حقنا نسال منو منو ؟؟؟

من طرف **ابو مصطفى** الخميس 15 يوليو 2010, 6:24 pm

تذكير بمساهمة فاتح الموضوع :

حقيقة وبكل بساطة حتى الان ماعدت اصدق ان حكومة السودان الحالية او القادمة سوف تاتى يوم وتقول للمناصير تمركم الغرقان وبيوتكم وكل ما تملكون من طين وعجين يساوى بالقيم المالية كده وهاكم يا جماعة حقكم ولعله كنت فى مامورية الى دنقلا وفى مروى بقهوة ومطعم ود يسن الشهير سالنى واحد من الاخوة مجموعة من الاسئلة . اين اللجنة وقلت له اللجنة نائمة ؟؟ واين المعتمد وقلت له موجود واين نائب الدائرة واين البرجوب واين واين وفترت من اين واين ؟؟؟ بحكم انى اتيت من الخرطوم وهى مربط الفرس والخبر النهائى فيها؟؟؟؟ واخيرا قال لى اين حقنا واين نجده وقام واحد من الحاضرين ورد عليه عاوز حقك ؟؟ عدى على بونى؟؟؟ ولعل قصة عدى على بونى هى رواية ولها حكاية وانا من موليد تلك المنطقة واصل الحكاية زمان فى مراكب الخشب الكبيرة وكان ناس الجزائر يجروا المراكب الشراعية الكبيرة لى سوق السلمات او سوق النعوفاب حيث يتم قضاء الاغراض من بيع وشراء للحاجات وكل الحاجات داخل المركب (مركب الخشب الكبيرة ) ولعل البحر عنده رواس وناس خبرة وصاحب القصة (عدى على بونى اسمه ودكلس ) محمد احمد فضل عم محمد احمد منصور كلس والحقيقة كانت فى مفترق المفلق وهى شيمة كبيرة جدا بين دماج وبونى حيث يلتقى فيها البحر من اربعة اتجاهات واغرقت كل المراكب وخطيرة جدا
فود كلس بدل من ان يقول لى الجرارين ( هم الذين يجرون المركب من برتى للكاب ) عدوا على دماج قال لهم عدوا على بونى والمركب شاحنة تقيل جدا واداها معداية واحدة قوية على بونى وسط الشلال والفقاعة وقديح الجور لف المركب كمان وغرقت بكل ما تحمل من مواد - جاز - سكر - زيت وغيره والناس على شاطى النيل فى انتظار الرواسى ودكلس واستلام كافة اغراضهم واذا به يصل ويسالونه عن حقهم واجاب عنه الجرار قال ما قالنا عدوا على بونى ؟؟؟ وبقت مثل لى يومنا هذا

الطيب محمد عبد الرحيم
دماج

من طرف **ALIHADOWRY** الإثنين 01 نوفمبر 2010, 9:01 pm

كما قلت انت رئيس اللجنة من كبار رجالات الدولة وانا رجل شحاذ لا استطيع التعامل مع السيستم بتاع دولتكم الموقرة

من طرف **ابو مصطفى** الثلاثاء 02 نوفمبر 2010, 2:28 pm

حدورى انت عاوز تاخذمن زمنى فى كلام ماعندو نهاية وانت فاهم كويس الموضوع انا ما لى ومال الدولةبى رجالتها وقانونها فقط انا عندى حق ضايع حتى الان ما استلمته ؟؟؟؟ وابحث عنه ؟؟؟؟ ومتى ما اجده سوف اختم والسلام ؟؟؟ لكن ما تدخل لى مواضيعك السياسية ومشكلتك مع الدولة والاحزاب والسياسين فى موضوعى الرئيسى ؟؟؟؟

ابو مصطفى

من طرف **ALIHADOWRY** الثلاثاء 02 نوفمبر 2010, 4:57 pm

اخى ابومصطفى الموضوع مافيهو سياسة ولا حاجة حقك كيف يضيع فى دولة العابدين الساجدين وانت ليك اربعة سنين تفتش فيهو اذا راح مابين ملك السدود والكهرباء وعملائة من اللجنة التنفيذية وهم رجالات دولة الا انا الشحاذ البقول الفيلة دايرة فيل طبعا الشحاذ رزقو على اللة ورجل عجوز مثلى يكتفى بالقليل من الدنيا

من طرف **ابو مصطفى** الثلاثاء 02 نوفمبر 2010, 5:02 pm

من طرف **ALIHADOWRY** الثلاثاء 02 نوفمبر 2010, 7:05 pm

اخى ابومصطفى تانى رجعنا لىUP ربنا يديك حقك ويفكنا منها

من طرف **ابو مصطفى** الثلاثاء 02 نوفمبر 2010, 7:34 pm

امين يا عم على

ابو مصطفى سلام
نحنا صبرنا كتير وقالو فى المثل ان قلبك الصبر اصبر شوية .
فالمستقبل بالمعطيات القدامنا لا تبشر بانفراج فى حقوقنا فى الايام القليلة الجاية فعلينا ان ندعو الله ونكلف من يذهب الى الاماكن المقدسة بالدعوة لنا فان كنا مظلومين فليس هناك حجاب بين دعوتناوخالق السماوات.

