يا أخوانا نجلاء زمراوي وين!

الرائع قريبى ابو حنه لانو فى تسلسلك النسبى لقيت شيخ الربع العاصى
اما بخصوص سؤالك عن نجلاء افادت العصفوره انها لسه بتقشقش فى الرزاز ..........

ههههه
رجعنالك..
ربنا يزيل الرزاز..
انا عارف من زمان..( رجعنالك) أنكم اقرباءناوعصفورتي قالت ذلك.... بس في المنتدى الزول يدخل زي ماهو عايز باي إسم. عشان كدة خليناها تجي بي وقتها.

عشمنا في عدم أنقطاع ذالكم العقد الفريد من جيل بلادي .

فعلا ً إفتقدنا العضوة المميزة نجلاء ... لقد كان لها حضور مميز ومشاركات ثرة .... إن شاء الله تكون بخير ونراها قريبا ً بيننا تصول وتجول وتخوجل _

التحايا والود لكل الإخوة المتداخلين ،،،

افتقدناك بشده

الله حافظ

الغالية نجلاء

نتمنى انها تعود لمنتداها

بين اهلها واخوتها واخواتها



وكما قال اخونا الفاضل نور الهادي

نعرفك يا نجلاء مناضلة ولن يثنيك اي رزاز عن اهلك ومنتداك

نتمنى الا تطول غيبتك عنا

افتقدنا تواجدك بنت الخالة

وندرى بالمسولية الكبيرة على عاتفك

ونتمنى الاتطول غيبتك عننا

ياجماعه اخييييرا نجلاء وصلت؛؛؛
لكن ولاد حليمة ديل أسألوني منهم أصلهم ناس مقالب؛؛؛
ويدورو يشوفو نفسهم مهمين ولا لا؛؛
عموما حمدلي سلامي اختنا نجلاء؛؛

عمدتنا وريحانه منتدانا صاحب القلب الطيب والنيه البيضاء صديق الصديق لك الشكر وانشاء الله دوما المنتدي عامر بحسك وانت تتفقد الكل وتسال عن احوالهم فلك التجلي والتحيه

رجعنالك حمد الله علي سلا مه الرجوع وابدا لم يصبني الرزاز بس مشغوليات

اميره الاميرات لكي مني الف تحيه وانتي دوما سباقه للخير ....وعشانكم رجعنا


اخ الشهيد المعز ونزار لابد ان ارجع لكي اري صوره الشهيد طارق بيتروبكم انشاءالله ستسمو المناصير.......وشكرا لسؤالك عنا


العزيز المحترم الذي لا يخاف في الحق لومه لائم المحب لاهله نور الهادي شكرا لك وانشاءالله اكون عند حسن الظن


شاعرنا المتفرد المحترم النفر انتم من تشجعوننا علي الاستمرار لما وجدناه فيكم من صفات قلما نجدها في غيركم والله قد علمتمونا حب البلد فلكم التحيه في بلاد الغربه...


عزيزتي الشجاعه صاحبه الراي السديد والكلمه القاطعه والرد الشافي بنت اسد اب سباع لكي التحيه

بنت الخاله البلسم شكرا لسؤالك وتفقدك الدائم وانشاءالله مانفقدك ابدا.
اخوتي قد شغلتني بعض المشغوليات عنكم وبحمد الله رجعنا نخوجل بينكم

والسلام الي الذين لم يفتقدوا تواجدنا بينهم يمكن مشغوليات الحياه منعتهم من تفقد اخوانهم ....

ابراهيم محمد سليمان كتب:ياجماعه اخييييرا نجلاء وصلت؛؛؛
لكن ولاد حليمة ديل أسألوني منهم أصلهم ناس مقالب؛؛؛
ويدورو يشوفو نفسهم مهمين ولا لا؛؛
عموما حمدلي سلامي اختنا نجلاء؛؛

سلام يا ابو محمد شيفاك جايط الدنيا بيغادي

وبعدين انت ناسي انا ماسكه وزاره الداخليه والخارجيه يعني الاهميات لابد منها

بس شوف صاحبك وين!!

نورالهادى كتب:حمدا لله على سلامتك نجلاء ان شاء الله خير ومرحب بيك وسط اخونك .

