يا أخوانا مسعولين من الخير ، ود حاج وين؟

ود حاج يطراه الله بالخير يا سلااااااااااااام

شكله صايم رمضان في عتمور المناصير يا هندسة

دكتور مصباح.
ود حاج العصفورة بتاعتي المااااا كضابة
البي تبحت حتى تحت الارض
قالت:
ود حاج ده زماااان فارق عتمور المناصير، العرفة وساني.. وودي أم عون. والهريوب واب خريت.. واب سباع.. والمديسيس وخلولي..
وضاق ترطيبة المدينة من زمااان.. والمكيفات في بيتو بقت تسوي زننننن

طلة طلة على المنتدى يا ودحاج سلم لى كتير

ود حاج ـ ما زول مكيفات وكندشة ـ دا زولا أغبش ومخشوشن بالجد
وما بيعرف شوارع الخرطوم ـ
لكنه يعرف كل جراحاتنا ـ وكل آهات الناس هناك
** البلد مطرانة جد ـ ود حاج ـ سدر الخلا .. اصلو قالو شربان والعيني لا زالت ـ والمطر كابي ـ واللبن رقد ـ وناس البحرسدروا بهائمهم
والخير رقد
ود حاج حام في العاصمة ـ واحتار بين شارعين
واحد يوديك ويجيبك خالي أنفة
والتاني ـ يودي ويجيبك جنازة بحر
وقالو ليه في شارع تاني ـ مشى لقاه يودي لناس درمة عدل
وهو ما خواف ـ لكن عامل حساب لبشتنة اهلو بعدو ـ اهلو لسع ما لقوا حقهم ـ
وسكينو بس هي الحا تجيبو ليهم ـ
**
انا اكتبوني معاهو ـ وجاهز للشهادة

لا لا لا
ود المناصير وود حاج. لسه محتاجين ليهم وعايزنهم لى قدام... شوية فركة كعب كدة بس!. حتى لو جارت عليهم ظروف راح تتعدل لى قدام..
الإثنين انا أحتاجهم تماما..ولسه عندهم إبداع راح يظهر لى قدام ..

حمد لله على السلامة يا ود حاج

وربنا يشفيك ويديك العافية ويخليك لى اولادك ولينا كمان وانت تكافح من اجل اللقمة الحلال

ربنا يديك ليلة القدر

ويشفيك من آلام الاذن والصدر

أووووووه
رجعت قامة من قامات المنتدى قريبنا ود حاج شيخ العرب

سلامتك يا ودحاج
وربنا يديك الصحة والعافية
وانت تكدح فى طلب المعيشة
ان من الذنوب من لايكفرها الصوم والصلاة يكفرها الهموم فى طلب المعيشة

ود حاج راجل كتاباته رايعه
ومثله يفتقد

عمنا صديق
وود حاج
طال غيابكم