من طرف **ابو مصطفى** الثلاثاء 02 نوفمبر 2010, 8:07 pm

عليك الله يا المجذوب شفت اهلنا بقوا كيف والله انا خلاص صبرى كمل مرة واحدة والحال يغنى عن السؤال ومازلنا نشد المطايا ولا ننيخها حتى نحصل على حقنا ؟؟؟ وهى دعوات اليتامى والارامل والمساكين سوف تصيب من تصيب وندعو الله ببركة حجاج بيته الحرام ان لايجعل في من تسبب فى تاخير وعرقلة وضياع حق اهلنا بركة ؟؟؟

تحياتى
ابو مصطفى

من طرف **ALIHADOWRY** الثلاثاء 02 نوفمبر 2010, 8:28 pm

امين ابنى ابومصطفى

من طرف **ابو مصطفى** الخميس 04 نوفمبر 2010, 7:34 pm

سمعنا بان وزارة العدل عندها مؤتمر صحفى حول استئناف المناصير عن حقوقهم والمفترض يعقد يوم الاربعاء الماضى لكن تم تاجيله واذا قدر الله انه طلع وحق الناس طلع تكون هذه سلامة كبيرة حق الناس يمرق فى السهلى وابو مصطفى يختم عموده وياما انت كريم يارب ؟؟؟؟

تحياتى

ابو مصطفى

من طرف **ALIHADOWRY** الخميس 04 نوفمبر 2010, 7:51 pm

مع البيانات بتاعت الرشيد نعمل شنو يابو مصطفى

من طرف **خالد عابدين** الخميس 04 نوفمبر 2010, 7:59 pm

ياريت يابو مصطفى
لاتختم العمود فما زالت الأيام حبلى بالكثير والخطير ولانقول القادم احلى
فلازالت مجالس المدينة تقوم وتقعد
وستبدي لك الايام ذلك
مشاريع مازالت معطلة وستظل وغدا ستسمع الاعتذارات عن التمويل ومافي قروش وأكلو الكسرة - ما أصلو من الله خلقنا بيناكل فيها ومتربيين الحمد لله بالكسري المرة
وكمان حقوق غائبة وبعد ماينفد صبر الناس تظهر مؤتمرات وفلاشات وكشوفات واستحقاقات وتصبيرات
غدا ستسمع
عن وحدة السدود التي لازالت تمارس لعبتها القذرة بيننا
غدا ستسمع عن الاغراءات الخرافية للافراد المؤثرين في كل قرية ليهاجروا ويصحبوا معهم من يسمعون قولهم
وياخبر الليلة بفلوس بكرة ببلاش على قول المصريين

من طرف **ابو مصطفى** الخميس 04 نوفمبر 2010, 8:08 pm

الاخ خالد الاخ حدورى شكرا على المرور ولعله ختام العمود باستلام الحقوق ولو جزء منها ونحن صابرين
وساصبر حتى يعجز الصبر عن صبرى
وساصبر حتى يعلم الصبر بانى صابرا

لكم تحياتى جميعا
ابو مصطفى

من طرف **ابو مصطفى** الأحد 07 نوفمبر 2010, 5:39 pm

اجتمع وزير العدل واركان حربه والحكومة بى حالها وبى كامل رجالاتها ومسمياتهم العلنية والخفية فى محاولة نشر كشوفات حقوق المناصير وعاوز اقول حاجة على الرغم من انى حتى الان لم اطلع على الكتيب الذى يقولونه ولعله من قبل قد طلع كتيب لكن فيه ملاحظات ناس يشطب وناس يشطب ويجلد وغيره من الاخطاء وكمية من الشباب متزوجين ومستقرين وجاء الخزان بتحطيم كل احلامهم زى ديل حقهم عن منو وتسال منو منو؟؟؟ غايتو يا جماعة الامر ليس من السهل ان تنصف الحكومة المناصير وكما ذكر كاتب الخبر هنالك قضاء يعنى تدور على حقك داخل مكاتب ودواوين الحكومة ياخى والله كان عندك حاجة رايحة الزمن دا وفتحت ليك بلاغ ورحت تدخل وتمرق فى مكاتب الحكومة ديل والله الجوع يكتلك وزمنك يروح بدون نتيجة ؟؟؟؟؟

