الشاعر فتح الرحمن المنصورى

لا ناسى البلد لا بنسى يوم انا ناسه
فى حدق العيون انفاسى من انفاسه
دار منصور عموم انا حبى ليها خلاصه
معايا محل رحل احساسى من احساسه
ما بكفى الغنا واكتب على القرطاسه
الا انزل هناك فى الكاب واسالم ناسه
مشتاق يا عمر لى تمرة قوقة دباسه
فوقه الطير يوج كايس المعسل راسه
يا حليل الفطور الما بدورلو كواسه
حلات بصلا مشقق فوق صحن قراصة
مشتاق شوق شديد لى حفلته واعراسه
والسمحة الكحيلة مع النقى رقاصه
الشوق فى الضلوع ماسك الجسم همساسه
شلالة الدموع فقدت عيونى نعاسه
فى بحور الهم يا ابو حفصه عايم كاسه
عاصرانى الظروف زايد على انا باسه
بعيد انا فى ربك زى التقول فى حراسه
راجى القسمة تنقر للنزول اجراسه
قول يا ابو حفصه جيب القوافى جناسه
فى السد الوقف من غير علم ودراسه
فى جسم البلد اثر كانو رصاصه
كان ظاننو خير اصبح علينا تعاسه
الحق يبقى حق وتبقى السياسه سياسه
فوق كم المماطلة واعتقال فراسه
ضاربين البلد فى الركبة تربطوا راسه
نحن خلاص عرفنا كفاية تانى عواسه
ما بنقبل تضيع من دارنا حصحاصه
وكان ما شفتو حل بضراعنا قصاصه
حقنا من جدود لا شحدة ولاهو اغاثه
معروفة البلد وحافظين بلدنا قياسه

يافتحى انت داويت الامك بالكتابة والشعر وانت بعيدعنها فكيف حالنا نحن وهي تغرق بين ايدينا ود موسى

الأخوان الرشيد وحلة80 وخالد
ليكم التحايا
فتح الرحمن شاعر ما ساهل وبينا معرفة قوية
وكذلك له صداقات مع شعراء من خارج المنطقة ودايماً يسألني عنه الشاعر الراحل عبدالله محمد خير وقال كان يمشيلو كتير في الفتيحاب قبل ما يمشي كوستي
أتذكر كان دايمأ يردد غنوته السمحه
الله أراد لي أسيبه
أفارق الحقني الحبيبه
ياسلام عليك يافتحي

سلام الرشيدو خالد وحلة والشاعر محمد بروى/ وشكرا يالرشيد على العمل الجيد
وياخالد عمنا فتح الرحمن شاعر كبير وواسع الخيال والابداع والغربة الداخلية ذادت الابداع فية. ونتمنى من ادارتكم الموقرة جمع قصائد العم فتح الرحمن مع انو هى مارقة منو بالحبة والقطاعى..وهنالك قصيدة شهيرة لية من الوزن الثقيل الكل يعرفها نرجو نشرها ان امكن

شكرا الاخ الرشيد على القصيده .واظن يامنتارى هو مدى الفنان ابراهيم قصائد مجازه فى كتاب وابراهيم يتغنى بى جزء منها ياريت ياناس كبنه لو جبتوها منو فى العيد.
بالمناسبه ياعمنا محمد بروى ابراهيم قام بتلحين قصيده ولدا ماحب بلدو وقد اداها بشكل رائع جدا

فتح الرحمن لم يكن بعيدا عن البلد فلقد كان في ثاني وتعرفت عليه هناك في الاجتماع الشهير في ثاني
وبالجلوس معه شخص جميل او سمح زي مابقولوا اهلنا وهذه ميزه اهلنا الشعراء والغريبه يعطي ملامح لمحمد بروي في شكله وفي طريقه كلامه تحياتي من علي البعد يافتحي ويا الرشيد ماك مقصر
طول العمر وحسن العمل وحسن الخاتمه امين يارب العالمين

انا ابن علي سليمان المنصوري فقد سجلت على هزا الموقع بناا على طلبه

الان هو مافيش لاكن عندما يعود سادخله ليكتب لكم هو مشتاق لكم ولابنا جزيرة شيري ابنه مناضل علي)

سلام عمنا محمد بروى . لاقيت ابراهيم فى الخلاء الدهب ومعاهو طنبور وسمعنا ياها واسى نزلتو للبحر متفقين نسجلا ونرفعه هنا انشاء الله

