بداية مشروع جمع امصال العقارب

يعتزم المنتدى القيام
بحملة لجمع امصال العقارب وهو الموضوع الذى اشار اليه اليه الاخ ود المناصير والذى
ايضا تمت مناقشته فى الافطار الجماعى فضلا عن انه يعتبر هاجسا ومشكلة اساسية
لاهلنا فى الخيار المحلى وقتل الكثيرين خاصة من الاطفال ---فبعد اجتماع لادارة
المنتدى رأت ان تبدأ الحملة لجمع الامصال –سواء كان بالتبرع العينى او المادى ومن
له صلة بمنظمات او جهات تدعم ذلك فلايبخل بالمساعدة ونؤمل على الاخوةالمغتربين كثيرا ليس المساهة الشخصية فقط ولكن لايجاد اى جهات تقوم بدعم مثل هذه البرامج—وقد تقرر ان يوزع باذن الله
اثناء عطلة عيد الاضحى لكل قطاعات المنطقة—كما نهيب بكل منظمات المجتمع المدنى
وخاصة العاملة فى المنطقة وغيرها وبرجال الاعمال والخيرين والذين يعملون فى الحقل
الطبى دعم هذا الموضوع –
للجميع الاحترام والتقدير--

السلام عليكم فكرة جميله جعلها الله فى ميزان حسناتكم يس دايرين ارقام التلفونات عشان الكل يعرف الطريقه البوصل بيها التبرع مع تحياتى وللامام يالجد الناس محتاجه للافكار النيره الذى دى

أمصال العقارب إذا لم تحفظ جيدا .. فهي ايضاً قد تكون سامة..
طيوبة بت عمر أخوى قالت لى: هناك دكان هنود في الدامر مشهور .. بيجيب بودرة من نوعين من الهند . توضع على مكان لسعة العقرب بعد أن تفرض الحتة بي موس وشوية . توضع على الجرح ، فتفور فورانا عجيبا.. وتمص وترجع السم راجع.. بس مفروض بعد اللسع مباشرة.. وهو يشيل السم. ويقوم الطفل يلعب في لعبو..
معروف أن العقارب قاتلة للأطفال.. لصغر دورتهم الدموية ولكن للكبار حسب المقاومة وفي ناس كبار حصل قتلتهم عقارب في المناصير.. سوف نساهم ونبحث عن منظمات..
هذا الدواء الهندي معروف في الهند.. وهنالك جالية هندية كبيرة في الدامر.. وجالية يمنية برضو كعطارين.. جنب برج المعلم في الدامر هنالك عطار عندو البودرة دي. أو ممكن يدل على مكان دكان الهنود في الدامر الذي يبيع البودة في صورة تجارية..

تحياتى

اولا

داير طريقة اعرف الالية التى يتم بها جمع المال او الدواء ؟؟؟؟؟؟؟؟؟؟؟؟؟؟؟؟؟



تحياتى

ابو مصطفى

ابو مصطفى كتب:تحياتى

اولا

داير طريقة اعرف الالية التى يتم بها جمع المال او الدواء ؟؟؟؟؟؟؟؟؟؟؟؟؟؟؟؟؟



تحياتى

ابو مصطفى

نؤكد علي ماذكره ابومصطفي الاليه تكون واضحة منادين تلفونات رصيد او عبر اي اليه اخري

حتي نكون اكثر علمية وعملية

جزاك الله الف خير الا ستاذ سلمان
جاهزين وللنداء ملبين
بارك الله فيكم ويحفظكم الله ويرعاكم ابناء بلدي

تشكر استاذ سلمان علي هذه اللفتي الرايعة
فهذا عمل طيب وهام للغايه هل تعلم اسع وفي هذا التوقيت بالتمام اربعه سماكة في خور وراق ملسوعين
بسم هذه العقرب اللعين اصلا البحر في زيادة مستمره والعقارب تجري نحو اليابسة فهلموا الي فزعتهم اذا هنالك
دواء او مساعده
الاخ الاستاذ سلمان راعي هذا العمل انا اخترع انتكون هنالك مراكز للاشتراكات
مثلا تقسم العاصمه الي دوائر مركزية لكي تسهل الوصول اليها
مثلا نحنا في ام عشره دائرة وهكذا
ومن علي هذا
نداء الاخوه في ام عشره يوم الجمعة وكلعاده ان تحضروا جميعا وتكون الجبنه فوق العقرب اللعين
كما اضيف ان يكون كل مركز مشاركتهي كتابتا وذالك للتشهير
والله الموفق
تقبل مرووووووررررري