غايتو الله يسهل القاسى وينصف المظلوم ؟؟؟

ابو مصطفى

من طرف **ALIHADOWRY** الأحد 07 نوفمبر 2010, 6:20 pm

اخى ابو مصطفى تابعت المؤتمر الصحفى لوزارة العدل بكل مافية من رئيس اللجنة التنفيذية وتذكرت حقنا كاش خيارنا محلى ونائب دائرة ابو حمد رئيس مجلس شركة البرجوب الزراعية لمشروع كحيلة شرق وغياب تام فى تمثيل المهجرين ومشكور نائب دائرة ابوحمد لاستلامة كشوفات المهجرين فى خلاصة الامر ظهر اعوان ادارة السد فى الاعلام مع وزير العدل بعد ان كان الاحصاء يكفى من كل المسرحيات السمجة التى صدقها اغلبية اهلنا فتحاربو وتقاطعوا وتناجزوا فهاهو والى الشمالية يدعوا لرتق النسيج الاجتماعى وهى دعوة حميدة فهل وعينا الدرس ام قيد نصب الحصان قادم

من طرف **ابو مصطفى** الإثنين 08 نوفمبر 2010, 5:21 pm

حقيقة يا عم على المفترض نحن نكون قد وعينا الدرس
واستفدنا من مرواقة الحكومة فى كثير من المطبات ولكن المشكلة ليست فى الحكومة نفسها وانما فى من يمثل القبيلة ويلحس فى عسل الحكومة وهؤلاء هم من يدعون الى رتق النسيج الاجتماعى ومالو ما ناس واسرة كتيرة تحصل مناسابات كتيرة فى المكابراب او فى البحيرة او غيره والاسر تقوم وتقعد مسالة النسيج الاجتماعى نحن المناصير محلولة عندنا بس قولى كيف الحكومة تدينا حقنا وكمان جابت ليها قضاء والله دا كلام ؟؟؟

تحياتى
ابو مصطفى

ابو مصطفى كتب:سمعنا بان وزارة العدل عندها مؤتمر صحفى حول استئناف المناصير عن حقوقهم والمفترض يعقد يوم الاربعاء الماضى لكن تم تاجيله واذا قدر الله انه طلع وحق الناس طلع تكون هذه سلامة كبيرة حق الناس يمرق فى السهلى وابو مصطفى يختم عموده وياما انت كريم يارب ؟؟؟؟

تحياتى

ابو مصطفى

أبو مصطفى .. أيها المنصوري المعتق الموقد نار .. والله عمودك دا ما عندو نهاية .. فالدوامة ما زالت مستمرة
والظلم لا زال .. فإن رضي البعض بما تيسر فإن الغالبية لم تجد حقها ولو اليسير منه ..
ولا زالت نخلاتنا توزع بالسيسي .. والله غالب ..
أخي لا زال الموضوع متواصلا .. والسؤال ما زال قائم ... شتات الأفكار متواصل ..
وآخر الحكاية قالوا تحكيم قضائي !! طيب الفات دا شنو ؟ مماطلة ؟ إهدار وقت ؟
قال وزارة عدل .. لا بالله ... وزيرها الحالي .. ترضيات ... ووكيلها تاجر آثار .. ورئيس التيم .. سمسار
والله غالب ..

من طرف **ابو مصطفى** الإثنين 08 نوفمبر 2010, 8:20 pm

شكرا ود المناصير على المرور مال اصل الحكاية والطامة وقعت على شعب مسالم لكن الله غالب وبعدين الظلم ظلمات وربنا حرم الظلم وحزر منه بصريح اياته لكن نحن مشكلتنا فى غادة وزعماء المناصير الذين يتحدثون باسم البلد ويتاجرون بقضية البلد وفى ناس مساكين وارامل وعجائز واطفال قصر وغيره والله انا مرات ببكى عندما اكتب فى هذا العمود واتذكر فى ناس فى الكريتى وبونى ودربى وغيرها من الجزائر التى تاثرت كثير جدا بالخزان والناس فقدت كل شى فى ساعات ياخى والله غير الحجر الاسود والموية مافى حاجة والله الناس حتى لون جلدها اتغير ؟؟؟؟ وشكلها اتغير ؟؟؟ وناس كتيرة ماتت والسبب الخزان فقدوا كل شى - لا فى حوض يجيبوا منو بصلة ولا خضرة ولا بامية ولا حبة تمرة ولا حبة قش للغنيمات يا خى الناس تعيش كيف ؟؟؟
غايتو الله يجازى الكان السبب ؟؟؟؟ ولكل ظالم نهاية

تحياتى
ابو مصطفى

من طرف **ALIHADOWRY** الثلاثاء 09 نوفمبر 2010, 6:43 pm

هذا مافعلة مثقفى المناصير باهلهم اخى ابومصطفى عارا ان نرى رئيس اللجنة التنفيذية مدير جوازات قبيلة المناصير صاحب شعار حقنا كاش خيارنا محلى يشكر وزارة العدل فى هذا المؤتمر وهى تبخس الناس اشيائهم

