والى ولاية نهر النيل وأعضاء حكومتة بالمناصير

الاخ هيثم
شكرا على المعلومه
حلقه جديده من حلقات طولو بالكم يامناصير نحن جايينكم
الضيق العليكم شنو كم يوم ويجى رمضان والعيد بعدو طوالى
[ندعوك للتسجيل في المنتدى أو التعريف بنفسك لمعاينة هذه الصورة]

شكر ياهيثم
هذه لفتة بارعة وجميله ومقبوله ولكن الناس سامت من ح حح نعمل كم مضي من زياره السيد الرئيس و زياره نافع وكم نفز من ما وعدو به .
ودمت

فارغين وما عندهم شغلة
هم قايلين المناصير ديل تاني بتغشوا

ماتتعبو روحكم ياجماعه
انا عرفت السبب
الجماعه ديل عاوزين ياكلو سمك فى العيد
وانا متاكد تماما رغم محطه اخونا الاسد حا يجيبو مويه صحه معاهم
وناس الضيافه جاهزين
الافغانى وجماعتو
وابو رماد وكلبو

رأي الشخصي أن تكون هناك مسيرة ضخمة في مقر هذا الإجتماع وان يكون هناك من يتحدث مع الوالي بإسم المناصير ويجب أن يتم تحديد تاريخ لنهاية هذا المسلسل المكسيكي وبعد هذا التاريخ المحدد ليس هناك كلام مفاوضات مع احد وكفانا سذاجة . هؤلا القوم إستهلكونا بمافيه الكفاية

الاخ هيثم تحياتي لك
انا رأي هذا الاجتماع لايعقد الا ان يعطوا المناصير جزء من حقوقهم ؟؟؟؟؟؟؟؟؟؟؟؟؟؟؟

مشكور عادل شررى على الطلة
لكن ياعادل لو رفضنا الاجتماع حا يعقدوه فى اى مكان فى الولاية ، لكن احسن انو نحن نرحب بالاجتماع وندعوهم للبلدوبعداك اهلنا يقوموا بالواجب ، من ممارسة الضغوط والحشود وارسال رسائل واضحة للجماعة ديل.ولا رايك شنو؟.

الاخ هيثم شكرا
انا رأيي ان الولاية لاتتجرأ وتعقد اجتماع في الطوينة مالم تعمل حاجة لان المناصير ملوا الوعود والكذب والحكومة تعلم ذلك تماما ؟؟؟؟

اولا تصحيح بسيط لمعلومة الاخ هيثم او توضيح بالنسبة لاجتماع حكومة الولاية فى المناصير فهذا برنامج الوالى وهو عقد اجتماع حكومته فى كل فترة فى محلية من محليات الولاية وقد تم فى عدة محليات ودور محلية البحيرة فى هذا البرنامج الموضوع بعد عطلة عيد الفطر بمعنى ان هذا برنامج عام وغير مخصص للمناصير فقط حتى لا يذهب الناس بعيدا لذا لزم التنويه . اما عن رأى الشخصى فهو رأى الاخ فارس الفارس ادناه.

فارس الزين علي محجوب كتب:رأي الشخصي أن تكون هناك مسيرة ضخمة في مقر هذا الإجتماع وان يكون هناك من يتحدث مع الوالي بإسم المناصير ويجب أن يتم تحديد تاريخ لنهاية هذا المسلسل المكسيكي وبعد هذا التاريخ المحدد ليس هناك كلام مفاوضات مع احد وكفانا سذاجة . هؤلا القوم إستهلكونا بمافيه الكفاية

مشكوووور يالافندى

من ضمن مؤسسات اللجنه التنفيذيه هنالك قسم الاعلام كما اشار ابننا هيثم في بعض كتابات؟ فيا ريت تقوم هذه المؤسسه بدور يناشد وينادي و يسعي الي عمل تظاهره سلميه امام مقر الاجتماع في المحليه المغلوب علي امرها ؟ ويكتب علي الاعلام والملايات المرفوعه: فوزناكم وبرجلتم مستحقاتنا ؟ كفايه مماطله يا اداره السد ؟؟؟؟؟؟؟؟؟ لو قامت اللجنه بهذ الاجراء فعلا نرفع لها التحيه وفعلا يكونوا اصحاب حاره وفعلا ابطال ؟؟؟؟؟؟
اما اذا لم يفعلوا شيئا ( وهذا الراجح عند الكثيرين )
فاليعلم ابناء بلدي جميعهم ان اللجنه والحكومه متفقين كما قلنا
والله المستعان وخالص التحايا لكل الاخوان
......
حازم [b]

اتفق معك اخي حازم في موضوع المظاهره ده.لان الجماع ديل عودونا مابيقومو الا بالدفره.

