سيرتي الذاتية بالصور والشهادات

تذكير بمساهمة فاتح الموضوع :

الموضوع راح يكون طويل للغاية.. بس نبدأ حبة حبة. نبعجا من هنا.. ونبعجا من هنا لامن نصل للخاتمة بحول الله..
الصورة التالية كانت في هلتون لندن في يوم مشمس. قرب حوض السباحة وقرب قسم الهندسة.. نواب رؤساء الاقسام في صورة تذكارية.. بعد أن انتهت فترتنا التدريبية والدراسية في معهد خاص بشركة هلتون في لندن.. يظهر في الصورة الاخ جيمس منتدب من هلتون الخرطوم.. وهو نائب مدير قسم خدمات الغرف.. الآن يسعى ان يعمل فندق خمسة نجوم في جوبا. الآن مدير قسم في فنادق روتانا هوتيل
أخذت الصورة في أوائل التسعينات. بعد نهاية فترة دراسية وعملية..<script src='http://img27.imageshack.us/shareable/?i=serathateea.jpg&p=tl' type='text/javascript'></script><noscript></noscript>
http://www.sudanyat.org/upload/uploads/serathateea.jpg

وياحلات الشربة من نصف البحر بكورية المركب وقالوا تنفع الحواطة .

ها ها ها. ضحكتني يا مصباح. فعلا هذه قولة منتشرة عند المناصير.. تتذكر يا مصباح المركابة يعدوا الجنايز.. والمناصير ناس يعرفون التكافل شديد.. عملو( حوض المركب) الناس السايقين يدوهو ريس المركب.. عشان تسهيل دفع القروش في الجنازة للمركابي .كل الناس يقطعوا الغرب بلاش في الجنازة. عشان فجاة يقولوا ليك فلان مات.. وانت جزلانك يكون بعيد في البيت وقد تكون ماسك ليك موية .ما معاهم قروش المركب طوالي تغسل ايديك وتجرى تلحق صلاة الجنازة وتقطع بالمركب بدون قروش ونظير ذلك حوض المركب الناس السايقين يدوا المركابي حوض.. شوف بالله التعاون ده كيف؟ وشوف الدين ده كيف بلا تكلف، فتاوي على الطبيعة سهلة سمحة .
وبعدين آسفين والله كان دمعتك جرت وذكرناك بالصورة المعبرة. شوف يا مصباح في الصورة حتى كدر ظاااهرة..

أتذكر والله المدنية بت سالم رحما الله لما خليفة وتاج الدين كانوا عيانين في المدرسة.. وهي تتكبكب فوقهم كيف! وابوهم مات ( دبلوب) محمد خير خلاهم صغيرين... المدنية رحما الله مرأة حنينة ولاتنسى المعروف..
سلام ومحبة

شوف عليك الله جنس الخضرة دي؟ وشوف الصيافي دي مفرهدي كيفن.. وشوف التمر ده فرحان كان كيف؟ يعانق السماء.. وشوف السنطة دي الجنب بابورنا.. بس بابورنا ما ظاهري.. وشوف الحمير ديل يرعن كيف؟ شبعانات ورويانات. البحر جنبهن ياكلن ويشربن.حصل سألنا لينا زول قلنا ليه ادينا ذكاة والله إعانة؟
وشوف الدحيش ده دابو والدنو يعاين لكاميرة وعدسة الكاميرا كف؟ حلالالالالاتو!

<script src='http://img543.imageshack.us/shareable/?i=albaladwalsaef.jpg&p=tl' type='text/javascript'></script><noscript></noscript>

التحية لك يا هندسة ويعجبني فيك فنك وذوقك وإختيارك للصور المعبرة والاحتفاظ بها طيلة هذه المدة ونحن نعرفك منذ ليالي السمر في المدرسة وياريت تدينا طلة عليها وهي كانت من ضمن ما يسمى بالنشاط المدرسي اللاصفي الذي كان موجود في المدارس رغم الإمكانات الضعيفة في ذلك الوقت هل تذكر الرياضة وأستاذنا العبيد موسى ومحمد علي بابكر سليل فقرة سور وابن العمدة نعمان السر حفظهم الله ومتعهم بالعافية وكذلك الجميعات الأدبية و الصحافة المدرسية والإذاعة المدرسية وحلقات التلاوة في الصباح الباكر والمذاكرة ودروس العصر . هذه أشياء كلها انتفت في هذا الزمن الذي أصبحت فيه المدرسة تطلب دائما من التلميذ أكثر مما تعطيه . جيب رسوم كذا ومساهمة كذا والله المستعان وتقبل مروري .

