رمضان على الابواب. نتفقدهم هؤلاء الكرام الأعضاء الذين اثروا المنتدى ، اين غابوا

كل أعمدة هذا المنتدى في غياب تام. وفطاحلة المنتدى... شهر رمضان على الابواب ونحن نتفقدهم.. هل قصر فيهم منتدانا العامر أو سمعوا كلمة في غير محلها من أحد الأعضاء أو العضوات..
1 سريجا.. وين اخونا سريجا
2 بت الدامر. الكاتبة النابغة التى حولت هذا المنتدى الى حديقة غناء
3 سليمة كوستى.. هذه الرائعة الكتاااابة
4 بت الفواريق.. نجمة المنتدى الاجتماعي
5 بت زكومة التى لايشق لها غبار في المنتدى العام
.........
ومن الفطاحلة
1 ود درديب.. هذا الفتى المغوار
2 سليمة الحاجاب. هذه البنت المعجزة
3 ام الحسن بت زكونابي ود اب قرفة. هذه الصغيرة التى ولدت باسنانها
4 بت المجاغير. هذه الملكة التى ولدت بأنيابها
.....
5 عبد السعيد ود سكوكة.. هذا المارد الجبار من خيرة الذين يكتبوا في المنتدى الاجتماعي
6 عبد الأله ود سلـّوكة
7 حنان زقلونا.. هذه البنت التى حازت على رضاء الجميع في المنتدى وولدت بأضراسها بدون ضرس العقل.
8 جغومة بت فضل السيد. هذه البنت الحديقة برضو اختفت
9 كليسية بت كلس بت الكليس... دي ما اختفت! مجرد خلاف بينها وبين شقيقها الاصغر علي الكليس . وسوف تعود للمنتدى في قامة تفوق قامة ساري الليل وتتقدم على ود المناصير وانتصار حجازي ونجلاء زمراوي وتتخطى محاسن في إجادة اللغة العربية.
10 خلوفة بت خلافات الخيار المحلي.. هذه البنت البركة.. دي ما اختفت دي غيبها الموت. بنزع فتيل الخلافات في المحلي

يقال أن بت الفواريق وأم الحسن بت جغومة شافتهن العين الاكيدي حايمات في الفيس بوك
يتنقلن من مجموعة لى مجموعة.
اما عبد الإله ود سلوكة قالوا برضو حايم في الفيس بوك يبحث عن عروس لعل الله أن يوفقه في مسعاه.

شنو يعني ما بتسألوا عن الجماعة الغابو ديل والله شنو!
عاد يايمة بري !

من طرف **علي الكليس** الأربعاء 27 يونيو 2012, 3:27 am

حيرتنا ياهندسه .... منو البقدر يجاريك مابتشبه الا نفسك....يديك العافيه ويسكنك الشعبيه ... عاوزين نشوف ليك بيت جنبنا رايك شنو ... عسي ان نسعد بمجاورة السعيد

هههههههههههه
بقالك يا علي الشعبية دي بقدر عليها.. ملايين الملايين دي؟
انا زول مسكين آخر الشهر ارجاه مفلس..
امسك ملايين الدراهم في يدي للعمل.. وآخر الشهر اطلع مطالب..
انا يخيل لى الحرامية الشوية شوية مافيها حاجة. سد الرمق.. بناء بيت في حتة آمنة.. وكدة، نقوم نغير خطتنا دي الما نافعة.

من طرف **علي الكليس** الخميس 28 يونيو 2012, 7:40 pm

صديق عبدالله علي أبوحنة كتب:هههههههههههه
بقالك يا علي الشعبية دي بقدر عليها.. ملايين الملايين دي؟
انا زول مسكين آخر الشهر ارجاه مفلس..
امسك ملايين الدراهم في يدي للعمل.. وآخر الشهر اطلع مطالب..
انا يخيل لى الحرامية الشوية شوية مافيها حاجة. سد الرمق.. بناء بيت في حتة آمنة.. وكدة، نقوم نغير خطتنا دي الما نافعة.

اوعك ياهندسه لو عمنا عبدالله ابحنه مد ايدوا علي حق زول قايل انته بتبقي صديق الرجل الناجح البنعرفه ده ...والله راحة الضمير مافي احسن منها والله ياصديق الشفع يمرضوا بس نديهم القرض والادويه البلديه والكمده بالرمده الحمدلله لاننا خفنا الله فيهم ..تعرف ياهندسه حصلت لي قصه اول مااتخرجت مسكت مشروع بتاع شبكة مياه في احد المؤسسات الحكوميه وكان راتبي لحظتها 45 جنيه وكان هنالك مقاول رسي عليه العطاء الخاص بالمواد وبعد توريدها استلمتها منه كامله تماما .الرجل بعد داك اداني 50 جنيه طبعا رفضت ولكنه حلف علي طلاق وقال لي دي هديه وانت خريج جديد وتحتاج الي ملابس وغيره وفوق هذا انت استلمت المواد كامله ومافيها اي شبهه ودا حق عزومتنا ليك غيتو اقنعني وشلتها ومشيت البيت والله ياصديق انا للصباح مانمت وجابت لي قلق ماعادي الصباح بدري شلت القروش وفتشت المقاول ورجعتها ليهو ..بعدين بعد فتره عرفت انه الحكايه دي شرك وكسرة عين لي قدام ...والله ياهندسه لم يمر كم يوم وربنا عوضني بالسعوديه مع ناس التعليم الفني والحمد لله علي الرزق الحلال
اعرف انك انزه الرجال واعفهم واصدقهم ولكن اعلاه من باب الملاطفه وانت تعال الشعبيه وبنشيلك في عيونا

هههههههههههه شكرا على السرد الراقي يا علي
نعم هو من باب الملاطفة
لكن حالفين قرش حرام ما يدخل جيبنا ... زيك واحد يا علي.. الله هو ال بي يغنينا..

رمضان على الابواب. نتفقدهم هؤلاء الكرام الأعضاء الذين اثروا المنتدى ، اين غابوا

رمضان على الابواب. نتفقدهم هؤلاء الكرام الأعضاء الذين اثروا المنتدى ، اين غابوا

رد: رمضان على الابواب. نتفقدهم هؤلاء الكرام الأعضاء الذين اثروا المنتدى ، اين غابوا

رد: رمضان على الابواب. نتفقدهم هؤلاء الكرام الأعضاء الذين اثروا المنتدى ، اين غابوا

رد: رمضان على الابواب. نتفقدهم هؤلاء الكرام الأعضاء الذين اثروا المنتدى ، اين غابوا

رد: رمضان على الابواب. نتفقدهم هؤلاء الكرام الأعضاء الذين اثروا المنتدى ، اين غابوا

رد: رمضان على الابواب. نتفقدهم هؤلاء الكرام الأعضاء الذين اثروا المنتدى ، اين غابوا

رد: رمضان على الابواب. نتفقدهم هؤلاء الكرام الأعضاء الذين اثروا المنتدى ، اين غابوا