ماهو المطلوب الايفاء بدفع الحقوق والخدمات في الخيار المحلي ؟
طيب العمل الشغالين فيه الان البرنامج الغير معلن والشركات الان جاهزه للبدايه الفعليه رايكم شنو؟
برنامج الاستثمار في كل القطاعات او الانشطه المختلفه في محليه البحيره اين نحن منه ؟
لابد من التفاكر والاستفاده بقدر الامكان من زياره الوالي والالتزام بأن يكون المناصير شريك اصيل في
أي نشاط استثماري وتكوين ذراع من المناصير للمتابعه ويكفي ان نأخذ التزام من الولايه بهذا الخصوص اما انهم ينفذوا او لاينفذو مش ضروري المهم يبقي حق معترف به وملزم قانونيا وبعدين الباقي المناصير كفيلين بيه وما ضاع حق وراه مطالب الخلاصه أبدا ما كفايه دفع الحقوق والخدمات في الخيار المحلي

لو تاكد انو الحكومة جاية
الجماعة ح تقوم ترسل لينا المطبلاتية ويردمونا بامال مبالغ فيها منها ح يجيبو ليكم حقكم وكاش ,المصانع والكهرباء والموية و الزلط ووووووووووو....
وبعدين تسمع
الحكومه جات ورجعت
اها الحصل شنو
المطبلاتية :ماكفايه بس انو اعترفوا بي المحلية ,وهنالك في ناس لسع فوق ارضهم وما راحلين,

اجتماع الحكومة بالمحلية مكسب للعلم ان تكون اول زيارةللوالى حقو ندعمه

منوفلى كتب:لو تاكد انو الحكومة جاية
الجماعة ح تقوم ترسل لينا المطبلاتية ويردمونا بامال مبالغ فيها منها ح يجيبو ليكم حقكم وكاش ,المصانع والكهرباء والموية و الزلط ووووووووووو....
وبعدين تسمع
الحكومه جات ورجعت
اها الحصل شنو
المطبلاتية :ماكفايه بس انو اعترفوا بي المحلية ,وهنالك في ناس لسع فوق ارضهم وما راحلين,

الاخ منوفلى اتفق معك تماما فى هذا الكلام رغم اننى لا اعرف بمن تقصد بالجماعة
( اوع بس تكون اللجنة )
على كل كما يقولون الكرة فى ملعبنا نحن من نستطيع ان نغير هذا البرنامج بما يحقق المصلحة لاهلنا بس كيف ذلك هذا ما يتوقف على المناصير انفسهم .

والله أنا راي الناس لا تقوم بي مظاهرة ولا يكرموهم بس يجو يقعدو في الطوينه ويعملو اجتماعهم ويرجعوا
أسألكم سؤال فخامة رئيس الجمهوريه جي الطوينه وقطع فينا خطاب طويل وحريض والمساكين يهللوا ويكبرو... وجاء بعدوا فلان وعلان النتيجه كانت شنو؟مسلسل ما عندو نهاية
أنسونا بالله
مرحلة التخدير فتناها زمان والبنج بقي ما بجيب فينا حاجه
اتكلموا لينا في الماستثمار يا قول الباشمهندس

كلام زوبا دا نحوله لناس اللجنه هم الذين اتوا بالسيد رئيس الجمهوريه
وكانت النتيجه مهزله خطابيه
وجمهره للتوريه والجوديه
لا للمطالبة بالاستحقاق وكلام العين الحمراء القويه
فيا اللجنه اخوات نسيبه فهمن ان القصه خداع ونقاق وبيعه صبحيه
.......اخشي عليكم ان لاتصدقوا مع اهلكم اخشي عليكم دعوات اليتامي والمعسرين في هذا الشهر الكريم .... عهدنا معكم التوبه وارجاع الاموال التي باسم المنطقه اخذتموها ولأغراق أهلكم وشرزمه صفوفهم دفعتموها
والله المستعان ..... حازم

