ولحبيبنا محمد بروي نقول .. بكرة التلاقي .. البحسم فراقي

ود المناصير كتب:



بكرة التلاقي ... البحسم فراقي

الفرح الخلاقي .. ما ليهو باقي

نعيش في مناصير مخدري

يغرد كنارا المصطفي

,,,,,,, ,,,,,,,,,,,,

فاكر ولوفي ... يقيف زي وقوفي

يقدر ظروفي ... يا ناس ظروفي

........................

من يقدر ظروفنا ... من يعذرنا ... من غيركم آل بروي ؟

عندما تضيق مساحاتنا ... ونختنق من بعضنا ... نهرب إليكم لنجد أجمل سلوى .. بكرة التلاقي ... البحسم فراقي ..

الفرح الخلاقي ... ما ليهو باقي

وهذا والله وبلا مجاملة اجمل مقطع سمعته ... ولا استطيع ان اسمعه منفردا ... فانه يغرق عيني دمعا جميلا استمتع به ثم اكرر المشهد

فأعجب من نفسي .. استمتع بدموعي ؟؟

لا تغيب عنا محمد بروي ... لا تزعل ... لا تحرد .. لا لا لا فهناك إخوانك الذين عرفوك على السجية في إنتظار طلتك

فلا تخيب رجاء الممكون المعطون في جميل نظمكم وسردكم وأنسكم

ودمتم

من يقدر ظروفنا ... من يعذرنا ... من غيركم آل بروي ؟

خالد عابدين كتب:بدءا أرجو من صديقي ود المناصير أن يتقبل إستغلالنا لهذا البوست الرائع
طالما ذكرت وتحدثت عن أولئك الرائعون - فنحن هنا نستغل المساحة لنستميحهم العذر وليقدروا الظروف

من يقدر ظروفنا ... من يعذرنا ... من غيركم آل بروي ؟

حمدا لله على السلامة أستاذنا ود البروي وطلة حميده علينا لايعقبها لبس قبعة الإخفاء ياملك
وإن شاء الله تقدر ظروفنا وزمن مالاقين البدلنا وأنت مختفي ولاحتى زولا يقولك كان هنا
شد ما حز في نفوسنا وآلمنا حد الألم المؤلم أن يتعرض صاحيب السلام الجمهوري ورمز القبيله والحبيب المبدع عيسى وإخوه واخوات اعزاء بالمنتدى وأهل كرام أعزاء لتلك الحملة المنظمة المقرفة البغيضة التي أرادت أن تغتال كل جميل ورائع
كنت أريد أن أفرد لها بوستا خاصا فيه كلمات واضحات بينات عن الذي جرى ومآلاته ومعالجته آنيا ومستقبلا
ووجدناكم أكبر وأروع وأنبل فلم يزيدكم الاحراق إلا طيبا
لك أستاذي الكريم والاستاذ عيسى وعمنا محمد حجازي محمد احمد وأسرته الكريمة أبناء الخالة والدكتور عبدالواحد والاخ ساري الليل ولكل من فات علي ذكر إسمه سهوا لاتجاوزا العتبى والإعتذار وكامل الأسف وكل الإحترام والتقدير والشكر للأخ الحاج شرف على الإعتذار نيابة عن كل أسرة المنتدى عن الذي حدث ونأمل ان لايتكرر لثقتنا في بعضنا البعض ولكلمة جمعتنا أبا ووطنا
كتابات الاخوان ودالمناصير والرائع محمد بروي ترهقنا دائما في تكرار قراءتها والتفكير في لملمة كلمات الرد على تلك الروائع
شكرا لكم أيها الرائعون
ولك أستاذنا محمد بروي - وكأني أرى لسان حالك يقول مع المقنع الكندي:-
فإن أكلوا لحمي وفرت لحومهم وإن هدموا مجدي بنيت لهم مجدا
ولا أحمل الحـقد القديم عليهم وليس رئيس القـوم من يحمل الحقدا

ستبدي لك الأيام أيها الريس الجميل

انتصار حجازي كتب:

الله على روعة هذا البوست

دائما يا ود المناصير الابداع يسير في دربك

واعجبتنى كل كلمات الاخوة المتداخلين في حق الزعيم محمد بروي



ومحمد بروي ... واسرة بروي

اسرة فوق هام السحب
ويا محمد بيقولوا علشان عين تكرم مدينه

وهنا لك الاف العيون التى تتطلع لرؤية اسمك يصول ويجول بين ردهات المنتدى

فلا تحرم المناصير ومنتدى المناصير

واهلك المناصير من قلمك الذي يعشق المناصير بصدق

فالاقلام العاشقة للمناصير هذا اوانها

نتطلع لمزيد من الاشعار والكتابات لاجل اهلك وبلدك

تخريمة : مشكور اخى الفاضل وربان سفينتنا خالد عابدين فيما قلته

وجزاك الله عنا كل خير

الفكى احمد كتب:

