الله يضرك يا الحرازي

قضية المناصير صارت همنا كله، حتى في النوم... لو في واحد ما فاهم أو واحدى ما فاهمة هذا المثل المنصوري العتيق، بعدين بي نشرحوا ليهم، ما يخافوا يقولوا يمكن الناس يقولوا ما مناصير، خاصة هذه الأيام.. بالذات مناصير ومنصوريات العاصمة والمدن الطاشة الأخرى..
واحدة من بنات نوري هنا جارتنا وقت الغراق زمان. إتلقتني قالت لي..الله يضركم يا المناصير، طفحت الموية عندكم جابت لينا حاجات غريبة.. طلعت عندنا في البيوت في نوري بقينا نخاف.حاجات كدة زي صبرة وماها صبرة.. وحاجات كدة زي أصلة وماها أصلة! يظهر الموية داهمتا في جحورا..
قلت ليها .. الله يضرنا نحن، والله يضركم إنتو الكنتوا السبب!
بالله الحكومة بتاعتي إتفكت ليك فيها جنس فكة! إلا حجزناها منها..

صدقت اخى الصدوق --فالقضية اصبحت همنا الاول والاخير--حتى فى المنتدى لم نكن كالسابق--
اما حكاية الحرازى ذكرتى ايام عرس اخونا على سليمان السيد فى عام 88 والسيرة ماشى باللورى لى سقادى مكان العروس وطالت السفرة فقال احدهم--الله يضرك يا سقادى نحنا ماشين عليك وانتى ماشى غادى

ها هاها
يا سلمان مرة زرناهم في سقادي بي لوري عمر أخوى جايين من الخرطوم ومشينا بالغرب إتغدينا عندهم وقيلنا. اهلا مرة علي ناس كريمين خلاص.. ولازلت أحتفظ بصور معاهم..

اصل القصة بتاعة المثل( الله يضرك يا الحرازي)
زمان قالوا حوالي سنة 1930 واحدة من مناصير كسلا مولودة في كسلا ومتربية في كسلا لامن بقت مرة كبيرة.. جات البلد في موسم الصيف والدميرة.. زمان مناصير كسلا يحرصوا على موسم التمر والجية في الدميرة والعروسات.. واللمة. مهرجان عديل كان موسم الإجازة الصيفية وحش التمر والبوش والعروسات..( علي حدوري قال لى ياخي جننتونا جن.. مناصير بلد.. مناصير كسلا.. بقينا زي اليهود.. دخلتونا في معلومات جديدة)
اها المرة دي ما شاء الله عليها اهلا كتاار في البلد وهي ربنا مديها نعمة الجمال. الناس كلهم اعجبوا بيها. وكمان رقاصة شديد في البوش ومرأة نكتية ومونسة.. وبقى الناس يباروها محل ما تكون في باشي يجوا الباشي عشان يستمعتوا بفن الرقيص عندها..
وهي تتعزز في المشي لى بوش أهلا ديل هنا وهنا..
قالت ما بقدر على ركوب الحمير ولا بقدر أمشي بي رجليني
بقوا يجروها بالمركب للباشي المعينة في المكان المعين.. أها مرة المركابة جارنها، وهي تعاين والبحر دميري. والشدر جميل أخضااار كابي على النيل. شديد الخضرة والموية لى تحت قعروا ومناظر خلابة في الدميري.. كماهي العادة كانت عندنا..
تعاين تعاين.. فجأة وسط الشدر ده! شافت ليها شدرة كبيري غليدي ملياني. والموية في قعرا والشدرة ناشفي. رغم الموية
اندهشت وقالت لى ريس المركب
بسم الله الرحمن الرحيم.. الشدرة دي مالا الموية في قعرا وهي ناشفة! ده شنو ده!جنت الشدرة؟
ريس المركب قال ليها.. دي شدرة الحراز دي حرازي.. اصلها كدة.. الموية لما تجيها تنشف لامن ورقا يتحتا. ولاتسوي ورق إلا الموية تروح منها... وبعدين تخضر وتزهر وتثمر وتسوي ثمر( الخـَرُّوم) زي حرازة ود عيسى في شري..
بعدين قال ليها في موسم الجفاف لما الشدر تجف أوراقو هي تلقاها خدرااااا. عكس الشدر يعني
انخلعت وانهشت وقالت قولتها التى صارت مثل حتى الآن
( الله يضرك يا الحرازي) مالك مجنونة ! الموية في قعرك وناشفي
فصارت مثل
( الله يضرك يا الحرازي)

الله يضرك يا الحرازي

الله يضرك يا الحرازي

رد: الله يضرك يا الحرازي

رد: الله يضرك يا الحرازي

رد: الله يضرك يا الحرازي