حازم كتب: كلام زوبا دا نحوله لناس اللجنه هم الذين اتوا بالسيد رئيس الجمهوريه
وكانت النتيجه مهزله خطابيه
وجمهره للتوريه والجوديه
لا للمطالبة بالاستحقاق وكلام العين الحمراء القويه
فيا اللجنه اخوات نسيبه فهمن ان القصه خداع ونقاق وبيعه صبحيه
.......اخشي عليكم ان لاتصدقوا مع اهلكم اخشي عليكم دعوات اليتامي والمعسرين في هذا الشهر الكريم .... عهدنا معكم التوبه وارجاع الاموال التي باسم المنطقه اخذتموها ولأغراق أهلكم وشرزمه صفوفهم دفعتموها
والله المستعان ..... حازم

الاخ حازم
رمضان كريم
اللجنة اتت برئيس الجمهورية حقيقة واعتراف موثق من سيادتكم .
كانت النتيجة :
اعتراف من اعلى قمة الدولة على رؤؤس الاشهاد بخيارنا المحلى وان لم تفعل اللجنة غير هذا لكفاها
اما قصة الخداع والنفاق فهذا يحسب على الدولة لا على اللجنة ؛ هذا ما عنته الاخت زوبا على ما اعتقد (يمكنها ان توضح )
اما حكاية الدعوات فاننى اجزم انها للجنة لا عليها كما ذكرت لك سابقا يمكن ان تتاكد بنفسك
مسالة التوبة دى الانسان يتوب عندما يرتكب جريمة او جناية مثل خيانة اهله وبيعهم بابخس الاثمان وتركهم يواجهون مصيرهم المحتوم هذه هى الخيانة العظمى بكل معانيها حازم يا اخوى لا تدفعنا لفتح ملفات نريد اغلاقها حبا وكرما فى اهلنا .

الاخ الرشيد سلام عليك
اظنك سمعت بالمثل البيقول( يقتل القتيل ويمشي في جنازته )
وانت راجل صحفي وتحمل من الفكر والفهم مايمكنك من معرفه الفارق بين القانون والعرف والاعتراف والانكار والوصايه والاستعمار والقرار والمسدار
فكلامك عن الخبار المحلي وانكم كلجنه انتزعتوه انتزاعا وجبرتم الدوله علي الاعتراف به هذه اضحوكه يمكن ان تمرر علي انصاف المتعلمين وعلي الذين ليس لديهم اذان الاعبر لجنتكم ؟
اما الذين يدركون ان الاعتراف بالخيار المحلي صدر كقرار جمهوري قبل تكوين هذه
اللجنه هولاء يضربون كف علي كف ويضحكون عن تلك العنتريات التي تنسبوها علي انفسكم
قل لي ياالرشيد هل لو رفضت الدول الاعتراف بالخيار المحلي هل ستكسرون هذا الرفض ؟؟ حرام يالرشيد خداع ابناء بلدكم بهذة البطولات الوهميه؟ يااخي باب التوبه مفتوح والاعتراف بالذنب فضيله اما التمادي وخلق البطولات الوهميه سينكشف وسيعرف ابناء بلدي انكم لم تحققوا لهم مطلبا واخدا من ضمن مطالبهم السته غير التشرزم ودعوات التفرقه [justify]

كفاية جخ يا ناس اللجنة التنفيذية هى الحكومة نفسها والله ما بتقدر ترفع شعار واحد ضد الحكومة ؟؟؟؟
ابو مصطفى يقول الحقيقة وجيب سيفك تعال اقطع راسى ؟؟؟؟
تحياتى ابو مصطفى
القاهرة

الأخ حازم
رمضان كريم
أنا لم يكن قصدي اللجنة بل أقصد الحكومة هي السبب في مماطلة الأمر، إن كانت هنالك دعوات من أهلنا ستكون للحكومة وليس اللجنة
أخي حازم في مثل بقول: عينك للفيل وتطعن في ظل
أسألك سؤال: ما هو الدورالذي يجب أن تقوم به اللجنة ولم تقم به؟؟؟؟؟؟؟؟؟؟؟؟؟؟؟
والله ياأخى حازم الدور الذى قامت به اللجنة كبير جداً وحقو نشكرهم عليه، لأنهم دافعوا عن أرض جدودهم وشجعوا الناس على عدم الهجرة للفداء والمكابرات، ولو لاهم لهاجروا كل اهلنا إلى المشاريع الصحراوية ... وده رأي الشخصى...إنت لو عندك رأي غير ذلك حقو تمشى تنضم للجنة وتقول رأيك وتوريهم الصاح إذا كنت بالجد منصورى وصاحب خيار محلي... صدقني ما ح يعترضوا على رأيك، وما ننسى في النهاية هم بشر وكلنا نخطأ... صدقني أي عضو في اللجنة هو فارس وخايف على أرض
ياأخي حازم انت حقو تكتب للرئيس وأسامه عبد الله والوالى والمعتمد والبرجوب، وتقدم ليهم اسألتك، ولمن تعرف مواعيد الصرف متين بلغنا...شكلك قريب من الركب ده
أوعدك ح نتواصـــــــــــــــــل

