يا ناس الفيس بوك ود المناصير معاكم ؟؟

أين أنت يا ود المناصير
هل جذبوك ناس الفيييييس بوك بمديدتهم الحارة؟ أكثر من المنتدى؟
ما اظن

أنت تحب منتداك
وقبل كدة قلتا الفيس بوك ده بعييييد منو؟

يبدو لى يا نور الهادي ناس الفيس بوك ديل معظمهم عشاق .. يعني عاشق ومعشوق.. يعني ( عشق معشوق) بتاعة الحلب ديك لما يجوا ينزلوا في دومة النعوفاب ديك. أو في دومات الخليفة ود حمدتو في فقاعة. بعدين أمك يكون عندها حلة علمون من تحت قعرا مهرود تقول ليك ودي الحلة للحلب ديك يعملوا ليها عشق معشوق
لكن برضو في علماء في الفيس بوك؟
زغتا
خفتا
صاح

نورالهادى كتب:الأخ ود المناصير لقد طال غيابك وبأى شئ نناديك بدموعنا أم بأشواقنا أم أقلامنا ومدادها ,هل نناديك بعدد أيام فرحتنا بك أم بعدد أيام حزننا لفراقك ,ألم تكن يوما ما من يحثنا ويجذبنا للمنتدى ألم تكن تعاتبنا اذا كسلنا وفترنا ,ألم تكن أحد أعمدة المنتدى الشامخة ثم ماذا .نصحو على ظلمة غيابك أين أنت , أتمنى أن يكون غيابك فى خير وأتمنى أن يتناغم مع ندائى الحزين .

يسأل منك الخير .. يا نور المناصير الأصيل

فقط كان الغياب إجباريا ـ فقد سافرنا لعزاء والآن حضرنا لننصب خيمتنا هنا في المنتدى

وهناك الجديد الجديد المثير ..

بس روقوا ادوها صنة

دى المحرية فيك ياود المناصير
كلما طال غيابك نعلم ان هنالك شىء ما قد حدث فى خصوصياتك
لك التحيات الطيبات حاضرا ام غائبا
والشكر لنور المناصير للتذكير

صديق عبدالله علي أبوحنة كتب:أين أنت يا ود المناصير
هل جذبوك ناس الفيييييس بوك بمديدتهم الحارة؟ أكثر من المنتدى؟
ما اظن

أنت تحب منتداك
وقبل كدة قلتا الفيس بوك ده بعييييد منو؟

الباشمهندس صديق ... سلام

ناس الفيس بوك ما يقدروا على صاحبك .. انا هنا في المنتدى .. وسأظل هنا إن شاء الله

وحدي معاكم الزنكي

فقط سافرت لتأدية واجب عزاء ـ إجباري

وجيت راجع ـ

وجيت لمواصلة المشوار ..

ووالله يا باشمهندس من يجد هذه العقول وهؤلاء العلماء من ابناء بلده يجمعهم منتدى واحد وهدف واحد وهم واحد ـ ويجد مواضيع منضبطة ومفيدة .. ثم يغادر أو يحرم نفسه منهم فقد حرم نفسه من خير كثير

وانا ابدا لن احرم نفسي من متعة متابعة الكبار والتعلم منهم ـ

والما عندو كبير يشتري ليهو كبير

ونحن كبارنا في منتدانا دا

عليك الله أفوت الباشمهندس ود ابوحنة ؟ واللا الدكتور مصباح ؟ واللا صديقي الدكتور ود عون الله ؟ واللا الاستاذ الكبير ـ ود بروي ؟ واللا الشيخ النفر ؟ واللا دكتور النافعابي ؟ واللا الاستاذ عمر الشاعر ؟ واللا الباشمهندس الفكي ؟ واللا الاستاذ الثورة نور الهادي ؟ واللا المصادم الكليس ؟ واللا الزعيم حازم ؟ واللا الزعيم عبد الغني نصر الدين ؟ وغيرهم من كبار بلادي ؟ واللا الشباب ـ شباب المناصير اصل الروعة ومبتداها ؟ واللا العقول الرائعة ـ إنتصار ـ اميرة الحومري ـ اميرة علي ـ هويدا ـ نجلاء ام وضاح ـ بلسم ـ محاسن ـ رمال الكاب

افوتكم ـ مفلق

** عذرا فالأسماء المذكورة ـ نموذج حي بسيط ـ وليست حصرا

عباس محمد كتب:دى المحرية فيك ياود المناصير
كلما طال غيابك نعلم ان هنالك شىء ما قد حدث فى خصوصياتك
لك التحيات الطيبات حاضرا ام غائبا
والشكر لنور المناصير للتذكير

تسلم يا نجم منتدانا المتألق ـ عباس

وكلنا ثقة طالما انت موجود فالمنتدى منور دائما

جزيت خيرا ـ ومعكم وبكم سنواصل المشوار

د المناصير روح المنتدى، لازم نفقدوا ..كيف ما نفقدوا.. يا نور يا هادي

نورالهادى كتب:الأخ ود المناصير لقد طال غيابك وبأى شئ نناديك بدموعنا أم بأشواقنا أم أقلامنا ومدادها ,هل نناديك بعدد أيام فرحتنا بك أم بعدد أيام حزننا لفراقك ,ألم تكن يوما ما من يحثنا ويجذبنا للمنتدى ألم تكن تعاتبنا اذا كسلنا وفترنا ,ألم تكن أحد أعمدة المنتدى الشامخة ثم ماذا .نصحو على ظلمة غيابك أين أنت , أتمنى أن يكون غيابك فى خير وأتمنى أن يتناغم مع ندائى الحزين .

كلام سمح من زول سمح لي زول سمح