الله يسلمك اخي نور الهادي والله بعض المشغوليات والالتزامات منعتني من الخوجيل
لكن الحمد الله عدنا والعود احمد

الحمد لله

الحمد لله على السلامة ... نجلاء الصبر والثبات في مواجهة الأزمات

ونأسف للتأخير فقط عدم إستقرار لازمنا خلال الأيام الفائتة

لك الشكر والتقدير

[quote="ود المناصير"]الحمد لله على السلامة ... نجلاء الصبر والثبات في مواجهة الأزمات

ونأسف للتأخير فقط عدم إستقرار لازمنا خلال الأيام الفائتة

لك الشكر والتقدير[/quote
لك الشكر ابن بلدنا ........وانشاءالله في الايام القادمه تعم الفرحه والاستقراركل ديار منصور

المجاهده نجلاء زمراوى

الله يعينك على البيت والاولاد

والف مرحب بيك بين اهلك واخوانك

وفى انتظار مساهماتك الجميله

لو ما خانتني الذاكرة.. يا نجلاء.. عم زمراوي ده زمان إترشح لى حاجة كدة.. مجلس شعب.. عضو في حاجة.. الكلام ده كان زمان.. وكنتا سامع المرحوم عمر أخوى.. وابوى كانوا داعمين الموضوع ده شديد. أنا وقتها لم أغترب..دكتور عبد الله كان عندو اتصالات مع عمر أخوى عن الموضوع ده ودعمه، لأنو عمر كشعبية له شعبية كثيرة في المناصير.. بس بتذكر تلك الأحداث.. وقتها أنا كنت مشغول مع الخواجات والدراسة والكورسات في الهلتون والسفر والرجعة..

اميره الحومرى كتب:المجاهده نجلاء زمراوى

الله يعينك على البيت والاولاد

والف مرحب بيك بين اهلك واخوانك

وفى انتظار مساهماتك الجميله

شكرا لك ام ليال والله يعين الجميع وبالذات اهلنا المعتصمين
افتقدناك بشده في الايام الماضيه...وافتقدنا خوجيلك معنا

يا نااااس عووووك
هي نجلاء مشت وين وجات متين
قايتو بدون ما افهم حاجة
حمدلله على السلامة

المهندس صديق ...والله من كثره معلوماتك الثره <ماشاءالله وتبارك الله<>تشكك الزول في معلومه يدلي بها ولازم يرجع الي اي مصدر قبل ما يجيب ...لكن الحاجه البعرفها ان الوالد ترك البلد بدري خالص والتحق بالجيش وكان في جنوب السودان فتره من الوقت وقد تنقل في اقاليم السودان المختلفه وانا من مواليد مدينه ملكال
وفي النهايه استقر به المقام في الكلاكله......كدي خلينا نتاكد ونجي راجعين

ود الطرشان كتب:يا نااااس عووووك
هي نجلاء مشت وين وجات متين
قايتو بدون ما افهم حاجة
حمدلله على السلامة

انت زاتك كنت وين وجيت متين؟؟؟؟
الله يسلمك يا ود الطرشان لم اذهب الي اي مكان بس المشغوليات جعلتني اختفي بعض الوقت مما جعل اهلي يفتقدوني بينهم....والله المنتدي ده خلق علاقات وموده بيننا نسال الله ان تدوم وتكون خوه صادقه لله

شكرا عزيزتي اميره والله انا زاتي افتقدتكم بشده وعشان الموضوع ما يمشي بيجاي وجاي رجعنا

وراء كل مجاهد امراه خلاص دي حنسجلها باسمك
ويبقي عندك مصطلحين حكر لك في هذا المنتدي....

أنا عارف إنتو مولودين في ملكال.. وعارف حكاية الجنوب دي.. لكن حكاية الترشيح دي أظن بعد كدة، موش البلد أنا عارف الوالد طلع من البلد، لكن الموضوع ده، أظن هو في بدايات سكنو في الكلاكلة، وحتى ناس السادي ديك الفي الكلاكلة دعموه.. ناس أحمد العمراني أظن.. أحمد العمراني ده كان زمان في الجريف..أترشح لى حاجة بس موش ضروري يجي يعملا في المناصير، من محلو ده..نائب دائرة أظن

حياك الله أختى نجلاء .... إطلالة مباركة ..... وعودا ً حميدا ً لمنتداك والساحة كانت فاقداك _

لك تحياتى وودى ،،،

النفر كتب:حياك الله أختى نجلاء .... إطلالة مباركة ..... وعودا ً حميدا ً لمنتداك والساحة كانت فاقداك _

لك تحياتى وودى ،،،

شاعرنا النفر جزاك الله خير ....وجعل ما تقومو به في ميزان حسناتكم....
الساحه منوره بوجودكم فيها فانتم من تعينوننا علي الاستمرار
فلك فائق احترامي

