سجمكن.... المنتدى ظهروا فيهو نشالين

من طرف **م بروي** الإثنين 11 يونيو 2012, 10:04 pm

كل زول هنا يتحسس محفظتو
لو لابس جلابية يحشر جيبو بي جزلانو تحت وركو
ويبقى عشرة على قروشو هي قاعد تتلقي بي هيني؟؟؟
جانا عضو جديد
زمان سارقلو عتوداً لي عاشه بت ابراهيم
وكمان مشابو حوش المريسي(حروره) وجبا
جاء ام درمان سرق بنبر من سوق العناقريب
إلا رجعو أخوه موسى واعتذر
قبل اسبوع قاطعلو محفظة مرا في سوق بحري
وكمان مرات يربط في خور الدروشاب بي عكازو المضبب
مرة وقفلو واحد في الخور لقاهو منصوري
قالو منو الزول قالو أنا الشيخ ياحسن( زميل)
الشيخ منو؟؟
الشيخ بروي.
دحين قد أعزر من أنذر
ما يجي باكر واحد يقول دخلت الاجتماعي
أشيل الفاتحي في فلان ونشلوني
كدبو في المحفظات قوي
حتى البدخل المنتدى وقدامو
في الطربيزه شاي يعمل حسابو
هسع خايف أرحب بالتليب ده تقولوا
أكيد أنا زميلو.نسوي كيفن[center]

من طرف **م بروي** الإثنين 11 يونيو 2012, 10:22 pm

لم أجد طريقة أرحب بها من غمرة
فرحة انتابتني وأنا أرى اسماً عزيزاً
أغلى من كل اسم سمعت به يتصدر منتدانا
فرحبت به بطريقتي في الهظار معاهو
فرحبوا أخوتي بالراجل القامة وزعيم الصح
حسن بن علي التليب مفخرة البلاد وعزها.

اقولها والصوت العالي رمت المناصير بافلاذ اكبادها
غمرتني السعاده عن حين نظرت اسم الزعيم حسن التليب في المنتدي
رجل ولاكل الرجال لقد كسب المنتدي قلما جديد يضاف لاقلامه الحره
الف والف هلا وعلا برجل نجران المعروف

من طرف **م بروي** الثلاثاء 12 يونيو 2012, 2:22 am

م بروي كتب:لم أجد طريقة أرحب بها من غمرة
فرحة انتابتني وأنا أرى اسماً عزيزاً
من أغلىالأسماء التي سمعت بها يتصدر منتدانا
فرحبت به بطريقتي في الهظار معاهو
فرحبوا أخوتي بالراجل القامة وزعيم الصح
حسن بن علي التليب مفخرة البلاد وعزها.

من طرف **م بروي** الثلاثاء 12 يونيو 2012, 2:31 am

أبوسفيان خلف الله كتب:اقولها والصوت العالي رمت المناصير بافلاذ اكبادها
غمرتني السعاده عن حين نظرت اسم الزعيم حسن التليب في المنتدي
رجل ولاكل الرجال لقد كسب المنتدي قلما جديد يضاف لاقلامه الحره
الف والف هلا وعلا برجل نجران المعروف

بس ياريت ما يسجل ويزوغ
أحد أبناء المناصير جانا هنا
قبل عيد الضحيه بيوم أصرَّ
يسافر إلى نجران ويقضي العيد
مع الزعيم التليب
قلنالو ما تعيد معانا نحنا (ما عاجبنك؟؟)
قال عاجبني لكن الرجال مقامات
قلنالو يعني نحنا قمامات؟؟
وصل الرجل إلى التليب بعد مغرب يوم عرفه
فوجىء بأن التليب ضبح خروفو الخاتيهو للضحيه للعشاء
واكراماً لضيف عزيز
وصباح العيد اشترى التليب خروف تاني للضحيه
هييييع .... زي ما قال سلمان مناصير والكلام يكمل
مشكور سر تجار قطع الغيار.

من طرف **ساري الليل** الثلاثاء 12 يونيو 2012, 3:05 am

م بروي كتب:
أبوسفيان خلف الله كتب:
)
قال عاجبني لكن الرجال مقامات
قلنالو يعني نحنا قمامات؟؟
.

نستحي ونتواري خجلا خلف الكلمات في مقامكم

رغم الطرفه مصحوبه بشي من حتي

ربنا يحفظكم من عيون الحاسدين

وذي مابقولوا ( عين الحسود فيها.....وعين ال....فيها.....)1

من طرف **محاسن** الثلاثاء 12 يونيو 2012, 3:20 am

فنانا الجميل ماعندنا طريقي تب طالما النشال من حبايبك نرحب بيه نرحب بيه وينور المنتدي بس لو فقدنا حاجه الضمان عليك
الف مرحب بييييييييييييييهو

من طرف **م بروي** الثلاثاء 12 يونيو 2012, 5:26 am

ساري الليل كتب:
م بروي كتب:
أبوسفيان خلف الله كتب:
)
قال عاجبني لكن الرجال مقامات
قلنالو يعني نحنا قمامات؟؟
.

