يااااعاااالم ود رقول وصل

من طرف **الرشيد طه** الأربعاء 23 نوفمبر 2011, 4:57 pm

ياااااااااااااااا .. عااااااااالم ود رقول وصل

فقط لحجز البوست

انتظروا مشاهد وحكاوى من ايام العزة والكرامة

اخي الرشيد اظنك ستحتاج كل بوستات المننتدي لتكمل الحكايه لاننا كما تابعنا وسمغنا ان الحكايه في ميدان التغير لاتوصف ولاتنحكي عباره عن ملحمه تاريخيه
وعلي العموم نحن في الانتظار

من طرف **عباس محمد** الإثنين 26 ديسمبر 2011, 4:43 pm

الاخ الرشيد ان الاوان
لتفك حجز البوست
بالتطرق لبعض التطورات

من طرف **م بروي** الإثنين 26 ديسمبر 2011, 7:07 pm

منقوووووووول
كتب د.كمال عبد القادر

في شارع السجانة مجنون اسمه "جيب الله" يرقد على الظلط ويعيق المواصلات. يصيح ركاب البص فيه لفتح الطريق فيقول "جيب الله" بصوت عالي "يا جيب الله الناس ديل ما قالوا ليك زح" ثم ينزل الناس ويجدعوه بعيدا عن الظلط فيقول بصوت عالي "يا جيب الله ما كان اخير ليك تزح براك بدل يجدعوك" وبعد مرور البص يقول "يا جيب الله هسي البص دة كان هرس عضامك" ثم يمشي ويرقد في الظلط بنفس الطريقة الأولى.
عندما اعتصم المناصير قالت الحكومة "والله المناصير ديل عندهم حق ظاهر بقرار رئاسي" وبعدما طال الاعتصام قالت الحكومة "اسع في داعي لي شيل الحال دة في الاعلام العالمي الناس ديل حقهم ما واضح" وعندما بدأ استغلال المسألة عالميا قالت الحكومة "الناس ديل حقو ياخدو حقهم بدل ما يجو ناس من برة، يقلعوه ليهم وتبقى زي حكاية دارفور".
تقول الحكومة كل هذا وهي ما زالت "راقدة في الظلط".
جيب الله بتاع السجانة معذور لأنو عندو شهادة من التجاني الماحي فما عذر الحكومة؟
اما بقية الشعب فيقول "يا جيب الله ما عذبتنا".

_________
وبلا جنى ود رقول مافيش ولادي
البحش النخره من حد الفصادي
نشكر مجاهداتك يا رشيد

للعنوان قصه ولو كانت لمحكمه حقوق الملكيه الفكريه مساحه تشملنا
لطالبناها ان تنصب خيمتها بركن قصى من ميدان العداله

ود رقول هذا

شخصيه كاركاتيريه تجبرك ان تضحك من الاعماق بمجرد ان تنظر اليه

وصل ميدان العداله فى الاسبوع الاول

يرتدى جلابيه بلون سمنى ولايستعمل على راسه طاقيه وانما شال يتدلى بين كتفيه

دخل الميدان بطريقه ذكرتنى بقصه سيدنا عمر عندما ارادد ان يهاجر واهل قريش ينظرون اليه وافواههم تدل على استغراب الامر

وقف ود رقول على شريط السكه حديد ووضع شنطته الصغيره على الارض كمن اراد ان يشيل الفاتحه على اهل العزاء

ومسك بطرفى شاله ورفعهما الى اعلى وصاح فى القوم

ياعاااااااااااااااااااااااااااااااااااااااااااااااالم ود رقووووووووووول وصل

ساعتها كنت بجوار الاخ الرشيد الافندى وضحكنا سويا وقلت للرشيد هذا عنوان رهيب لبوست

