إنها إمرأة من العبابسة
+7
مصباح محمد مصباح
النفر
الباش مهندس ود جيب الله
نجلاء زمراوي
انتصار حجازي
ود المناصير
صديق عبدالله علي أبوحنة
11 مشترك
صفحة 1 من اصل 1
إنها إمرأة من العبابسة
من طرف صديق عبدالله علي أبوحنة الأربعاء 15 فبراير 2012, 7:39 pm
إنها امرأة من العبابسة
مقدمة المقدمة:-
هي الروضة بابكر عمة أستاذ الأجيال محمد الحسن بابكر ( كركاب) وشقيقة العابد الورع حسن بابكر وشقيقة الرجل العالم المتواضع محمد بابكر بقرية وقر نواحي كسلا..
المقدمة:-
كانت مدرسة شري الأولية قاب قوسين أو أدنى من منزلنا الذي يكمن في الضفة الغربية من النيل، وتوجد لدينا معدية، يمكن أن أرتفق بها، ولكن لأن المنافسة في التعليم كانت صعبة للغاية والفرص للدخول للمدارس المتوسطة شحيحة، فقد حرصت إدارة المدرسة على بقاء معظمنا في داخلية المدرسة، حتى تتمكن من رعايتنا رعاية كاملة، لأننا لو مكثنا مع أهلنا، فإنهم سوف يرهقون كاهلنا بالأعمال الشاقة التي تؤثر في مستوى التحصيل، ولذلك جاءت الرغبة متوافقة مع أهلنا أن نبقى في الداخلية، ويخرج منها الطلبة كل خمسة عشر يوماَ لذويهم، وليس كل أسبوعاً، ولما كان منزلنا قريباً نوعاً ما من المدرسة، فقد كانت فرصتي ضيقة نوعاً ما، وقد كانت لاتمنح فرص الداخلية إلا لطالب يبعد ذويه عن المدرسة مسافة معقولة، ولذلك مكثت مع هذه المرأة حوالي ستة أشهر حتى أتيحت لى فرصة الدخول للداخلية.
كانت امرأة لينة الجناب، متدينة، تربطنا بها صلة قرابة بعيدة، ويربطنا معها حسن الجوار،كما تترابط صداقات الأسرة عامة.
تمهيد:-
الروضة بابكر، قيل أن أسرتهم لها علاقة بالورع الشهير الشيخ( الشيخ تاتيب) على نهايات مرافئ جزيرة شري من الناحية الجنوبية الغربية.. ولذلك كانت صالحة توزن الأمور، دائماً بين الناس وبين زوجها الذي كان يمتلك معدية على مشرع شري الرئيسي، كانت توزن الأمور لما يرفض زوجها أن يستغل الناس مركبه لأخذهم إلى ضفة النهر الأخرى، لأحد الأسباب التالية.. إما لأنهم لم يعطوه أجرته كاملة، أو لأنهم لم يعطوه لها من أصله، أو لأنهم تأخروا في أغراضهم وحاجياتهم داخل الجزيرة شري.وقد كان يرفض أحياناً رفضاً باتا ًأن يخرجهم من هذه الجزيرة بمعديته، فكان لا أحد يقدر على أن يزحزحه من قراره غير زوجته هذه، الروضة بابكر، فكانت أحياناً تأخذ المركب منه عنوة، وتقوم باستلام المجاديف ومعها من معاون، حتى تخرجهم بالمركب إلى ضفة النهر الغربية، ولما تعود تلقى له بثمن الرحلة على قميصه، فلا ينبس هو ببنت شفة.. ويقدر فعلتها، ولها عنده نوع من الاحترام..
مقدمة المقدمة:-
هي الروضة بابكر عمة أستاذ الأجيال محمد الحسن بابكر ( كركاب) وشقيقة العابد الورع حسن بابكر وشقيقة الرجل العالم المتواضع محمد بابكر بقرية وقر نواحي كسلا..
المقدمة:-
كانت مدرسة شري الأولية قاب قوسين أو أدنى من منزلنا الذي يكمن في الضفة الغربية من النيل، وتوجد لدينا معدية، يمكن أن أرتفق بها، ولكن لأن المنافسة في التعليم كانت صعبة للغاية والفرص للدخول للمدارس المتوسطة شحيحة، فقد حرصت إدارة المدرسة على بقاء معظمنا في داخلية المدرسة، حتى تتمكن من رعايتنا رعاية كاملة، لأننا لو مكثنا مع أهلنا، فإنهم سوف يرهقون كاهلنا بالأعمال الشاقة التي تؤثر في مستوى التحصيل، ولذلك جاءت الرغبة متوافقة مع أهلنا أن نبقى في الداخلية، ويخرج منها الطلبة كل خمسة عشر يوماَ لذويهم، وليس كل أسبوعاً، ولما كان منزلنا قريباً نوعاً ما من المدرسة، فقد كانت فرصتي ضيقة نوعاً ما، وقد كانت لاتمنح فرص الداخلية إلا لطالب يبعد ذويه عن المدرسة مسافة معقولة، ولذلك مكثت مع هذه المرأة حوالي ستة أشهر حتى أتيحت لى فرصة الدخول للداخلية.
كانت امرأة لينة الجناب، متدينة، تربطنا بها صلة قرابة بعيدة، ويربطنا معها حسن الجوار،كما تترابط صداقات الأسرة عامة.
تمهيد:-
الروضة بابكر، قيل أن أسرتهم لها علاقة بالورع الشهير الشيخ( الشيخ تاتيب) على نهايات مرافئ جزيرة شري من الناحية الجنوبية الغربية.. ولذلك كانت صالحة توزن الأمور، دائماً بين الناس وبين زوجها الذي كان يمتلك معدية على مشرع شري الرئيسي، كانت توزن الأمور لما يرفض زوجها أن يستغل الناس مركبه لأخذهم إلى ضفة النهر الأخرى، لأحد الأسباب التالية.. إما لأنهم لم يعطوه أجرته كاملة، أو لأنهم لم يعطوه لها من أصله، أو لأنهم تأخروا في أغراضهم وحاجياتهم داخل الجزيرة شري.وقد كان يرفض أحياناً رفضاً باتا ًأن يخرجهم من هذه الجزيرة بمعديته، فكان لا أحد يقدر على أن يزحزحه من قراره غير زوجته هذه، الروضة بابكر، فكانت أحياناً تأخذ المركب منه عنوة، وتقوم باستلام المجاديف ومعها من معاون، حتى تخرجهم بالمركب إلى ضفة النهر الغربية، ولما تعود تلقى له بثمن الرحلة على قميصه، فلا ينبس هو ببنت شفة.. ويقدر فعلتها، ولها عنده نوع من الاحترام..
عدل سابقا من قبل صديق عبدالله علي أبوحنة في الأربعاء 15 فبراير 2012, 8:09 pm عدل 1 مرات
صديق عبدالله علي أبوحنة- كبار الشخصيات
.gif "كبار الشخصيات")
احترام قوانين المنتدى :
عدد المساهمات : 7523
نقاط : 46225
تاريخ التسجيل : 14/07/2010
رد: إنها إمرأة من العبابسة
من طرف صديق عبدالله علي أبوحنة الأربعاء 15 فبراير 2012, 7:41 pm
استطراد:-
ولعل القارئ المنصوري يعرف اتساع النيل في هذه الرقعة، خاصة أيام الفيضان، كانت هي لاتبالي بذلك وتقوم بواجبها على أكمل وجه
متن الموضوع:-
حينما دلفت على دارها كان عمري حوالي السابعة إلا بضع أشهر معدودة،حضرت من أهلي ومعي ثوب للغطاء وشنطة ملابس صغيرة، وبعض الملابس، فكانت توصي بناتها بأنني شقيقهم الأصغر فكانوا لايسمحون لى بأخذ ملابسي متسخة الى أسرتي وإنما يقومون بغسيلها، وتطبيقها وليس مكوتها، لأنه لاتوجد مكواه وقتها.كانت تطعمني أكثر مما تطعم بناتها وتطمئن بنفسها على فراشي ونومي، وتشجعني على الصلاة وأنا في هذه السن المبكرة، كنت أرى صلاحها ظاهراً، حيث أنها لاتحب أن تنم في أي أحد كان ومهما كان، وكانت كثيراً تنهي جارتها التي تزورها بعد صلاة العشاء( بلد النبي.. بلود) كانت كثيراً ما تنهيها عن النميمة حتى تعلمت منها جارتها هذه ، ترك الغيبة والنميمة، وهي عادة مستشرية في هذا الجزء من شمال السودان.. وطالما توقفت جارتها هذه عن النميمة، فقد وجدت الروضة بابكر حقاً عليها أن تقدم لها منفعة، وقد كان منزلها مجاوراً لها، كانت تذهب لها في الصبح وقبل شروق الشمس ليصليان في جماعة،وقد وجدت في فناء الفقه، أنه يمكن للمرأة أن تؤم المرأة..
كانت الروضة لا تأكل حراماً، فإن قبضت يدها مالاً مشبوهاً، كانت تقذف به في لجة النيل، وكانت تقول لا أعطيه لأحد لكى أؤذيه!
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 46225
تاريخ التسجيل : 14/07/2010
رد: إنها إمرأة من العبابسة
من طرف صديق عبدالله علي أبوحنة الأربعاء 15 فبراير 2012, 7:43 pm
من ميز الروضة بابكر:-
1 الهمة العالية:-
ولعمري أن الهمة العالية هي إحدي صفات المؤمن الحق، وهي النية، التي لايتم صلاح عمل إلا بها،( إنما الأعمال بالنيات، وإنما لكل امرئ ما نوى)و( نية المرء خير من عمله)و( إذا نوى أحدكم بسيئة ولم يعملها محيت، وإذا هم أحدكم بحسنة ولم يعملها، كتبت له حسنة) عجيب أمر المؤمن كله خير..