نستحي ونتواري خجلا خلف الكلمات في مقامكم

رغم الطرفه مصحوبه بشي من حتي

ربنا يحفظكم من عيون الحاسدين

وذي مابقولوا ( عين الحسود فيها.....وعين ال....فيها.....)1

لو في عين تسحرنا
أكيد لحضور الساري البهي
الذي يسعد حد الطرب
مره كان معانا عيسى
وبرضو جانا عيد ضحيه ونحن في أبها
ووصل حسن التليب من نجران تاني أيام عيد الأضحى
قام عيسى قال لي أمشي جيب خروف نضبحو للتليب
قلت ليهو يازول إنت جنيت؟؟؟ هو خروف البارح
قاعد بيحالو زول لمسو مافي.
قال لي التليب ما بنأكلو لحم الضحيه البايت
وبعد نقاش طال وأنا ما اقتنعت
قام عيسى لبس جلابيتو وعمتو
(يعني داير يخليني ويمشي يشترى براهو قنع من خيراً في
قمت حلفت عليهو يملص ومشيت جبت الخروف
أسوي شنو مع الناس الحمقاء ديل
شكراً سارينا الجميل

من طرف **م بروي** الثلاثاء 12 يونيو 2012, 5:45 am

محاسن كتب:فنانا الجميل ماعندنا طريقي تب طالما النشال من حبايبك نرحب بيه نرحب بيه وينور المنتدي بس لو فقدنا حاجه الضمان عليك
الف مرحب بييييييييييييييهو

أوعه يشوف دهبك اللابساهو ده
يشوف الضهب حيلو ما بشيلو
زي القصبه الفي العرق
ياربي تعرفي القصبه الفي العرق؟؟
واللا إنتي زينا زولة بلد؟؟
زمان اسماعيل حسن
عندو رباعيات ثابتة في جريدة
الصحافة أو الأيام ما عارف
بعنوان يا سلام
في إحداها كتب :

وا شنات قلب الكبير ساعة يحب
تلقى متبشتن دميعات العيون من دون سبب تقعد تكب
إن دار يسافر للشرق تلقاهو حوت شال دريبات الغرب
إن هب نسامن يطير قلب المسيكين بس تقول ساعة حرب
كلو يرجف زي قصيبةً في العرق والريح تهب
ويا سلام[/col

or]
وياسلام على حضورك الأنيق البعجب الزول يا ابنتنا محاسن

من طرف **الفكى احمد** الثلاثاء 12 يونيو 2012, 6:09 am

عليك الله يامحمد التليب ده فيهو فايدى شى ؟ مالو دابو جايى هسع ؟ الباشى دى نقارتا داقى من الليلى ، اكان للفاقه الناس ديل كلهم ماهم فايقين ومع ده مشاركين فى الباشى حتى البتفرجوا فى اللعب ويعاينوا من بعيد زى ديك الطالعين التمر وقاعدين فى الجريد ، نعتبرهم مشاركين ، دحين زولك ده فايتاهو مقرراتا كتيرة تب ، يكون مقررات سنتين لازم يجتهد ويشد حيلو عشان يقدر يلم مايبقى زى الناس واحدين من يومهم لاحس لاخبر . والله فرحتنا بمدير مصراته ماليها حدود ، وده الخبر المنتظرنو من زمان ونقول مبروك للمنتدى بتسجيله هذا اللاعب الفنان ونحن فى إنتظار التمرين الأول مع تحياتنا لشاعرنا ود البروى وكل الأخوة المرحبين ...

مرحبا بالاستاذ القامة حسن التليب

ساري الليل قال المعرفة فيها شئ من حتي

هذه مصائب الاغتراب يا الساري

الاستاذ حسن التليب اغترب لفترة طويلة

لكني حين قابلته وجدته يمثل المنصوري التقليدي لم يغيره الاغتراب

فمرحبا به اضافة وكرم للمنتدي

الأخ محمد بروي عنوان البوست مضلل وكدت أن أفتح بوست جديد للترحيب بالزميل والصديق والدفعة حسن التليب ولكن اليومين ديل بحرك ماشي ولابد أن نصبح البحر يوميا عشان نشوفه وصل وين وأنا عند حجيرة البحر لآخذ منه رشفه فإذا بي أجد رائحة وطعم الكران في الموية وعرفت إن البحر ماشي لأنه العطبراوي نزل اليوم. وشخصا مثل حسن التليب أكبر من أن يلقب بالعطبراوي فأهلا بالعطبراوي وكرانه وكمان معاه الطوافة.

الأخ حسن التليب تلقى تعليمه الأولي بمدرسة كبنه ثم مدرسة الكاب المتوسطة ثم كريمة الثانوية ، ثم جامعة أم درمان الإسلامية تخصص لغة عربية ثم اغترب للسعودية في العام 1981 وعاد للسودان في نهاية التسعينات ، ثم اغترب لعام واحد ليبيا ثم عاد للوطن ، وهو الآن مستقر بالدروشاب بمنزله العامر بالضيوف وعنده سبيل كبير عند بيتو وأنا أكرم من عنده سبيل.

الأخ حسن من الشخصيات النادرة والمميزة ، كرم، تواضع، طيبة، أخو إخوان تجده متى ما احتجت له. عاشرته سنين فهو دفعتي في مدرسة كريمة، ثم جامعة أم درمان وقد كنا سويا في كلية الآداب وسكنت معه في داخلية واحدة طيلة فترة الدراسة علاقتي معه خلقت لي علاقة طيبة مع أخيه موسى والكل يعرف موسى التليب.

الأخ حسن صديق حميم وأكثر من صديق للفنان عيسى بروي كان يعشق فنه قبل أن يكون صديقه وهو من الأصدقاء الذين نصحوا عيسى كثيرا قبل الذهاب للحفلة التي غدر فيها ولكن إرادة الله. وحسن عموما صديقا لعائلة بروي وهاهو محمد يمدحه ويداعبه بهذه الكلمات.

نتمنى أن يكون حسن إضافة للمنتدى ويستفيد منه الكثيرون خاصة والرجل متخصص في اللغة العربية وتربوي من الطراز الأول مارس التدريس أكثر من ثلاثين عاما. نترقبك أخ حسن ولك وللأخ محمد بروي خالص التحايا و الشكر.

