعر الكبير (على ود سلمان ) رحمه الله كان يقول اثنين ماترابجم البوليس وزول الجزاير)-يعنى تقول حاضر ونعم ولاتتمادى معهم فى النقاش وتحد فيه

شكرا الارباب ودعقيد على المرور وقول الحقيقة ؟؟؟؟ لكن ياخوى رمضان الفات دا ماهو بعيد؟؟؟؟ شديت الغبشى ام لجام ومشيت السوق القبل رمضان ؟؟؟ والله يا ودعقيد كلام دا صح ؟؟؟ مشيت السوق قضيت حاجات رمضان ؟؟؟؟؟؟؟؟؟ برضو عاوز اشكيلك من احمد سلمان ؟؟ زاد لى الاسعار ؟؟؟؟ مى يقول زول جزيرة

ربع اللوبيا الطيب براهو بى كم
واللوبيا العفن براهو بى كم ؟؟؟؟
تمر ودلقاى وارد الرباطاب براهو بى كم ؟؟؟
ولقيت الرنى فارش السجائر والكركدى ؟؟؟
وحالتو دفعتى وبرضو ادانى بالبديقة فوق راسى ؟؟؟ غايتو اقولك شنو ؟؟؟ ناس الصعيدية ديل صعبين شديد

ولى عودة

تحياتى
ابو مصطفى

على الباقدان كتب:الحنونى دى ماعنده حكومه تقرى كلام الريدوالمحنه دى والمحن البسو فيه دى
دى حكومه امنها غيرمستتب

عفوا ابو مصطفي فقد استوقفتي مداخله الاخ علي الباقدان


والله يا علي اخوي ابو حنه عندو حكومه ولا كل الحكومات,,,

اسأل من راي !!!!

شكرا ابو مصطفي

يانجلاء الحنونى حكومته مخليه يرعى بى قيده لاكن القيد فيه رخوه

كلام نجلاء صاح يا الباقدان..
لا يا الباقدان قاعد ارعى بالوتد

ابو مصطفى كتب:
عم على شايف ابو هشام دا نفسو حار ؟؟ وانت يا ابو هشام برد نفسك ونحن عاوزين نعمل جودية ومحكمة اهلية بينك وعمى على ؟؟؟؟ وما داير اقول على بالطلاق ام بقى عم على غلطان عليك ؟؟؟؟ يا طيبنالك طيبة مقبولة ؟؟؟ يا بطحناه ليك بعد شيبو دا ؟؟؟ وماظنى انت ترضى ؟؟؟؟؟ انا عارف هنا فى حروم داخلات بى اسم رجال ورجال داخلين بى اسم حروم ؟؟؟؟ وبنتوت كمان ؟؟؟ لكن نقول شنو ؟؟؟ الله قادر

ابو مصطفى ’’ عوافي

وصلي على النبي

ابو هشام نفسو ماهو حار

لكن لو عرف السبب بطل العجب

اول ما تبين للكليس انو في خلاف بيني وبين الاخ بكري المدني ’’’ طوالي نسى شيبو ونسي كبرو ونسى انو واحد من القيادات ونسى انو المناصير بيعفو الرقاب خليك من كلام في الهوا ساكت بيني وبين عضو تاني

وطوالي مشى وجاب آية من القرآن الكريم ـ هي الآية التي سمح فيها للمسلمين بقتال المشركين ’’ وكانت الدليل لخروج المسلمين يوم بدر

ودي جابا دليل لبكري المدني عشان الخلاف بيني وبينه !!!! بالله دا كلام يقوم به زول قيادي ؟؟ بالله دا كلام يقوم به زول كبير ؟ بالله دا كلام يقولو زول عاقل ؟؟

عشان كدا بيني وبين الكليس مسافات كبيرة صعب نسيها !!

