والله لكن رجال.. والله لكن رجال.. كوستي

لافتتين كبار بخط كبير للغاية يشوفوا العميان. عرضهم تلفزيون السودان أكثر من سبعة مرات وقعت عليهن عدسة الكاميرا بتركيز شديد ويكاد يكون مقصود. حتى في مرة من المرات وقعت اللافتة عليهم وتكرفست كدة... انتظرهم بتاع الكاميرا لامن عدلوها وشدوها وبدأ في تصويرها..( واحدة نطالب بحل قضية المناصير)
والثانية ( المناصير يريدون تنفيذ قرار الرئيس..) لافتتين كبااار والغرض منهم مشروع مافي زول يمنعو. لأنو زول داير يطالب بقرارات الريس! تقول ليهو شنو عاد! ما بتقدر تمنعوا يعرض لافتتو
كان هذا في عيد الشهيد في كوستي..اليوم قبل نصف ساعة من الآن.. والله من كترة المغصة العلينا لمان شفتهن لامن بكيت..
ما أفتكر العمل ده جاء بصورة عفوية من مناصير كوستي مع احترامنا لمناصير كوستى وأنهم مع القضية قلبا وقالبا.. وهم أهل القضية وسادتها، لكن هذا العمل منظم، ومدروس من قيادة منصورية فاهمة التكتيك واللعب الصاح في المليان..والزمن الصاح.
وبعدين لاحظت ملاحظة دقيقة. اثناء فقرة الريس يعرض ومرافقاها عرضة كما هي العادة.. فجأة الريس اشار بعصايتو لواحدة من اليافتات دي ورفع عصايتو وهزاها، أشار بصورة مباشرة لللافتة ومدااا عصايتو عليها تماماً وهزاها لى فوق.. ودي بشارة خيرودي لغة الجسد تعبر أكثر من ألف كلمة للبفهما..
تفاءلوا بالخير تجدوه.

ملاحظه قويه ياباشمهندس كوستي والجزيره ابا ديل انصار كاربين اكيد ماحاينسو نصرة اهلنا بعدين عندي معلومه لكن غير مؤكده انو في قبيله اسمها المناصير موجوده في ولاية النيل الابيض

لا ديل الحاملين اللافتات يا عازة مناصير مرسلين من حته تانية يبدو. ولاعلاقة لمناصير النيل الابيض بهم، ثم الأنصار لايمكن يعملوا كدة.يدافعوا عنا صاح بالكلام ممكن، لكن ان يحملوا لافتات من أجلنا ما اظن..
مناصير النيل الابيض ديل في مناطق تانية موش في جهة كوستي ولاقريب منها..
بعدين اللافتة ظاهرة دي شعارات الدامر( نريد تنفيذ قرارات الرئيس) ده شعارنا نحن في الدامر.

المناصير البي تقصديهم ديل في الجزيرة يا عازة والحصاحيصا والكاملين في عدد اسر منهم، وبعضهم في الرهد وأم روابة والابيض والنهود. وبعضهم نزل بعد ما كانوا في الغرب، نزل على جهة( أم غنيم) مسافة بعيدة من كوستي

شكرا هندسة اكيد ده شغل مدروس

يجب ان ترفع هذه اللافتات فى كل الولايات التى يزورها الرئيس فى الايام القادمة .

شكرا باشمهندس صديق على اللفته البارعة
ورفعه للبوست بنهاية الخبر مباشرة وهذا ان دل على شىء انما يدل على احساسك العميق بعداله قضية اهلك وغيرتك على بلدك وهذا كماقلت عمل منظم من افراد قبيلة اذكياءوشجعان وللذكرى فقد حصل نفس الشى فى بورسودان على يد الخريج معتز الامين ومعه اثنين من الطلاب رفعوا لافتهم وتم حجزهم من قبل السلطات وقد تم فك حجزهم بعد
فقضية المناصير اصبحت بالنسبة للرئيس فى لقاءاته المباشرة كالكابوس الذى يلازمه فى نومه

تقبل مرورى

شكرا الخال صديق علي التوضيح لكني متأكده من وجود قبيلة المناصير في شمال كردفان لتأكدت من المعلومه دي بنفسي في زبارتي الي الابيض مع وفد الصندوق الدولي للتنميه الزراعيه وسألت من المناصير هناك واكدو لي الموظفين انو فعلا في مناصير ويتميزون بجمال اعينهم بدليل انهم يضربون المثل بالعيون المنصوريه

العيون المنصورية سمحة شديد.