ها ها ها دكتور مصباح. ما تسوي لى اللت محمد بروي لى ود المناصير. قالوا تدور البابور وتسيبا وتمشي ونحن نقرع وراك تعبنا من القراعي، قالو هسي دي ببعجا ليك في التنقير.. يقصد ود بروي إنو ود المناصير يفتح البوست ويفوت..
دحين ياخوي دي مواضيع كتيرة خلاص ذكريات ليليات السمر وناس استاذ محمد علي بابكر وتاج السر نعمان وعبيد موسى... قصص كتيرة دي ياخي. ساعدني افتح بوستات بهذه الاشياء .. أنا غايتو شوية شوية بمر عليها.. لكن كلها عايزة ليها شهر من الكتابة..
ياخي والله أنا ياخي إفتكر عندي مشكلة لا أنسى ابدا اي حدث حتى ولو كان صغيرا. كانه يمر على ذاكرتي اليوم. داير انسى ياخي.. ما معقول..حاجات كتيرة خلاص.

الف تحيه استاذنا ابحنه

الله يعيننى على القرايه

بدون تعليق

ها ها أميرة الحومري.. ما تفوتي الشمارات بي هنا كتيرة
.......................

أحمد ورؤى<script src='http://img716.imageshack.us/shareable/?i=ahmedwaruaa.jpg&p=tl' type='text/javascript'></script><noscript></noscript>

http://www.sudanyat.org/upload/uploads/ahmedwaruaa.jpg

الأخ صديق إنت عليك تكب الجاز ويازول بعدين نحن مزارعية ساكت والوابور ده ما بنعرف ليها بس لما تغرق أو يشرد البحر ممكن نديرها معالك وبعد نقسم العيش وتعال جيب شولاتك عند النصبة. أخ صديق زمني المخصص للمنتدى نصف ساعة يوميا للأسف ويادوب ندي سيرتك طلة ونأخذ خمس دقائق في ونسة أبوالكراري في نفسي أكتب الكثير ولدي الكثير وإن شاء الله نحاول ننسق في يوم الجمعة إذا لقينا سرقة شوية كده . الواحد بقه يجي من الشغل دايخ و12 ساعة الواحد عينة على الشاشة وما تنسى الكبر بدأ يدب فينا ولك شكري و تقديري

خلاص أنا بكب الجاز يا مصباح للبابور.. ها ها ها

متابعيييييييييييييييييييييين

احي فيك هذه الثقه بالنفس!؟

هو في حاجة ما قلتها ليك لسه يا نجلاء.. موش فرحين بت حمدين جات مهاجرة بس من السليمانية بسبب الورثة كما ذكرت قبل كدة. وجابت معاها بنتها الوحيدة زينب التى تزوجها جدي موش دي سبب العلاقة مع ناس الربع العاصي بس.. وإن كانت هذه علاقة كبيرة علاقة النسب. لا لا أصلاً نحن بي جدنا بي أبونا عندنا علاقة نسب سابقة مع ناس السليمانية. بعدين جات حكاية الزواج دي تتويج لها. يعني العمدة عثمان ما قال لى جدي ود اب أحنة تزوج زينب دي ساكت!
لا لا
قالوا( يا ود اب حنة. اقرب زول لى ناس السليمانية ديل إنتا.. عشان كدة فرحين دي شيخة والشيخة تكرم.. ولايمكن نرجعا للكييب تاني! عشان كدة لو سمعت نصيحتى تتزوج بنتها زينب دي! ولو شيوخ السليمانية اعترضوا راح نقول ليهم نحن ما زوجناها لى زول ساكت! قريبا واتزوجا..والعمدة كان عايز فرحين ما ترجع بي بنتها للكييب عشان عايزا كرت ضغط على شيوخ الربع العاصي. عملية بتاعة سياسة من العمد