من طرف **ابو مصطفى** الثلاثاء 09 نوفمبر 2010, 7:10 pm

ياحدورى السيد احمد عبد الفتاح / مدير شركة بشائر / رئيس اللجنة التنفيذية/ هذا الرجل مع الحكومة وانت تعلم ذلك جيدا فانت لا تقل مثقفى القبيلة بل قل سياسيى القبيلة / ولعل السياسية فعلت فى السودان كله ما لايفعله الكلب فى الخمارة ؟؟؟ فنحن مشكلتنا كانت مع قادتنا فانا عاوز اقول حاجة واحدة اذا انت ما بتقدر تجيب لى اهلك حقهم يا خى قدم استقالتك ؟؟؟؟ زى ما فعل عبيد الله بتاع بنك ام درمان الوطنى من قبل ؟؟؟وزى ما فعل السيد البرجوب وقدم استقالته من المجلس لانه خاف على مصالحه ولكن مرة اخرى عاد ورشح نفسه داخل البرلمان وتربع داخل الحكومة ومشكلة المناصير قائمة واذا انت ما بتقدر تشيل الشيلة ارتاح عند اهلك ؟؟؟ لكن يتخيل لى ان السيد احمد عبد الفتاح
حسب موقعه من الاعراب ؟؟ حاسى بانه سوف يصل الى حل او كانه عنده مصباح علاء الدين السحرى لحل ازمة المناصير ؟؟؟ لكن حقيقة وليس ادعاء هذه الحلول التى يجرى وراءها الرجل طال مجالها وفى اعتقادى هى انصاف حلول وليست حلول كاملة وهذا هو السبب الرئيسى الذى ادى الى تنحى عمك المقدوم عن اللجنة ؟؟؟؟ فنحن لا نرضى بانصاف الحلول على الاطلاق فلتذهب الحكومة الى ما تذهب اليه وربنا ليس بظلام للعبيد ؟؟؟؟

تحياتى
ابو مصطفى

من طرف **ALIHADOWRY** الثلاثاء 09 نوفمبر 2010, 8:09 pm

فى الحق لاتوجد انصاف حلول اخى ابومصطفى مها سياسة فن الممكن منع الحصر قدم المناصير للحكومة والسد على طبق من ذهب تعطى من تريد وتمنع من تريد وخصوصا اهلنا لم يعرفوا ثقافة المستند فى ملكية الارض او المغروسات او الممتلكات عموما وهو مادى الى هذة المهزلة

من طرف **ابو مصطفى** الثلاثاء 09 نوفمبر 2010, 8:30 pm

فى الحق لاتوجد انصاف حلول

نعم- نعم- نعم
لكن يا عم على المال تلتو ولا كتلتو ؟؟؟؟ نسوى كيفن الحكومة ايدها قوية وبطنها غريقة شديد ؟؟؟ واعوانها كتار خالص خالص ؟؟؟؟؟ واسمع كلامى كان الموت بى يحل كان متنا زمان لكن الموت ماهو حل ؟؟؟؟

تحياتى
ابو مصطفى

من طرف **ALIHADOWRY** الثلاثاء 09 نوفمبر 2010, 8:42 pm

النعرف الحق وماضاع حق وراءه مطالب

من طرف **ابو مصطفى** الخميس 11 نوفمبر 2010, 4:50 pm

من طرف **ALIHADOWRY** الخميس 11 نوفمبر 2010, 6:16 pm

اخى ابو مصطفى رجعنا لاب تانى ماتبقى نحن اصحاب حق فلنا الصدر دون العالمين او القبر عيب ان ارى اليتامى والارامل بين اهلى وحقوقهم تتلاعب بها حفنة من شواذ الناس

الاخوان الاعزاء اتطلعت على جزو يسير من مداخلات الاخوان حقنا نسال منو منو عاوز اجابه شافية نحنا مركبنا شالت الشيمى