والى الولاية تبرع لمنكوبى شندى من والمتمة باسم محلية البحيرة

zooob salam

I respect your opinion. I think you have an opinion stems from the originality and belonging to the tribe
The thousands of women, people from the tribes
I know the Committee has set itself an impregnable fortress to protect themselves??
But I never thought that extends out stinking of gold hidden (beauties tribes), and putting toxins and make you crammed calls for fragmentation and division and the sale of wills

• 
  
  
  zoooba رمضان كريم
  كتبت كذلك لأن اسمك اراد ان يكون كذلك
  حزنت كثيرا عندما خالجني الشعور ان ايادي اللجنه القزره أمتدت الي اخوات نسيبه المنصوريات
  ادري جيدا ان اللجنه وضعت لنفسها حصنا وسدا منيعا وسط الطلاب بالجامعات ولكن لم اتخيل يوما واحدا ان تحمل دعوات التشرزم وسلب الاراده فتيات من بلدي
  اه يابلد دي اخطر الطعنات في صدر بلدي الذي يتوشح عزة وكرامه ؟؟؟ اه وثم اه يابلد؟؟؟؟؟؟
  
  
• كمان جاء فيها صرف يااختي زوبا ؟؟؟
  
  
• لي اكثر من مأئه مقال لم اتحدث يوما عن الصرف ولم اقف يوما امام لجان الاستاناف والاستخفاف ؟
  
  
• يااختي زوبا نحن نطلب من لجنتك الموقره أن تذهب للوالي وتخبره بأن المناصير مازالوا غير راضين عن سياسه التسويف والتدليس هذه ؟؟
  
  
• هذا كل مانرجوه واذا فعلت فستجدينا اول الداعمين لها
  
  
• اما أن لم تفعل وأظنها لاتفعل فأدعوك لتكوني كمهيره في وجهه الظلم وان لاتسهمي بكتاباتك في تلميع من باعوا ديارهم ؟؟؟ والسلام حازم

حازم يا ابو الرجال الدنيا رمضان ما فى داعى لكلمة الايادى القذرة دى لا تفجر فى الخصومة وبعدين زوبا دى ما عندها اى علاقة باللجنة عشان تخاطبها بلجنتك ولا تحمل عليها فقط عشان وضحت رأيها بكل شجاعة .

التحية ليك زوبا والاستاذ حازم . مالم افهمه يااستاذ كيف امتدت ايادى اللجنه لطالبات المناصير فى الجامعات . وكيف وضعت اللجنه لها حصنا داخل الجماعات . ارجو التوضيح اكثر ولك الشكر . اساتذ حازم

غايتو الزول دا ماسكلو في امور ميتة خلاص !!
يعني اللجنة لو مشت للوالي وقالتلو المناصير ماراضين الوالي حايدينا حقنا
ماهي الحكومة من اولا لي اخرا عارفة المناصير ماراضين يا بتا ع الاستخبارات
مافي داعي للكلام الماعندو معني

الاخ الخبير رمضان كريم

والله انت الماسك في امور ميته ؟ ومخدوع ؟
أنه لمن المحزن ان يكون في مستوي تعليمك ولايدري بملف قضيه يدافع عنها ليل ونهار ؟ يا الخبير ياخبير
انا اعني تماما الذي اكتبه اما انت اراك تطلق الكلمات التي تدل علي جفاف معينك وقله خبرتك وقصور هامتك والدفاع عن معتقدك لانه معتقدك
اخي الخبير
ليكن الاحترام بيننا . فحبي لبلدي يدفعني للكتابه لاللاشخاص وسأكتب وسأتحدث وادافع عن مكتسبات بلدي وسأدفع في اتجاه ان يسود ربوعها الانسجام والتسامي والتصافي ولااخشي ألا الله وكلمات زوي الاغراض؟

فأنا عندما قلت لتذهب اللجنه الي الوالي وتقول له ان المناصير لم يستلموا استحقاقهم كنت اثق مائه بالمائه ان اللجنه لاتستطيع فعل ذلك؟ وأكرر اللجنه لاتستطيع فعل ذلك ؟ واراك قلت بسيط جدا واراك واثق من انها ستفول ؟ اه لو قالت يالخبير الخبير ؟ كنا هللنا وكبرنا؟ وعهدي معك ان لم تقل تكون انت الذي تسوق للكلمات التي ليس لها معني ؟ فالعهد بيننا وانا منتظرك فلاتنصرف لمواضيع اخري ؟ والسلام حازم