كدي نخلي ليك الموضوع ونشوف حكمك ؟؟؟

ودي مداخلة الكليس المذكورة ////



قال تعالي
اذن للذين يقاتلون بانهم ظلموا وان الله علي نصرهم لقدير..صدق الله العظيم
نتابع عن كثب مايتعرض له الصحفي الهرم بكري المدني عبر المنتدي من اهانه واشانة سمعه ونقد غير موضوعي متخفيه تحت اسماء مستعاره في منتدي تعلم ادارته كل شارده ووارده عن اعضاءه .نعرف اصالة الرجل ونقاء سريرته وكريم معدنه وقوة حجته ومنطقه وصدقه واخلاصه لاهله ولانه كصحفي باحث عن الحقيقه قد تجاوز الخط الاحمر لبعض الممالك القديمه والتي لها الكثير الذي تحاول اخفاؤه ..ولكن في الاونه الاخيره بدات تتكشف بعض الحقائق وعبر اكثر من قلم .ليتهم تكون لهم الشجاعه ويردوا علي كل الاتهامات وباسماءهم الاصليه لا المستعاره
الذي تولي كبره اصبح كالثور الجريح في مستودع الخزف بعد ان تناوشته سهام الحقيقه الغائبه من كل فج .من قديم نعرف الاسلوب ونعرف الرجل الكبير الذي وراءه
اذا ارادت ادارة المنتدي ان تتستر علي هكذا اسلوب هذا شانها ولكن اذا غادر ت الاقلام الجريئه التي تطرح رايا اخر وتكشف المستور والله سيغادر هذا المنتدي الكثيرون ومن السهل جدا انشاء منتدي جديد وفي خلال ساعات ولكننا هنا من اجل وحدة المناصير وطرح كل وجهات النظر وان تباينت ولكن بكل تهذيب وادب واحترام
بكري المدني يشرف جدا المناصير (عضو )عليه بالنواجذ ولاتدعوه يغادر واكشفوا المستور

سلام .. ابو مصطفى الهمام

وسلام للباشمهندس صديق وللجميع

ويا هندسة ـ

تعرف الصريمي ؟؟؟

وتعرف الحكمة من تطويل العصا وتقصير التميمي ؟؟

سلام السادة المرور ؟؟؟؟ الاستاذ الكليس انت غلطان ؟؟؟؟؟؟؟؟؟؟؟؟؟ انت غلطان فى ابو هشام ؟؟؟؟ غلطان فى حق ابو هشام ولازم تتعرض لجلسة محاسبة ؟؟؟؟؟؟



تحياتى
ابو مصطفى

ابو مصطفى كتب:سلام السادة المرور ؟؟؟؟ الاستاذ الكليس انت غلطان ؟؟؟؟؟؟؟؟؟؟؟؟؟ انت غلطان فى ابو هشام ؟؟؟؟ غلطان فى حق ابو هشام ولازم تتعرض لجلسة محاسبة ؟؟؟؟؟؟



تحياتى
ابو مصطفى

سلام ابو مصطفى ـ الوافر الوافي

فلتكن وسيط خير وتؤسس لأدب الإعتذار إن غاب عن الناس في بعض اللحظات

*

استاذنا الكليس

استاذنا ابو هشام

سلام

وخيرهما الذي يبدأ بالسلام

اخي ابو هشام
اخي الكليس

انني اعرف مدي ضعفكم امام ما تطلبه منكم اخواتكم ...ذلك لاحترام الرجل المنصوري للمراه.
لذا اتوسط بينكم واطلب منكم ان تعفو وتصفحو لبعض ,,,وجزاكم الله الف خير

ود المناصير
بعرف التميمي والعصاة
لكن يطولوا دي ويقصروا دي
ده الماعارفو!
كدي أسمع كلام نجلاء. واتصافوا أنت والكليس

شكرا الاستاذ على الكليس لان العفو شيمة الكرماء وشيمة النبلاء ؟؟؟؟ فالراجل يا جماعة طلب العفو من الناس الذين ظلمهم والذين ظلموه ؟؟؟؟؟؟ تانى دايرين شنو ؟؟؟؟؟؟؟؟
وطلب حاجة واضحة اكتب بى اسمك الحقيقى عشان الناس تعرفك وتعرفها وتستفيد ؟؟؟؟؟؟؟؟ دا ما فيس بوك ودا ما منتدى علوم اخرى وما منتدى فارغة ومقدودة دا منتدى المناصير ؟؟؟؟؟؟؟ العارف يعرف والما عارف من الليلة يعرف ؟؟؟؟؟؟ويخت الكلام دا حلقة فى اضانه ؟؟؟؟
انتو تلعبوا لعب والله شنو ؟؟؟؟ قايلين كل الناس فاضية وما عندها زمن ؟؟؟ والله قايلين الزمن دا ربنا ما بساكم منه ؟؟؟؟؟؟ والله انت مسئول من ضمن الاسئلة ؟؟؟؟ شبابك فى ما افنيت ومالك من اين اكتسبت وفى ما انفقت ؟؟؟؟؟الى اخر الحديث ؟؟؟؟؟