شاعرنا واخونا محمد بروي
عنوان البوست خلاني ابقي عشره علي موبايلي خوفا من ان يسرق مني(لانو جديد لنج )ولكن ...وما اجمل الكلام بعد لكن نرحب بالنش..اقصد بالاخ الكريم بين اهله وعشيرته

من طرف **النفر** الأربعاء 13 يونيو 2012, 1:58 am

ترحيب حار بالأخ العزيز والدفعة حسن التليب ومرحب حبابك بمنتداك وبين إخوانك ...لم يترك لى الزعيمين ود بروى ومصباح ما أضيفه فالرجل إضافة حقيقة لمنتدانا ونتطلع لمشاركاته والتى حتما ًستثرى منتدانا الرائع بأهله _

من طرف **abuahmed** الأربعاء 13 يونيو 2012, 3:01 am

د. محمد بروي

الف مرحب بيصاحبك النشال

في واحد من المناصير اسمو عبد الله الكراج وزي ماك عارف الطيانة زمان كانوا بييتلاقو في قهوة الحجر بالسوق العربي

وعمك اللكراج الله يرحمو شايف وحدين يمدحو ويرمولن في القروش وكل مرة واحد من الطيانة قروشو منشوله وشعر انه في ناس خامة قروش الناس بلا تعب

فما كان منه الا ان خطب في المناصير القاعدين في القهوة وقال ليهم نحن لازم يكون عندنا مداحين ونشالين في السوق ده

الحمد لله لقينا نشال في المنتدى بس كوسو لينا المداح

الف مرحب بيك حبيبنا حسن وفي انتظار ابداعك

ول د. بروي السلام مطبوق

الف مرحب بضيفك دكتورنا
وياريت ينشل لينا مواضيع جديده
بس فى منتدانا دى اخاف ينشلوا اقصد(يطفشوا)

من طرف **عباس محمد** الأربعاء 13 يونيو 2012, 4:20 pm

اهلا بالضيوف مرحب حبابكم عشره خيمتك يا كرم فوق الدرب منصوبه
نرحب به ترحيبا بدايته بيت الشعر اعلاه
وترحيبا يليق بماذكر عنه من كرم وشهامة وتواضع

من طرف **م بروي** الخميس 14 يونيو 2012, 1:08 am

الفكى احمد كتب:عليك الله يامحمد التليب ده فيهو فايدى شى ؟ مالو دابو جايى هسع ؟ الباشى دى نقارتا داقى من الليلى ، اكان للفاقه الناس ديل كلهم ماهم فايقين ومع ده مشاركين فى الباشى حتى البتفرجوا فى اللعب ويعاينوا من بعيد زى ديك الطالعين التمر وقاعدين فى الجريد ، نعتبرهم مشاركين ، دحين زولك ده فايتاهو مقرراتا كتيرة تب ، يكون مقررات سنتين لازم يجتهد ويشد حيلو عشان يقدر يلم مايبقى زى الناس واحدين من يومهم لاحس لاخبر . والله فرحتنا بمدير مصراته ماليها حدود ، وده الخبر المنتظرنو من زمان ونقول مبروك للمنتدى بتسجيله هذا اللاعب الفنان ونحن فى إنتظار التمرين الأول مع تحياتنا لشاعرنا ود البروى وكل الأخوة المرحبين ...

باشمهندس الفكي
الأشواق بالكوم
يعجبني تصوير الفنان الذي اشتهرت به(حتى البتفرجو في اللِعب.....)
خيال عجيب...أنا كنت عاوز أقول النشال صديق حميم للفكي ومصباح
لكن تركت ذكر ذلك خوفاً من أن يكون له من الأصحاب ماهم أكثر التصاقاً به
منا هنا ويقع اللوم.خاصة صاحبك حسن اجتماعي من الطراز الفريد.
كان عنده عداوة مستعره مع ولدي أحمد عندما كان أحمد عمره خمسه سنوات
والسبب كان حسن يناكفو و يقول ليهو حنعرس ليك بنت عيسى ويبدأ يغني
ليهو باللحن الظريف(أحمد من أبها الليلي جا....وجابلك الشنطه مستفه)
ويبدأ الشكل والصراع.
ياسلام عليك أيها النشال الظريف
إن كان ثمة نشل فهو نشال لكل قلب تعرف عليه إلا قلب عدوه اللدود أحمد.

من طرف **م بروي** الخميس 14 يونيو 2012, 1:11 am

عبد الواحد جبريل كتب:مرحبا بالاستاذ القامة حسن التليب

ساري الليل قال المعرفة فيها شئ من حتي

هذه مصائب الاغتراب يا الساري

الاستاذ حسن التليب اغترب لفترة طويلة

لكني حين قابلته وجدته يمثل المنصوري التقليدي لم يغيره الاغتراب
دكتور
سلام
لو قدر له عمر نوح..وقضى جله في غربه
ماتغير في هذه الصورة الرائعه شيء
هذا حكم قانون الأصاله
لابتتوزع هدايا...ولا بتتباع في البقاله
فمرحبا به اضافة وكرم للمنتدي

من طرف **م بروي** الخميس 14 يونيو 2012, 1:25 am

مصباح محمد مصباح كتب:الأخ محمد بروي عنوان البوست مضلل وكدت أن أفتح بوست جديد للترحيب بالزميل والصديق والدفعة حسن التليب ولكن اليومين ديل بحرك ماشي ولابد أن نصبح البحر يوميا عشان نشوفه وصل وين وأنا عند حجيرة البحر لآخذ منه رشفه فإذا بي أجد رائحة وطعم الكران في الموية وعرفت إن البحر ماشي لأنه العطبراوي نزل اليوم. وشخصا مثل حسن التليب أكبر من أن يلقب بالعطبراوي فأهلا بالعطبراوي وكرانه وكمان معاه الطوافة.

الأخ حسن التليب تلقى تعليمه الأولي بمدرسة كبنه ثم مدرسة الكاب المتوسطة ثم كريمة الثانوية ، ثم جامعة أم درمان الإسلامية تخصص لغة عربية ثم اغترب للسعودية في العام 1981 وعاد للسودان في نهاية التسعينات ، ثم اغترب لعام واحد ليبيا ثم عاد للوطن ، وهو الآن مستقر بالدروشاب بمنزله العامر بالضيوف وعنده سبيل كبير عند بيتو وأنا أكرم من عنده سبيل.