الخال ابوحنه والاخت نجلاء .... سلااااااااااااااام...
أنا عاوز أحكي ليكم مشهد في الإعتصام وأنا شاهد عليهو :
عمنا زمراوي اللهو والد المدعو نجلاء دي وصاحبي البيغادي داك؛؛
كان بي يعاين لي زول شديد قامو الجماعه قالولو بتعاين للراجل دا كدا مالك؟؟؟
قالهم لو ما أخاف الكضب أنا الراجل دا قبل أربعين سنه كنت نازل معاهو
في بيتو في كوستي وإستضافني 15 يوم معاهو في اللحظة دي الراجل قال ليهو أنت زمراوي
وقامو إتعانقو وإتسالمو سلام حار خلاص والراجل داك إسمو أبو روفه من الدغفلي علي ما
أظن ومن سنة واحد وسبعين ماقابلو بعض إلا في الإعتصام بالله دا براهو ماإنجاز؟؟؟

عم زمراوي رجل عندو حس وطني من زمااان، امال ناس نجلاء جابوا الحس الوطني ده من وين؟ بالميراث الفكري، يعني نجلاء تحصد في خيرات عمنازمراوي بالوراثة.. تستمد هي من ذلك النبع.

ابراهيم محمد سليمان كتب:الخال ابوحنه والاخت نجلاء .... سلااااااااااااااام...
أنا عاوز أحكي ليكم مشهد في الإعتصام وأنا شاهد عليهو :
عمنا زمراوي اللهو والد المدعو نجلاء دي وصاحبي البيغادي داك؛؛
كان بي يعاين لي زول شديد قامو الجماعه قالولو بتعاين للراجل دا كدا مالك؟؟؟
قالهم لو ما أخاف الكضب أنا الراجل دا قبل أربعين سنه كنت نازل معاهو
في بيتو في كوستي وإستضافني 15 يوم معاهو في اللحظة دي الراجل قال ليهو أنت زمراوي
وقامو إتعانقو وإتسالمو سلام حار خلاص والراجل داك إسمو أبو روفه من الدغفلي علي ما
أظن ومن سنة واحد وسبعين ماقابلو بعض إلا في الإعتصام بالله دا براهو ماإنجاز؟؟؟

والله يا ابراهيم ابوي فرحان جدا بمقابله الزول ده وصديق احتمال يعرفو ....لان ابو روفه علي ما اعتقد صاحب المرحوم

قايتو الاعتصام ده افصح عن حاجات كثيره واغلب الناس دايرنو ما ينتهي نسبه للاجتماعيات الوجدوها والروحانيات

هذا نابغة المناصير الثاني محمد عثمان حمد أبو روفة.. وافتكر هو دفعة بعد المرحوم عبد الله.. لأانو أبو روفة كان أول اللجنة للدخول للمتوسطة ثمانية مدارس إبتدائية جاء هو أولهم.. وعبد الله جاء أول اللجنة برضو قبل ناس أبو روفة.. وهم أصدقاء عبد الله وأبو روفة.. وأبو روفة كان شغال في عطبر أبو روفة صنو عبد الله في الذكاء.. وكل أسرة ناس أبو روفة كدة.. وعندهم علاقة مع ناس الروفاب بتاعين الربع العاصي وليس روفاب النعوفاب.. وأبو روفة كل أسرته أذكياء.. الفكي أحمد عضو المنتدى بيعرف الكلام ده أكثر منى.ز هل ابوروفة الدفعة البعد ناس عبد الله طوالي والله دفعتين والله دفعتو! موش متأكدة من دي

نجلاء نورتي منتداك

وعودا حميدا

انتصار حجازي كتب:نجلاء نورتي منتداك

وعودا حميدا

شكرا اختي انتصار والمنتدي منور بيكم
تخريمه انتي يا انتصار ابراهيم اخوكي اخبارو شنو من بوست الانقلابات تاني ما شفناهو اوعيك يكون في كوبر!!!!

والسلام الي الذين لم يفتقدوا تواجدنا بينهم يمكن مشغوليات الحياه منعتهم من تفقد اخوانهم

نجلاء قالت كدة
شايفين الناس هنا تفتش للناس الأعذار كيف؟
يا ريت نعذر بعضنا دائماً عشان الحكاية تمشي..
قال رسول الله صلى الله عليه وسلم( ليس المؤمن بطعان، ولا لعان، ولا فاحشن ولا بذيء)
وقال( لايؤمن احدكم حتى يحب لأخيه ما يحب لنفسه)
وقال( لايؤمن أحدكم حتى يكون هواه تبعاً لما جئت به)
وقال( رحم الله رجلاً، سمحاً، سهلا، إذا باع وإذا اشترى، وإذا اقتضي)