شركةSiemens العالمية شركة رائدة في تقنية المعلومات. وخاصة في تشغيل الآليات من بعد. نظامScada وقد احضرت هذه الشركة قبل شهور دكاترة مهندسين من جامعة ألمانيا الام لتدريسنا هذه المادة.ز وبعدها نلنا منهم شهادة تشغيل الآليات عن بعد.. يعني مضخة كبيرة في السودان. مكن تشغلها من تركيا مثلاً. وتزود برودتها وتقلل حرارتها.. عن طريق شبكة الإنترنيت. زمان تدور البابور بالمنفيلا. هسي دي ممكن تشغلها من آلاف الأميال..
<script src='http://img815.imageshack.us/shareable/?i=sharicatsiemens.jpg&p=tl' type='text/javascript'></script><noscript></noscript>

http://www.sudanyat.org/upload/uploads/sharicatsiemens.jpg

صديق عبدالله علي أبوحنة كتب:هو في حاجة ما قلتها ليك لسه يا نجلاء.. موش فرحين بت حمدين جات مهاجرة بس من السليمانية بسبب الورثة كما ذكرت قبل كدة. وجابت معاها بنتها الوحيدة زينب التى تزوجها جدي موش دي سبب العلاقة مع ناس الربع العاصي بس.. وإن كانت هذه علاقة كبيرة علاقة النسب. لا لا أصلاً نحن بي جدنا بي أبونا عندنا علاقة نسب سابقة مع ناس السليمانية. بعدين جات حكاية الزواج دي تتويج لها. يعني العمدة عثمان ما قال لى جدي ود اب أحنة تزوج زينب دي ساكت!
لا لا
قالوا( يا ود اب حنة. اقرب زول لى ناس السليمانية ديل إنتا.. عشان كدة فرحين دي شيخة والشيخة تكرم.. ولايمكن نرجعا للكييب تاني! عشان كدة لو سمعت نصيحتى تتزوج بنتها زينب دي! ولو شيوخ السليمانية اعترضوا راح نقول ليهم نحن ما زوجناها لى زول ساكت! قريبا واتزوجا..والعمدة كان عايز فرحين ما ترجع بي بنتها للكييب عشان عايزا كرت ضغط على شيوخ الربع العاصي. عملية بتاعة سياسة من العمد

كديي يا صديق وضح لي علاقتكم بجدنا الشيخ صبي

انا عارفه انو في علاقه لكن ايه هي بالتحديد!!

حبوبتي أم ابوي طوالي هي زينب بت فرحين بت حمدين بت صبي.
العلاقة دي قريييبة جدا.. وعطا الله راجل المرحومة عارفااا تمامومسلسلا تمام وعطا الله نفسو شاف حبوبتنا زينب وشاف فرحين ذاتا.. سليمان السنقوري الله يرحمو كان يجيها طوالي.وأنا شفتا سليمان السنقوري كتير، حبوبتى زينب بت فرحين دي ماتت قبل ميلادنا بسبعة سنوات

سليمان السنقوري هو والد عطا الله ابن عمتي اسيا بت صبي
والله قرابه شديده يعني ما باللقه زي ما بيقولو
يعني انت من الربع العاصي كما يحلو لي ابي ان ينا ديهم

انت عارف يا صديق ان جدنا شيخ صبي كا ن يتحدث الانجليزيه بطلاقه طبعا اتوفي منذ زمن بعيد ابوي كا ن صغير.

لا لا يا نجلاء. موش عطا الله ولد سليمان السنقوري العارف القرابة.. ولد حسين السنقوري موش إسمو عطا الله برضو..!
إنت سليمان السنقوري راجل آسيا عمتك يبقا ليكم شنو؟
عشان اؤكدها ليك زيادة
سليمان السنقوري ده وأنا شفتو عمري كان 16 سنة. سليمان السنقوري فرحين دي تبقى ليهو عمتو طوالي أخت ابوه بلا لفة عديل كدة عمتو أخت ابوه

عطا الله ده ود آسيا كان يجيني كتير وأنا ساكن في الثورة.انا اقصد عطا الله ود حسين السنقوري

عطا الله حسين البعرفو ابن عمي ابوه حسين محمد سليمان صبي وهو الزوجتو اتوفت في الحج سنقوريه اخت عبيد الله السنقوري وديل ابناء عمتي فاطمه او فطومه بت صبي

سليمان سنقوري والد عطا الله علي ما اعتقد ابن عم ناس ابو ي وعطاالله وعبيدالله اولاد عم واولاد خاله وبالنسبه لي هم اولاد عمتي