شكرا الباشمهندس ود جيب الله على المرور والرأى الصائب –منطقة الكلاكلات وام وعشرنحنا واثقين منهم ويملوها وتفضل—فنقترح فى ام درمان—الريس خالد—ومحمد على نصر الدين وعباس حسب الله وسامى السامى—
اما فى بحرى—ام ضريوة –السامراب—دردوق—وام القرى—فلها الحاج وعلى الحمود—اما شرق النيل الحاج يوسف والشقلات فالاخ الرشيد موجود

رفعاللمنشور وانتباه للاعضاء
السيد يس مصطفي حاليا توجد مراكز للتبريد صحيح انها بعيده شوية ولاكن الضحكة ولا صمت الخشم
نحنا نبدأ بالموجود والحمد لله البلد بخيره للمزيد هنالك مغتربين وهنالك رجال اعمال اذا شافوا جكتنا حتما يلحقونا
يوجد في برتي مركز وفي دربي مركز وفي بوني مركز وفي شري مركز
والفيبرات موجوده بكثرة سرعة البرق هل تعلم زمان يرسلوك للدواء ويركبوك الحمار الفالح
وتقعد تلكلك لحدما تجيب الدواء الملسوع في خبر كان وسع نحمد الله اصبحت المواصلات سريعة لاكين العقرب ام ضنيب الملعونة أكلت السمك
واذدادت سمنا وقوة اصبحت تتوالد بكثره هل تعلم يقال ان العقرب تلد تسعة وتسعين وتموت علي طول
امس اتصل الي الصيادين كيف تتعاملوا مع العقرب وانتم نيام
قالوا نلف ارجل السرير بالشبكي؟؟؟؟؟؟؟؟؟؟؟؟؟؟؟؟؟؟؟

اخي سلمان عمل جميل وعمل خير

جاهزون ان شاء الله

شكرا سلمان وبالتوفيق.الموضوع مهم وكبير .وهنالك محاولات من جهات اخري فى نفس الاتجاه بصوره اكبر ..خطوات المواجهه لهذه الافه تبدا بالتثقيف وكيفيه التعامل مع الحاله ثم الرش عن طريق المبيدات واخيرا المصل ..فى موضوع الرش هناك مبيد بكميه مقدره فى طريقه الى عامل الصحه بالمحليه معه طلمبات رش مقدم من جهه تطوعيه خدمه للمنطقه .الجانب التثقيفى اوله ان بقايا السمك تساعد فى نمو وتكاثر العقرب يجب ان ينتبه الاهالى جيدا ..اما المصل فمتوفر بالامدادات الطبيه الخرطوم وسعر الجرعه فى حدود 32 جنيه ويحتاج الى مبرد من لحظه الاستلام الى الاستعمال ...عليه ارى ان نكثف الجهد ونستعين بالاصدقاء والمعارف وان يدفع كل عضو اقل حاجه واحد جرعه ومن له مقدره يزيد على ان توزع الكميه المتحصله على جميع المراكز بالبلد باسم منتدى المناصير بلدى .عندها نكون اتبعنا القول العمل ...وعشان مايكون كلامى تنظير ساكت منى انا عدد خمسه امصال تسلم انشاء الله لد .خال ابرار..ونسال الله التوفيق والقبول.

[ندعوك للتسجيل في المنتدى أو التعريف بنفسك لمعاينة هذه الصورة] الجديد شنو الزعيم ود عقيد بالرغم من المشغوليات ؟

محمد عمر محمد كتب:شكرا سلمان وبالتوفيق.الموضوع مهم وكبير .وهنالك محاولات من جهات اخري فى نفس الاتجاه بصوره اكبر ..خطوات المواجهه لهذه الافه تبدا بالتثقيف وكيفيه التعامل مع الحاله ثم الرش عن طريق المبيدات واخيرا المصل ..فى موضوع الرش هناك مبيد بكميه مقدره فى طريقه الى عامل الصحه بالمحليه معه طلمبات رش مقدم من جهه تطوعيه خدمه للمنطقه .الجانب التثقيفى اوله ان بقايا السمك تساعد فى نمو وتكاثر العقرب يجب ان ينتبه الاهالى جيدا ..اما المصل فمتوفر بالامدادات الطبيه الخرطوم وسعر الجرعه فى حدود 32 جنيه ويحتاج الى مبرد من لحظه الاستلام الى الاستعمال ...عليه ارى ان نكثف الجهد ونستعين بالاصدقاء والمعارف وان يدفع كل عضو اقل حاجه واحد جرعه ومن له مقدره يزيد على ان توزع الكميه المتحصله على جميع المراكز بالبلد باسم منتدى المناصير بلدى .عندها نكون اتبعنا القول العمل ...وعشان مايكون كلامى تنظير ساكت منى انا عدد خمسه امصال تسلم انشاء الله لد .خال ابرار..ونسال الله التوفيق والقبول.