ولذلك هذه المرأة التي نحن بصدد الحديث عنها، كانت إمرة ذات همة تناطح الجبال،مرة وفي موسم شتوى كما ذكرت، في سيرة عمنا حسن أحمد الفكي،أدخل زراعة الفول السوداني في الموسم الشتوي، فجاء للناس بالبذر ، وأعطى كل مزارع جوالاَ من الفول السوداني لكي يقوم بتقشيره، وتجهيزه، لكي يصبح بذراً للموسم الجديد، أخذت أمنا الروضة نصيبها من البذر، ولكن أثناء إزالة القشرة عن الحبة، أثناء عملية التنظيف، كانت أحياناً( تنفشق) الحبة ولا تصبح بذرة صالحة، فكانت بلد النبي جارتها، وهم يلحون القشر عن حبة الفول السوداني، كانت بلد النبي تأكلها، تلك الحبة التى ( انفشقت) وأصبحت غير صالحة للأكل، بل بلد النبي لم تكتفي بأكل الحبة الغير سليمة! وإنما دعت الروضة نفسها لأكلها، فرفضت الروضة، وقالت: هذا حرام، لا أكل رزقاً غير رزقي..
أفتيت لها على الفور وأنا قربها، فتوى سماعية، سمعتها من حسن الفكي نفسه، قلت لها حسن الفكي نفسه قال
أنا عارف في حبوب بي تنفشق، البي تنفشق أديها حنكك طوالي!) وقد علمت أن بلد النبي سمعت هذه المقولة مباشرة من حسن الفكي، ولكن بلد النبي كانت تمزح( وعايزة تجس نبض الروضة) لم تكتفي الروضة برأيي وراى بلد النبي، وإنما قامت بنفسها وسألت حسن الفكي الذي أكد لها على الموضوع!عادت الروضة، أكثر إصراراً على أن لاتنفشق حبة، وقالت
حسن الفكي أدا الناس الماعندهم ضمير إذن عشان عمداً يفشقوا الحباية عشان ياكلوها).. قلنا لها أنا وبلد النبي( أصلوالما عندو ضمير بلا تنفشق ممكن ياكلا، عاد حسن الفكي عايز يحرس ضمير الناس! كل زول وضميرو!)كانت ورعة للغاية.. وصبورة وعندها همة عالية، لاتكل ولاتمل من خدمة الناس لها بنتان وولد.. الولد سمته محمد على التاجر الكبير في سوق النعوفاب( محمد ود الخليفة ود اب شوال) كان جسمه ضخماً ولذلك لقبه المناصير( شوّال) فصارت كلمة( شوّال ) هذه على ابن الروضة محمد وصار لاينطق الناس غير كلمة شوال هذه حتى هنالك أناس لا يعرفون اسمه الحقيقي من كثرة تداول اسم شوال.. لها بنتان توأم.. أم الحسن وأم الحسين
أم الحسن تزوجها الرجل الورع، بابكر حسن بابكر شقيق كركاب معلم الأجيال، وأم الحسين تزوجها، محمد أحمد عثمان عبادي، شقيق حاج الشيخ عثمان عبادي ووالد أستاذ الأجيال هاشم الشيخ، ويلغب بـ( اب تماني) واب تماني هذا أم الحسين لم تكن زوجته الأولى، وإنما كانت زوجته الأولى أيضاً بنت للروضة قد توفيت في الوضوع، تسمى فاطمة( بت عـَوَّجات)
بت عوجات سموها على حبوبتها فاطني بت عوجات، وعليها تسمي جزيرة صغيرة في قلب النيل ناحية مشرع المدارس، ( حجار بت عوجات) كنا نسرق منها بيض الوزين، هذه الجزيرة الصغيرة، وكانت استراحة لنا لما نقطع البحر بي صدرنا ونعوم ، نستريح فيها شوية، ثم نقطع البحر من الغرب الى شري، بالرغم من وجود التماسيح ولكن براءة الأطفال التي لاتعرف الخوف.
توفيت بت عوجات في عمر34 سنة، في الوضوع، كان عمري خمس سنوات، جايين من الشرق أنا وأمي من مباركة العيد الكبير على أهلها هناك، لما جينا قرب ترب ودي شري في التمر التحتو، كوركت لنا الحرم بت سليمان خالة أولاد بروي وهي متزوجة في قرية الضقولة، وقد كانت تسقي في شتلاً ليها، في ساقية السبيباب، ( دار حواتي) قالت تعالوا.. لما مشينا زفت لنا الخبر المؤلم، قالت بت عوجات ماتت.. والجنازي لسه ما جات.
انفطر قلبي وشعرت به انشق النص، لأنو قبل يومين زرناها أنا وأمي وأمي قالت لها: ربنا يحلك بالسلامي.. أمي دي ذرفت جنس دموع. لا حولالالا. وطوالي قالت لى أسدر على أهلك، وأنا بربط الحمارة في التمر، إنت الحمارة ترميك! ولكني لم أطلع البيوت، ظللت في التمر أراقب.. شري دي اتكبت عن بكرة ابيها في التمر والبيوت، والناس البي تمشي بالتمر كدبيب النمل.. جاء من النعوفاب علي ود اب ايد وأحمدون، كل واحد يحمل طورية وماشين يجهزوا القبر،لعمري هؤلاء الشخصين ما يموت زول إلا تشفوهم لفحوا طواريهم وقاموا، هذه عادة عندهم لايثنيهم عنها عمل،
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 46225
تاريخ التسجيل : 14/07/2010
رد: إنها إمرأة من العبابسة
من طرف صديق عبدالله علي أبوحنة الأربعاء 15 فبراير 2012, 7:44 pm
أو ليل أو نوم.. وقد شاهدت قبل أربعة سنوات علي ود أب ايد يحفر في قبر في ترب ودي شري على جنازة طفلة.. وعمره حوالي 85 عاماً.. يحفرلامن نفسو قام، واحد من الشباب الغير موزونين في الكلام قال له: هو الواحد نفسو يقوم مالو ومال الحفر؟ رد عليهو وقال ليهو:هو نحن نحفر لامتين؟ يا ولدي نحن نحفر في القبور من قبل ما يلدوك إنت!
ألمتني عبارة هذا الشباب الذي يفتخر بفتوته وعضلاته، ولم يراعي سناً ولا مقدرة.. ولعمري هي العبارات الغير موزونة، التي يطلقها العامة عندنا، بفعل الجهل، وبفعل عدم التعليم، وما أكثرها عندنا، ولعمري كم هي جارحة، وعزاءنا في هذا الجيل الجديد، أن يصفو من رعونات الماضي.
جاءت جنازة بت عوجات، وشاهدتها عن بكرة أبيها، هذه الجموع الهادرة. وجاءت أمي مع الجنازة في مركب أخرى ومعها الحريم.. ولاتزال أمي دمعتها لم توقف. قالت( عجومات.. وهو والد الفقيدة. اسمه عبد الله ود العجمي، يدلعوه يقولوا له عجومات.. قالت أمي حي ما حنينا عليهو يرجف زي القصبة.. الروضة مراة فارسة وقوية ومتدينة ، أمي قالت اتحزمت بي توبا من النص ولا رمشت لها عين وظلت تعزي وتشيل الفاتحي مع جموع المعزيين.. ولدت بت عوجات جابت بتين تومات حيات، طلعتهم بي جاي وماتت بي جاي.. والطفلتان عاشوا لمدة شهر وماتوا والتحقوا بأمهم في ترب ودي شري..نفستها بت الكاب من عصمة والدة ناس حسونة التاجر المعروف هناك.. كانت داية أيضاً.. كانت إمراة فارعة الطول بيضاء اللون.. وكانت معروفة يقولوا عندها ظَهر اشاهدها تتحدث مع ابوي وتقول( عااااع) ( عاااااااع) عندها هذه العادة تقولها باستمرار ومرات تقول ( عااااع...حي) ( عااااع..حي) ومرات تقول( عاااع حي. إسيادي).. كانت دائماً تتحلى بسبحة من الخرز الأخضر في يدها.. مرة كانت تقول هذه العبارات في تمر ( معيتيقة) قطعة ارض للمشايخة تحتنا، وجنب بركاوية العمدة، ابوي كان ينجر في معداية مركب، كانت هي تقول كدة وأنا عمري خمس سنوات. قلت لابوي المرة دي تقول كدة مالا( عاااع... حي.. إسيادي) ابوي قال لي: عندها ظهر يا ولدي.. خفتا منها! وزحيت غادي..
ألمتني عبارة هذا الشباب الذي يفتخر بفتوته وعضلاته، ولم يراعي سناً ولا مقدرة.. ولعمري هي العبارات الغير موزونة، التي يطلقها العامة عندنا، بفعل الجهل، وبفعل عدم التعليم، وما أكثرها عندنا، ولعمري كم هي جارحة، وعزاءنا في هذا الجيل الجديد، أن يصفو من رعونات الماضي.
جاءت جنازة بت عوجات، وشاهدتها عن بكرة أبيها، هذه الجموع الهادرة. وجاءت أمي مع الجنازة في مركب أخرى ومعها الحريم.. ولاتزال أمي دمعتها لم توقف. قالت( عجومات.. وهو والد الفقيدة. اسمه عبد الله ود العجمي، يدلعوه يقولوا له عجومات.. قالت أمي حي ما حنينا عليهو يرجف زي القصبة.. الروضة مراة فارسة وقوية ومتدينة ، أمي قالت اتحزمت بي توبا من النص ولا رمشت لها عين وظلت تعزي وتشيل الفاتحي مع جموع المعزيين.. ولدت بت عوجات جابت بتين تومات حيات، طلعتهم بي جاي وماتت بي جاي.. والطفلتان عاشوا لمدة شهر وماتوا والتحقوا بأمهم في ترب ودي شري..نفستها بت الكاب من عصمة والدة ناس حسونة التاجر المعروف هناك.. كانت داية أيضاً.. كانت إمراة فارعة الطول بيضاء اللون.. وكانت معروفة يقولوا عندها ظَهر اشاهدها تتحدث مع ابوي وتقول( عااااع) ( عاااااااع) عندها هذه العادة تقولها باستمرار ومرات تقول ( عااااع...حي) ( عااااع..حي) ومرات تقول( عاااع حي. إسيادي).. كانت دائماً تتحلى بسبحة من الخرز الأخضر في يدها.. مرة كانت تقول هذه العبارات في تمر ( معيتيقة) قطعة ارض للمشايخة تحتنا، وجنب بركاوية العمدة، ابوي كان ينجر في معداية مركب، كانت هي تقول كدة وأنا عمري خمس سنوات. قلت لابوي المرة دي تقول كدة مالا( عاااع... حي.. إسيادي) ابوي قال لي: عندها ظهر يا ولدي.. خفتا منها! وزحيت غادي..
