مصير المليون ...ومصير المناصير

+صحيح البوست بوضعه القديم فيه خكأ كبير
خطب احدهم في الجمع المعتصم يا جماعة المشكلة اتحلت والحكومة ح تدينا مليون شهريا
+اخر والعمل
+نكون لجنة عليا في الخرطوم ولجنة متابعة في الدامر ولحان فرعية في البلد
+ذهبت لجنة المتابعة الي الولاية ..السلام عليكم وزير المالية ..وعليكم السلام ...انتم منو ..نحن المناصير الغرقنا اسامة عبدالله والشتمنا اسحق احمد فضل الله ...عايزين شنو عايزين قروشنا ....الموضوع هذا عند الوالي ...يلا قوماكم علي الوالي ...السلام عليكم حضرة الوالي ...وعليكم السلام ..انتم منو نحن المناصير المعتصمين امام حكومتك ...عايزين نعرف من هم المناصير القاعدين يتنافسوا علي الزعامة....سجمي الموضوع وصلكم ...والله سجمنا نحن الوالينا ا ...قلت شنو ...قلت قروشنا يا حضرة الوالي ...تعالوا بكرة..كل يوم امشوا تعالوا بكرة..

+ هل لدينا دراسات لمشاريع جاهزة وما هى الاقتراحات ؟؟
+الشهر القادم سوف اخبركم عن تفاصيل المبلغ...

الاخ عبدالواحد

مع احترامي الكامل لشخصك

القضية ذات جذور ومفاصل هيكليه طال امدها

تكمن في تثبيت هويه المنطقه وضمانات ذلك اولا

التنميه الاجتماعيه والاقتصاديه (طرق سكن كهرباء صحه مواصلات تعليم ,,,,,,الخ ) ثانيا

تعويض اهالي المنطقه ادبيا وماديا وعينيا ثالثا

و,,و,,,و,,,,و,,,و,,,الخ

الأخ كاتب البوست ...............سلام.......
ياخوي حكاية الوالي داير حقو والوزير داير حقو والصراف داير حقو دي أنا مابعرفها وأنت المسئول عنها هنا وفي الأخره....
أما الجماعة الإستلموها دايرين حقهم دي كبيرة وأنا مابخليها لأني كنت حضور عندما ذكرها لنا وزير المالية ثاني يوم من الإعتصام كإغراء لفض الإعتصام لكن قلنا له خليها معاك و دا بعدك الإعتصام مابتفضي إلا بإنجاز كافة المطالب الموجودة في المذكرة....
لذا ياأخي لاتسبط همم أهلك الأشاوس الذين يفترشون الأرض ويلتحفون السماء في هذا البرد
وخليك في سبق حميرك لامن نجيك راجعين من الدامر...
مع فائق إحترامي،،،،،،،

مرحب بيك لكن افهم ما كتبت جيدا وانا لم اذكر انو الجماعة دايرين حقهم وانا هنا دليت علي مجاهده الجماعة وتعبهم والمعاناه الممكن تقابلهم ,هذا سرد لاحداث قاعدة تحصل في السودان
..مع فائق احترامي
ولنا عودة لسباق الحمير !!

الأخ عبدالواحد لك تحياتى ان كتاباتك لها مدلولات ومعانى خفية تعبر عن الواقع بصورة حقيقية ولكن تلاحظ أن معظم الردود تأخذ من المقال بشكله الظاهر بنوع من الإنطباعية والرأى المسبق ومن غير تمحيص و هذه من أكبر المشاكل التى نعانى منها .