اكرر تحياتى وشكرى للعم على الكليس وفخرى واعتزازى به ؟؟؟؟؟؟


تحياتى
ابو مصطفى

الباشمهندس صديق سلام يا غالي ..

نعم نعرف معظم مفردات بلادي ـ

ما بيني والكليس عامر بالإحترام المتبادل واحترام الرأي الآخر مهما كانت درجة الإختلاف حوله

ففي النهاية هي آراء ـ ونصف رايك عند اخيك

تسلم يا هندسة

**

تخريمة

إن شاء الله ما تكون تشابهت عندك ـ الإسماء المستعارة ) .

ههههههههههههههههههههههههههههههههههههههههههه

صديق عبدالله علي أبوحنة كتب:ود المناصير
بعرف التميمي والعصاة
لكن يطولوا دي ويقصروا دي
ده الماعارفو!

ابو هشام
اظن أنت والكليس علاقتكم سمن على لبن

خالى صديق صباح الخير ؟؟؟؟ خلى علاقة الناس مع بعضها وسيب الناس فى حالها ؟؟؟؟ انا زاتى عندى حساب عاوز اصفيهو معاك ومن زمان كايسلك ودابى لقيتك ؟؟؟؟؟؟؟؟؟؟؟
انت مالك نضمك دا كلو كدى ؟؟؟؟؟ بس نقول اى حاجة تقول الحاكومة ؟؟؟؟ اوعك من تنضم نضم زى دا قدام الرجال وتقول الحاكومة وما ادراك ما الحاكومة سمعت ؟؟؟؟؟

اسمع كلامى على ؟؟؟؟؟؟؟؟؟ على ؟؟؟ الدورة الجاى تجى السودان وانت عارفنى لمن جيتك فى الشقة فى الرياض حقة السودان ماها السعودية ؟؟؟ على ب------ تانى اسمعك تقول الحاكومة وما الحاكومة الا تشوف براك ؟؟؟؟؟؟ سمعت والله ما سمعت ؟؟؟؟؟؟


تحياتى
ابو مصطفى

برضو يا جماعة الخير ؟؟؟؟؟؟ عندى حسابات عاوز اصفيها مع المدعو حازم ؟؟؟؟؟؟؟؟؟؟



حازم انه يحزم الاشياء حزما ؟؟؟؟؟ كل من يعرفه او له به علاقة عليه الاتصال بى شخصيا ؟؟

حتى يوفر لنا الوقت ؟؟؟؟؟



كمان فى واحد جيد اسمه عامر دا كمان ماعرفت ليهو صرفه ؟؟؟



دا خلى الدارة عجاجها لاوى ؟؟؟ والله دا تقول رئيس المجلس ورئيس اللجنة ورئيس المناصير كلهم ؟؟؟؟؟

خلى على الكليس نفسوا قائم نامت رقد فى الضل عمك على نفسو قام تب ؟؟ ؟؟؟؟؟؟ واشتبك مع ابو ضوة ؟؟؟ والله يستر والله يحبس الخاتى