من طرف **ابو مصطفى** الثلاثاء 23 نوفمبر 2010, 8:49 pm

والله نحن مش شالتها الشيمة ؟؟؟؟ بى نجيبها ان بقينا حيين ما متنا واصلو نموت كم مرة ؟؟؟ يا اخى عليك الله ناس الخزان ديل والله ضرونا ضرورة كبيرة خلاص والله ضرورة لا يعلمها الا الله ؟؟؟ يا خى فى ناس بالذات جزائرنا لا تحت ما فضل شى غير الحجر والموية وناس كان راس مالهم حمار ومات ؟؟؟ والناس كانت حياتهم شوية غنيمات وحبة تمير والامور ما شى لكن جاء الخزان خلانا قاعدين ضيوف شرف ؟؟ عندنا ناس والله جنت وفى ناس بقت تغنى ؟؟ وفى ناس بقوا يدخلوا ويمرقوا فى الخيمة بلا غرض وناس سافرت بى عدلها لى دريبك دا وفى ناس غرقت اى والله ؟؟؟؟يا اخى قلبى يكاد ان يتمزق من الالم ؟؟؟؟ والعجيب فى الامر ناس راكبة عربات ومكيفات وقروش تسوى فى التلل؟؟ وما جايبة للدنيا خبر ؟؟؟ والله والله والله ؟؟ اسمعوا كلامى دا فى حساب ؟؟ يوم الحساب ؟؟؟ وفى كلام يوم ينادى المنادى يا ناس انتو ناسين عزاب القبر والظلم كعب ربنا حرمه على نفسه ؟؟؟؟ والله انت شبعان وجارك جعان ربنا يحاسبك ؟؟ خليك من تدمر حياة شعب باكمله ؟؟؟؟ لا حولة ولاقوة لا بالله ؟؟؟

تحياتى
ابو مصطفى

من طرف **ابو مصطفى** الثلاثاء 30 نوفمبر 2010, 7:06 pm

حقنا خلاص بقى كل مرة يجى زول ياخذ ليه فيه لحسة نامت يكمل ؟؟؟ كان من ناس البلد او من الحكومة ؟؟؟؟

من طرف **ALIHADOWRY** الثلاثاء 30 نوفمبر 2010, 7:25 pm

لسع يابو مصطفى ماشفت الريس يقول حقكم محفوظ وهو يشير الى بطنة

من طرف **ابو مصطفى** الأربعاء 01 ديسمبر 2010, 3:20 pm

والله يا حدورى عندى مشكلة كبيرة خالص فى حقنا ويتخيل لى الحكومة نفسها لاتستطيع ان تقيس وتعرفون جيدا القياس وما ادراك ما القياس ؟؟؟ لان القياس يقودك الى الكم ؟؟؟؟ يعنى برميل مويه يساوى كم لتر او كم جالون فحقنا يساوى كم والله خزينة بنك السودان ما تسنطيع ان تغطيه قولى ليه ؟؟؟؟ ولماذا لانه حقنا يحتوى على اشياء معنوية واشياء حسية محسوسة ومقاسة بالكم والكيف ؟؟ ياخى روح من امامى ؟؟؟ عليك الله ريحة البرم وشجر الطلح والسنط يقاس كيف حس الدباس يقوقى فوق غصونو وتحت مويه صافية من اعذب نهر فى العالم بحير الحارة يقاس كيف ؟ حس الضان يكورك يسوى فى العاع داخل زريبته وعجوز من الاربعين تكشح ليهو فى قصبات قبل الفطور يقاس كيف ؟؟ لمة نسوان الله يكرمكم فى جرفا كله لوبيا البى تدولق تدولق وهناك فى نهاية المشرع فى سفارى جاى ؟؟ وخلن حشهن وتلمن كويم كاتلن الشمار يقاس كيف ؟؟؟ حس بابورا من الفجراوى ضاربه مويته فى جدول يسوى الشو وعيشو شايل الندى وريحة جرفو لافليل دمور ولاباريس ؟؟؟ يقاس كيف ؟؟؟ تقولى شنو وتقولى منو ؟؟؟ لمة ناس الفطور فى الخلوة ودواين حاج على تقاس كيف ؟؟؟ السارح بى نعجاتو فى اخر الجرف وماسك طنبور يغنى ما جايب للدنيا خبر ؟ عايش والله فى عالم تانى وناسى كل احزانه وعايش لحظة وجدانية ؟؟؟ تقاس كيف ؟؟؟ المهم جاء الخزان وشال ما شال ؟؟؟ وغير الحسرات والبكى والانات على الفات ما لقينا شى والله عزيزة علينا البلد الفوقك اتربينا ؟؟ عزيزة علينا بلدا محفوظة بى قدرة قادر ؟؟؟؟ وبرضو تقولى حقك يجيك ؟؟؟ والله حقى كتير وحقى كبير ؟؟؟؟ وانت ما بتقدر تقيس ولا اليوم ولا باكر يا خى ما معقول ؟؟؟ فاتها دار ونس فى العصير والجبل حد المناصير طله طله على المناصير ويا قمر سلم لى كتير ؟؟ يا قمر سلم لى كتير ؟؟؟ انتو قايلنو قمر منو ؟؟؟ قمر ذاتو دايرلو قياس ؟؟ لانو مامعروف قمر منو ؟؟؟؟ قمر الافندى قمر من القمراب ؟؟ قمر السبعتين قمر من حسان المناصير المهم يا قمر سلم لى كتير ؟؟؟؟
وحقى كتير ويعجز القياس المحاسبى والاقتصادى عن قياسه وتحوله الى لغة الارقام والله لا فى النظرية الاقتصادية ولا حتى فى النظرية المحاسبية ولا اعلم عالم فى الدنيا بقدر يقيس لى حقى ؟؟؟ وحقى بجيبو لو انعدم طبال ؟؟؟؟