الكل عامل فيها حكيم حيرتونا

ما اضر بقضية المناصير الا الذين يستخدمون لغة التخوين والعضلات ,كل واحد يعمل فيها المجاهد الاول والفاهم الوحيد ,لاننا لم نقول بكرة الجرد ,لا احد يستطيع ان يفول قدم اكثر من الاخر هذا معاعون كبير كل يرمي فيه ,ولا يدفنا مثل المدعو ابراهيم ان نحكي بما فعلنا حتي لا نمن علي اهلنا وان كنا نري هذا واجب وليس منة منا
_اننا لم نخون احدا سوي الحكومة ,انها خانت اكثر من عهد كيف نصدقها في هذه المرة, اظن الكتابة بطريقة غير مباشرة سوف تسبب لنا الحرج مع كثيرين , ولكني قصدت من الموضوع ان اوضح سذاجة الحل والفهم البسيط عند الحكومة ,اين كانت حكومة نهر النيل قبل الاعتصام ,لاننا مزلنا نخون الحكومة لان حتي امس يدفع الوالي نحو تسييس الحقوق والكاروي يتحدث عن استحالة قيام مشاريع حول البحيرة وما علم هؤلاء ان هذا الكذب تجاوزه الواقع تماما
+اما التهديد والتهكم هذا كبير يا ابرهيم ولن اتركه البتة

يا جماعه استهدوا بالله
اخي ابراهيم
اخي عبد الواحد
ليس هذا وقت للمهاتره وانتما الاثنان اقلامك اقلام جرئيه فدعوها تكتب تحفيزا وتشجيعا للمعتصميين ولاتنشغلو ا بصغائر الامور
فتقبلا مروري

الاخ الحبيب ساري الليل ,الاخ ود الدومات ,الاخت نجلاء لكم الشكر علي المرور عودة حين تكون الصورة اكثر وضوحا ,ولن ننصرف

صديقى عبدالواحد فقد اوضحت بالراى السديد ماترنو اليه الحكومه

فالقضية واضحه وضوح الشمس لاغبار عليها فالعيب فى حكومتنا التى

تتبادل الادوار على اهلنا المناصير بهذه السذاجة

فلنصوب افكارنا مع اهلنا المعتصمين بالدامرويكون لدينا

اللطف على الردود الانفعالية فانها قد تضر بقضيتنا

الاخ عباس لك التحية وينك ياراجل لك خالص ودي
احيانا نجبر علي علي هذه الردود رغم علمنا عدم جدواها

واخيرا خاطب الوالي في الجمع :ايها المناصير الاوفياء ايها الجمع الكريم وانا علي استعداد وانا علي استعداد ..
_احد المرافقين يا حضرة الوالي انت بتكلم مين ما شايف كل المعتصمين جاعلين اصابعهم في اذانهم والوالي يحدث نفسه والناس انصرفت في حديث جانبي
_جماعة السمك والله السمك اليومين دي ارتاح ,خليه يا خوي باقي اليومين دي زمن تكاثر السمك ودابو يكبر وحتي لو استمر الاعتصام للسنه الجاي ما في مشكلة السمك سكمنا والبحيرة بحيرتا ولو في راجل خلي يتفرج في سمكة ساكت او شاغل سمكة من سمكنا
_ناس الدهب تحدثوا ان اليومين دي البرد وبرد الدامر احن شوية من برد الخلا ولما يجي الحر برضوا حر الدامر اخف من حر الخلا
_يا اخوانا الراجل الكان يكورك هناك قال شنو ..قال الاعتصام ده ما قانوني و انا ما اخاطبو .. هو اصلا لو جاء خاطببنا ذي الشفتو دة ما ح نسمع له لان الحل ماهو في يدو
-هو اصلا الداير مخاطبتو منو
..والله ياخوانا بعد ما خرجنا تاني ما ح نرجع حتي نشوف اسامة عبدالله ذى حسني مبارك
.....قد يكون الماضي مر انما القادم احلي ....

ايوه صديقى عبدالواحد لك التحية فقدطالت المسافة بيننا وانا فى الثورة

امدرمان حى ارزق ابادلك التهانى فقد اوفيت فى االرد اعلاه فذلك

هو لب القضية التى من اجلها يتحمل اخوانى واخوالى واعمامى وكل اهلى

المناصير شدة البرد فى ميدان العدالة بالدامر من اجل تثبيت موطننا الاصل

والذى سوف نعود اليه عاجلا ام اجلا

تقبل مرورى