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 46225
تاريخ التسجيل : 14/07/2010
رد: إنها إمرأة من العبابسة
من طرف صديق عبدالله علي أبوحنة الأربعاء 15 فبراير 2012, 7:46 pm
أمي قالت بت الكاب. يقولون لها بت الكاب عشان كان عاشت بره المناصير زمان. أمي قالت الناس الكان حاضرين الولادي، قالوا جرررررت الجنا شديد. البنات التومات.. حتى واحدي جاء راسا مطفوق.. والحوض كان ضيق شديد..
آه إنه الجهل المطبق، كم توفيت منصورية في مثل هذه الظروف القاسية وكم ذهبت بنت في ريعان شبابها، ولكن ليست الداية ملومة، وليس الأهل بملومين، وقد ذهبوا كلهم لبارئهم. والفضل في التعليم والتنوير الذي بدأ يعم منطقتنا الآن، وكذلك الفضل في جيلنا الجديد، ثم من بعد ذلك الفضل لله وحده، الذي يخرجنا دائماً من ضيق الظلمات والجهل الى باحات العلم والنور..
شوف هذه الروضة بت بابكر صبرت على هذه المأساه، بكل جلد وصبر ورضاءاً بقضاء الله وقدره، وزوجت بنتها الأخري ( لأب تماني) خلفاً لشقيقتها.. فاطني بت عوجات خلفت من قبل ابنها عثمان ود اب تماني، هو الوحيد عندها في هذه الدنيا، وذهبت الى بارئها مأسوفاً على شبابها..
ذكرت قبل ذلك، أن شقيقي عمر، لم يظفر بأن يكون في الداخلية، فقعد معها.. غرق مرة في النيل والأولاد يعوموا.. جروا حدثوها قالوا ليها عمر شالوا العـِرق.. قالت: ووووب عليا أمشي وين! ود الناس غرق! اتحزمت بي هدوما ووقعت فوقو وجابتو من جوف النيل! وبطتحو على بطنو في حجيرة البحر لامن طرش الموية التى امتلأ بها جوفه.
جاءت أمي من الغرب باكية وتنشد شعراً في الروضة وتقول:
الروضة أم عمر وشـَوَّال
سيلا مدردق الجـَّبـَّال
هـَنـِيتْ الساعي عندو جـُمـَال
بى زَلـَفْ آبتقول بـَطَّال
الغريبة هذه العائلة كلها يحتويها الأدب والورع والدين والشهامة والضكرنة والفروسية
حسن بابكر في ود عيسى والد أستاذ الأجيال كركاب الذي كرمه أعضاء المنتدى هنا قبل فترة وزاروه في داره
آه إنه الجهل المطبق، كم توفيت منصورية في مثل هذه الظروف القاسية وكم ذهبت بنت في ريعان شبابها، ولكن ليست الداية ملومة، وليس الأهل بملومين، وقد ذهبوا كلهم لبارئهم. والفضل في التعليم والتنوير الذي بدأ يعم منطقتنا الآن، وكذلك الفضل في جيلنا الجديد، ثم من بعد ذلك الفضل لله وحده، الذي يخرجنا دائماً من ضيق الظلمات والجهل الى باحات العلم والنور..
شوف هذه الروضة بت بابكر صبرت على هذه المأساه، بكل جلد وصبر ورضاءاً بقضاء الله وقدره، وزوجت بنتها الأخري ( لأب تماني) خلفاً لشقيقتها.. فاطني بت عوجات خلفت من قبل ابنها عثمان ود اب تماني، هو الوحيد عندها في هذه الدنيا، وذهبت الى بارئها مأسوفاً على شبابها..
ذكرت قبل ذلك، أن شقيقي عمر، لم يظفر بأن يكون في الداخلية، فقعد معها.. غرق مرة في النيل والأولاد يعوموا.. جروا حدثوها قالوا ليها عمر شالوا العـِرق.. قالت: ووووب عليا أمشي وين! ود الناس غرق! اتحزمت بي هدوما ووقعت فوقو وجابتو من جوف النيل! وبطتحو على بطنو في حجيرة البحر لامن طرش الموية التى امتلأ بها جوفه.
جاءت أمي من الغرب باكية وتنشد شعراً في الروضة وتقول:
الروضة أم عمر وشـَوَّال
سيلا مدردق الجـَّبـَّال
هـَنـِيتْ الساعي عندو جـُمـَال
بى زَلـَفْ آبتقول بـَطَّال
الغريبة هذه العائلة كلها يحتويها الأدب والورع والدين والشهامة والضكرنة والفروسية
حسن بابكر في ود عيسى والد أستاذ الأجيال كركاب الذي كرمه أعضاء المنتدى هنا قبل فترة وزاروه في داره
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 46225
تاريخ التسجيل : 14/07/2010
رد: إنها إمرأة من العبابسة
من طرف صديق عبدالله علي أبوحنة الأربعاء 15 فبراير 2012, 7:47 pm
محمد بابكر كركاب في مدنية وقر نواحي كسلا..
وهذه الروضة.. كلهم معجونين من طينة واحدة
أما هذه الروضة التى نحن بصدد الحديث عن اجترار سيرتها،كانت فلتة في جيلها في نساء شري، لا تنم في زول أبداً ،حتى وإن كان عدوها.. كانت لهم قطعة قش في الجرف بعيدة من دارهم في منطقة يقال لها( الوَدَّه) قريبة من قرية عضو المنتدى عثمان محمد حامد النفر،مرات تأخذني معها فوق الحمارة الى هناك، وتقول لا أتركك وراي تغرق في البحر..أثناء ركوبنا فوق الحمارة كانت لما تطرب، تغني وتقول:
سيد الجزيري الخدرا.. يا بـَلاَّل
يا الساقيتو في المَتـَرَه... يا بَـلاَّلْ
كانت تقول لى، أنا شايفاك ولد ما عادي، ما بتلعب مع الولاد الصغار كتير، ومؤدب، الله يحفظك، كنت تقول لى كدة.
مكثت معها مدة إقامتى ستة شهور ، ولكن خلال هذه الستة شهور، عشت معها حياة عامرة، عميقة، مليئة بالأحداث.. بعد الستة شهور التحقت بالداخلية، والدي وصى عليا الناظر، ناظر المدرسة.. ولكنه أحياناَ كان ينسى، وقد يكون جامل ابوى في جامع شري لما يقابله في صلاة الجمعة.. أمي ظلت تقول لي: على الاقل مرتين في الأسبوع، تعال مكتب الناظر ودق الباب بأدب، وقول ليهو: ( حضرة الناظر، أنا عايز الداخلية) الناظر كان حلفاوي اسمه صالح.. وجاب معاه ابن أخوه إسمو داؤود، يدرس قبلنا بسنتين.. كان مكتب الناظر مرتباً.. ومخيفاً لا أحد يقدر يعبر من أمامه وينظر لمن بداخله، ناهيك عن مكتب الناظر.. زير موية الناظر والمدرسين الموضوع في البرندة وعلى حافتها أمام مكتب الناظر، لا احد يستطيع أن يشرب منه على الإطلاق، سواءاً كان في ساعة اليوم الدراسي، أو بعد ساعات الدراسة، لأن ذلك يعتبر من المحرمات.. وفاعله، يستاهل 20 جلدة بالسوط، كإنذار أولى، وبعده إن كررها قد يفصل من الداخلية أو المدرسة، او خطاب استدعاء لولى الأمر..
كل الطلبة كانت عيون ساهرة لزير الناظر والمدرسين، أي واحد ممكن يبلغ عنك.. ناهيك عن ذلك حمام الناظر والمدرسين، كان الحمام رقم واحد من جهة المكاتب، لا أحد يستطيع أن يدخل فيه على الإطلاق..حتى الاباريق وزراة التربية والتعليم كانت توزعها على حمامات المدرسين.إبريق ابيض من ( الطلس) زي صحن الطلس. يملاه الفراش سليمان ود سموعي بالموية كل يوم للمعلمين والناظر. مكتوب على الإبريق(اس آر) لغاية يوم الليلة ما عارف أس آ ردي شنو؟ قلتا سودان ريل ويى..( سكة حديد. يعني كما هي حاجات السكة حديد! قالوا لى لا.. حتى البطاطين السوداء التخينة في الداخلية ، كان مكتوب عليها أس آر.. لغاية هسي دي ما عارفا كده ليه! المهم ( أس آر) ما علينا.
كنت أطبق وصية أمي.. وفي الفسحة أجي أطرق باب مكتب الناظر بكل أدب..( حضرة الناظر أنا عايز الداخلية!) كررتها أربعة مرات.. كل مرة يقول لى حاضر إبني... لمان زودتها آخر مرة نهرني.. وقال ولد... إنت حكايتك شنو؟ خلاص فهمنا قصدك) كنت أطبق وصية أمي حرفياً.. وأعتبرها شئ منزل.. بالرغم مع تعارضها مع سلوكيات المدرسة في الاحترام الزائد للناظر... بعد كدة انقطعت عن الحضور لمكتب الناظر وخفتا الحكاية تجيب نتيجة عكسية..بعد يومين نده عليا الناظر في الحصة.. صديق عبد الله.. صديق عبد الله... مكتب الناظر.. والاستدعاء لمكتب الناظر كان يخوف الزول شديد..
وهذه الروضة.. كلهم معجونين من طينة واحدة
أما هذه الروضة التى نحن بصدد الحديث عن اجترار سيرتها،كانت فلتة في جيلها في نساء شري، لا تنم في زول أبداً ،حتى وإن كان عدوها.. كانت لهم قطعة قش في الجرف بعيدة من دارهم في منطقة يقال لها( الوَدَّه) قريبة من قرية عضو المنتدى عثمان محمد حامد النفر،مرات تأخذني معها فوق الحمارة الى هناك، وتقول لا أتركك وراي تغرق في البحر..أثناء ركوبنا فوق الحمارة كانت لما تطرب، تغني وتقول:
سيد الجزيري الخدرا.. يا بـَلاَّل
يا الساقيتو في المَتـَرَه... يا بَـلاَّلْ
كانت تقول لى، أنا شايفاك ولد ما عادي، ما بتلعب مع الولاد الصغار كتير، ومؤدب، الله يحفظك، كنت تقول لى كدة.