تحياتى
ابو مصطفى

من طرف **الرشيد طه** الأربعاء 01 ديسمبر 2010, 7:29 pm

ابو مصطفى كتب:والله يا حدورى عندى مشكلة كبيرة خالص فى حقنا ويتخيل لى الحكومة نفسها لاتستطيع ان تقيس وتعرفون جيدا القياس وما ادراك ما القياس ؟؟؟ لان القياس يقودك الى الكم ؟؟؟؟ يعنى برميل مويه يساوى كم لتر او كم جالون فحقنا يساوى كم والله خزينة بنك السودان ما تسنطيع ان تغطيه قولى ليه ؟؟؟؟ ولماذا لانه حقنا يحتوى على اشياء معنوية واشياء حسية محسوسة ومقاسة بالكم والكيف ؟؟ ياخى روح من امامى ؟؟؟ عليك الله ريحة البرم وشجر الطلح والسنط يقاس كيف حس الدباس يقوقى فوق غصونو وتحت مويه صافية من اعذب نهر فى العالم بحير الحارة يقاس كيف ؟ حس الضان يكورك يسوى فى العاع داخل زريبته وعجوز من الاربعين تكشح ليهو فى قصبات قبل الفطور يقاس كيف ؟؟ لمة نسوان الله يكرمكم فى جرفا كله لوبيا البى تدولق تدولق وهناك فى نهاية المشرع فى سفارى جاى ؟؟ وخلن حشهن وتلمن كويم كاتلن الشمار يقاس كيف ؟؟؟ حس بابورا من الفجراوى ضاربه مويته فى جدول يسوى الشو وعيشو شايل الندى وريحة جرفو لافليل دمور ولاباريس ؟؟؟ يقاس كيف ؟؟؟ تقولى شنو وتقولى منو ؟؟؟ لمة ناس الفطور فى الخلوة ودواين حاج على تقاس كيف ؟؟؟ السارح بى نعجاتو فى اخر الجرف وماسك طنبور يغنى ما جايب للدنيا خبر ؟ عايش والله فى عالم تانى وناسى كل احزانه وعايش لحظة وجدانية ؟؟؟ تقاس كيف ؟؟؟ المهم جاء الخزان وشال ما شال ؟؟؟ وغير الحسرات والبكى والانات على الفات ما لقينا شى والله عزيزة علينا البلد الفوقك اتربينا ؟؟ عزيزة علينا بلدا محفوظة بى قدرة قادر ؟؟؟؟ وبرضو تقولى حقك يجيك ؟؟؟ والله حقى كتير وحقى كبير ؟؟؟؟ وانت ما بتقدر تقيس ولا اليوم ولا باكر يا خى ما معقول ؟؟؟ فاتها دار ونس فى العصير والجبل حد المناصير طله طله على المناصير ويا قمر سلم لى كتير ؟؟ يا قمر سلم لى كتير ؟؟؟ انتو قايلنو قمر منو ؟؟؟ قمر ذاتو دايرلو قياس ؟؟ لانو مامعروف قمر منو ؟؟؟؟ قمر الافندى قمر من القمراب ؟؟ قمر السبعتين قمر من حسان المناصير المهم يا قمر سلم لى كتير ؟؟؟؟
وحقى كتير ويعجز القياس المحاسبى والاقتصادى عن قياسه وتحوله الى لغة الارقام والله لا فى النظرية الاقتصادية ولا حتى فى النظرية المحاسبية ولا اعلم عالم فى الدنيا بقدر يقيس لى حقى ؟؟؟ وحقى بجيبو لو انعدم طبال ؟؟؟؟

تحياتى
ابو مصطفى

ابومصطفى حياك الله
كلام والله كلام
تسلم

من طرف **ALIHADOWRY** الأربعاء 01 ديسمبر 2010, 7:45 pm

دعونا من المقاييس السوفسطائية هل تستطيع قياس عظمة هى للة وهى اهون من جناح بعوضة عند بعض المنافقين وطبعا شاهدتم الفليم ولن تحتاجوا لمثال لا شك الاوطان لها قيمة لاتعوض وقد سبق الكتاب فى موطننا فدعونا نجد للناس حقوقهم

من طرف **ابو مصطفى** الأربعاء 01 ديسمبر 2010, 7:55 pm

الكتاب فى موطننا فدعونا نجد للناس حقوقهم
حدورى اه نلقى حقنا كيف ؟؟؟؟ قولى نلقى كيف ؟؟؟؟
انت يا خال لاتكاتل ولاتجيب الحجار البى يجدعوا بيها ؟؟؟؟ كيف نجد حقنا وهو ذاتو كم ؟؟؟؟؟ عندك ليهو مقياس اخر ؟؟؟؟

