زنك في خور قريب من زنك خور أم لقاديب لقطته عدسة فنان منصوري رائع

زنك خور أم لقاديب أطول من ده..
ده 3 زنكايات فقط. خور أم لقاديب زنكيهو كتيييير..عييييك أكتر من سبعة زنكايات والله وكت يلحق يتقدد ويوشل. وتجي هبوب تطلوحو شمال يمين!
قصة! وقتها يتعب المزارع عشان يرجعوا سيرته الأولى..
شوف المناصير قوة العزيمة على الشئ والإصرار على أكل الرزق الحلال.. شوف تعبوا زي شنو؟ عشان يمرروا موية البابور للطرف التاني؟
تعرفوا لى الخور ده وين؟
ده ما زنك خور أم لقاديب
ولازنك خور الحنانين
ولازنك وادي عصمة
ولازنك في وادي كبنة..
بس أنا في الحنانين عملتا طريقة لى خورنا تقطع الموية فيها لمسات هندستي. اي زول شافا اتعجب..!
قال ده الحنوني والله ولدو المهندس. درب السلطان يجي قاطع خور الحنانين. المناصير يعجبوك في الشمار. مرات أكون أنا بي تحت. تلقاهم هم فوق حميرن وملفوتين لاتحت. يعاينوا للطريقة دي البي تمرر الموية بدون زنك.. وهي آمنة من السيل ومن الهواء ومن المطر..
مفروض الهندسة تطوع حياة الناس للأحسن
ومفروض الطب يخلي الحياة بهجة..
إذا المهندس رائع في جميع شكول الهندسة.. الناس قد لايحتاجوا للدكتور عشان يتعالجوا
يعني لو مهندس خطط مدينة جميلة. مشجرة . فسحات كبيرة بين كل مربع ومربع.. النفايات تحرق اول بألول. برك المياه تصريفها أول بأول... ميادين لعب مختلفة بعيدة عن طرق مرور السيارات وبعيدة عن مساكن الحي قدر فرسخ.. الأدبخانات كان حفر . يصب فيها زيت الرجوع بتاع الماكينات. ولو سايفون ما تكون عين السايفونات في مستوى واحد من عين مياه الشرب.. واشياء اخرى كثيرة..<script src='http://img209.imageshack.us/shareable/?i=jadwalzink.jpg&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript>

شكرا هندسة
يا ليتنا وجدناكم هناك فى بلدى كما قال الارباب سلمان

وأنا ذاتي فاكر إسمو خور قرين يا سلمان
هو اشمو شنو غير خور قرين.؟

كدى قول بسم الله ياسلمان وصلى على النبى !!!

لا يا سلمان
الزنك ده غادي على جيهة سور
شوف ارتفاع الترس العاملوا ليهو
قدر راجلين لافوق