الأخ حسن من الشخصيات النادرة والمميزة ، كرم، تواضع، طيبة، أخو إخوان تجده متى ما احتجت له. عاشرته سنين فهو دفعتي في مدرسة كريمة، ثم جامعة أم درمان وقد كنا سويا في كلية الآداب وسكنت معه في داخلية واحدة طيلة فترة الدراسة علاقتي معه خلقت لي علاقة طيبة مع أخيه موسى والكل يعرف موسى التليب.

الأخ حسن صديق حميم وأكثر من صديق للفنان عيسى بروي كان يعشق فنه قبل أن يكون صديقه وهو من الأصدقاء الذين نصحوا عيسى كثيرا قبل الذهاب للحفلة التي غدر فيها ولكن إرادة الله. وحسن عموما صديقا لعائلة بروي وهاهو محمد يمدحه ويداعبه بهذه الكلمات.

نتمنى أن يكون حسن إضافة للمنتدى ويستفيد منه الكثيرون خاصة والرجل متخصص في اللغة العربية وتربوي من الطراز الأول مارس التدريس أكثر من ثلاثين عاما. نترقبك أخ حسن ولك وللأخ محمد بروي خالص التحايا و الشكر.

دكتور مصباح
سلام
أنت أكثرنا قدرة على الحديث عن حسن(عشرة عمر)
نشكر لك هذه الاضافة الهامة وكنت ناوي أسرد مسيرة حياة
رجل نموذجاً للمنصوري الأصيل ولكنك كفيت ووفيت
حضر لمنزلي ضيوف من الرباطاب وكان معهم واحد
يعمل بنجران فذكر بأن أهل نجران ومن مختلف الجنسيات
لازالو دائمي الحديث عن حسن المنصوري وتحدث هذا
الرجل عن ضكارة حسن وأسهب في الحديث حتى قلنا ليته سكت.
مودتي

أبو أحمد
إنت من زمن قهوة الحجر! والله إنت زول قديم خلاص!
....................
مرحب بالخال حسن علي التليب في بوست حمود بروى
........
طبعا أنا من زمن البوش نجيها في الشرق والحسيباب وأب هجيليج والجزيرات والسنودة تاني ما قاليت خالي ده!
لكن كنت أسمع بحكاويهو وونستو وكرمو الخرافي عند عمر أخوى رحمو الله لما كان معاهم في السعودية..
ولكن ظلت علاقتنا مع خالنا موسى علي التليب قائمة منذ زمن بعيد من زمن الزريبة وأنا في الهلتون بجيهو كل مرة ومرات أجي أتغدى مع موسى في الزريبة..
طبعا يا حمود أظنك ما بتعرف أن حسن على التليب بالنسبة لى خال..
أبو ناس حسن علي التليب وأبو ناس أمي ولاد أعم شققا ..
أظنك يا حمود برضو ماك عارف أنا أمي من الشرق من قرية كوينة واهلها في التولاب.. ومن العمارين لغاية ما تصل اب رميلة كلهم أهلا.. بعدين من الصفيحة بالغرب لغاية ما تصل كبنة اي حلة عندها فيها عمة والله خالة والله خال..
مرحب بالزعيم حسن وزي ما قال ليك باشمهندس الفكي.. النقارة من زمان تدق؟ والقعييدة قررربت ويا داب حسن جاء.. بدليل هذا البوست المشي وتقدم ونشالك ده ما جاء!

من طرف **م بروي** الخميس 14 يونيو 2012, 1:36 am

نجلاء زمراوي كتب:شاعرنا واخونا محمد بروي
عنوان البوست خلاني ابقي عشره علي موبايلي خوفا من ان يسرق مني(لانو جديد لنج )ولكن ...وما اجمل الكلام بعد لكن نرحب بالنش..اقصد بالاخ الكريم بين اهله وعشيرته

اطمئني يا أستاذه
نوع جوالك ده ولا بيعرف يتعامل معاهو ولا يفكر ينشلو
يقعد يقلب فيهو زي الكديسي الشبعانه وقبضت ليها فاره
تقعد تقلبها وتلعب بيها تفكها تجري وتاني تلحقها
ده ينشل النوع القديم الخلوهو الناس زمان
(عجبتني نرحب بالنش..)

من طرف **م بروي** الخميس 14 يونيو 2012, 2:52 am

النفر كتب:ترحيب حار بالأخ العزيز والدفعة حسن التليب ومرحب حبابك بمنتداك وبين إخوانك ...لم يترك لى الزعيمين ود بروى ومصباح ما أضيفه فالرجل إضافة حقيقة لمنتدانا ونتطلع لمشاركاته والتى حتما ًستثرى منتدانا الرائع بأهله _

مشكور أديبنا النفر
عند النوم لملم حاجاتك
ماتخلي حاجه في الطربيزة في الحوش
وبعدين في دكان في الدروشاب أوعك تشتري منو
يرجع ليك الباقي ناقص

من طرف **م بروي** الخميس 14 يونيو 2012, 3:04 am

abuahmed كتب:د. محمد بروي

الف مرحب بيصاحبك النشال

في واحد من المناصير اسمو عبد الله الكراج وزي ماك عارف الطيانة زمان كانوا بييتلاقو في قهوة الحجر بالسوق العربي

وعمك اللكراج الله يرحمو شايف وحدين يمدحو ويرمولن في القروش وكل مرة واحد من الطيانة قروشو منشوله وشعر انه في ناس خامة قروش الناس بلا تعب

فما كان منه الا ان خطب في المناصير القاعدين في القهوة وقال ليهم نحن لازم يكون عندنا مداحين ونشالين في السوق ده

الحمد لله لقينا نشال في المنتدى بس كوسو لينا المداح

الف مرحب بيك حبيبنا حسن وفي انتظار ابداعك

ول د. بروي السلام مطبوق

السن تضحك جيلها
تعجبني مداخلاتك
في أصحابي شايقية معذبني ومعذبن ليك بالمناكفات
مرة والصالون ملان حكيت ليهم نكته
قلت:في اتنين نشالين أصحاب... بالليل ماشين شغلن
ولد واحد فيهم(14سنه) أصر يمشي يربط معاهم
أبوهو رفض ..صاحبو قال ليهو خلي يمشي يتعلم.
وهم رابطين في الخور جاء واحد ماشي
الرباط:ياخينا عندك ولاعه؟؟؟
الزول:والله لاعندي ولاعه ولا بسجر ولا شيتين.
الرباط Sad

ولا شيتين؟؟..الزول شايقي..قوم ياولد أقلع قروشو منو.
فصاحبنا ده الظاهر عليهو اتعلم من سن 14نصرةً للطيانه.

