المناصير سمك لبن تمر هندى والمرقة فى البحر

هناك ثلاث مجموعات تصطرع فيما بينها ونحنا واختى الحكومه قاعدين فراجه وهم قالوالينا اننا فى مواجه وثورية مع الحكومة هم قالوا نحنا ماشفنا نشوف النبى فى شروقه ولكن الذى نشهد عليه يوم النبى يفيف قاضى انه الجماعه قامو ثارو على بعضهم وكسروا بيوت اخوانهم واعمامهم وقطعوا كل صلات الارحام وما خلوا فينا سبب للبسمه والافراح لكن قالوا ده الثورية واقتلاع النظام يبدا من هنا وهاك يا بطولات وهاك ملعون ابوك بلد وكل يهون فى سبيل الثوريه الموهومهوفى النهايه اتقسموا الى تلات كيمان الكوم الاول كوم احمد عبد الفتاح وجماعتة وديل معولين على السند الشعبى الذى يتمتعوا به وسط الاهالى وديل مره يوافقو ومره يرفضوا وهم ماهم عارفين العيش اكله الطير ونخليهم يضروا مادام النسيم هبالم والكوم التانى كوم عسكورى ورفاقته وديل قالوا لينا حقكم نجيبه ليكم من الخارج قلنا ليهم كيف قال اصبروا بس وترانا نساسق وقبلنا والكوم الاخر كوم البرجوب ورعاياه وديل عصا قايمى وعصا راقدى والبرجوب قال سياسته سياسه الامر الواقع وفوق ليها سياسه ضبط النفس وفى النهاية شوف نفسك وين ودقوا مزيكة الحوارى ورقصوا البوت عرضوا

المهم فى الامر نحن من نفر فوق ضفاف النيل من قديم سكنوا
والثلاث مجموعات كل يدلى بدلوه وزيادة الخير خيرين
الخوف كل الخوف من الثلاث مجموعات ان ترى جعجعة ولاترى
طحينا فوق ضفاف النيل واخماد العقارب التى حوله
تقبل المرور

التحيه لصاحب البوست

التصنيف الذكرتو صحيح ولابد منه فى اى صراع من اجل الحقوق والاصلاح وردالظلم والباطل واحقاق الحق وما حينتهى لان نحن بنعلم انو القران الكريم صنف البشريه فهنالك كفار كفروا بالله وماارسل اليهم من رسل تهديهم لتوحيد الله وعبادته وان يكونو خلفاء فى الارض ليحكموا بين الناس بالعدل . وهنالك منافقين يظهرون انهم مع الحق والعداله ومع حقوق المظلومين ويبطنون الحقد وهوى النفس والجشع وحب السلطه والغنى على حساب المظلوميين والمتاجره بقضيتهم .وهنالك مؤمنين بالله وبالعداله وبحق المظلومين ويدافعون عن حقوق اهلهم ولو ادى ذلك لفقد انفسهم واموالهم

فقس يا محمد حسن طيفور الاصناف الذكرتها على هذة الاصناف الذكره القران الكريم وصاحب العقل يميز واهلنا المناصير اصحاب فراسه وذكاء

ولك التحيه