ولكننا فى جمهوريه تعترف بحق الحيازه

وتغيب فيها دوله المؤسسات

ومبروك عليك اخى الرشيد الحيازه ولكن لمسؤلياتك الجسام وانت ترابط فى ميدان العداله وتطالع كل الصحف يوميا باحثا عن مايكتب ويقال عن الاعتصام

ولا وقت لك للاطلاع على منتدانا ولاتستطيع ان تحمى حيازتك واصبح عنوانك بورا ومحجوزا حتى وجدت ان الاخوان

عباس ومحمد بروى والاخت نجلاء قد بدوا فى جرجره اطرافه بعصيهم باحثين عن مساحه فيه يمتلكونها

فقلت من الاولى ان اضع للامر حد و وان لااتفرج عليه كما تفرج اهل القرير وتنقاسى والقولد على اراضيى اجدادهم وقد الت ملكيتها لسد مروى لتوزع على الملاك السوبر الجدد

وخوفى ان يستولى اهل المال على حيازاتنا بخيارنا المحلى ونحن ننتظر دوله حمايه الحيازات الى حين

وعزرا اخى الرشيد فترك الحيازه خاليه ودون رقيب عليها يعرضها للسطو من اهل الجاه والاحتيال والتملك الجنائى

وقد شاهدت فى جمهوريه مصر شواهد على الاراضى الخاليه وقد كتب عليها هذه المساحه ليست للبيع ولايوجد توكيل لاحد بالتصرف فيها

ونحن نحتاج لمثل هذه الشواهد لاملاكنا فى دوله تلبس عبايه التحجب لتحجب ا الناس عنها

وتنقض عليهم مفترسه اللحم الحرام

من طرف **الرشيد طه** الأحد 22 يناير 2012, 1:34 pm

صباحكم زين
جيناكم يا حبايبنا بعد غربة وشوق نغالب فيه ويغالبنا

من طرف **الرشيد طه** الأحد 22 يناير 2012, 4:15 pm

نجلاء زمراوي كتب:اخي الرشيد اظنك ستحتاج كل بوستات المننتدي لتكمل الحكايه لاننا كما تابعنا وسمغنا ان الحكايه في ميدان التغير لاتوصف ولاتنحكي عباره عن ملحمه تاريخيه
وعلي العموم نحن في الانتظار

اختنا نجلاء تحية وسلام

فعلا نحتاج لكل بوستات المنتدى والمنتديات المجاورة للحكاية حكاية عزيمة واصرار وقوة ليست غريبة علي المناصير

من طرف **الرشيد طه** الأحد 22 يناير 2012, 4:19 pm

عباس محمد كتب:الاخ الرشيد ان الاوان
لتفك حجز البوست
بالتطرق لبعض التطورات

الاخ عباس سلامات شكرا للمرور وقد جاء فك الحجز

من طرف **الرشيد طه** الأحد 22 يناير 2012, 4:27 pm

م بروي كتب:".

_________
وبلا جنى ود رقول مافيش ولادي
البحش النخره من حد الفصادي
نشكر مجاهداتك يا رشيد

امير المنتدي وشاعر القبيلة نورت البوست بالطلة والحكاية مع انها منتقولة وقدييييييمة لكن لك اجر النقل

تسلم يا زعيم

من طرف **بلسم** الأحد 22 يناير 2012, 4:28 pm

الف حمدلله على السلامه اخى الرشيد
ونحن فى انتظار سرد تفاصيل الملحمة التاريخية
لأبناء بلدى الاعزاء

من طرف **الرشيد طه** الأحد 22 يناير 2012, 4:37 pm

(الحاج شرف) كتب:

ساعتها كنت بجوار الاخ الرشيد الافندى وضحكنا سويا وقلت للرشيد هذا عنوان رهيب لبوست

وعزرا اخى الرشيد فترك الحيازه خاليه ودون رقيب عليها يعرضها للسطو من اهل الجاه والاحتيال والتملك الجنائى