الاخ حازم سلامات
الاحترام محفوظ لكل منصوري قلبه علي البلد واعذرني علي حدة الكلام
لكن كلنا عارفين انو الولاية لا بتحل ولا بتربط في القضية دي وكذلك المعتمدية الحزينة والله لوجاتنا حكومة الولاية في البلد ومسكناهم دقيناهم وفكيناهم ولا حايقولوا حاجة
وافضل حاجة اننا لاجل كرامتنا نقاطع مثل هذه اللقاءات الهتافية ، مثلا حكومة الولاية تجي البلد في زيارة عمل مش زيارة تفقدية ولا اجتماعات ولا لقاءات وولا هتافات هي لله هي لله وربنا عارف الشغل دا كان ليهو ولا ما ليهو ، الافضل الناس ديل يجو يشوفو كضبن دا وصل وين ؟؟ يشوفو المشاريع الزراعية وصلت وين ودايرة شنو وكذلك المساكن والخدمات والطرق والكهرباء ويعملوا جدول زمني صارم لتفيذ ما يراد تنفيذه

عفارم عليك ياقامة بلادي السامقه
اي شيء يدفع في اتجاه يعرف الرأي العام ان قضيتنا مازالت تراوح مكانها مرحب به ونحن نشد من ازره خاصه في هذه المرحله اما ان نقول الامور تمام هذا والله يفقع مرارتنا واهلنا يهللون بمجرد سماع خبر اغاثه .
عشان كدي ياالخبير انا اقف مع اي صوت منصوري يقول (ياحكومه عووووووووووك اهلنا مااااازالو يستغيثون وينامون علي الارض ويلتحفون السماء ) واي كلام غير ذلك يصب في صالح الحكومه
عرفت ليه يااحمد الخبير انا اقف مع اي زول يذكر الحكومه بان نتيجه الانتخابات ليست رضي من المناصير بمواقف الحكومه ولكن ضاقت بنا ولما استحكمت حلقاتها ضاقت تاني عشان كدي فوزناكم ونحن مكرهين لاراغبين
والله المستعان ... ولارايك شنو يااحمد الخبير, والسلام حازم

الاخ حازم
رمضان كريم
وصوتى لصوتك كفايه مماطلات ومراوغات وزيارات
حتى نعلمهم بماوعدوا ولم يوفوا اين ام سرح اين ابوحراز اين واين الان مبانى المحلية جارت عليها الرمال بدل الاشجار عباره عن مخازن تفتح للزيارات التخديريه وبعد ده كاو نفوزم ولايلقو لنا بالا

ahmed alkhabir كتب:الاخ حازم سلامات
الاحترام محفوظ لكل منصوري قلبه علي البلد واعذرني علي حدة الكلام
لكن كلنا عارفين انو الولاية لا بتحل ولا بتربط في القضية دي وكذلك المعتمدية الحزينة والله لوجاتنا حكومة الولاية في البلد ومسكناهم دقيناهم وفكيناهم ولا حايقولوا حاجة
وافضل حاجة اننا لاجل كرامتنا نقاطع مثل هذه اللقاءات الهتافية ، مثلا حكومة الولاية تجي البلد في زيارة عمل مش زيارة تفقدية ولا اجتماعات ولا لقاءات وولا هتافات هي لله هي لله وربنا عارف الشغل دا كان ليهو ولا ما ليهو ، الافضل الناس ديل يجو يشوفو كضبن دا وصل وين ؟؟ يشوفو المشاريع الزراعية وصلت وين ودايرة شنو وكذلك المساكن والخدمات والطرق والكهرباء ويعملوا جدول زمني صارم لتفيذ ما يراد تنفيذه

الاخ احمد الخبير عاطر التحايا لك يا صديق قد اوفقك فى كثير من ما ذكرت ولكن
اذا كنت تدرى حكومة الولاية لا بتحل ولا بتربط لمذا يتم اهدار وقت الناس ومجهودهم فى ما لا طائل منه
مثل هذا الحديث يجب ان توجهه لرئيس " اللجنة " احمد عبدالفتاح بصورة مباشرة ونحن فى انتظار رده
ممكن تكون بمثابة ديسن روث وسيط ممتاز لنقل افكار رئيس اللجنة الى الجماهير .
كل رمضان وانت كويس