مكثت معها مدة إقامتى ستة شهور ، ولكن خلال هذه الستة شهور، عشت معها حياة عامرة، عميقة، مليئة بالأحداث.. بعد الستة شهور التحقت بالداخلية، والدي وصى عليا الناظر، ناظر المدرسة.. ولكنه أحياناَ كان ينسى، وقد يكون جامل ابوى في جامع شري لما يقابله في صلاة الجمعة.. أمي ظلت تقول لي: على الاقل مرتين في الأسبوع، تعال مكتب الناظر ودق الباب بأدب، وقول ليهو: ( حضرة الناظر، أنا عايز الداخلية) الناظر كان حلفاوي اسمه صالح.. وجاب معاه ابن أخوه إسمو داؤود، يدرس قبلنا بسنتين.. كان مكتب الناظر مرتباً.. ومخيفاً لا أحد يقدر يعبر من أمامه وينظر لمن بداخله، ناهيك عن مكتب الناظر.. زير موية الناظر والمدرسين الموضوع في البرندة وعلى حافتها أمام مكتب الناظر، لا احد يستطيع أن يشرب منه على الإطلاق، سواءاً كان في ساعة اليوم الدراسي، أو بعد ساعات الدراسة، لأن ذلك يعتبر من المحرمات.. وفاعله، يستاهل 20 جلدة بالسوط، كإنذار أولى، وبعده إن كررها قد يفصل من الداخلية أو المدرسة، او خطاب استدعاء لولى الأمر..
كل الطلبة كانت عيون ساهرة لزير الناظر والمدرسين، أي واحد ممكن يبلغ عنك.. ناهيك عن ذلك حمام الناظر والمدرسين، كان الحمام رقم واحد من جهة المكاتب، لا أحد يستطيع أن يدخل فيه على الإطلاق..حتى الاباريق وزراة التربية والتعليم كانت توزعها على حمامات المدرسين.إبريق ابيض من ( الطلس) زي صحن الطلس. يملاه الفراش سليمان ود سموعي بالموية كل يوم للمعلمين والناظر. مكتوب على الإبريق(اس آر) لغاية يوم الليلة ما عارف أس آ ردي شنو؟ قلتا سودان ريل ويى..( سكة حديد. يعني كما هي حاجات السكة حديد! قالوا لى لا.. حتى البطاطين السوداء التخينة في الداخلية ، كان مكتوب عليها أس آر.. لغاية هسي دي ما عارفا كده ليه! المهم ( أس آر) ما علينا.
كنت أطبق وصية أمي.. وفي الفسحة أجي أطرق باب مكتب الناظر بكل أدب..( حضرة الناظر أنا عايز الداخلية!) كررتها أربعة مرات.. كل مرة يقول لى حاضر إبني... لمان زودتها آخر مرة نهرني.. وقال
ولد... إنت حكايتك شنو؟ خلاص فهمنا قصدك) كنت أطبق وصية أمي حرفياً.. وأعتبرها شئ منزل.. بالرغم مع تعارضها مع سلوكيات المدرسة في الاحترام الزائد للناظر... بعد كدة انقطعت عن الحضور لمكتب الناظر وخفتا الحكاية تجيب نتيجة عكسية..بعد يومين نده عليا الناظر في الحصة.. صديق عبد الله.. صديق عبد الله... مكتب الناظر.. والاستدعاء لمكتب الناظر كان يخوف الزول شديد..
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 46225
تاريخ التسجيل : 14/07/2010
رد: إنها إمرأة من العبابسة
من طرف صديق عبدالله علي أبوحنة الأربعاء 15 فبراير 2012, 7:48 pm
مشيت. طلعتا من الحصة.. قال لى: إنت ود حاج عبد الله! قلت ليهو نعم!
قال لى مبروك، شغرت خانة في الداخلية بكرة جيب سريرك وتعال قابل ضابط الداخلية..
زعلت الروضة بابكر من هذا الموضوع، وقالت إلا يكون نحنا قصرنا في شئ! أخوه قبلو لامن إتخرج من عندنا.. وقطعت الغرب تبكي.. ونضمت مع أمي.. أمي قالت ليها، حا شاك يا أم عمر وشوال، يجي من ناحيتك لوم! الناس كوم وإنت كوم.. بس الداخلية بعيدة من البحر وانا خايفي عليهو من البحر.. فهمت الروضة الموضوع، وقالت كان كدة خلاص.
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 46225
تاريخ التسجيل : 14/07/2010
رد: إنها إمرأة من العبابسة
من طرف صديق عبدالله علي أبوحنة الأربعاء 15 فبراير 2012, 7:51 pm
مكثت مع الروضة في دارها ستة أشهر، والحق يقال كانت تسهر على راحتى أكثر من بناتها.. وعثمان ود أب تماني ولد بنتها ( بت عوّجات) التي ماتت في الولادة.. عثمان هذا كانت عندو مخاتة كدة طوالي نازلة على شفتو العليا ليل على نهار على شتاء على حر هي ثابتة.. ومرات يمص منها.. وقدر ما يتمخط ترجع تاني.. كنت أعاف هذا الشئ.. كنت طفلاً صغيرا نظيفاً جميلا، كل من يراني يحبني، جميلاً حتى في أخلاقى ومعاملاتي مع الكبار.. لذلك الروضة التى كنت أسكن معها كانت تعرف فيا هذا الشئ.. كانت يوم السوق تقول لى( ما تأكل مع عصمان.. أكل لوحدك).. يوم السوق زوجها عبد الله ود العجمي كان نظامه في لحم السوق..( نص وقة لحم+ ربع عفشي مرارة) لكنه لايحضر للفطور قبل ما يقطع ناس السوق كلهم. كانت هي المركب الوحيدة التي تربط شري بالغرب والسوق.. تضع السناسن والسليقة، وترش عليها السخينة.. وبأمانة كانت تضع ثلث هذا اللحم لى وحدي.. وتقول لي
أكل.. عمك عبد الله يديك الجوع لامن يقطع ناس السوق النهار يحر.. وأنت طفل تجوع!) في الأكل آكل وحدي ولا بناتها معي ولا عثمان ود بتها.. كنت خايف هذا الشئ يؤثر على بناتها في علاقتنا نلعب مع بعض! لكن بالعكس، كنا نحب بعضنا جداً. وكان هذا الشئ لايؤثر، هذا الكرم الزائد من الروضة بابكر..قصة ( الشلمبايي مع بنات الروضة) كنا مع بعض في دارها عندها بنتين تومات وولد بتها عثمان.. أمه توفيت كما ذكرت..
مرة أم الحسين وأم الحسن.. كانن( يفجكن في البحر) وقبضن شلمابيي.. وأنا كنت قاعد في أوضة في البيت.. لمان يفجكن، كان ممكن أمشي أفجك معاهن. وهن كل واحدة تمسك طرف الهدم. كان مفروض أخج لهن السمك حتى يدخل الهدم! وهن كل واحدة ممسكة بطرف الهدم كعادة ( الفجييك) وما لقن زول يخج ليهن.. كانن يخافن من الروضة أمهن إنو يسوقني معاهن للبحر.. وكانت محذراهن، أني أعوم أو افجك معاهن.. وعادة البنات والأولاد كان يعوموا مع بعض. حتى عثمان ولد بتها التى ماتت ما نعاهن الروضة يمشي معاهن البحر!
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 46225
تاريخ التسجيل : 14/07/2010
رد: إنها إمرأة من العبابسة
من طرف صديق عبدالله علي أبوحنة الأربعاء 15 فبراير 2012, 7:52 pm
كانن يباصرن ويفجكن ، الواحدة ممسكة بطرف الهدم وتخج الموية برجلها التانية. لكن عادة عندما يكون لاتجد زول يخج ليك البحر. يكون السمك المقبوض بسيط.. عشان السمك ما بيجد زول يرهبه ويخج البحر بي كرعيهو عشان يدخل في الهدم، وهن بنتين كل واحدة ممسكة بطرف التوب..
على العموم قبضن شلمبايي واحدي. جابنها وجن طالعات البيت. ختن شوك.. وسلتنها على الشوك والملح والدقة.. وأنا وعثمان ود بت الروضة كنا نلعب في الغرفة.. أنا شميت ريحة العطاريب والسلات.. عرفتا إنو هن قبضن سمكة.. وشونها على الشوك.. عاينت بي فج الطاقة بتاعة الغرفة.. شفتا أم الحسن بت الروضة شايلا الشلمبايي مشوية ، شايلاها بي جريدتين كدة كبار.. والدخان طالع منها.. وجاية على المزيرة وكانت مزيرة بيت الروضة في نص الحوش.. زيرين متوسطات الحجم ممكنات في نص الحوش وعليهن مزيرة معروشة لزوم الضل.. معمولة بطريقة جميلة.. أم الحسن كانت منتظرة في هذه المزيرة متفرجخي. وأم الحسين جابت الشلمبايي وجات عليها.. ختنها في صينية شاي قديمة. وأنا أنظر من فتحة الطاقة المغطاه بغتايي قديمة..
شايفهن يغمسن في الدقة وياكلن..
بأمانة حاولت أتغاتت عليهن، لامن ياكلنها.. ويكون كل شي انتهى، وأجي أكلم ليهن أمهن الروضة التى كنت واثقاً من أنها سوف تقيف في صفي. لأنها إمرأة لاتثنيها العاطفة في أن تقول قولة الحق! حتى ولو على نفسها.. عثمان منهمك في اللعب لايدري شئ..
أبيت أظهر لهن خالص، لامن أمهن الروضة تجي من حش القش. وكانت بعيدة خارج نطاق المنطقة ذهبت لقطعتها البعيدة في قرية( الوَدَّة) القريبة من قرية النفر..
لما عادت الروضة. وأم الحسن وأم الحسين لايعلمن شئ عن الموضوع، وهن قاعدات جنب أمهن.. وعثمان ود بتها قاعد... طوالي قمتا فجرتا القنبلة في وشهن؟
حكيت لأمي الروضة وكنت أناديها بأمي الروضة دائماً، حتى بعد أن تركت القعاد معها، وكل الفترة كانت ستة شهور..
على العموم قبضن شلمبايي واحدي. جابنها وجن طالعات البيت. ختن شوك.. وسلتنها على الشوك والملح والدقة.. وأنا وعثمان ود بت الروضة كنا نلعب في الغرفة.. أنا شميت ريحة العطاريب والسلات.. عرفتا إنو هن قبضن سمكة.. وشونها على الشوك.. عاينت بي فج الطاقة بتاعة الغرفة.. شفتا أم الحسن بت الروضة شايلا الشلمبايي مشوية ، شايلاها بي جريدتين كدة كبار.. والدخان طالع منها.. وجاية على المزيرة وكانت مزيرة بيت الروضة في نص الحوش.. زيرين متوسطات الحجم ممكنات في نص الحوش وعليهن مزيرة معروشة لزوم الضل.. معمولة بطريقة جميلة.. أم الحسن كانت منتظرة في هذه المزيرة متفرجخي. وأم الحسين جابت الشلمبايي وجات عليها.. ختنها في صينية شاي قديمة. وأنا أنظر من فتحة الطاقة المغطاه بغتايي قديمة..