علي رايك يا الاخ سامي ما الجديد في هذا الموضوع ؟؟؟

شكرا محمد عمر فقد اتبعت القول بالعمل ليتنا مثلك

والله يا سامي الصوره الوضعتها دي شردتني عددددددددددددديل ؟؟؟؟؟؟؟؟؟؟


يا جماعه ما قلنا لو ماالدار انعملت ما في اي مشروع حا يتم عشان كدي سرعو وكملو مشروع الدار عشان نجمع التبرعات من داخل الدار ولا ايه !!!!!!!!!!!


انشاء الله وربنا يوفق ويساعد علي عمل الخير.

انت عارف يا استاذ سلمان لابد من تحديد وقت يتم فيه الجمع.

الشكر الجزيل الي صاحب البوست . هذا الموضوع مهم جداً نتمني انو الناس تاخدوا بي جدية اكثر وان يتم تحديد سقف زمني لجمع التبرعات عشان الموضوع يتحسم . لكن احب ان ارسل رسالة الي الاخوة القائمين علي هذا العمل يجب ان يتم تسليم هذا المصل الي المراكز الصحية مباشرة يعني ما تقولي اديناهو المسئول في البلد وما عارف ايه .. لاني صاحب تجربة وكنت قد سيرت قافلة طبية الي البلد باسم رابطة طلاب المناصير بجامعة وادي النيل ولكن لضيق الوقت لم نتمكن من اصطحاب دكاتره لاسباب عديدة المهم قمنا بتوزيع الدواء علي المراكز والمستشفيات بتسليمة الي اللجنة المسؤلة باتفاق ان يتم علاج الطلاب مجاناً وبعض الاسر الفقيرة لكن للاسف ما سمعت بي زول اتعالج مجان ، كذلك كان معنا عدد من طلمبات الرش والاخوة الطلاب المتطوعين وكميات كبيرة من المبيد ، وكان قد تعهد لنا السيد المعتمد بالضيافة والترحيل الداخلي القطاع الذي ننزل به يقوم بضيافتنا وترحيلنا الي القطاع الاخر طبعاً كونك تحوم البلد من برتي لي العال حاجة مكلفة المهم وما عاوز اطيل وبعد ان نزلنا في البلد وعند بداية الحملة فاذا بعامل الصحة يسير خلفنا ويأخذ قيمة جنيهين من كل منزل يتم رشة بالمبيد فاختلفنا مع الاخوة في الصحة حتي لم يلتزموا بطرحيلنا . اضف الي ذلك انو اخذنا معنا عدد 3000 شجرة ظل مثمرة كان الهدف انو البلد تعيد خضرتها بعد الدمار الذي نتج من الغمر . المهم قمنا بشتل هذه الاشجار في كل المراكز الحكومية والمدارس اضف الي ذلك اعطا كل شخص يلتزم بي انو يرعي هذه الشتول اديناهو حتي مدرسة ثاني نحنا وصلنا ليها الشجر لكن للاسف تظل البلد بنفس الدمار ولا شجرة قامت نسبة لعدم سقيها (عدم الموية يقتل * وتقتلك الذيادة ) لا في احدي المدارس وبالتحديد في منطقة شري وجدت هذة الشتول الاهتمام والرعاية والتحية للاخوة الاساتذة بهذة المدرسة . ومواضيع كثيرة تجيب الضغط . انا ما عاوز اكسل الناس من الموضوع بس عاوز اوريكم الحاصل .والله اعلم بما في الصدور

فووووووووووووووووووووووق...
32 جنيه قد تنقذ حياة شخص...ساهم ولو بالقليل..

شكرا للقائمين على العمل

وان شاء الله العمل سيلقى قبول

انا اقترح بعد وصول الدواء الى مراكزه ولإستمرارية الموضوع

1/ يتم علاج الاطفال مجانا

2/ يتم علاج الكبار بقيمة الجرعة

3/ يتم علاج السماكة بضعف قيمة الجرعة

والناس هنالك ما بهمها الدفع بقدر ما يهمها توفر المصل وضمان وجوده .