من طرف **م بروي** الخميس 14 يونيو 2012, 3:29 am

اميره الحومرى كتب:الف مرحب بضيفك دكتورنا
وياريت ينشل لينا مواضيع جديده
بس فى منتدانا دى اخاف ينشلوا اقصد(يطفشوا)

نعم يا أستاذه التطفيش أقسي أنواع النشل
ويا ما اتنشلوبيهو ناس.
صدقيني الموقع ده غني بالناس أصحاب القدرات
الهائله ويشكلو مناجم للمعلومات في شتى المواضيع
لكن الظاهر عليهم منشولين أوخايفين النشل المعنوي.
ياربي صاحبي ود المناصير اتنشل واللا شنو؟؟؟

من طرف **م بروي** الخميس 14 يونيو 2012, 3:33 am

عباس محمد كتب:اهلا بالضيوف مرحب حبابكم عشره خيمتك يا كرم فوق الدرب منصوبه
نرحب به ترحيبا بدايته بيت الشعر اعلاه
وترحيبا يليق بماذكر عنه من كرم وشهامة وتواضع

وأكثر من ذلك يا أبو النسب
عسى أن يفهم البعض من مثل هذه النماذج
بأن أولادنا أينما كانو (ضهب خالص)

الأيامات دي حمود بروي جبادتو كل مرة قابضة ليها كلد في بوستيهو ده! حتى ما قدر يقابلا بالسينيق. هسي دي من قبيل انا قابض في جبادتو دي ما قدر يسانق ولايرد عليا. عاد يا يابا برى من التطنيش؟

من طرف **م بروي** الخميس 14 يونيو 2012, 3:50 am

صديق عبدالله علي أبوحنة كتب:أبو أحمد
إنت من زمن قهوة الحجر! والله إنت زول قديم خلاص!
....................
مرحب بالخال حسن علي التليب في بوست حمود بروى
........
طبعا أنا من زمن البوش نجيها في الشرق والحسيباب وأب هجيليج والجزيرات والسنودة تاني ما قاليت خالي ده!
لكن كنت أسمع بحكاويهو وونستو وكرمو الخرافي عند عمر أخوى رحمو الله لما كان معاهم في السعودية..
ولكن ظلت علاقتنا مع خالنا موسى علي التليب قائمة منذ زمن بعيد من زمن الزريبة وأنا في الهلتون بجيهو كل مرة ومرات أجي أتغدى مع موسى في الزريبة..
طبعا يا حمود أظنك ما بتعرف أن حسن على التليب بالنسبة لى خال..
أبو ناس حسن علي التليب وأبو ناس أمي ولاد أعم شققا ..
أظنك يا حمود برضو ماك عارف أنا أمي من الشرق من قرية كوينة واهلها في التولاب.. ومن العمارين لغاية ما تصل اب رميلة كلهم أهلا.. بعدين من الصفيحة بالغرب لغاية ما تصل كبنة اي حلة عندها فيها عمة والله خالة والله خال..
مرحب بالزعيم حسن وزي ما قال ليك باشمهندس الفكي.. النقارة من زمان تدق؟ والقعييدة قررربت ويا داب حسن جاء.. بدليل هذا البوست المشي وتقدم ونشالك ده ما جاء!

فعلاً كل ما ذكرت لم أكن أعرفه
لكن الخال عندك يارجل
أما صاحبنا أب احمد ده كان شغال( وترانه)
عربية الطين يجري بيها زي الكرنكجيه البجدعوها
الأولاد على سطح المويه تررررررررر
وأنا بتذكر كويس كان يرسل شوالات العيش من الهوارين
ممركة باللحمر
الكاب
النعيم حمد ومنه للآولاد
الراسل: أب احمد
أب قوته ..مكتب أب جن
________________
الشرح للجيل الجديد
(الوترانه)
نفر طين ما عندو تايه يشتغل معاها(تايه يعني مجموعه مكونه
من أربعه أفراد اسطى و3 طيانه
وهذا الوترانه يقعد في قهوة الحجر
ولو في أي تايه نقصت واحد لأي سبب
يجوا ياخدوه يعمل معهم حتى يرجع زولن)
ضم الوترانه للقاموس
بسم الله هسع أنا مالي وترنت في الموضوع ده

من طرف **نورالهادى** الجمعة 15 يونيو 2012, 4:55 am

شاعرنا الكبير محمد بروى القومة ليك وللقامة الأستاذ حسن على التليب فألف مرحب به بيننا , والجميع جيوبهم فاضية ما أظن يلقى حاجة .

