ليه يا بشة ليه ؟؟

بأمر بشة البشتن المبشتن وراهو البلا بصل مكشن ’’ جينا ’’’ ولما جينا للجماعة ما لقينا ’’ فالبشتنة ظاهرة ستستمر طويلا ’’

ويا هلال لمع بقة .. يا موز يا منقة ناس كاريكا وناس بشة الي صف الجماعة شقة.. زنقو المريخ زنقة ’’ وخلوهو يشهق شهقة ’’ والمريخ يشهق ما يلحق ’’ والليلة لحق امات طه ’’

ويا كرومة سلم علي بلة ’’ عشان الرقصة تحلا ’’’ونغني .. من المقبرة وحلا ’’ وساب البلد ولى

عجبي ’’ ابراهووومة فقد المنطق وللحكم داير يطقطق

قال صفوة ؟ صفوة واللا صفاية ؟

بس كدا ’’ ونحن اسيادكم ’’ ودي شكلها توالي ’’طوالي متوالي ’’ وتعال يا والي والي اصلو نحن ليك ما بنوالي

@@@ التحليل عند السرير ’’’ راجنك يا ود البلد المحنك

مبروك ياابوهشام ضرب حمام الوالي الطاير طوالي بشه جاب الكشه

زعل في العرضة شمال على الأداء الباهت أمام الوصيف المتهالك ودموع الثكالى في العرضة جنوب على بطحة أكرم ومسمار بشه.
مشهد أول:
ألو السلام عليكم
وعليكم السلام .. معاى منو؟
إنت مش رئيس لجنة التحكيم؟
أيوه أنا .. المعاى منو؟
معاك جمال الكيماوي.
مرحب بيك داير شنو؟
عينتو منو عشان يدير المباراة ؟
لسه ماحددنا زول ..الله ..إنت دخلك شنو .. ومالك ومال الموضوع دا؟
أنا ضارب ليك من طرف الكبير وقال ليك تدى المباراة لي خالد عبدالرحمن ووليد اركويت رجل راية أول.
داهية تخمك وتخم الكبير بتاعك دا معاك ..أوع تضرب لي تاني.
تيت تيت تيت تيت تيت .. الخط يقطع.
مشهد ثاني:
شوف عليك الله ال.... دا قفل فى وشى الخط.
الو ياسعادتك سلام عليكم.
وعليكم السلام .. اها ضربت للراجل دا.
أيوه ضربت عليهو وقفل التلفون فى وشى وقال فيك كلام ماكويس وقال ماتضربو لي تانى.
خلاص أنا بضرب عليهو براي.
الله كيف ياكبير الكلام دا كده مابجى نحن قاعدين نعمل فى شنو.. الزول دا نحن بنضرب لي محمد سر الختم أبجاكومى يشوف لينا معاهو صرفه.
لا أبجاكومى لسه مرحلتو ماجات.
مشهد ثالث:
التلفون يرن ورئيس لجنة التحكيم يحدث نفسه: الله الله ..الرقم الخاص يتصل بك .. دا رئيس الجمهورية الليلة ولاشنو داير يقول لازم تعينو تحكيم كويس ويكون فى مستوى الحدث ولا شنو لأنو البلد مامحتاجه أكثر من الحاصل فيها دا ولأنو الفيها مكفيها.
رئيس لجنة التحكيم يفتح التلفون بحذر ويرد بصوت خفيض.. ألو.
الطرف الآخر :السلام عليكم.
رئيس لجنة التحكيم :وعليكم السلام.
الطرف الآخر: إنت مش رئيس لجنة التحكيم.
أيوه أنا رئيس لجنة التحكيم.
هاك الكبير داير يتكلم معاك.
حريقه فيك وحريقه فى الكبير بتاعتك دا .. إنتو ماعندكم شغله ..إنتو لعيبتكم ديل مافيهم كرعين .. طيب وكت ماقادرين يلعبوا ماتشطبوهم وترتاحوا وتريحونا معاكم ...كرهتونا التحكيم والكوره والسودان ذاتو .. تيت تيت تيت.. الخط يقطع ورئيس لجنة التحكيم يتحدث بزعل والجميع من حوله يسمع.. ياخي ناس المريخ ديل دايرين منى شنو.
مشهد رابع:
يا أبجاكومي السلام عليكم
وعليكم السلام أهلا بي كبيرنا وسيدنا .. طلباتك ياكبير..
بتاع لجنة التحكيم دا لازم يمشى لجنة الانضباط.
الله .. إنت تأمر ياكبير وأبجاكومي ينفذ ..إنت قلت يمشى يشمى طوالي لو دايرني الليلة أحولو لجنة الإنضباط أسع بضرب لي عوض الجيد الكباشي وأصرح فى الرياضية .. وكمان مش هو براهو حتى البرير ذاتو بحولو ليك وأقول هو سافر بره البلد من غير مايأخذ إذن من الإتحاد ليه ..وغايب الفترة دى كلها من ولادو ليه .
لا لا البرير دا خليهو بس الدايرنو منك تجيه لينا بتاع التحكيم دا وتجيب لينا تلفون الحكم الحايدير المباراة.
حاضر ياكبير.
إنتهت المكالمة.
مشهد خامس:
نقاش بين مجموعة من كبار قادة مجلس المريخ وزعامته.