شكرا ود المناصير وكل الأخوة الكرام فود البروى نجم عال مضىء فى سماء القبيلة كما تعرفون ، ولأنه غيور ومسامح وحنين ومرهف ، فإنى مطمئن غاية الإطمئنان بأنه لن يستطيع أن يتخلى عنا ولن يبخل علينا بطلاته المشرقة كلما سنحت له سانحة ...ا

بلسم كتب:ياسلام عليك صاحب الانامل التى تسطر لنا كل ماهوجميل أخى ودالمناصير

فى منتهى الروعه والجمال فن وطبيعه وصوت رقيق لك منا كل التحايا ولشاعر القبيله

محمد بروى والفنان الرائع عيسى بروى

صديق عبدالله علي أبوحنة كتب:

ستبدي لك الأيام أيها الريس الجميل

محمدبروي كتب كدة
هو فعلا جميل يا حمود.. ما شايفو بالقميص البلووو كيف في الصورة! والشنب الرابط الذي يكتّف زول!
هم اولاد ناس عابدبن ومحمد أحمد عابدين كلهم كدة سمحين خلقة واخلاق..
موسى محمد احمد عابدين زمان هو في رابعة متوسطة ونحن في اولى متوسطة. كنا نجي نتفرج في سماحتو وسماحة حديثو. زول ما بيزعل وبالو طويييل وزول وناس. ( تاكل وتقش إيدك في طرفو). تسلم لينا حمود وانت فوق الآهات والدموع والجراح.. الشاعر والفنان والمرهف والمتدين بيكون رقييييق المشاعر زي النسمة. يصعب يعيش مع غلاظ الاكباد..
دايرين المنتدى يفرق علينا هموم الغربة، وكلما تفتحوا يديك. ولا يشيل منك.. يفرحك ولايحزنك.. يشدك لأهلك ولايبعدك منهم. يديك البسمة والفرحة ويمص منك الحزن والالم والحسرة.. شوية شوية نصل الى هدفنا بوجودكم هنا وليس مغادرتكم لا قدر الله..
أنا شخصياً لا اطلع من هنا مهما كان.. لني مرت عليا ألوان طيف من النفوس البشرية دي لاحصر لها في حياتي.. وصارت عندي مناعة وتطعيم.. واعرف الزول من قولة تييت هدفو شنو! كتيرين جوا المنتدى ده! وما استمروا وبعضهم موجود. لكن ياهم ناسنا. لابد أن الحق سيغمرهم يوما ما ويتصلحوا أو يندموا على الاقل..
امّال هى سموها دنيا ليه..!
عشان فيها الصالح والطالح
وفرز الكيمان لما يختوك في ود اللحد... عملك وكفنك وبس؟
الشيخ فرح ود تكتوك قال حكمة طلعها من بيئة الناس العاديين ولكن مدلولها كبير
قال الدنيا مريسة... والآخرة صفّاية)

عباس محمد كتب:لااجد ما اقوله
فيكفى لاولاد بروى ما قاله الاخوة
فانا ابنهم وابن اهلهم
تقبلوا مرورى

صديق عبدالله علي أبوحنة كتب:محمد بروي شفتا زولك جاء وجاب نضماً سمح كيف؟ اتاريهو مدور بابورو ولابد فوق حرف الخور.. اها سكتنا الخمسي فوق الإتنين..

صديق عبدالله علي أبوحنة كتب:يعني يا ود المناصير تقلب اللبقة بدون كونشبر ولا طوريي.. ماشاء الله.. طيب لو اتهدمت عليك سبلوقة بار ونحرت الجدول تسوي كيفن!

م بروي كتب:

ود المناصير كتب:محمد بروي سلام

وييييينك يا رائع

على الأقل من أجل هذا القلم الذي يعتصر ويقطرعسلاً
لابد أن نأتي محسوري الرؤوس حفظاً لقدر التألق وشكراً لفضل ما انقطع
المشكله أنا ازدحم في الخميس والجمعه وأنت تكون مشغول في غيرها كما يبدو لي.
والشيء التاني طيلة الأسبوع لا استطيع أن أمر عل كل ما يكتب
فقط شذرات من هنا وهناك وقطف يسير من كل بستان
مودتي المدفقي