ايووووووووووووووووووووووى يوووووووووووووى

ايوووووووووووووووووووى يووووووووووووووووووووى

مبروووووووووووووووك والله عجبنا وسر بالنا

اخير فرحنا...



:

:

:

طبعا انا ذاتى ماعارفه مبروك على شنو بس لى ساعتين بفتش لى فى حاجه تفرح فى المنتدى ومالقيت قولت ادخل على قسم الافراح دا وكافى البلا اخر تهنئه من زمن نتائج ناس الشهاده الثانويه...الحاصل شنو يااهلنا وهل انعدمت الافراح ام اصبحنا لانشعر بما يحزننا او يفرحنا ...

عساكم تنعمون بزحمه من الفرح ولو حتى كان فرحا خفى

انا كمان سمعت زغروتة الفرح دى وجيت جارى على بيت ناس تماضر

وقابض معاى عصايتى المضببة وقلت اليلة شكلى ح اتفشى فى البرجه

وفى سرى كدى قلت ياربى يكون تماضر نجحت ؟

ولا يكون تماضر جاها خطيب ؟

ولما جيت لقيتلك الحكاية بندق دلوق .

أبشري بالخير

ابشرى بالخير الجايات اكتر من الرايحات
وربنا يديم التواصل والافراح

عمل طيب وبشري بالخير

لاتستعجلي تماضر امامك اشارة عيد الضحية قرب اماني مانشبع برجي وزقاريد


اللهم اجعلوا خير وبركة
قولوا اميممممممممممممممن

زغرودة تماضر دى والله ادخلت السرور على نفسى ورجعت بى كمين سنة لاوراء وذكرتنى والله البلد والعرس فى البلد

؟؟؟؟؟؟؟؟؟؟؟؟؟؟؟؟؟؟؟؟؟

وذكرتنى عمتى اليمن بت عبد الرحيم كانت عندما يكون عندنا عرس وهى امراة سخنة شديد تبشر وتزغرد وتاخذ ليها جرية مرة واحدة تجاه العريس

ابشروا بالخير وانشاء الله العديل والزين

وكل عام ورمضان كريم

؟؟؟؟؟؟؟؟؟؟؟؟؟؟؟؟؟؟؟؟؟

ابو مصطفى

الزغرودة غايتو قوية.

لكن الفرح يجى ولا ما يجى.

قاسى مع ناس المؤتمر الوطنى ديل الله يدينا خيرهم.

الفرح راح والحياة بقت قفة ملاح .

سبحان الله!!

شكرا كتر خيرك على الزغرودة ومحاولة بث الفرح الحزين.

تلقى ليلة القدر بإذن الله. برضو فيها فرح.

ساكنة فى جواى فرح.

بص ود فرح.

فرفشنى وفرحنى الله يفرحك.

فرح السنين.

الفرحة كتلتنى.

الفرحاب ديل من وين هم؟ مناصير؟!

قهوة فرح بيغادى لى محمد على طه..محامراهو.

سكنتى الفرح جواى وشلتى من قلبى الحزن.

العيد مبارك..

للصايم فرحتان يفرحهما عندما يستمتع بالأكل والشراب .

وعندما يلبى نداء ربه بالصيام راجيا من الله القبول.

اللهم فرحنا بصيامنا.

من بعد السلام...

الاستاذ سلمان....

مشكور على الطله واميـــــــــــــــــــــــــــــــــــــــــــــــــــــــــــــــــــــــــــــــــــن يارب

واحدثت فصدقت ظروف الحياة فعلا بقت صعبه بس قولنا نخلق لينا فرح كاذب ونعيش فيه حبه عشان نقدر نواصل وبالنسبه للنتيجه إتاجلت لحد بعد العيد وربنا يسمعنا خير واكيد بعد دعواتكم متفأله ...

وربنا يقرب ويحنن الاهل على بعض ع قولك ...مشكور مره تانيه

الاستاذ منوفلى...

ههههههه ماتستعجل الداره اسى بتعج والصفقه والطمبور يدق وفنان قااااعد معانا فى البوست عشان كده امسك قوى فى العصاى...ويسمع منك ربنا يارب وانجح والخطيب دا غيتو خليتو عليك القال ليك جيب سيرتوا منو المره الجاى جيبوا معاك^_^....اسعدنى مرورك ومرور العصايه

الاستاذ ودعون الله..

[ندعوك للتسجيل في المنتدى أو التعريف بنفسك لمعاينة هذه الصورة] ابشر ابشر ابشر بالخيـــــــــــــــــــــــــــر

الاستاذ عباس ...

ابـــــــــــــــــــــــــــــشر ابشر وان شاء الله تمطر سمانا بالافراح وامين يارب ربنا يديم التواصل

وشكرا كتير على المرور

الاستاذ الباش مهندس..

امييييييييييييييييييييييييييييين يارب

الاستاذ ابو مصطفى...

شكرا ليييييييييييييييييك كتير وكل يوم بنزغرت ليك مدام فى سرور بتلقى حقيقه الافراح بقت شبه معدومه والناس اكيد كلها نفسها تفرح من جوه بس ماعرفين بقينا مالن اسى العيد فاضل لى ايام وماحاسين بحاجه بس ربنا كريم ...

وكل سنة والمناصير طيبه بى ناسه..

اسعدنى مرورك

فنان الفنان...سلاااااااااام..

وبركه الجيت عشان نحن هنا غيتو اول يوم فى العيد حاجزنك تربها لينا بى جاى..