الكبير يأمر حاشيته: أضربو لي مدني الحارث خلوهو يجي من البارح عامل لينا فيها عندو إستعداد وطوارئ لي هجليج.. خلونا النشوف صرفة لي هجليج حقتنا دي.
الكيماوي: ياريس أنا والله عندي حل.
الكبير أها حلك شنو؟
الكيماوي: مش الحكومة منعت حفلة شيرين وقالت البلد فى حالة حرب طيب الكورة دى ذاته ماترفيه..عشان كده نحن نطلب تأجيل المبارة بخطاب لي رئاسة الجمهورية نقول فيهو أنو البلد فى حالة طوارئ ولعيبتنا عايزين يشاركوا فى إستنفار هجليج.
الكبير: الله الله .. دى فكرة جهنمية ياكيماوي لقيته وين دى.
صوت آخر: ياإخوانا الكلام دا منطقي لكن التأجيل برضو مافي الصالح لأنو الناس ديل عندهم لعيبه أساسيين مصابين ولو أجلنا الكورة دى إسبوع واحد بس يجينا هيثم وتوريه وآتو ويوسف وديمبا وتبقى علينا ميته وخراب ديار.. عشان كده أنا إقترح إنو نحن نشوف الحكم الداير يحكم الكورة دى ونظبتو.
يدخل مدني الحارث : سلام ياكبير.. سلام ياجماعة.
الجماعة كأنهم وجدوا الكنز وبصوت واحد وعليكم السلام وينك إنت ياراجل .الشغلانية دى مالقينا ليها حل والدروب كلها مقفلة قدامنا.
مدني الحارث : طيب المطلوب منى شنو؟
الكبير: دايرنك تضرب لي زولك المنصوري داك يجيه الشغلانيه دى.
مدني الحارث: المنصوري مسافر راح الإمارات.
الكبير : يالطيف ..ياخي نعمل شنو .. يحرق أبو البرير والجاب البرير دا عشان يبقى رئيس للهلال .. إنتو متأكدين انو البرير دا مامشى نيجيريا.
الجماعة كلها تتكبكب: ياكبير براحه ماتزعل الضغط بتاعك بيرتفع .. السكري حقك بيزيد .. الحلاقيم بتاعتك بي تكبر.. العمية بتاعتك بي تقع .. الشعر المفلفل بتاعك دا بيتفكك وتانى مابنلقى كريم جست فى السوق لأنو معدوم وما فى .. صوالين التجميل بي تكون قفلت فى الوقت دا. وشك دا بيعرق والكريمات بتنزل منو.
الكبير يصيح : خلاااااااااااااااااااااااااااص ينعل أبوكى ياكوره جيبو الحكم البعينهو للكوره دى من تحت الواطه.
مشهد سادس:
سلام عليك ياكبير .
وعليكم السلام. ياكبير دا الحكم الحايدير الكورة.
الكبير يسأل الحكم انت إسمك منو؟
الحكم: أأأأنا إسمي مو مو معتز أحمد
شوف يامعتز نحن دايرين الكورة دى أقل حاجة تنتهي بي قونين لينا بأي طريقة .. تعمل ضربة جزاء .. تطرد الهلال كلو .. المهم إنك تشوف ليك طريقة.
الحكم المسكين: والله ياريس الموضوع دا صعب وأنا رئيس لجنتنا دا قال لي تحسب لي ناس المريخ ديل ضربة جزاء ماصحيحة وله تديهم قون من تسلل إلا أشطبك من التحكيم وتاني مابتحكم فى السودان دا ولا فى بلد الواق واق .. وأنا زول على قدر حالي وعندي وليدات داير أربيهم.
الكبير : شوف يازول إنت راجل سكين وأحسن ليك تشوف مصلحتك يعنى ناس التحكيم ديل حايدوك كم فى الكورة دى ..أحسن ليك ماتفوت الدولار الحار اليومين ديل سعرو نار.
الحكم: شوف ياريس أنا البقدر عليهو إنو ناس الهلال ديل مابديهم ضربة جزاء وأي هجمة ليهم جوه تمانتاشر بحسبه ليهم تسلل .. بس إنتو وصو لعيبتكم خلوهم يشتقلو فيهم جزارة صاح والبحتج فيهم أنا بطردو ليكم .. وركزوا عليهم أكثر حاجة وكت يكملو الغيار عشان يلعبو ناقصين.
مشهد سابع:
الكورة تبدأ والباقي معلوم للجميع والبكاء والنواح مازال مستمر والعزاء لم ينتهي بمراسم الدفن والفراش حايكون مستمر حتى شهر نوفمبر .
حاجة أخيرة:
بشه دا واحد قليل أدب ونجيلة أستاد الهلال دى طعمها حار تقول كابين فيها شطه.
سلم ليي على كرومي ... وقول ليهو بطحة بشه كيف.

المشهد السابع رهيب ياود البلد

لماذا ياسكواها كتمت علي نفس هؤلاء لموسم كامل لو فعلتها لماتوا
ود البلد
محمد حسن
الدوري لازال في بدايته