الله منك يازينبو

الله منك يازينبو
حجلك ابعشرين نقشو
جابو زايد المال تقلو
الله منك يازينبو
منك الجيران ماشكو
خشمك البركاوي الحلو
ياشهر رمضان ترهو
الله منك يازينبو
المشيرقي اللاغرب
سيده من العين منحجب
داير انط السام دردب
وامسك الشخلوب واقنب
الله منك يازينبو
الجدي البين العسين
قاموا قناصتك تمانين
كلوا واحدا عندو كلبين
قمحن ضرب السقانين
الله منك يازينبو
الدويسه الفي راس مكوك
حاجرا البيبلع بلا لوك
عودا كرباج ودالملوك
مابجيب اسمك يعرفوك
الله منك يازينبو
البنات الخمسي وصفر
واحدي سكر واحدي التمر
واحدي صندل واحدي الضفر
واحدي كرباج علي ودنصر
الله منك يازينبو
ياقشيش وادي الكربكان
عوج البل وفقع الضان
فرقتنا الماليها امان
سوتنا كل ود ناس في مكان
الله منك يازينبو