احلى صدفه..

قدرى ما عديت ورحت * ما لقيت زيك صراحه
وقدرى ما شفت وعرفت * ما بشوفك غيرك سماحه
ودى المشاعر الطيبه عندك * للقلوب التايه واحه
والليالى القاسيه عدت * ابتسم نور صباحا

خطوة فى دربك سعيده * وبيك يسعدنى القدر
حته حته اطوى المسافه * صدفه فى سكة سفر
ورغم شوقك للديار * فى دربو كملتى الصبر
انا برضى بتمناك قريبه * ولحظه فيها بعيش عمر

وبتمنى لو كان بالمنى * لحظات لقاك ما بفارقا
دنيايا تتفتح ورود * لو تانى يتجدد لقا
بالفرحه يغلبنى الكلام * غير كلمه بى همسه اسرقا
من قلبى صادقه بقولا ليك * ياروعه غيرك ما بقى

الاخ عبدالرحمن نثمن لك مجهودك من اجل الشمبانى
ولكنا مازلنا فى اول الغيث وننتظر منك الكثير
لانك انت ابن كسلا التى انطلقت منها هذه الدرر
ولك شكرى وتقديرى

نتمني لك مستفبل في الشعر
لان كل اهل التاكا
اهل عطاء وشعر
مزيد من النجاح

تتممه للقصيدة اعلاه
رغم شوقك للديار فى دربك كملت الصبر
انا برضى اتمناك قريبة لحظة فيها بعيش عمر

وبتمنى لوكان بالمنى لحظة لقاك ما بفارقة
دنيا تتفتح ورود لو تانى تتجدد لقاء
بالفرحة يغلبنى الكلام غير كلمة بى همسة اسرقه
من قلبى صادقة بقوله ليك يا روعة غيرك ما بقى

المصدر/اصدارة اسرة ابناء المناصير بجامعة كسلا