مرحبا بالاخ عبد الواحد
اجمل التحايا
والله اشتهينا زمن السهر داك في جريدة الخرطوم
اما بخصوص قولك ان اكون وسيطا بين اللجنة والجماهير فانا لست عضو لجنة ولا اتحدث باسمها ولا احب ان اكون وسيطا بين اللجنة والجماهير ، واري ان الجماهير اذا كانت تري انها تحتاج الي وسيط لكي يربط بينها وبين اللجنة التي تمثلها فبئس اللجنة وبئس الجماهير .
تقبل مودتي ومشتاقين والله

اوسلو

انت يانادر مسؤل من الخير .نائب الدائره المحليه خبرو شنو (الجلاد) .اوع برضوا يكون رجلا حيى لايعرف ضوابط منصبه .كماقال الترابى عن ابراهيم بلوله ...............(.ليك الله يالمناصير ).

ahmed alkhabir كتب: واري ان الجماهير اذا كانت تري انها تحتاج الي وسيط لكي يربط بينها وبين اللجنة التي تمثلها فبئس اللجنة وبئس الجماهير.

شكرا الخبيرر على حرارة الترحيب بنا اهو القضية مستمرة .
طبعا كلامى عن احتياج اللجنة لوسيط دى ما بيكذبه الواقع اللجنة نفسها مبهمة وغير مفمومة الاعضاء متفرقون لا احد يدرى بما يجرى

انا التقيت اكثر من اربعة منهم لكن لا احد يدرى حقيقة ما يجرى " الثلاتى " فقط والنائب " البرلمانى " المهم يبدو لا لا وجدو للجنة اذا كنت تقصد اللجنة
القديم الناتجة من مجلس المتاثرين .. المجلس ايضا تم تشتيته ولم يجتمع لما يقارب العامين لكل ذلك اعتقد ان اطر اف اللجنة تحتاج الى لملمة وبعدين

الى وسيط يكون من الراضين عنها اداؤها الخرافى .

ضيعوا احلامنا بتيههم وسفههم الله ارددهم الى جنهم وبئس المصير

عبد الواح ابراهيم يكتب
ضيعوا احلامنا بتيههم وسفههم الله ارددهم الى جنهم وبئس المصير [/quote]شكرا عبد الواحد الرجل العصامي علي كلماتك الضافيه والمقنعه
والتي حقا تنم عن قامه تحمل الولاء والحب للوطن . وفقك الله وسدد خطاك ولاتلتف لدعاوي التشرزم والشتات التي ستصيبك حتما في هذا الطريق الشائك . وهكذ ا الطرق المفضيه الي البشريات والتقدم
ودمت حازم

يامحمد عمر النائب المحلى يطبق عليه قول المحجوب لفاطمه احمد ابراهيم عندما طلب العمده نعمان فى جلسه البرلمان تعيين.........
فالنائب يطالب بما طالب به نعمان العمده قبل اكثر من اربعه عقود . نسوى شنو عاد .

سلام الاخوان وكل عام والجميع بخير
ولك ودي اخي نادر مداخلتك ذكرتني السجال الذي دار بين الجعلي والشايقي
وهم داخل احدي مواصلات الخرطوم المتجهه الي امدرمان وبعد المشاده الكلاميه اخطر الجعلي الكمساري بأنه يريد ان ينزل في محطه الدايات
فضحك الشايقي بصوت عالي وقال عليك الله دي محطه ينزل فيها راجل
فما كان من صاحبنا ألا ان صعد راجعا ولم ينزل ؟
والله يا نادر لو طالب لينا بالموضوع دا برضوا يكون ماقصر ؟ بس المشكله الشيء المطلوب دا عليي يغير شغلتوا ؟ لانه ما حايلقي شغله يشتغلها ؟؟؟؟؟؟؟
وربنا يتقبل الصيام وكل عام و الجميع بخير
حازم

هيثم الدسوقى كتب:هنالك اتجاه لعقد حكومة ولاية نهر النيل اجتماعها فى محلية البحيرة وذلك خلال ايام عطلة عيد الفطر المبارك

تراه العيد مضي والتاني فوقه ........
الجماعة ديل شكلهم بيضوا وشهم وح يجوا.....
ماهو البرنامج والخطة الموضوعة لهم ؟؟؟؟؟؟؟؟ظ

والله انت يامنوفلي الله يديك العافيه

and you