شايفهن يغمسن في الدقة وياكلن..
بأمانة حاولت أتغاتت عليهن، لامن ياكلنها.. ويكون كل شي انتهى، وأجي أكلم ليهن أمهن الروضة التى كنت واثقاً من أنها سوف تقيف في صفي. لأنها إمرأة لاتثنيها العاطفة في أن تقول قولة الحق! حتى ولو على نفسها.. عثمان منهمك في اللعب لايدري شئ..
أبيت أظهر لهن خالص، لامن أمهن الروضة تجي من حش القش. وكانت بعيدة خارج نطاق المنطقة ذهبت لقطعتها البعيدة في قرية( الوَدَّة) القريبة من قرية النفر..
لما عادت الروضة. وأم الحسن وأم الحسين لايعلمن شئ عن الموضوع، وهن قاعدات جنب أمهن.. وعثمان ود بتها قاعد... طوالي قمتا فجرتا القنبلة في وشهن؟
حكيت لأمي الروضة وكنت أناديها بأمي الروضة دائماً، حتى بعد أن تركت القعاد معها، وكل الفترة كانت ستة شهور..
عدل سابقا من قبل صديق عبدالله علي أبوحنة في الأربعاء 15 فبراير 2012, 8:20 pm عدل 1 مرات
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 46225
تاريخ التسجيل : 14/07/2010
رد: إنها إمرأة من العبابسة
من طرف صديق عبدالله علي أبوحنة الأربعاء 15 فبراير 2012, 7:53 pm
كانت ستة شهور..
حكيت قصة الشلمبايي لأمي الروضة.
ذهلن أم الحسن وأم الحسين.. ونطن جرن.. الروضة قبضت كل واحدي من أيدا.. وهن حلفن وقالن هن ما كانوا موجودين.. عشان كدة أكلناها برانا.. كنا قايلنهم ما موجودين.. مسكت الروضة كل واحدي من بناتا من حلقا وقالت ليهن تطرشوها هسي دي.. وحات أبوي إلا تطرشوها هسي دي قدامي؟
مكثت معها ستة أشهر وبعدها دخلت الداخلية، لم تتركنى كانت تجيني في الداخلية محملة بالتمر..
حكيت قصة الشلمبايي لأمي الروضة.
ذهلن أم الحسن وأم الحسين.. ونطن جرن.. الروضة قبضت كل واحدي من أيدا.. وهن حلفن وقالن هن ما كانوا موجودين.. عشان كدة أكلناها برانا.. كنا قايلنهم ما موجودين.. مسكت الروضة كل واحدي من بناتا من حلقا وقالت ليهن تطرشوها هسي دي.. وحات أبوي إلا تطرشوها هسي دي قدامي؟
مكثت معها ستة أشهر وبعدها دخلت الداخلية، لم تتركنى كانت تجيني في الداخلية محملة بالتمر..
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 46225
تاريخ التسجيل : 14/07/2010
رد: إنها إمرأة من العبابسة
من طرف صديق عبدالله علي أبوحنة الأربعاء 15 فبراير 2012, 8:07 pm
خلاصة الخلاصة:-
لست أنا وحدي الذي اذكر هذه المرأة بالخير، فكل أهالي شري الغرة وحولها يعرفون فضل وصمامة هذه المرأة العابدة الخيرة الشريفة..
لم أنسى ودها ولم أنسى فضلها، وكنت ابرها حتى ماتت، ولم تنقطع يدي عنها في العطاء، وكنت لما أزور الجزيرة شري، معزياً أو مواسياً، أو لاي فرح، او لغرض عابر، لازم في الأول ازورها في دارها، وكل ما أحضر في إجازتي كنت أكسيها ثوباً وفتيل ريحة، كانت حاجة ثابتة، لفترة الستة شهور التى قضيتها معها، ولم ار منها غير الخير المطلق، والنفس العامرة السمحة، تعلمت منها الكثير هذه المرأة الصالحة، حتى عندما كبرت وتزوجت، كانت لاتسلم عليا غير أن تبوس راسي، وتسلم عليا في يدي بعد ذلك وتبكي وترمي دميعات حااارت.. . توفيت عن 86 عاماً، وعميت.. وتوفيت وأنا هنا في الخليج. فزرت قبرها في مقابر شري الحديثة التى لم يتطمرها مياه الخزان ، وبقى جسدها الطاهر هناك.. عليها رحمة من ربي وبركات، بقدر ما قدمت لى من عون في حياتي، هذه المرأة العظيمة.. وما أعظم رائدات دار عيال عيال منصور..
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 46225
تاريخ التسجيل : 14/07/2010
رد: إنها إمرأة من العبابسة
من طرف صديق عبدالله علي أبوحنة الخميس 16 فبراير 2012, 3:29 am
هييييي
الناس دي جنت أو؟
كم وعشرين واحد يقرا البوست ده!
وزول يشجع ساكت مافي!
بري
أضان الحامل طرشا!
الناس دي تقرا وتمش خشما ساكت
وتمشي وتنسحب!
من غير ما تعلق
وتقول زول الجن ده! تعب في الكتابي دي عن المرة دي!
وين انتصار حجازي القالت دايري كتابي كتيري عن المنصوريات!
وين الفكي أحمد جار المرة دي!
وين ود بروي ملك شري!
وين شري ذاتا اختنا!
وين ود الشاعر علي. شيخ النفر!
وين مولانا أميرة علي! الزولة الماها قاعدة تجامل!
وين صحفية منتدانا أميرة الحومري القالت لى كتابتك عن حبوبتك أدتنا السهر!
وين ابو أحمد زولنا!
بل وين ناس ميدان الاعتصام!
بل وين الجوافة الخدرة وقيافة بتاعة المناصير
والزمراوية غايبة!
الحاج ابراهيم محمد سليمان!
الناس دي جنت أو
وين الناس الما ذكرناهم كلهم سهواً!
حكايي تحير الغنمايي!
وين سلمان عقيد المسمين ولد المره دي على جدو! وهو يعرف الكلام ده!
وين ود المناصير المعلق الجيد!
وين عبد الواحد بتاع المرأة كالنعال.. الزول الكتابتو حيرت البنوت.. وقلت ليهو ياخي خلي نوع الكتابي دي! قال لى كان خليتا بي يمسكني حكاك جلد!
إنتو ما عارفين التعليق ينفع الكاتب!
حتى ولو تعليق غير جيد!
وين القراء العامة والخاصة!
ووين الزول داك المحاربني بلا سبب!
انا عايز اخلى المنتدى عاد!
الناس دي جنت أو؟
كم وعشرين واحد يقرا البوست ده!
وزول يشجع ساكت مافي!
بري
أضان الحامل طرشا!
الناس دي تقرا وتمش خشما ساكت
وتمشي وتنسحب!
من غير ما تعلق
وتقول زول الجن ده! تعب في الكتابي دي عن المرة دي!
وين انتصار حجازي القالت دايري كتابي كتيري عن المنصوريات!
وين الفكي أحمد جار المرة دي!
وين ود بروي ملك شري!
وين شري ذاتا اختنا!
وين ود الشاعر علي. شيخ النفر!
وين مولانا أميرة علي! الزولة الماها قاعدة تجامل!
وين صحفية منتدانا أميرة الحومري القالت لى كتابتك عن حبوبتك أدتنا السهر!
وين ابو أحمد زولنا!
بل وين ناس ميدان الاعتصام!
بل وين الجوافة الخدرة وقيافة بتاعة المناصير
والزمراوية غايبة!
الحاج ابراهيم محمد سليمان!
الناس دي جنت أو
وين الناس الما ذكرناهم كلهم سهواً!
حكايي تحير الغنمايي!
وين سلمان عقيد المسمين ولد المره دي على جدو! وهو يعرف الكلام ده!
وين ود المناصير المعلق الجيد!
وين عبد الواحد بتاع المرأة كالنعال.. الزول الكتابتو حيرت البنوت.. وقلت ليهو ياخي خلي نوع الكتابي دي! قال لى كان خليتا بي يمسكني حكاك جلد!
إنتو ما عارفين التعليق ينفع الكاتب!
حتى ولو تعليق غير جيد!
وين القراء العامة والخاصة!
ووين الزول داك المحاربني بلا سبب!
انا عايز اخلى المنتدى عاد!
عدل سابقا من قبل صديق عبدالله علي أبوحنة في الخميس 16 فبراير 2012, 5:06 am عدل 1 مرات
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 46225
تاريخ التسجيل : 14/07/2010
رد: إنها إمرأة من العبابسة
من طرف ود المناصير الخميس 16 فبراير 2012, 3:53 am
عذرا الرائع الوافر ... قصة الإبداع والتميز السوداني المنصوري الأصيل ... الباشمهندس ود ابو حنة ...
عذرا ... لم أمر على هذا البوست مطلقا وهذا خير كثير فاتنا ... ولا أدري لماذا ـ ضرعت ـ المنتدى دا كلو وما جيت بي جاي ؟؟
ربنا يسهل ... الكبر أظنو حصل ...
المهم هي إمرأة من هناك من عالم آخر ... فهذه صفات قل أن توجد في غيرها ... والحمد لله إن مياه السد اللعين لم تطمر هذا القبر الخيَر ...
ولله حكمة في ذلك ...
على كل حال إلتمس لإخوانك العذر برضو ... مرات الرد على الموضع نراه لا يتناسب وما تكتب يا صديق
لكن فليكن المرور من باب ... عوافي .... وربنا يساعد ..وربنا يخدر الضراع
لك الشكر أجزله
وقبل ذلك تقبل عذرنا
ولك مودتي
عذرا ... لم أمر على هذا البوست مطلقا وهذا خير كثير فاتنا ... ولا أدري لماذا ـ ضرعت ـ المنتدى دا كلو وما جيت بي جاي ؟؟
ربنا يسهل ... الكبر أظنو حصل ...