تحياتى
ابو مصطفى

من طرف **ALIHADOWRY** الأربعاء 01 ديسمبر 2010, 8:23 pm

انا مازلت ادعوا ابن اختى لجبهة واحدة لكل المناصير التحت والفوق حتى لاندور فى الخيارات ونوضح الحقوق مجتمعة من اراد اى خيار فهو منصورى لايظلم

من طرف **ابو مصطفى** الخميس 02 ديسمبر 2010, 3:01 pm

والله ما فهمت اى شى من كلامك ياحدورى ؟؟؟؟

تحياتى
ابو مصطفى

من طرف **ALIHADOWRY** الخميس 02 ديسمبر 2010, 8:41 pm

يتوحد المناصير

من طرف **ALIHADOWRY** الخميس 02 ديسمبر 2010, 8:53 pm

اخى ابو مصطفى طبعا نقربليك المعنى تتكون جبهة من كل الخيارات حتى نتفاوض مع الحكومةكتلة واحدة

من طرف **ابو مصطفى** الخميس 02 ديسمبر 2010, 9:08 pm

هنا معاك حقة فهمت يا عزيزى

شكرا حدورى

تحياتى
ابو مصطفى

من طرف **ابو مصطفى** الخميس 09 ديسمبر 2010, 3:37 pm

فى صباح اليوم الاغر الخميس وقفت وبالقرب منى عربة لاندكروز مظللة وبالقرب منها رجل طويل خالص ونحيف ؟؟؟ اقدمت اليه ياربى دا اللخى ؟؟ والله شبه ؟؟ نعم هو ؟؟ اقتربت منه وسلمت عليه وسالته عن ناس البلد واخبار البلد ؟؟ تنفس الرجل الصعداء وهو ممسك بسيجارة راح جاريها فى نفسين ؟؟ وقال لى والله انا منذ الاحد الماضى ومعى المعتمد ورؤساء القطاعات السياسية ومنذ ذلك الوقت وحتى الان نحن لم نستطيع ان نقابل الرئيس ؟؟ والله ناس دارفور فى يومين فقط دخلو وعدلوا كل البنود التى تخص ميزانية المجلس التشريعى وقالوا اى تاخير فيه سوف نقدم استقالاتنا
يا اخى عليك الله نحن المناصير لادايرين محلية ولادايرين معتمد خلاص يجو يشيلوا اى حاجة ويخلونا فى حالنا ؟؟؟؟
هذا هو انطباع الاخ اللخى عن مسالة الجرجرة التى وقع فيها اهلنا فى حين ان الدولة تجرى لها فى مشاريع فى غاية البساطة وهنا شعب كامل غرقان وحقو ما معروف عند من ؟؟؟؟ لك الله بلادى لك الله بلادى ؟؟؟ الظلم ظلمات يوم القيامة ؟؟؟ وحقيقة نحن مركبنا عدت على بونى من زمان وكمية من الضياع والله كمية من الضياع ؟؟ طلاب فى المدارس ومعلمين هاربين ؟؟ من البلد الى المكابراب وحفنات من الضياع والتشرزم فى قبيلتى والله السبب مشاريع الحكومة غير المدروسة وغير المخططة بالمرة ؟؟؟ ومن قبل سبق ان قلت لكم اخوتى رواد المنتدى ان مركبنا دخل فيها اناس كتار منهم الجلاد والبرجوب وشيخ احمد وشيخ حسن حسان والكتير ماشى فى الشارع على مشرع حقنا ومشرع حقنا بقى ضيق شديد لان الناس كترت فى المركب والمركب لاتتحمل فوق طاقتها وكل زول عاوز ياخذ فيها راحته وفى ناس مسوين الشغالنية معايش داخل المركب فارجوا ان لاتوقد نار داخل المركب لان المركب من خشب فاخشى عليها الغراق ؟؟؟
وياربى تركزها حجرة ؟؟؟؟؟