الحاج يا صديقي اترك قلب الحقائق وتحدث بالحقائق

اما مسالة السطو والاحتيال كان مرقت منها انت تاني عوجة ما في

من طرف **abuahmed** الأحد 22 يناير 2012, 5:35 pm

يا أخوانا هووووي

ما تعقبونا علي السعن

من طرف **الرشيد طه** الأحد 22 يناير 2012, 5:44 pm

بلسم كتب:الف حمدلله على السلامه اخى الرشيد
ونحن فى انتظار سرد تفاصيل الملحمة التاريخية
لأبناء بلدى الاعزاء

شكرا الاخت بلسم علي المرور ونعد بسرد الملحمة التاريخية

من طرف **الرشيد طه** الأحد 22 يناير 2012, 5:46 pm

abuahmed كتب:يا أخوانا هووووي

ما تعقبونا علي السعن

ابو احمد انت ظاهر عليك عجوز نرجو الترجمة علي الشريط

انا بعرف ود رقول شخصيا لكن قصتو شنو ما عارفا افيدونا

من طرف **نورالهادى** الأحد 22 يناير 2012, 7:42 pm

الحبيب الرشيد حمدا لله على سلامتك وطبعا أنت جائى بحكاوى وقصص لا يكفى لها بوست ولكن ركز لنا على أخبار الاهل المعتصمين ان شاء الله الأمور ماشى كويس .

من طرف **الرشيد طه** الإثنين 23 يناير 2012, 5:10 pm

ابراهيم النعمان كتب:انا بعرف ود رقول شخصيا لكن قصتو شنو ما عارفا افيدونا

الاخ ابراهيم سلام قصة ود رقول هي كما حكاها اخونا الحاج

من طرف **الرشيد طه** الإثنين 23 يناير 2012, 5:25 pm

نورالهادى كتب:الحبيب الرشيد حمدا لله على سلامتك وطبعا أنت جائى بحكاوى وقصص لا يكفى لها بوست ولكن ركز لنا على أخبار الاهل المعتصمين ان شاء الله الأمور ماشى كويس .

حبيبنا الهادي الغالي سلام

نبدأ الحكاية من قبل الاعتصام

قبل الاعتصام الاجتماعات تقوم وتقعد في الاعداد والترتيب لهذا الامر تكونت عدة لجان كل لجنة اوكلت بمهمة معينة من المهام الكثيرة والكل يعمل ليل نهار في جميع انحاء السودان والترتيبات تمضي بهمة ونشاط الكل يخدم ويعمل وعينه في الارض والقبيلة والحق والمسالة تعدت الحقوق ووصلت مرحلة الحقارة والاستهتار والاستهانة بقبيلة المناصير الكل يعمل ونصب عينيه هذا الكلام تم طبعا تحديد الزمن او ساعة الصفر كتبنا خطاب رسمي لمدير عام شرطة الولاية لاخطاره بمواعيد الاعتصام ومكانه قال تكتبوا لدائرة الاختصاص شرطة الدامر كتبنا خطاب تااني لمدير شرطة مدينة الدامر رد علينا ان الظروف الامنية لا تحتمل والظرف غير مناسب لهذا هو يرفض لكنه لم يدري اصرار المناصير وعزيمتهم لم يشتغل احد برده بدأت الوفود تزحف نحو الدامر بترتيبات معينة معروفة انا كنت في الدامر يوم الخميس قبل الاعتصام بثلاثة ايام الولاية تعلم بالزحف المنصوري لكنها لا تعرف كيف تتعامل مع الموقف نقيف هنا ونواصل انشاء الله

مراحب بعودتك اخي الرشيد طه

وبانتظار سردك للكل التفاصيل الخاصة بالاعتصام

وتفاصيل التفاصيل .... بالتوفيق

مراحب سيف المنتدى اخونا الرشيد
عودا حميدا للمنتدى
وانا حاجزه كرسى قدام مافى واحد يقعد فى محلى