تحياتى

ابو مصطفى

والله الباشى بى هنى عامرى!!!والسوط شغال شغل شديد شقق الضهرات..الباشى زايطى شديد..
لازم كان علينا المرور..
ود المناصير زول خبير
الخال أب حنة يحب المحلى وماهو لام فيهو!!
أبو مصطفى حارقو حروس القطر فى الكاب لحدى هسع!!
يقوم من دما قبليومين من المواعيد ويجى يقعد فى الكاب يرجى القطر!!
إحتمال يرجع وما يلقى محل فى القطر زاتو!!
طيب إنت زعلان مالك دى ما قسمتك .
عليك الله يا أبو مصطفى فى أحلى من دماج وأم جغور وحجر زرقاء.
أحب الصعيدية وناسا من طرف على الطلاق أرجل ناس فى السودان كدى أمشو هناك هسع!!شوفو العيشة العز والأهل الحنان فى زحمة الزمن(الجنان)من إنتشار الجن والمرض النفسى..
جبنة هناك تشفى كل الوهم النفسى..دبسى واحدى من شبكى تساوى حوت عوضية كلو والموردة!!
لكم الحب جميعا..النفس خلوهو بارد زى ما قال أخونا سامى ..
غايتو يا الزعيم أبو مصطفى أنا عندى حساسية شديدة ضد إستعارة الاسماء..
لو تبت من هذا المنتدى يكون السبب الاسماء المستعارة..
السيد المدير خالد:السلام عليكم..
نرجو سريعا حزف أى عضو داخل باسم مستعار..
لكم الشكر..
أرجو قبول الطلب هذا من عضو يعتبر نفسه من المؤسسين..
مع كل الود والإحترام لكل أعضاء هذا الديوان الأنيق..

ظروف وتعدى يالباشا ودالحمود
المستعارمالو شن سوه بس كلكم ترمو لومكم ومشاكلكم فوق المستعار
رايك شنه فى الناس التكتبه بى اسمه وخته صورته هانقدر وشقاله قطع وكضب فوق خلايق الله وان كترت جنك التلفون بى الليل يرنلك
ورفقاتون كتار مصتعار وما معار وجاى تقلى صعيديه ورجاله حمره
الرجاله احترام والرجاله كرم والرجاله صدق والرجاله قناعه ونفس غنيانى حته ان كان جيوبك فاضي والرجال افكار وعقول مستنيره والرجاله اعمال تحدث مهو قاقه وانا انا وفاخرلبس

تحياتى للعضو المؤسس معانا فى المنتدى ؟؟ والرجل الفنان الذى تحس بان دماء واصالة المناصير تجرى فى دماء ؟؟؟ ود الحمود ؟؟ على ؟؟؟؟ والله العظيم مافى لجلسة فيها على الا حس الطمبور والدليب نقر وترجع عشرين سنة لا وراء وتحس بانك فى المناصير ؟؟؟؟ يا سلام يا سلام ؟؟؟ مافى رحلة للمنتدى الا وعلى كان حاضرا فيها ؟؟؟؟؟ تحياتى للاخ على الحمود ولى ناس شررى كلهم ؟؟؟؟؟؟ وهم اخوالنا فى الحساب ؟؟؟؟؟ وتربطنا بيهم صلة رحم ودم ؟؟؟؟؟؟

وحقيقة المشاكل كتيرة ؟؟؟؟ واللولوة كتيرة ؟؟؟؟؟؟؟ واخر حاجة انا قمت ضربت للمدير وقلت ليه لازم نعمل جناح استشارات قانونية ؟؟؟؟ وما عارف عمل شنو ؟؟؟؟؟ لكن الحمد لله الان انا بعرف كم زول وزولة بتاعيين قانون ؟؟؟ وبنات منصوريات كتار شغالات محا ميات ؟؟؟

عشان نصفى فى هذا البوست كل الحسابات ؟؟؟؟ انا زعلان من انتظار القطر فى الكاب وكتير جدا لا اجد لى محل فيه وكله مليان ؟؟؟؟؟ والسبب ناس ؟؟؟؟؟؟؟؟؟؟؟؟؟؟----------------

خلوهم لى يوم الحساب ؟؟؟؟؟؟؟؟؟؟؟؟



التحية لى باقدان ؟؟؟؟ والله يا باقدان انا بتصورك ومن كتاباتك راجل عجوز وكبير اصلك ماك شاب ؟؟؟؟؟؟ لكن برضو وكت تتكلم عن المحلى بتكيف منك ؟؟؟؟ لانى بحب المحلى ؟؟؟؟؟؟





تحياتى

لكل السادة المرور

ابو مصطفى