شكرا القامة محمد بروى حفظك الله ذخرا للوطن والاهل عميد شعراء المنطقة وصاحب كلمات السلام الجمهورى..
نادر تحياتى: ياريت كمان نسمع يتم تنزيل هذا العمل باسرع فرصة
والشاب ابراهيم خاصة ذو صوتا متفرد

انشاء الله مونتارى

شكر ا الرجل المتميز ديمة الفكى ... وحقيقة اهمية النادى كبيرة فارجو فتح بوست بهذا الموضوع

: لك الود

والله فعلا ده الحاصل
لافض فوك الشاعر فتحي المنصوري
شكرا الرشيد

شكراً الاخ الرشيد وارجوا ان نهتم بما يكتبه مبدعونا

لك شكري وتقبل مروري

الإخ الكريم فتح الرحمن حسن عمر
الأخ فتحى شاعر رقيق وذو كلمة معبرة وله كثير من الاشعار التى تحتاج لنشر حتى يطلع عليها الناس وأنا واحد من الناس فى بداىة
التسعينات كنت بنزل معاه فى بيته فى كوستى اثناء ذهابنا الى الجنوب ونقضى اليومين والثلاثة حتى نجد الجرارت وفى تلك الفترة إطلعت على بعض كنوزه الشغرية
وانا من هنا من الرياض له من مليون سلام وألف تحية مع أمنياتى له بدوام الصحة والعافية

عبد المنعم محمد بابكر كتب:الإخ الكريم فتح الرحمن حسن عمر
الأخ فتحى شاعر رقيق وذو كلمة معبرة وله كثير من الاشعار التى تحتاج لنشر حتى يطلع عليها الناس وأنا واحد من الناس فى بداىة
التسعينات كنت بنزل معاه فى بيته فى كوستى اثناء ذهابنا الى الجنوب ونقضى اليومين والثلاثة حتى نجد الجرارت وفى تلك الفترة إطلعت على بعض كنوزه الشغرية
وانا من هنا من الرياض له من مليون سلام وألف تحية مع أمنياتى له بدوام الصحة والعافية

السلام عليكم "كيف حالك ياعبدالمنعم في الغربة
الحقيقة انا سجلت جديد ومحتاج وقت عشان اتعرف علي باقي الناس
تقبلو مروري ياكرام

الف شكر....

التحيات للجميع
والشكر لك اخى الرشيد
وانا اعطيك دفرة
لاكمل ما بداه الاخ الهيثم
عن هذا الشاعر فى قصيدته بعنوان ارض الجدود

حتى لو محروس بالسلاح **ليهو يوم لابد ينبطح
المؤامرة يا أبوحفصة أخوى** قبل مايبتدوا فى الصرح
والحقيقة الغايبة للناس** عن قريب بابه بينفتح
الظلم الله محرمو** فى الكتاب الجانا بالصح
والله قادر ينصرالحق** وشمسو للمخلق توضح
وما بتهمنا كترت كلام** ومانى سائلين فى البصرح
ما فى عز غير أرض الجدود** وغيره مافى مكان يريح
والصمود حقنا من زمان ** أصلو ما بحتاج لى شرح
نحنا حولين نيلنا ثابتين ** فى حويلتنا وفى أم سرح
فى أم طنيدبة وسهل الحراز ** جم تمرنا الشال مدندح
كالأسود حارسين البلد** ومن بلدنا شبر مابنزح
أى منصورى أصيل ثبت ** والماهو أصيل زى ديك مطفح
وما بنسجد للمفترى ** للكريم نسجد ونسبح
نعمة فى أمن وفى أمان ** من خدارنا نشيل نملح
وملوه من ارض المناصير** تسوى أطنان من القمح
من بحرنا نجر السمك** حاشة ما بناكل بالملح
وللشراب جارى السلسبيل** صافى منظروا جد يفرح
كيف نعيش فى صحراء أغراب** نار سمومه بتلفح لفح
وأرضها الزى العطرون تفور** لاسنط فيها ولاطلح
كان حفر لى يوم يبعثون** لابتخدر لابتنصلح
والبقول الصحراء انتجت** يبقى فعلا زول مسطح
المقص ماسكو على الفراق** كالبجس من بعد الضبح
والحلم للمسكين مباح** بالوهم خلو اليبحبح
نحن مرتاحين راحه صاح** يومى ليهو النيل نصبح
مطمئنين فوق حقنا **وحقنا الوارثنو بالصح
وصفنا الممكون منجمع**وتانى ماقابل للطرح
والبحاول قسم الصفوف **مافى عندنا غير ينضبح


اكتملت القصيدة علها تجد عندكم القبول