وبص فرح وقهوة فرح دىل يبقى لى مصدر فرح المناصير ذاتهم..وع قولك ناس الشجره مصوا دم الناس ربنا ينتقم منهم..

وربنا يمطرنا فرح ويتقبل صيامنا..

شكرا ع المرور

نسأل الله أن يديم الأفراح والليالى الملاح وعقبال النجاح الباهر والفرح الكبير وكل عام وأنت بخير _

فنان الفنان...سلاااااااااام..

وبركه الجيت عشان نحن هنا غيتو اول يوم فى العيد حاجزنك تربها لينا بى جاى..

وبص فرح وقهوة فرح دىل يبقى لى مصدر فرح المناصير ذاتهم..وع قولك ناس الشجره مصوا دم الناس ربنا ينتقم منهم..

وربنا يمطرنا فرح ويتقبل صيامنا..

شكرا ع المرور

الاستاذ النفر...

اميييييييييييييييييييييييييييييييييييييييييييييييين وامييييييييييييييييييييييييييييييين كبيره

وانت بخير

tamador alsyed كتب:الاستاذ منوفلى...

الخطيب دا غيتو خليتو عليك القال ليك جيب سيرتوا منو المره الجاى جيبوا معاك^_^....اسعدنى مرورك ومرور العصايه

الخطيب الان موجود لو ترضى بيهو تكونى الزوجة الثانية !؟

الاخت تماضر لى سؤال لكى جرى بخاطرى
انت من كبنه وبنت احمد السيد عوض الله القاعد فى الرهد
وعمك عبدالرحمن السيد فى الجيش وهم اخوال محمد ابوالقاسم عطاالفضيل

ولا كلامى دا مافى محلوا

تسلمى وتقبلى منى ذلك والمرور الثانى

من بعد السلام...

الاستاذ منوقلى...

ههههههههههههههههه اصلوا الزول مايهظر وبعدين انا اصلا دايره اتم قرايتى

الاستاذ محمد عباس...

فى محلو تب..يانى هى ذاته بنت احمدالسيد الفى الرهد والعمها عبدالرحمن وودعمته محمد قاسم...

بس عندى سؤال جرى بى خاطرى شكلك طـــــــــــــــــــــــــــــــــــولت شديد من اهلى ديل عشان عمى دا الجيش خله من زماااااااااااااااااااااااااااااااااااااااااان

tamador alsyed كتب:من بعد السلام...

الاستاذ منوقلى...

ههههههههههههههههه اصلوا الزول مايهظر وبعدين انا اصلا دايره اتم قرايتى

هههههه اظنك فهمتيها

لكن اهو العريس ظهر وبمواصفاتك الدايراها امسكى قوى

اها اضايرى امرقى خلى البعدك تدخل !

هههههههههههههههههههههه انا غايتو بمناسبة العيد العريس ابو مواصفات الجبتوا لى دا بهدى للحااتضاير ليها عشان تدخل بعدى

ايووووووووووووووووووووووووووووووووووووووى يووووووووووووووووووووووووووووووووووووووووووووووووووووووووووووووووووووووووووووى يوووووووووووووووووووووووى الحمدلله نجحت وجهزوا عممكم والعصى.. والنسوان يجهزوا لى صوتهم...واى زول عندو شغله يخلصه من اسى ان شاء الله اذا ربنا ادانا عمر عايزاكم لم حضور فى التخريج

استاذ سلمان...وربنا يكتر منها الزغاريد دى ويديم الفرح فى منتدانا وفى البلد عامه...والبطاقات مكترااااااااااااها تب بس الناس بعدين لازم تشرفنا..وان شاء الله اول مايتحدد زمان ومكان التخريج ح تكونوا اوئل المدعوين...ومشكوووووووووووووور جدا

تماضر لك التحية والحمد لله كنت ابنة الرجل الطيب أحمد السيد نبارك لك النجاح ثانية وما تنسي تدعي المغتربين لحفلة التخرج وكملي قرايتك وعاوزين نشوفك دكتورة قدر الدنيا تحياتي للوالد بالرهد.

الف الف الف مبروووووووووووك يا د|تماضر النجاج واسمعى كلام مصباح كملى قرايتك وعقبال الماجستير والدكتوراة

الف الف مبروك النجاح ..

السيدالكبيرمصباح...جمعه طيبه...وربنايبارك فيك وعقبال افراحكم وانتو ح تكون مدعوين قبل الناس الهنا..وبإذن الله القراية مع الخدمه طوالي مواصلين فيها..وابوي ببلغك السلام انت والاسره الكريمه¤¤¤¤¤¤¤¤¤¤¤¤¤¤¤¤¤¤¤¤¤¤السيدمنوفلي...ربنايبارك فيك وامين يارب وان شاءالله بكمله...¤¤¤¤¤¤¤¤¤¤¤¤¤¤¤¤¤¤¤¤محمدعمر الشراد...ربنايبارك فيك وعقبال مانشوفك عريس

تسلمى ودعوتك عجبتنى هههههههه.الجيه الجايه حضرى الكرامه خروف مابحلك مننا ...تحباتى للاسره.

من بعد السلام...ايووووووووووووووووووووووووووووووووووى يوووووووووووووووووووووووى(تذكره بفاتحة البوست)

اناجايه قاصداك عديل يااستاذ سلمان عشان التخريج خلاص قرب

تذاكرك كلها اديها لي سلمان
وشوفي البجيكي عاد