بسم الله الرحمن
الرحيم –تأخرنا عليكم –كانت هنالك بعض الترتيبات---ومن الاخر –
نبدأ المساهمات --:
1-الاخ مدير المنتدى 50 الف جنيه
2-الحاج شرف الدين 50 ألف جنيه
3-يس مصطفى بشير 50 ألف جنيه
4- الرشيد الافندى 50 الف جنيه
5-سلمان عقيد عثمان 50ألف جنيه
وفى انتظار الباشمهندس
ودجيب الله لرفع تقرير ناس الكلاكلات وام عشر--

Always high

ونضيف الان وكما
توقعنا من مركز الكلاكلات وام عشر بقيادة الباشمهندس ود جيب الله–
1-عادل شررى 50 ألف جنيه
2-محمد على احمد يوسف 50 ألف جنيه
3-ابورزان –بدر الدين تاج السر 50 الف جنيه
4-الباشمهندس ودجيب الله 50 الف حنيه—
وهنالك مفاجأ سارة
قادمة من نفس المركز –الشكر للاخ الباشمهندس—والشكر لناس شررى –وشررى فيها رجال

يا المغتربين ..... النافعابي والمصباح و........ وينكم ؟ غلبونا ناس السودان
رتبوا لنا الامر ...........
لعن الله العقارب

شكراَ أميرة علي على هذا النداء وشكراً للقائمين على أمر جمع أمصال العقارب

إن شاء الله تعالى تصلكم كمية لا بأس بها مع الحجاج ربنا يتم لهم حجتهم بالسلامة ويرجعهم لأهلهم بالسلامة

عرفت أن أول فوج من المناصير بقيادة الأمير أحمد عثمان أحمد السلمات وصل أمس سواكن واليوم بإذن الله تعالى يكونوا وصلوا جدة وبكره الأحد إن شاء الله تعالى يكونوا معانا في المدينة المنورة

الله اكبر—وصلت مساهمة الاخت نجلاء زمراوى—(مائة الف جنيه)

والله ما شاء الله
كان عارفين الزول يغيب شويه يجي يلقى الحاجات السمحه دي
كان كلو مره بنآخد غيبه
بالتوفيق انشاالله والى الامام والله عمل الخير لو خلُصت فيهو النيه مافي حاجه بتوقفو
والبلد بالجد محتاجه لينا وربنا يعينا ويعين الجميع
شكرا الرائع دوماً سلمان وفي ميزان الحسنات ان شاء الله
وخدمة البلد واجب وليس مناً

مساهمتى سوف تصلك قريبا في أمصال العقارب يا سلمان.. بس فرغ نفسك عشان تمشي تستلما

بسم الله الرحمن الرحيم
من مركذ الكلاكلات وام عشرنحيكم
السيد عريس المنتدي جبريل احمد عبد الرحمن(200الف جنية)
عبد السلام محمد عمر جلود (50الف جنية)
السيد بشير الحسن نصر الدين (50الف جنية)
وماذال في المركز مفاجأت؟؟؟؟؟؟؟؟؟

على ودالباقدان يرفع التمام اليكم السيد النعوفابى وربنايوفقكم ويزيل البلا وام ضنيب
100جنيه سودانى
ارسال تلفونك فى رساله لى تحويل المبلغ اليك

التحية للسادة المرور ؟؟؟؟؟؟؟؟؟ والمعذرة ان تاخرت عليكم ؟؟؟؟؟؟؟؟ للمشغولية الحاصلة ؟؟؟؟؟؟؟؟ وربنا ينجى ناس البلد من العقارب؟؟؟؟؟؟؟؟ وهذه هى مساهمة ابو مصطفى فى المشروع ؟؟؟؟



مبلغ 100 جنيه فقط مائة جنيه سودانى

تبرع من ابومصطفى وسوف تورد كرصيد فى تلفون سلمان عقيد







تحياتى

ابو مصطفى

الله اكبر .ده الكلام ..نسبه لظروف سفر لم نتابع معكم ولكن انشاء الله سوف نجتهد مع اناس لنا نامل منهم الكثير ....شكرا سامى والقلناه يصلكم تب انشاء الله .

شكرا لجميع المتداخلين والادارة بهذا العمل الطيب

ارموا قدام وما ترجعوا لا ورا
ايد على ايد تجدع بعيد والحصى يملا القلة

مساهمتنا 50ج كرصيد ترسل فى هاتف سلمان عقيد

وربنا يعظم الاجر ونكون قدمنا شى عملى للبلد بعيدا عن التنظير والكلام الكبار بلا فائدة

بسم الله الرحمن الرحيم

من مركز الكلاكلات وأم عشر نحيكم

الباش مهندس عبد السيد عمر صالح (50ج) سوداني عدا نقدا