حاول ما تنسى التفاصيل اخوانك فى الغربه راجييين

كيف حالك يا الرشيد
من طول الغيبات جاب الغنائم
نحن في انتظار الرقوليات يارشيد
طولنا ماتفشينا في ضحكه نفك بيها الغباين
الشوق ليك في ضميرنا بلاحدود

من طرف **الرشيد طه** الخميس 26 يناير 2012, 8:07 pm

نبدأ الحكاية من قبل الاعتصام قبل الاعتصام الاجتماعات تقوم وتقعد في الاعداد والترتيب لهذا الامر تكونت عدة لجان كل لجنة اوكلت بمهمة معينة من المهام الكثيرة والكل يعمل ليل نهار في جميع انحاء السودان والترتيبات تمضي بهمة ونشاط الكل يخدم ويعمل وعينه في الارض والقبيلة والحق والمسالة تعدت الحقوق ووصلت مرحلة الحقارة والاستهتار والاستهانة بقبيلة المناصير الكل يعمل ونصب عينيه هذا الكلام تم طبعا تحديد الزمن او ساعة الصفر كتبنا خطاب رسمي لمدير عام شرطة الولاية لاخطاره بمواعيد الاعتصام ومكانه قال تكتبوا لدائرة الاختصاص شرطة الدامر كتبنا خطاب تااني لمدير شرطة مدينة الدامر رد علينا ان الظروف الامنية لا تحتمل والظرف غير مناسب لهذا هو يرفض لكنه لم يدري اصرار المناصير وعزيمتهم لم يشتغل احد برده بدأت الوفود تزحف نحو الدامر بترتيبات معينة معروفة انا كنت في الدامر يوم الخميس قبل الاعتصام بثلاثة ايام الولاية تعلم بالزحف المنصوري لكنها لا تعرف كيف تتعامل مع الموقف نقيف هنا ونواصل انشاء الله

اها نواصل

الحقيقة كان لابناءنا الطلاب والشباب دور كبير وكبير جدا في استقبال المعتصمين وتجهيز الاماكن لاستقبال الاهل الذين يحضرون زرافات ووحدانا وقبل يوم الاعتصام بكم يوم

مشهد تمثيلي لتلك اللحظات

الو

مرحبا

نحن وصلنا بغادي للكبري

حمد لله علي السلامة انتو كم نفر

والله نحن كم وعشرين

خلاص انتظروا في .... بجيكم زول

تمام

اتصال

اتصال آخر

الو

مرحبا

نحن فتنا العالياب

خلاص انتظروا في ..... بجيكم زول

وهكذا كل زول يستلم مجموعة مع تجهيز المبيت والعشاء هذا غير الافراد والذين لديهم اماكن يتصرفوا مع تحديد اماكنهم كل هذا العمل المتقن والمؤمن تماما قام به الطلبة والشباب بدرجة امتياز

مساء السبت 19/11

حركة شديدة ورفع التمام ووضع طرق التحرك للميدان حتي آخر الليل الناس في تجهيز العمل وهناك من لم يذوق طعم للنوم وهناك من ساق الليل صباحي تم توزيع الناس لمجموعتين مجموعة من جنوب شرق الميدان ومجموعة من شمال شرق الميدان علي ان يتحركا في زمن واحد متفق عليه للوصول

نقيف هنا

شنو يالرشيدىكدا ماينفع ياخي
نحن حارسنك لينا زمن
تجي تدينا بالقطاره
ابهلها لينا والخالق زارق

من طرف **الرشيد طه** السبت 24 مارس 2012, 10:54 pm

ننفض الغبار استعدادا لمواصلة المشوار

من طرف **ود عون الله** الأحد 25 مارس 2012, 11:03 am

معالي وزير الإعلام--- سلام

الناس قاعدي في الكراسي من بدري والكتاحة أخدتنا

أحلج الماسورة كما قال سفيان وكيل بالربع الكبير

من طرف **الرشيد طه** الإثنين 26 مارس 2012, 8:12 pm

ابو الرجال سفيان واخونا القايم بنمرة عشرة ود عون الله سلام انتو قايلن البهل ده هين يا مغتربين ومرطبين علكم رايقين