من طرف **abuahmed** الجمعة 15 يونيو 2012, 1:32 pm

[quote="م بروي"][quote

أما صاحبنا أب احمد ده كان شغال( وترانه)
عربية الطين يجري بيها زي الكرنكجيه البجدعوها
الأولاد على سطح المويه تررررررررر
وأنا بتذكر كويس كان يرسل شوالات العيش من الهوارين
ممركة باللحمر
الكاب
النعيم حمد ومنه للآولاد
الراسل: أب احمد
أب قوته ..مكتب أب جن
________________

ود بروي اخوي

وكيت جبت سيرت الشوالات الممركة خليني احكي ليك واحدة من النوع ده

طيانة شغالين طين في الدروشاب وطبعا الوقت داك البلد فاضية والسكة حديد تنشاف من اى حتة وصوت القطر دقـ ــ دق ــــــــ دق ـــ دق كل يوم

يوم قاموا اخدوا اجازه ومشوا السوق العربي وكل واحد أخد اردب فتريتة من الهوارين ومركوهو باللحمر
الكاب
النعيم حمد ومنه للآولاد
الراسل: أب احمد
الخرطوم بحري ..الدروشاب وسلموهو السكة حديد ورجعوا شغلن في الدروشاب

الصباح وهم شغالين جا القطر ماري دق--دق--دق--دق

قام واحد منهم علق وقال شوفوا القطر ده يرهز كيف والليلة مالو صوت عالي كدي

التاني قال ليهو يا اخوي القطر اليلي محمـــــــــول ــــ ما شايل مونة اولادنا

فعلا يا ود بروي عشرة شوالات من عرق الجبين تساوى حمولة قطر وتزيد وعشان كده ليهو الحق القطر يرهز ويئن

قسم السيد هارون
محمد قسم السيد هارون
............
يجونا في البلد يتكلموا عن الثقافات دي الطيانة، لابسين من فوق لى تحت زي ارقى زول ن والله أحسن من لبس وزير ولائي..
ونحن نكون فاتحين خشمنا نعاين ليهم
مسجلات
روادي
ساعات
جزم رباط
جزم نص رباط
الطياني كان أحسن من المغترب مليون مرة
......
عرفوا ثقافة الخرطوم ومنتدياته لما الناس كانت تخاف من ركوب القطر
وكانت تتوه في الخرطوم
......

لكن يا خسارة
نحن قوم خجولين كنا وقنوعين
...........
شايف يا ود بروي أبو أحمد جاب قصة لمان الدروشاب كانت فاضية.. والعاصمة كانت كاشفة القطر ينشاف ضهروا مارق زي الكور المبنقر..
يعني أبو احمد طلع أقدم من قهوة الحجر القلناها قبيل ديك

abuahmed كتب:د. محمد بروي

الف مرحب بيصاحبك النشال

في واحد من المناصير اسمو عبد الله الكراج وزي ماك عارف الطيانة زمان كانوا بييتلاقو في قهوة الحجر بالسوق العربي

وعمك اللكراج الله يرحمو شايف وحدين يمدحو ويرمولن في القروش وكل مرة واحد م
ن الطيانة قروشو منشوله وشعر انه في ناس خامة قروش الناس بلا تعب

فما كان منه الا ان خطب في المناصير القاعدين في القهوة وقال ليهم نحن لازم يكون عندنا مداحين ونشالين في السوق ده

الحمد لله لقينا نشال في المنتدى بس كوسو لينا المداح

الف مرحب بيك حبيبنا حسن وفي انتظار ابداعك

ول د. بروي السلام مطبوق

والله والخال لنت دخلت في حس بيص
ياخي عبد الله الكراج الراجل خالنا الاتنين وحي يرزق
اليوم جيت قريت الموضوع شككتني خليت التلفونان تسوي الياقربتي
قلت خالي مات ووانا ماجايب خبر
لكن لقيت الراجل حي لمن لقيت الله يرحم طوالي رنيت لي السودان نفر لكن ماهو النفر بتاع الشرقيه عتمان
واكلتها علي اللباد انشاء الله عمر مديد للخال عبد الله الكراج رجل الصوفيه الاول تهانينا 27 رجب
ليله الاسراء والمعراج

من طرف **ود المناصير** الأحد 17 يونيو 2012, 4:31 am

مرحب بالأستاذ حسن التليب .. في منتداه وسط اهله واحبابه

ونتمنى أن ـ يبذل ـ نفسه لإخوانه لننهل من فيضه بلا كيل ولا عباري

من طرف **abuahmed** الأحد 17 يونيو 2012, 12:10 pm

[أبوسفيان خلف الله: كتب"
والله والخال لنت دخلت في حس بيص
ياخي عبد الله الكراج الراجل خالنا الاتنين وحي يرزق
اليوم جيت قريت الموضوع شككتني خليت التلفونان تسوي الياقربتي
قلت خالي مات ووانا ماجايب خبر
لكن لقيت الراجل حي لمن لقيت الله يرحم طوالي رنيت لي السودان نفر لكن ماهو النفر بتاع الشرقيه عتمان
واكلتها علي اللباد انشاء الله عمر مديد للخال عبد الله الكراج رجل الصوفيه الاول تهانينا 27 رجب
ليله الاسراء والمعراج[/quote]

ود اختي تسلم

ان شاء الله ربنا يمد في ايامو خالنا الكراج

والاحياء يحتاجون للرحمة

اللهم اغفر لنا وارحمنا

مرحب بالأستاذ حسن علي التليب
نزلت أهلا وحللت سهلا
تشرفت بمقابلته قبل يومين في الخرطوم
قال لي شنو الفضايح الكاتبنها فينا دي
بنابر وعتان وربط في الخور
قال جهزت رد كارب لود بروي ومع الكلك فوق ارسال ,الجهاز ضلم والكبته البي عدله

الشكر أجزله للمرحبين و المرحبات في هذا الديوان العامر بناسو ... ولكن بعض المرحبين كان ترحيبهم (دق ركبين...شي عتود وشي بنبر "جنا عنقريب" وشي عكاز مضبب الحمد لله سيرو ما انقطع كان شال حالنا ) ونأسف اسف شدييييييييييييييييييييييييييييييييييييييييييييييييييييييييد للتأخير لان البابور كان كاسر العمود وحارق اللقم ويادوب صلحه الوسطى .... واخيرا اكرر لكم الشكر حتى تطلبوا النجدة Shocked

من طرف **الفكى احمد** الجمعة 22 يونيو 2012, 12:26 am

أهلا ومرحب بيك مليون مرة الأستاذ حسن على التليب راجل الدروشاب وهسع الناس كلهم متحلقين فى الحلقة منتظرينك ، مع خالص تحياتنا لك وللأسرة الكريمة ...