المهم هي إمرأة من هناك من عالم آخر ... فهذه صفات قل أن توجد في غيرها ... والحمد لله إن مياه السد اللعين لم تطمر هذا القبر الخيَر ...
ولله حكمة في ذلك ...
على كل حال إلتمس لإخوانك العذر برضو ... مرات الرد على الموضع نراه لا يتناسب وما تكتب يا صديق
لكن فليكن المرور من باب ... عوافي .... وربنا يساعد ..وربنا يخدر الضراع
لك الشكر أجزله
وقبل ذلك تقبل عذرنا
ولك مودتي
ود المناصير- مشرف
.gif "مشرف")
- مشرف منتدى الاغاني والصور
احترام قوانين المنتدى :
عدد المساهمات : 3371
نقاط : 35377
تاريخ التسجيل : 06/04/2010
رد: إنها إمرأة من العبابسة
من طرف انتصار حجازي الخميس 16 فبراير 2012, 4:30 am
لا يا ابو حنه ... الزعل ممنوووووع
والله كتاباتك لا يمل منها بتاتا
واصلا اعجبني انك عاودت الكتابة عن امراة منصورية
الله يعطيك دوما الصحه والعافية
والله كتاباتك لا يمل منها بتاتا
واصلا اعجبني انك عاودت الكتابة عن امراة منصورية
الله يعطيك دوما الصحه والعافية
انتصار حجازي- مشرف
- مشرف منتدى المرأة والأسرة
احترام قوانين المنتدى :
عدد المساهمات : 1668
نقاط : 29417
تاريخ التسجيل : 19/01/2011
رد: إنها إمرأة من العبابسة
من طرف صديق عبدالله علي أبوحنة الخميس 16 فبراير 2012, 1:06 pm
شبابا الذوق والنضارة
مثقف ومليان حضارة
مثقف ومليان حضارة
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 46225
تاريخ التسجيل : 14/07/2010
رد: إنها إمرأة من العبابسة
من طرف صديق عبدالله علي أبوحنة السبت 18 فبراير 2012, 4:03 pm
هذه المرأة تختلف اختلاف مقدار، عن معظم نساء بلادي. الكل الذي حولها يعرف فيها ذلك. عندها قوة إيمان وصمامة ومعالجة لمشاكل الناس بصورة غريبة.. عندها عزيمة على الأمور تقوى وقتما تصعف همم الناس الذين حولها في أمر ما..
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 46225
تاريخ التسجيل : 14/07/2010
رد: إنها إمرأة من العبابسة
من طرف نجلاء زمراوي السبت 18 فبراير 2012, 4:18 pm
الرائع دوما عمدتنا
لك الف سلام واحترام
والله الذي يجبرنا علي المداخلات كتاباتك ....من غير اي مجامله
واليت علي نفسي في الايام السابقه ان انقطع عن المداخلات واقرا فقط ولكن باءت عزيمتي بالفشل امام ما يكتبه العظماء امثاللك وانشاء ما تنقطع لكي لا ننقطع...
اصلو لو ما التنوع البتعملو في المنتدي لا اصبح المنتدي علي وتيره واحده
هناللك ملاحظه قد لا حظتها في المنتدي يكون عنوان البوست جاذب وعندما تتم المداخلات ينقلب البوست راسا علي عقب ويخرج خارج العنوان....شئ شكل وشئ كع وشئ مهاتره
قايتو الله يهون وتنتهي دي القضيه علي خير
ناسف ..ونعود لموضوع البوست
كلام جميل في حق امراه اجمل
فلكن اجمل التحايا عظيمات بلااااااااااااادي
لك الف سلام واحترام
والله الذي يجبرنا علي المداخلات كتاباتك ....من غير اي مجامله
واليت علي نفسي في الايام السابقه ان انقطع عن المداخلات واقرا فقط ولكن باءت عزيمتي بالفشل امام ما يكتبه العظماء امثاللك وانشاء ما تنقطع لكي لا ننقطع...
اصلو لو ما التنوع البتعملو في المنتدي لا اصبح المنتدي علي وتيره واحده
هناللك ملاحظه قد لا حظتها في المنتدي يكون عنوان البوست جاذب وعندما تتم المداخلات ينقلب البوست راسا علي عقب ويخرج خارج العنوان....شئ شكل وشئ كع وشئ مهاتره
قايتو الله يهون وتنتهي دي القضيه علي خير
ناسف ..ونعود لموضوع البوست
كلام جميل في حق امراه اجمل
فلكن اجمل التحايا عظيمات بلااااااااااااادي
عدل سابقا من قبل نجلاء زمراوي في السبت 18 فبراير 2012, 7:13 pm عدل 2 مرات
نجلاء زمراوي- عضو ماسي
.gif "عضو ماسي")
- عضو ماسي
احترام قوانين المنتدى :
عدد المساهمات : 2265
نقاط : 30444
تاريخ التسجيل : 10/03/2011
انها امراءة من العباسية
من طرف الباش مهندس ود جيب الله السبت 18 فبراير 2012, 4:44 pm
اسبت مستر كورت ود . عبد الرحيم ان متاتيب مقبرة مسيحية ....افيدونا
الباش مهندس ود جيب الله- عضو فضي
.gif "عضو فضي")
- احترام قوانين المنتدى :
عدد المساهمات : 949
نقاط : 25842
تاريخ التسجيل : 03/12/2011
رد: إنها إمرأة من العبابسة
من طرف صديق عبدالله علي أبوحنة السبت 18 فبراير 2012, 4:49 pm
تسلمي الزمراوية على المرور
..........
وتسلم المهندس ود جيب الله
والله القول عن هذه المزارة مختلف يا ود جيب الله.. ولكن هي قديمة شديد.. حتى يتواجد فيها الطوب الأحمر. قبل أن يعرف الناس الطوب الأحمر..
وطبعاً جذور الناس كلها مسيحية قبل دخول الإسلام عن طريق بلاد النوبة. واتفاقية (البغط الشهيرة) مع ملك النوبة وسيدنا عبد الله ابن ابي سرح رضي الله عنه
..........
وتسلم المهندس ود جيب الله
والله القول عن هذه المزارة مختلف يا ود جيب الله.. ولكن هي قديمة شديد.. حتى يتواجد فيها الطوب الأحمر. قبل أن يعرف الناس الطوب الأحمر..
وطبعاً جذور الناس كلها مسيحية قبل دخول الإسلام عن طريق بلاد النوبة. واتفاقية (البغط الشهيرة) مع ملك النوبة وسيدنا عبد الله ابن ابي سرح رضي الله عنه
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 46225
تاريخ التسجيل : 14/07/2010
رد: إنها إمرأة من العبابسة
من طرف النفر السبت 18 فبراير 2012, 6:54 pm
سيرة عطرة لإمراة فاضلة ... نسأل الله لها المغفرة والرحمة ...مشكور يا باشمهندس صديق على هذا السرد الجميل وأنت ترد الجميل لأصحابه وتذكر محاسنهم ... لله درك _
لك تحياتى وودى ،،،
لك تحياتى وودى ،،،
النفر- V.i.P
.gif "V.i.P")
- احترام قوانين المنتدى :
عدد المساهمات : 3225
نقاط : 35037
تاريخ التسجيل : 08/06/2010
رد: إنها إمرأة من العبابسة
من طرف مصباح محمد مصباح الأحد 19 فبراير 2012, 1:17 pm
الأخ المهندس صديق لك التحية وبصراحة يادوب اليوم قرأت موضوعك وأنا من أولى الناس بالرد والمشاركة معك نعرف الروضة معرفة تامة رحمها الله رحمة واسعة وهي من المعادن الأصيلة ويكفى أنها عاشت مع عبدالله العجمي رحمه الله ذلك الرجل الذي كان حاد الطبع جسور له حكايات مع الركاب كما ذكرتها وكان الناس دائما مايقولون فرق الليل والنهار بين عبدالله ودأبوحنه وعبدالله ودالعجمي إنها ذكريات وياحليل ناس زمان طيبة ورع عفوية قمة في التواضع والأخلاق رغم قلة التعليم والمعرفة. لك التحية أخ صديق وتقبل مروري.
مصباح محمد مصباح- كبار الشخصيات
- احترام قوانين المنتدى :
عدد المساهمات : 1897
نقاط : 30786
تاريخ التسجيل : 14/08/2010
رد: إنها إمرأة من العبابسة
من طرف صديق عبدالله علي أبوحنة الأحد 19 فبراير 2012, 11:49 pm
طبعا مرورك هنا مهم يا دكتور مصباح
والناس ناسك وجيرانك..
هذا وقت الزمن الجميل يا مصباح، لما كانت الحياة ساااهلة وايقاعها هادي ولم تتشابك وتتلخبط الأمور..
والناس ناسك وجيرانك..
هذا وقت الزمن الجميل يا مصباح، لما كانت الحياة ساااهلة وايقاعها هادي ولم تتشابك وتتلخبط الأمور..
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 46225
تاريخ التسجيل : 14/07/2010
رد: إنها إمرأة من العبابسة
من طرف الفكى احمد الإثنين 20 فبراير 2012, 7:03 am
الأخ صديق كيف حالك وكذلك الأخوة المتداخلين لعلكم جميعا بخير .
صدق يا صديق دى المره الرابعه منذ أربعة أيام حين مررت على هذا الموضوع كل ما أبدأ فى الكتابه فيه
تحصل أسباب قاهره تمنع ذلك كإنقطاع الحراره عن الهاتف أو إنقطاع التيار الكهربائى أو إستقبال ضيوف
فى ذات اللحظه التى أبدأ فيها
والله عاد ماقصرت تب فى حق الوالدة التى لم تلدك ، الروضه أحمد بابكر والمعروفه باسم الروضه بت فاطنى
رحمها الله بواسع رحمته ، حقا هى كما ذكرت وأكثر فطيلة حياتى لم أسمع أحدا يشتكى أو يتضرر منها ، فقد
أسرت الجميع بفضلها ونقاء سريرتها فبادلوها حبا بحب وودا بود .
وأذكر فى مناسبات صدقة الميتين كانت تغدق علينا بأجود التمر وبالكثير منه ولا تبخل أبدا وكنا نشرب من مزيرتها
دائمة البرودة بحكم تواجدنا فى اللعب بالعبابسى ولقيط تمر الهبوب .
وقد كنت حريصا على زيارتها فى بيتها حال وصولنا للبلد فى العطلات المدرسيه مذ أن كنا بالمرحله المتوسطه
وداومت على ذلك إلى أن توفاها الله ، نسأله لها الرحمه والمغفرة ...