تحياتى
ابو مصطفى

من طرف **خالد عابدين** الخميس 09 ديسمبر 2010, 7:18 pm

مدر مدر

نحن بعااااااد

من طرف **ALIHADOWRY** الخميس 09 ديسمبر 2010, 7:28 pm

لن يقابل الوفد الرئيس حتى نتفزع فية كما اهل دارفور

من طرف **ابو مصطفى** الأحد 12 ديسمبر 2010, 7:20 pm

عزيزة علينا والله عزيزة عزة اهلها كم ثمنها ؟؟؟ لا ثمن لها بلادى ولكن يتخيل لى ان ثمنها تم دفعه بواسطة حق اهلها الذى راح تحت ظلمات المياه ؟؟؟؟ يوم الجمعة الاغر 10-12-2010 قابلت الوفد البلدى الذى مازال مرابط بالعاصمة من اجل مقابلة السيد رئيس الجمهورية ؟؟؟ وحسب الافادة ان السيد رئيس الجمهورية هو الذى سوف يحدد ميعاد مقابلة الوفد ومازال الوفد مرابط ؟؟ التحية لهم جميعا ولعل هذا هو اخر وفد ياتى من المناصير لمقابلة رئيس الجمهورية ؟؟؟ فنحن فى شوق لمعرفة اخر الاخبار من هذا الوفد الكريم ؟؟؟ الذى تحمل المسئولية وترك الاهل والبنين وجاء ليشرح الحاصل ؟؟؟؟ حتى يعرف حقه الذى يحتاج الى معامل تعديل فروقات سعر الصرف وذلك لطول المسافة الزمنية ؟؟؟

التحية لهم
ابو مصطفى

من طرف **يس مصطفي** الأحد 12 ديسمبر 2010, 7:34 pm

حقك مابيجيك حقك تلاوي وتقلعو
النهار دا بيتحدد اكان في حق ام لا اذا طلعوا الجماعه وقالوا الرئيس قالينا حكايتنا شربانه اما اذا حدد لهم جدول زمني قريب وكون اليه لذلك يمكن المره دي الله يدي منها

من طرف **ابو مصطفى** الأحد 12 ديسمبر 2010, 7:56 pm

يعنى هم دخلوا الى الرئيس ؟؟؟ هذه معلومة وبعد داك الفى القدرة تجيبها المغرافة ؟؟؟

ابو مصطفى

من طرف **ALIHADOWRY** الأحد 12 ديسمبر 2010, 8:02 pm

فلنكن من المتفائلين النشوف اخرتها ابو مصطفى مع قناعتى من جرب المجرب ندم

من طرف **يس مصطفي** الأحد 12 ديسمبر 2010, 8:11 pm

المغرافه لو مسكوها حسن حسان بتجيب شي ولكن لو مسك زول تاني الله يكون في العون مويه فول ماتجيب

من طرف **ابو مصطفى** الأحد 12 ديسمبر 2010, 8:15 pm

اصلا المغرافة ماسكها حسن حسان ؟؟؟ وربنا يعظم اجره وبقية الجماعة ؟؟؟؟

تحياتى
ابو مصطفى

من طرف **خالد عابدين** الأحد 12 ديسمبر 2010, 8:19 pm

الي الاخوان الرشيد - ابومصطفى - يس - وخصوصا الاخ (اللابد ) شوقي حسن حسان
نرجو الافادة بخصوص هذا الاجتماع ان كانت لديكم أي تفاصيل أو حتى اجراء لقاء مع احد اعضاء هذا الوفد وعكسه بالموقع بالتفصيل الممل أـولا بأول
مع كل الشكر والاحترام

من طرف **ALIHADOWRY** الأحد 12 ديسمبر 2010, 8:20 pm

المجاهد الاكبر انفصل الجنوب كدى النشوف

من طرف **ابو مصطفى** الثلاثاء 14 ديسمبر 2010, 4:23 pm

سبق ان كتبت فى هذا البوست ان مركب حقنا قبل ان تتحرك من حجرة البحر ظهر رجل شديد بياض الثياب وقال عووك عووك ؟؟؟ حتى يقف الريس ويدخل ذلك الرجل ؟؟؟ من هو ؟؟ ياربى دا يكون منو ؟؟؟ الناس داخل المركب تعلق ؟؟ حتى قدوم الرجل وعرف من هو ؟؟؟ انه رجل الاعمال المعروف البرجوب ومنو العندو جلابية بيضاء غير البرجوب فى البلد دى ؟؟؟ الان محصلة المركب وبى كل جماعتها الداخلين فيها وفى ناس زى النشالين دخلوا المركب وخرجوا وفى ناس مازالوا داخل المركب ؟؟ لكن زى السوس ؟؟؟ وفى ناس الله ؟؟؟ وناس حفظة قران وفى ناس سكرانين ؟؟ سكر دنيا حمانا الله واياكم ؟؟؟ والمهم المركب لامى الصالح والطالح والان كل الناس خرجوا من المركب فضل فيها الجرارين ومعاهم السيد البرجوب ؟؟؟ وبالضبط الريس الان فى المركب هو البرجوب ؟؟؟؟
ونامل ونرجوا من السيد البرجوب ان يركز المركب وينال ثقة وحسن ظن اهله جميعا ؟؟؟؟

تحياتى
ابو مصطفى

من طرف **ودالبلد** الثلاثاء 14 ديسمبر 2010, 5:35 pm

الحقوق لاتأتى ياابومصطفى انما تنتزع انتزاعا
حقك تحرسو مابيجيك حقك تقاوى وتقلعو