من طرف **م بروي** الجمعة 22 يونيو 2012, 3:54 am

[quote="abuahmed"]

م بروي كتب:[quote

أما صاحبنا أب احمد ده كان شغال( وترانه)
عربية الطين يجري بيها زي الكرنكجيه البجدعوها
الأولاد على سطح المويه تررررررررر
وأنا بتذكر كويس كان يرسل شوالات العيش من الهوارين
ممركة باللحمر
الكاب
النعيم حمد ومنه للآولاد
الراسل: أب احمد
أب قوته ..مكتب أب جن
________________

ود بروي اخوي

وكيت جبت سيرت الشوالات الممركة خليني احكي ليك واحدة من النوع ده

طيانة شغالين طين في الدروشاب وطبعا الوقت داك البلد فاضية والسكة حديد تنشاف من اى حتة وصوت القطر دقـ ــ دق ــــــــ دق ـــ دق كل يوم

يوم قاموا اخدوا اجازه ومشوا السوق العربي وكل واحد أخد اردب فتريتة من الهوارين ومركوهو باللحمر
الكاب
النعيم حمد ومنه للآولاد
الراسل: أب احمد
الخرطوم بحري ..الدروشاب وسلموهو السكة حديد ورجعوا شغلن في الدروشاب

الصباح وهم شغالين جا القطر ماري دق--دق--دق--دق

قام واحد منهم علق وقال شوفوا القطر ده يرهز كيف والليلة مالو صوت عالي كدي

التاني قال ليهو يا اخوي القطر اليلي محمـــــــــول ــــ ما شايل مونة اولادنا

فعلا يا ود بروي عشرة شوالات من عرق الجبين تساوى حمولة قطر وتزيد وعشان كده ليهو الحق القطر يرهز ويئن

أب احمد
الوضوح كويس
ماتقول تايتنا في الدروشاب تلف وتدور مالك؟
نسيت زمن جبناك وترانا معانا في ام بريوه
وكان الوسطى التليب؟
قرقرقر

من طرف **م بروي** الجمعة 22 يونيو 2012, 4:00 am

صديق عبدالله علي أبوحنة كتب:قسم السيد هارون
محمد قسم السيد هارون
............
يجونا في البلد يتكلموا عن الثقافات دي الطيانة، لابسين من فوق لى تحت زي ارقى زول ن والله أحسن من لبس وزير ولائي..
ونحن نكون فاتحين خشمنا نعاين ليهم
مسجلات
روادي
ساعات
جزم رباط
جزم نص رباط
الطياني كان أحسن من المغترب مليون مرة
......
عرفوا ثقافة الخرطوم ومنتدياته لما الناس كانت تخاف من ركوب القطر
وكانت تتوه في الخرطوم
......

لكن يا خسارة
نحن قوم خجولين كنا وقنوعين
...........
شايف يا ود بروي أبو أحمد جاب قصة لمان الدروشاب كانت فاضية.. والعاصمة كانت كاشفة القطر ينشاف ضهروا مارق زي الكور المبنقر..
يعني أبو احمد طلع أقدم من قهوة الحجر القلناها قبيل ديك

خالنا نعمان ود حمد (الله يرحمه) قال لي
الخرتوم دي لما جيناها سنة خمسين أنا وأب احمد
الحي وموجود ده غير الرخم والغربان مافيها شيء.

من طرف **م بروي** الجمعة 22 يونيو 2012, 4:11 am

ود المناصير كتب:مرحب بالأستاذ حسن التليب .. في منتداه وسط اهله واحبابه

ونتمنى أن ـ يبذل ـ نفسه لإخوانه لننهل من فيضه بلا كيل ولا عباري

يا صاحبي لو ما (العبار) العتود يسرقوهو يعملوا بيهو شنو؟؟؟

من طرف **م بروي** الجمعة 22 يونيو 2012, 4:16 am

خالد عابدين كتب:مرحب بالأستاذ حسن علي التليب
نزلت أهلا وحللت سهلا
تشرفت بمقابلته قبل يومين في الخرطوم
قال لي شنو الفضايح الكاتبنها فينا دي
بنابر وعتان وربط في الخور
قال جهزت رد كارب لود بروي ومع الكلك فوق ارسال ,الجهاز ضلم والكبته البي عدله

ياريس ما تقول الكلام القلتو لي أنا
مافيها حاجه لو قلت بعد فارقتو
فتشت جزلاني سماء أرض مالقيتو
الكبته دي جزء من مناخ الشغل.

من طرف **م بروي** الجمعة 22 يونيو 2012, 4:26 am

حسن على التليب كتب:
الشكر أجزله للمرحبين و المرحبات في هذا الديوان العامر بناسو ... ولكن بعض المرحبين كان ترحيبهم (دق ركبين...شي عتود وشي بنبر "جنا عنقريب" وشي عكاز مضبب الحمد لله سيرو ما انقطع كان شال حالنا ) ونأسف اسف شدييييييييييييييييييييييييييييييييييييييييييييييييييييييييد للتأخير لان البابور كان كاسر العمود وحارق اللقم ويادوب صلحه الوسطى .... واخيرا اكرر لكم الشكر حتى تطلبوا النجدة

أمك
وصل
يا ولد لم الحاجات الفوق الطربيزه دي
دخلها جوه
(النجده ....دق ركب..SHOCK.)
ما قلت ليكم؟؟
(كاسر العمود ... حارق لقم)
دي مصلحات الشغل
أعملو حسابكم الراجل يقصد ناوي يقطعكم التعريفه.
الفرحه ما ساعياني ياحسن
مرحب بيك

من طرف **abuahmed** السبت 23 يونيو 2012, 11:47 am

د.محمد بروي:كتب

خالنا نعمان ود حمد (الله يرحمه) قال لي
الخرتوم دي لما جيناها سنة خمسين أنا وأب احمد
الحي وموجود ده غير الرخم والغربان مافيها شيء.[/quote]

تتخيل يا دكتور سنة خمسين دي الخرطوم الشغل فيها بسيط

الشغل نمشي ليهو كداري في الجزيرة والنيل الابيض

الواحد شايل طوريتو فوق كتفو ومعاها المخلا من الشعر ونباري القري نفتش للشغل

شايف صاحبك النشال بنقر

الف مرحب بيهو

وعشان يهددنا ويوريني انو ما في طريقة نفلت منو بداها بيكسير العواميد

يا لطيف تلطف

من طرف **ود المناصير** الأحد 24 يونيو 2012, 5:33 am

م بروي كتب:
]
يا صاحبي لو ما (العبار) العتود يسرقوهو يعملوا بيهو شنو؟؟؟

ههههههههههههههههههه

العتود بيعمل جبا ؟

الزعيم ودبروى سلام.
قول مرحب بالهنباتى مرحب بالرباط نشال شنو الرابطلو فى خور وشايلو عكاز مضبب وعتان وبنابر وعناقريب. النشال دا بتاع زحمة مواصلات , زحمة سوق,يعنى موس وشريط جيوب وحاجات زى دى.
مرحبتين حباب ضيفك وانشاءالله العكاز المضبب دا يكون بوست مثبت باسمو,والعتود انشاء يكون نشيط ينطط فى المنتدى دا زى العتيد والبنبر يكون قاعدبو مع ناس ونسه ساكت فى ظلال ودالمناصير.
وتقبل مرورى.

من طرف **بلسم** الأحد 24 يونيو 2012, 9:00 pm

مرحب بضيفك شاعرنا القدير رغم التاخير فمرحب بقدومه
وانشاءالله العتود شحمان

من طرف **علي الحمود** الأحد 24 يونيو 2012, 10:17 pm

مرحب يا حسن يا أروع زول..نحن هسع متكربين دايرين نلم فى الناس السمحين ديل برضنا شادين حيلنا.أصلو أسمح من الديوان ما فى..وبابورك ده ظبتلو البساتم والزيت اول باول.أسع أنا إشتريت طنبور عشان النا س السمحين ديل إتمنى اللمة قريب ويتلاقى الحبايب .بالرغم من أننا قاعدين فوق طرف العنقريب لكن حاسين بصدق إنو البيت ده بيتنا وعندنا حق الترحيب الخجول..

من طرف **م بروي** الإثنين 25 يونيو 2012, 5:29 am

abuahmed كتب:د.محمد بروي:كتب

خالنا نعمان ود حمد (الله يرحمه) قال لي
الخرتوم دي لما جيناها سنة خمسين أنا وأب احمد
الحي وموجود ده غير الرخم والغربان مافيها شيء.

تتخيل يا دكتور سنة خمسين دي الخرطوم الشغل فيها بسيط

الشغل نمشي ليهو كداري في الجزيرة والنيل الابيض

الواحد شايل طوريتو فوق كتفو ومعاها المخلا من الشعر ونباري القري نفتش للشغل

شايف صاحبك النشال بنقر

الف مرحب بيهو

وعشان يهددنا ويوريني انو ما في طريقة نفلت منو بداها بيكسير العواميديا لطيف تلطف[/quote]
ما في طريقه غير نحنا كمان نكسر التلج
قالوا عمنا مُحُمد ود احمد وعلى حسن ومعهم اتنين تاني
مشوا كايسين الطين على جهة جبل اولياء
وكانو ناساً قيافه ولبيسين يعني يقشروا ليك
تقول ديل كبار رجال الدوله
دخلوا الحله قابلهم واحد قال ليهم
عاوزين العمده؟؟
قالوا ليهو ايوه
الخبر وصل للعمده بأنو في ضيوف
العمدة رحب ضبح واجتمع حولهم الناس
باكر الصباح سألهم العمده
قالوا ليهو
ولد عمدتنا مرق من بلدنا زعلان
وجينا نفتش ليهو قالوا في جيهتكم دي
المهم في القصه ما قدروا يقولوا نحنا طيانه
بعد كل الاهتمام من العمده واهل الحله.
عشان كده حكاية الطورية فوق الكتف مهمه

من طرف **م بروي** الإثنين 25 يونيو 2012, 5:38 am

ود المناصير كتب:
م بروي كتب:
]
يا صاحبي لو ما (العبار) العتود يسرقوهو يعملوا بيهو شنو؟؟؟

ههههههههههههههههههه

العتود بيعمل جبا ؟

الليله مع الجبا والجبانه والجداد نقدي علينا
خليتنا في حالة تانيه..ارقد ياعيش

من طرف **م بروي** الإثنين 25 يونيو 2012, 6:06 am

نصرالدين ابوزيد حامد كرار كتب:الزعيم ودبروى سلام.
قول مرحب بالهنباتى مرحب بالرباط نشال شنو الرابطلو فى خور وشايلو عكاز مضبب وعتان وبنابر وعناقريب. النشال دا بتاع زحمة مواصلات , زحمة سوق,يعنى موس وشريط جيوب وحاجات زى دى.
مرحبتين حباب ضيفك وانشاءالله العكاز المضبب دا يكون بوست مثبت باسمو,والعتود انشاء يكون نشيط ينطط فى المنتدى دا زى العتيد والبنبر يكون قاعدبو مع ناس ونسه ساكت فى ظلال ودالمناصير.
وتقبل مرورى.

ظلال ود المناصير داك محل الناس الراقيين
محل قلنا (محط المبدعين)
لكن زولنا ده حيعمل بوست( المضبب) كما تفضلت
المظاهرات مناخ عمل جميل عشان كده ما حيظهر اليومين ديل
مرورك بهي يسعد ويفرح...شكراًيابن الزعيم