صدق يا صديق دى المره الرابعه منذ أربعة أيام حين مررت على هذا الموضوع كل ما أبدأ فى الكتابه فيه
تحصل أسباب قاهره تمنع ذلك كإنقطاع الحراره عن الهاتف أو إنقطاع التيار الكهربائى أو إستقبال ضيوف
فى ذات اللحظه التى أبدأ فيها
والله عاد ماقصرت تب فى حق الوالدة التى لم تلدك ، الروضه أحمد بابكر والمعروفه باسم الروضه بت فاطنى
رحمها الله بواسع رحمته ، حقا هى كما ذكرت وأكثر فطيلة حياتى لم أسمع أحدا يشتكى أو يتضرر منها ، فقد
أسرت الجميع بفضلها ونقاء سريرتها فبادلوها حبا بحب وودا بود .
وأذكر فى مناسبات صدقة الميتين كانت تغدق علينا بأجود التمر وبالكثير منه ولا تبخل أبدا وكنا نشرب من مزيرتها
دائمة البرودة بحكم تواجدنا فى اللعب بالعبابسى ولقيط تمر الهبوب .
وقد كنت حريصا على زيارتها فى بيتها حال وصولنا للبلد فى العطلات المدرسيه مذ أن كنا بالمرحله المتوسطه
وداومت على ذلك إلى أن توفاها الله ، نسأله لها الرحمه والمغفرة ...
الفكى احمد- V.i.P
- احترام قوانين المنتدى :
عدد المساهمات : 1979
نقاط : 31218
تاريخ التسجيل : 24/06/2010
رد: إنها إمرأة من العبابسة
من طرف صديق عبدالله علي أبوحنة الثلاثاء 21 فبراير 2012, 12:48 am
نعم يا الفكي عارفك حا تعلق عليها، وما شغلك إلا شاغل..
أنت اصغر من ابنها شوال واظن اصغر من بناتها أم الحسين وام الحسن.. ولكن تعاصرتم..
شفتا الناس زمان كيف! نلعب كلنا بنات على أولاد باريحية شديدة واخوية شديدة..
زي ده وين هسي دي
شري كانت وادعة حالمة هانئة ساكنة جميلة خضراء يانعة.. بضة.. كلها وداعة
أنت اصغر من ابنها شوال واظن اصغر من بناتها أم الحسين وام الحسن.. ولكن تعاصرتم..
شفتا الناس زمان كيف! نلعب كلنا بنات على أولاد باريحية شديدة واخوية شديدة..
زي ده وين هسي دي
شري كانت وادعة حالمة هانئة ساكنة جميلة خضراء يانعة.. بضة.. كلها وداعة
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 46225
تاريخ التسجيل : 14/07/2010
رد: إنها إمرأة من العبابسة
من طرف اميره الحومرى الثلاثاء 21 فبراير 2012, 5:19 am
كييف ما متابعيين
بس انت اول الناس الاتكلمتا عن حكايه الزهج والنفس المقفوله
متابعييين وكمان اليوميين ديل بقى عندى مرجع فى البيت يعنى ما قرايه وبس مع ونسه كمان
بس انتا عارف مواضيعك لازم نتمعن فيها كويس بعدين نرد
تقبل مرورى
بس انت اول الناس الاتكلمتا عن حكايه الزهج والنفس المقفوله
متابعييين وكمان اليوميين ديل بقى عندى مرجع فى البيت يعنى ما قرايه وبس مع ونسه كمان
بس انتا عارف مواضيعك لازم نتمعن فيها كويس بعدين نرد
تقبل مرورى
اميره الحومرى- عضو فضي
- احترام قوانين المنتدى :
عدد المساهمات : 717
نقاط : 26486
تاريخ التسجيل : 24/05/2011
رد: إنها إمرأة من العبابسة
من طرف صديق عبدالله علي أبوحنة الثلاثاء 21 فبراير 2012, 5:57 am
ونحن زعلانيين يا استاذة اميرة.. المرجع ده ما حدثتينا بيهو ومن زمان هو قاعد معاكي وجاء للمناسبة السعيدة.ز على الاقل كنا نبارك ليهو.ز ديل اساس الرحمة البي تنزل علينا.. وديل اساس الخير والماعندو كبير يشوف ليهو كبير
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 46225
تاريخ التسجيل : 14/07/2010
رد: إنها إمرأة من العبابسة
من طرف صديق عبدالله علي أبوحنة الجمعة 28 سبتمبر 2012, 7:46 pm
الروضة كانت مرأة تختلف عن جيلها تماما..
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 46225
تاريخ التسجيل : 14/07/2010
رد: إنها إمرأة من العبابسة
من طرف محمد عمر محمد الجمعة 28 سبتمبر 2012, 8:50 pm
شكرا هندسه على السرد الرائع .والرحمه والمغفره للروضه.والله ياهندسه فى ناس الواحد ينسى معروف امه وابوه خليك من ناس قعد معاهم بس 6 شهور .ينطبق عليك قول الشاعر
ان الكرام اذا ماايسروا ذكروا من كان يذكرهم فى المنزل الخشن
...لاول مره اعرف سر تسميه شوال...والغريبه ماسالت نفسى قلت جاى من شنو؟؟شكرا هندسه.
.
ان الكرام اذا ماايسروا ذكروا من كان يذكرهم فى المنزل الخشن
...لاول مره اعرف سر تسميه شوال...والغريبه ماسالت نفسى قلت جاى من شنو؟؟شكرا هندسه.
.
محمد عمر محمد- عضو متميز
.gif "عضو متميز")
- احترام قوانين المنتدى :
عدد المساهمات : 659
نقاط : 27724
تاريخ التسجيل : 20/08/2010
رد: إنها إمرأة من العبابسة
من طرف صديق عبدالله علي أبوحنة السبت 29 سبتمبر 2012, 1:50 am
محمد عمر..
إنت الروضة تتذكرا..!!!
لكن أظن تتذكرا لما رحلوا للنقعة فوق
هل تتذكرهم لما كان بيتهم جنب المشرع! وبعدين شوال ولدها عمل هذا البيت جنينة تمر..
معظم الناس التحت رحلت فوق
وقد سبقهم حسن الفكي الرجل صاحب النظر باربعين عاما في إنو رحل فوق
40 عاما هي الفارق بين عقله وعقلهم في الذكاء. هذا الرجل الدرة..
إنت الروضة تتذكرا..!!!
لكن أظن تتذكرا لما رحلوا للنقعة فوق
هل تتذكرهم لما كان بيتهم جنب المشرع! وبعدين شوال ولدها عمل هذا البيت جنينة تمر..
معظم الناس التحت رحلت فوق
وقد سبقهم حسن الفكي الرجل صاحب النظر باربعين عاما في إنو رحل فوق
40 عاما هي الفارق بين عقله وعقلهم في الذكاء. هذا الرجل الدرة..
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 46225
تاريخ التسجيل : 14/07/2010
رد: إنها إمرأة من العبابسة
من طرف محمد عمر محمد السبت 29 سبتمبر 2012, 3:07 am
والله ياهندسه مابذكرها .واول مره اعرف عثمان ابتمانى ماشقيق اخوانه التانببن.
محمد عمر محمد- عضو متميز
- احترام قوانين المنتدى :
عدد المساهمات : 659
نقاط : 27724
تاريخ التسجيل : 20/08/2010
رد: إنها إمرأة من العبابسة
من طرف صديق عبدالله علي أبوحنة السبت 29 سبتمبر 2012, 4:29 am
نعم ما شقيق أخوانو التانيين عثمان... هو الوحيد أمو بت عوجات فاطمة رحمها الله.. والباقين ناس عبد الله وأخوانو أمهم أختا أم الحسين
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 46225
تاريخ التسجيل : 14/07/2010
رد: إنها إمرأة من العبابسة
من طرف سامى احمد محمد الإثنين 01 أكتوبر 2012, 4:45 pm
رائع . طبعاً الدرر دى أنا لمان إتكتبت كنت فى بلداً طيره عجمى ( مو بتاع عبد الله راجل الروضة ) ونسوى فى الكع ( برضو مو كع الجماعه يا هن ، بقينا نخاف ) ويا دوب قريت الموضوع . بالرغم أنى وجدتها جالسى وعميانى لكنى أذكرها جيداً ودائماً تسأل عن الآخرين رحمها الله . تشكر يا مرجع .
تخريمة !!! من هم القوم ؟ أرجو أن تكتب عنهم لنعلم وشكراً .
تخريمة !!! من هم القوم ؟ أرجو أن تكتب عنهم لنعلم وشكراً .
سامى احمد محمد- V.i.P
- احترام قوانين المنتدى :
عدد المساهمات : 1075
نقاط : 25353
تاريخ التسجيل : 04/07/2012
رد: إنها إمرأة من العبابسة
من طرف صديق عبدالله علي أبوحنة الإثنين 01 أكتوبر 2012, 6:22 pm
تسلم سامي على المرور
وردت وين كلمة القوم دي في المقال ده؟
انا نسيت
المهم القوم عندها عدة معاني في عرف أهلنا وفي عرف التصوف
وفي الحديث والسنة وفي اللغة
كدي نشوفا وردت كيف؟
ذكرني
وبعدين بي يجي شرحها في النص المعين
وردت وين كلمة القوم دي في المقال ده؟
انا نسيت
المهم القوم عندها عدة معاني في عرف أهلنا وفي عرف التصوف
وفي الحديث والسنة وفي اللغة
كدي نشوفا وردت كيف؟
ذكرني
وبعدين بي يجي شرحها في النص المعين
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 46225
تاريخ التسجيل : 14/07/2010
رد: إنها إمرأة من العبابسة
من طرف سامى احمد محمد الإثنين 01 أكتوبر 2012, 10:15 pm
شكرا يا مرجع . لم ترد هنا ولكنى تذكرتها فقط . من دعوات النساء الكبار بقولوا : يا حجاز القوم . اظنها غارة أو هجوم قديم إجتاح المنطقة . وشكراُ
سامى احمد محمد- V.i.P
- احترام قوانين المنتدى :
عدد المساهمات : 1075
نقاط : 25353
تاريخ التسجيل : 04/07/2012
رد: إنها إمرأة من العبابسة
من طرف صديق عبدالله علي أبوحنة الخميس 04 أبريل 2013, 1:18 am
أيوة يا سامي
يا حجّاز القوم كانت دعوة تقال.. وهي فعلا من اثر غارة قديمة..