صباح الاحد موعد التحرك :

قلنا في مساء السبت كانت هناك حركة شديدة وترتيبات حتي صباح الاحد حيث الساعة التاسعة صباحا موعدا لتحرك المجموعتين للالتقاء في الميدان الواقع شرق امانة الحكومة وتحديد الميدان كانت هناك مجموعة مكلفة باختيار مكان الاعتصام وبدات عملها قبل ايام من الموعد ووقع اختيارها لهذا الميدان ومن المصادفات وترتيبات القدر انه كان مناسب من جميع النواحي اولا ميدان كبير امامه مباشرة مباني الحكومة خلفه مسجد وجواره مسجد آخر جنوبه وشماله فسحة لا توجد مساكن

تحركت المجموعتين في نفس التوقيت من اتجاهين مختلفين قبل التحرك لم يكن معروفا تعامل الحكومة مع هذا التحرك الانباء التي تاتي من قبلها شحيحة ومختلفة من يقول انها عازمة علي التصدي بالقوة علي التحرك ومن يقول انها ستسمح به علي كل حال الناس كانت جاهزة لاسواة الاحتمالات وعاملة ترتيباتها

بدأ التجمع عند الساعة التاسعة صباحا في المكان المحدد وتحركت المسيرة تشق هتافاتها عنان السماء تحمل المكرفونات والشعارات

المناصير يريدون احقاق الحقوق

لا وعود ولا تخدير الآن حقوقنا تعود

تنهد تنهد عصابة السد

علي طول وجنبات شارع الزلط القادم من الاتجاه الجنوبي نحو امانة الحكومة وقفت الشرطة مدججة لا يدري السائرون كيف يكون تعاملها معهم لكنهم جاهزين مضوا في طريقهم دون خوف او جبن ووقفت الشرطة تراقب المسيرة

وصلت المجموعتين الي الميدان والتحم الجمعان وطوقت الشرطة المكان والميدان

نواصل

من طرف **عباس محمد** الثلاثاء 27 مارس 2012, 8:40 pm

واصل اخى الرشيد
سرد روائى ممتع يغيظ المكابرين ويفرح المغتربين
تقبل المرور

يااااعاااالم ود رقول وصل

يااااعاااالم ود رقول وصل

رد: يااااعاااالم ود رقول وصل

رد: يااااعاااالم ود رقول وصل

رد: يااااعاااالم ود رقول وصل

رد: يااااعاااالم ود رقول وصل

رد: يااااعاااالم ود رقول وصل

رد: يااااعاااالم ود رقول وصل

رد: يااااعاااالم ود رقول وصل

رد: يااااعاااالم ود رقول وصل

رد: يااااعاااالم ود رقول وصل

رد: يااااعاااالم ود رقول وصل

رد: يااااعاااالم ود رقول وصل

رد: يااااعاااالم ود رقول وصل

رد: يااااعاااالم ود رقول وصل

رد: يااااعاااالم ود رقول وصل

رد: يااااعاااالم ود رقول وصل

رد: يااااعاااالم ود رقول وصل

رد: يااااعاااالم ود رقول وصل

رد: يااااعاااالم ود رقول وصل

رد: يااااعاااالم ود رقول وصل

رد: يااااعاااالم ود رقول وصل

رد: يااااعاااالم ود رقول وصل

رد: يااااعاااالم ود رقول وصل

رد: يااااعاااالم ود رقول وصل

رد: يااااعاااالم ود رقول وصل

رد: يااااعاااالم ود رقول وصل

رد: يااااعاااالم ود رقول وصل