وكل القصة ..... إشتقت ليك يا أمي

اللهم أحفظ الأمهات اللائي ما زلن على قيد الحياة واغفر لمن توفي منهم والأم ماعندها ثمن ومهما عملت لن توفيها حقها ونتمنى أن تنجحي في التوفيق بين أنك أم وبين أمك العزيزة وواصلي في الدعوات وستكسبي الخيرات.

احلي اسم واجمل نغم هي كلمه امي
كم كنت احلم ان اكون معاك ولكن الظروف والمقادير
هي التي تمنعنا من لقاؤك وحنانك وفيضك الذي لاينضب معينه
نسال الله ان لقاك يكون قريبا
نشكر الاخت صاحبت الجرعات والمحاليل الوريديه التي تعطينا اياه بين الفينه والاخري
لضخ كميات من الحنان والشوق لاهلنا الطيبين وتذكرينا بمن هم لهم فضل علينا بارك الله فيكم بت الفقراء
ومالنا الانقول من البعد كما قال الشاعر التيجاني الحاج موسي
ابن الدويم في رائعته المشهور
امي الله سلمك يديك لي طول العمر في لحظه يوم ما يآلمك امييييييييييييي

شكرا انتصار---على فتح هذا البوست الرائع والاختيار الموفق--
عبد الله محمد خير قال :
هو متين نساكم يمة شان يطرى
يتنفس هوا ذكراكم العطرة
رقيق احساس حنين قلبو بالفطرة-
الاستاذ محمد الحسن قمر الدين قال فى رثاء والدته:




يا خالقنا بى حكمك رضينا

ورضينا القسمة والمقسوم علينا

ومابنقدر نفوت الكاتبو لينا

ومابنقدر نقول للدنيا مالك تظلمينا

ومن حبّانا ليه بتفرقينا

عارفين حاله ماتهنا ونسينا

مرات فى كرح والناس حزينه

ومرات فى فرح لمّات وزينه

ونحنا معاها ما ملنا وشكينا

نقول تسعدنا مرات ان شقينا

وتشقينا ان سعدنا وتبتلينا

نصلى عليكى يا قبلة نبينا

رضينا الحق قبلنا وما ابينا

وفراق الوالده اصلو صعب علينا

حليلة الريدة ضاوى على جبينا

ويمين يا يمه منك ما اكتفينا

ولسع من حنانك ما روينا

وكتير والله من بعدك بكينا

خليتينا يا يمه وبقت أحوالنا شينه

وطوالى الحزن مالينا غير فرحا يجينا

وينك لينا يا امى الحنينة

لو ما انتى ابدا ما ربينا

وفوق رمل الجروف جنبك جرينا

وفى النيل عمنا وانتى تراقبينا

وفى ضل التمر كلنا مشينا

وسقنا غنمنا فى الوديان رعينا

زمان يايمه رحنا شرى وقرينا

ولمان نجيكى كنتى تقابلينا

عليكى البسمة تفرحى بى مجينا

ويوم الجمعة تمشى تقديمينا

وبعد خطوات بعيدى تودعينا وهسع يمه فاقدين ريد بقينا

امــــــــــــــــــــــــى انا ياحليـــــــــــــــــــــــــــــــــــــــــــــــــــــــــــــــل امى.....ماذا عسانا نكتب هل حقنا سترضنا بعض الحروف!!!!!!!!!!!ماهو اصلا شوق عن شوق بيفرق والشووووووووووووووق ذاتو خشم بيوت ومابقالى شوق الام دا بتكب بحروف..بس ربنا يجمع كل جسد بعيد بروحه

سالت مشاعر الناس جداول
بسبب انتصار
الرحمة للمتوفيات
وطولة العمر للباقيات
........................
كنت قد كتبت بعد وفاتها بوست كامل منشور هنا في المنتدى.. كلهن عظيمات الأمهات وخاصة المنصوريات

سالت مشاعرنا جداول اختى انتصار
امتزجت بما سطرتيه فى هذا البوست وسطره غيرك هنا
ولانملك الا ان نقول الرحمة والمغفرة للامهات المتوفيات
وطولة العمروراحة البال للباقيات
مع العلم اننا نحن من قبيلة هبوهبو لا ام لاأبو

شكرا الاخت انتصار بتلك المشاعر الصادقة التى تعمق جذور الايمان فى القلب

تقتلني فكره غيابك الابديه
مااتزعزع ايمانو لكنو في الاخر بشر
قايل عليك شده وتزول ماقايلك انتي علي سفر
فقدانها فوق الاحتمال حزن يملا مسام النفس ويسكن الدواخل
والشوق والالم والحنين يعصر القلب اعتصارا
ليس ضعفا في الايمان لكنه الضعف البشري
والعين مدرارها لاينقطع
امي ثم امي ثم امي لحدي اخر يوم في عمري
اللتدي حنان كده من غير حساب تستاهل اييييييييه
نبوس التراب اللي ماشيه علييييييييه
والكلام عن الام ليس له نهايه
هي ضل الهجير في الصيف وغطاء الشتاء
هي جنه الدنيا وبهجتها
ودي رساله لكل اعضاء المنتدي
الامه متوفيه يطلب ليها الرحمه والمغفره
والامه علي قيد الحياه ربنا يديها ليهو الصحه والعافيه وطول العمر وبقول ليهو خلي القدامك والوراك ولو كنت في اخر الدنيا امشي ليها انشاالله يومين املى عينك منها وارتوي من حنانا والبروح مابرجع
معليش كلامي دا يمكن يجهجه بعض الناس شويه خاصه البعاد لكن الام مافي منها اتنين

هذا هو حال الدنيا أختي محاسن فأن للأم مكانها الشاغر دوما في القلوب .