لها الرحمة هذه المرأة العظيمة الروضة أحمد بابكر
يا حجّاز القوم كانت دعوة تقال.. وهي فعلا من اثر غارة قديمة..
لها الرحمة هذه المرأة العظيمة الروضة أحمد بابكر
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 46225
تاريخ التسجيل : 14/07/2010
رد: إنها إمرأة من العبابسة
من طرف صديق عبدالله علي أبوحنة الإثنين 23 سبتمبر 2013, 2:00 am
حجاّز القوم.. تقال كدعاء برضو يا سامي.. موش غارة عادية، هي غارة الأولياء في بعضهم.. وأسلوب الغارة لايفهمه سوى المتصوفة.. تدخل فيه مسائل كثيرة جداً في التحقيق والتربية الصوفية ، يطول شرحها، ولهم أسلوبهم الخاص.. وطريقتهم الخاصة.. على كل حال هو حدث ماثل في المجتمع السوداني.اختلف معه البعض أو اتفق..
وكانت حجّاز القوم كما ذكرت دعوة تقال من الأمهات يا سامي كما ذكرت أنت..
وحجاز القوم هو ولي مثلهم.ولكنه مقامه الروحي ودرجة ولايته أكبر من الفقرا المتغاورين.عشان كدة بيقدر على حسمهم..
وحينما تطلب النساء وتتوسل بحجاز القوم عند الله قد عرفن قامته الروحية الكبيرة، وقد قال تعالي(يَا أَيُّهَا الَّذِينَ آمَنُوا اتَّقُوا اللَّـهَ وَابْتَغُوا إِلَيْهِ الْوَسِيلَةَ وَجَاهِدُوا فِي سَبِيلِهِ لَعَلَّكُمْ تُفْلِحُونَ ) ثم قال تعالي (أُولَـٰئِكَ الَّذِينَ يَدْعُونَ يَبْتَغُونَ إِلَىٰ رَبِّهِمُ الْوَسِيلَةَ أَيُّهُمْ أَقْرَبُ وَيَرْجُونَ رَحْمَتَهُ وَيَخَافُونَ عَذَابَهُ ۚ إِنَّ عَذَابَ رَبِّكَ كَانَ مَحْذُورًا) وأعظم وسيلة لله طبعا.. هو النبي صلى الله عليه وسلم... ومقام الوسيلة أحد مقاماته.. اللهم آت محمدا الوسيلة والفضيلة والدرجة العاليةالرفيعة.. يعني يتوسل الينا عند الله سبحانه وتعالى ليخرج المذنبين من النار الى الجنة.. وهو رؤوف رحيم بنا.. وقد قال تعالى عنه..(لَقَدْ جَاءَكُمْ رَسُولٌ مِّنْ أَنفُسِكُمْ عَزِيزٌ عَلَيْهِ مَا عَنِتُّمْ حَرِيصٌ عَلَيْكُم بِالْمُؤْمِنِينَ رَءُوفٌ رَّحِيمٌ ) وقالت السيدة عائشة رضي الله عنها عنه( كانت أخلاقه القرآن) وقد قال هو عن نفسه ( أدبني ربي فأحسن تأديبي) وقال هو عن رأفته بنا( لايشتاك أحدهم الشوكة! إلا وأجد ألمها في نفسي) يعني إذا فرد من أمتى حتى ولو طعنتوا شوكة! أنا الله يبلغني بها وأشعر بألمها كما شعر هو.. زي ماقال سيدنا عمر رضي الله عنه.. ( ليت أم عمر لم تلد عمر! لو عثرت بغلة بالعراق، لسأل الله عنها عمر، لم لم تسو لها الطريق!)
والوسيلة العظمى التانية.هي ( القرآن الكريم)
وأهلنا الكرام ناس كدباس عندهم مقولة، يقولوا ليك ( الما عندو شيخ شيخو الشيطان) وكان زمان سلفنا الصالح عندما يريدون تعريف كاتب، أو فقيه، او عالم ، يقولوا ليك.. تلقى الفقه على فلان.. وتلقى الأدب على شيخ فلان، وتلقى الأجرومية على شيخ فلان، وقرأ الصحيحين على شيخ فلان، وتلقى التجويد على شيخ فلان.. إذن بالطريقة دي ، في مرحلة ما.أصبح بالضرورة لكل منا شيخ.. موش بالضرورة يكون شيخ طريقة. شيخ يعلمك.. والمحبة في الدين لازمة من لوازم القرب.. ضرورية للغاية والشيخ فرح ود تكتوك قال: ( الما عندو محبة! ماعندو الحبة) وقال: ( العندو حبة محبة! ما خلى الحبة !) يقصد محبة الله ومحبة النبي عليه السلام ومحبة القرآن.. ومحبة من علمه علوم الدين.. إذن بالطريقة دي ما راح يكون شيخ أي واحد فينا الشيطان.ز لأنو في مرحلة عمرية معينة بيكون زول علمك القرآن.. التلاوة.. علوم الحديث وغيرها ..
برضو عندهم طريقة في الدعاء تدعو للتسامح بين المذاهب والطرق الدينية مثلا إذا جمعتهم مناسبة عزاء أو وليمة. وكان في الوليمة مجموعات دينية زي خاتمية وقادرية وغيرهم.. أثناء الفاتحة بعد الصلاة يقول الإمام ( كل طريقة بي طريقتا، اللهم ثبتهم بالقول الثابت) وقد يكون صلى بالمناصير المجتمعين أي واحد من هؤلاء المجتمعين في منتهى التسامح ، بدون تشاحن.. من ناس الطريقة التانية..
وكانت حجّاز القوم كما ذكرت دعوة تقال من الأمهات يا سامي كما ذكرت أنت..
وحجاز القوم هو ولي مثلهم.ولكنه مقامه الروحي ودرجة ولايته أكبر من الفقرا المتغاورين.عشان كدة بيقدر على حسمهم..
وحينما تطلب النساء وتتوسل بحجاز القوم عند الله قد عرفن قامته الروحية الكبيرة، وقد قال تعالي(يَا أَيُّهَا الَّذِينَ آمَنُوا اتَّقُوا اللَّـهَ وَابْتَغُوا إِلَيْهِ الْوَسِيلَةَ وَجَاهِدُوا فِي سَبِيلِهِ لَعَلَّكُمْ تُفْلِحُونَ ) ثم قال تعالي (أُولَـٰئِكَ الَّذِينَ يَدْعُونَ يَبْتَغُونَ إِلَىٰ رَبِّهِمُ الْوَسِيلَةَ أَيُّهُمْ أَقْرَبُ وَيَرْجُونَ رَحْمَتَهُ وَيَخَافُونَ عَذَابَهُ ۚ إِنَّ عَذَابَ رَبِّكَ كَانَ مَحْذُورًا) وأعظم وسيلة لله طبعا.. هو النبي صلى الله عليه وسلم... ومقام الوسيلة أحد مقاماته.. اللهم آت محمدا الوسيلة والفضيلة والدرجة العاليةالرفيعة.. يعني يتوسل الينا عند الله سبحانه وتعالى ليخرج المذنبين من النار الى الجنة.. وهو رؤوف رحيم بنا.. وقد قال تعالى عنه..(لَقَدْ جَاءَكُمْ رَسُولٌ مِّنْ أَنفُسِكُمْ عَزِيزٌ عَلَيْهِ مَا عَنِتُّمْ حَرِيصٌ عَلَيْكُم بِالْمُؤْمِنِينَ رَءُوفٌ رَّحِيمٌ ) وقالت السيدة عائشة رضي الله عنها عنه( كانت أخلاقه القرآن) وقد قال هو عن نفسه ( أدبني ربي فأحسن تأديبي) وقال هو عن رأفته بنا( لايشتاك أحدهم الشوكة! إلا وأجد ألمها في نفسي) يعني إذا فرد من أمتى حتى ولو طعنتوا شوكة! أنا الله يبلغني بها وأشعر بألمها كما شعر هو.. زي ماقال سيدنا عمر رضي الله عنه.. ( ليت أم عمر لم تلد عمر! لو عثرت بغلة بالعراق، لسأل الله عنها عمر، لم لم تسو لها الطريق!)
والوسيلة العظمى التانية.هي ( القرآن الكريم)
وأهلنا الكرام ناس كدباس عندهم مقولة، يقولوا ليك ( الما عندو شيخ شيخو الشيطان) وكان زمان سلفنا الصالح عندما يريدون تعريف كاتب، أو فقيه، او عالم ، يقولوا ليك.. تلقى الفقه على فلان.. وتلقى الأدب على شيخ فلان، وتلقى الأجرومية على شيخ فلان، وقرأ الصحيحين على شيخ فلان، وتلقى التجويد على شيخ فلان.. إذن بالطريقة دي ، في مرحلة ما.أصبح بالضرورة لكل منا شيخ.. موش بالضرورة يكون شيخ طريقة. شيخ يعلمك.. والمحبة في الدين لازمة من لوازم القرب.. ضرورية للغاية والشيخ فرح ود تكتوك قال: ( الما عندو محبة! ماعندو الحبة) وقال: ( العندو حبة محبة! ما خلى الحبة !) يقصد محبة الله ومحبة النبي عليه السلام ومحبة القرآن.. ومحبة من علمه علوم الدين.. إذن بالطريقة دي ما راح يكون شيخ أي واحد فينا الشيطان.ز لأنو في مرحلة عمرية معينة بيكون زول علمك القرآن.. التلاوة.. علوم الحديث وغيرها ..
برضو عندهم طريقة في الدعاء تدعو للتسامح بين المذاهب والطرق الدينية مثلا إذا جمعتهم مناسبة عزاء أو وليمة. وكان في الوليمة مجموعات دينية زي خاتمية وقادرية وغيرهم.. أثناء الفاتحة بعد الصلاة يقول الإمام ( كل طريقة بي طريقتا، اللهم ثبتهم بالقول الثابت) وقد يكون صلى بالمناصير المجتمعين أي واحد من هؤلاء المجتمعين في منتهى التسامح ، بدون تشاحن.. من ناس الطريقة التانية..
صديق عبدالله علي أبوحنة- كبار الشخصيات
-
احترام قوانين المنتدى :
عدد المساهمات : 7523
نقاط : 46225
تاريخ التسجيل : 14/07/2010
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى