وطني الصغير

من طرف **خالد عابدين** الإثنين 14 مايو 2012, 4:44 pm

وطن راس مالو اتفضل وطن ليهو الاصاله قبل
وراك وين نمشي يابلدي ولاغيرك كمان نأمل
حضن غير الام الاولى ماظنيتو بتقبل
وقدر ماكنتي طاردانه نسوق الشوق عليكي امل
حنين حن القطا الراحل يلاقي عيالو يتململ
مصيرنا نلف زمن فارغ ونلاقيك انتي امنا بل
عمرنا الفاني يتحصل دموعو هبل
وطن وانا بيك هايم ريد وعنك ديمه كت بسال
اقول وين التمر والنيل سهول واديك وين توصل
أريدك ريد وليد جامعة وانا الامالي فيك تامل
ولو في الريدة في ميزان اكيد ياوطني اجي الاول
سالت الحي يمد عمر الوطن بالري
ونهش كتر الكلام الني
يطير بقع الكلام الفات تكون اما بتفخر بي
تكون ام الجميع وطنا مدرع بالهموم ياخي
مصير الام تشيل هم الجنا الابدي تقول جيدلي
كذلك انت ياوطني وقبيل السوو ماهو شوي
تظل متحدي للايام تحت صفق الشجر في الصي
يسيل دمع الجنا العاند بتمسحو بالحنان الفي
ومصيرك انت ياوطني تكون كل الكلام الحي
تكون عزة وتكون سلة غذاء العالم تكون الري

من طرف **عباس محمد** الأربعاء 16 مايو 2012, 8:12 pm

ومصيرك انت ياوطنى تكون كل الكلام الحى

تكون عزة وتكون سلة غذاء العالم تكون الرى

شكرا خالد
والله رائع هذا الشاعر الشاب

تخريمة:ماتنسى ياخالد الوصية الخاصة التى كلمت بيها

وطني الصغير

وطني الصغير

رد: وطني الصغير