خلاص وصلت الحكاية يا نجلاء.. رتبيها أنت.. فرحين عمة سليمان السنقوري.. وبتها زينب هي حبوبتي ام ابوى طوالي..
عطا الله حسين من زمان عندو لينا وصية.. كل مايزورنا في الحنانين. قال مهما بنيتو وجددتوا البناء ما تسكروا بيت حبوبتنا.. وظللنا نحن نحفظ وصيته، احتفظنا ببيت حبوبة فرحين لغاية الإغراق كتراث، بالرغم من أننا جددنا البيوت حولها.. معاليقها وسحارتا وشنطتا قاعدة لغاية قبل الغراق.. والسحارة قال ابوي جابا ليها ابوهاصبي محمولة بي جمل من حلفا. سحارة مذهبة..جاية من مصر.. وعطا الله ود حسين لما جاء مع ناس السليمانية قبل ثلاثة سنوات لبكاء المرحوم عمر أخوى، سلم على الحريم وقال وروني بيت حبوبتي كسرتوه والله لا.. وانا دخلت معاه في الأوضة القديمة.المسورة من برة كتراث..برضو هي حبوبة عطا الله حسين عمة ابوه وسليمان السنقوري ومحمد السنقوري وحسين السنقوري أخوان..

.... معرفه الارحام وصي بها الاسلام تشكر يا عمده
يلا نواصل ما انقطع من السيره العطره .

قال رسول الله صلى الله عليه وسلم( الرحم معلق بعرش الرحمن الى يوم القيامة، ينادي، اللهم صل من وصلنى، واقطع من قطعني) صدق رسول الله

حبوبتنا زينب بت فرحين عندها بنتين
آمنة علي ابوحنة
وعاشة على ابوحنة
ساقوا الغنم وطلعوا الخريف كان سمح السنة ديك.ز
هي اشتاقت لهم
قالت قصيدة طويلة فيهما ، ولكنى الآن أحفظ منها بيتين فقط..
لما اشتاقت لى بنوتا وهن في العتمور مع قطيع الأغنام
قالت
عاشة مطمورة الدهيس الفي المناصير
آمنى ديك ضهب القنا الما ضاقلو جـِمّير

اذكر جدتي عائشه ابوحنه يالخال كان عندها صاله واسعه وفيها 2زير باردات وتحت الزير حجار البطاريه تبع الرادي لانها كان مستمعه جيده للقران وعنها خمسه عناقريب كباروصلايه من البرش في النص وعليها سبحه كبيره خلف سريرها كان هناك بعض الاغراض منها زجاجه مليانه موية زمزم ومويه ملخبط فيها خل وداخل اوضتها مازلت اذكر سحاره كبيره وثلاثه عناقريب كبار وشماعه للملابس حضنها كان ملاذ امن لاحفادها خصوصا لشخصي الكريم كان لساني طويل اشاغل وازوغ ا خاف موت من الضرب ولما يحاول الاخرون الامساك بي ارتمي في احضانها وهي في الصلايه تسبح فتذود عني بسبحتها الله يرحمها ويغفر لها مازلت اذكرها كثيرا

نعم يا عازة. كانت إمرأة رحمها الله متدينة للغاية.. وذاكره طوالي لسانها يلهج بالذكر.ز وحنينة.. وحساسة قمة الحساسية. تصلى الليل كلو مرات. تقيم الليل..
رحمها الله كانت عندها لى ريدة خااااصة وتسميني( صـَدِيق القول).. وحتى لما رحلت مع بناتها أم عشر فتيح العقلين في العاصمة. وانا شغال في الهلتون اسبوعي بكون عندها.. كانت رحمها الله تبرني شديد.. وكانت مرأة كل ما ترى رؤية كانت تحدث وتتجسد كفلق الصباح.. كلام كتير شافتو في الرؤى وتحقق.تسلمي يا عازة

متابعييييييييييييييين
كلامك كلو محنه يا عازه........تسلمي.

تسلمي يانجلاء ودائما الذكريات بتكون جميله ياريت الزمن يرجع عقدين من الزمان مره واحده

أهلنا ناس كسلا
الأطفال
خالد الجيلي ابا سعيد.. كسلا حي العرب.. المحلي قرية ( الصفيحة)
سلافة الجيلي اباسعيد ..............................
قلنا قبل كدة اباسعيد طبعاً من ناس أمري.. وجاء الى قرية الصفيحة تزوج عمتنا بت عمة ابونا بت حمد توم.. وعاشوا في كسلا حي العرب..
الجيلي كان معنا في الأمارات مسؤول عن ( عزبة) ثري راسمالي منصوري من مناصير الإمارات.. والعزبة بها جمال سباق تشارك في السباقات الدولية.. الآن هو مستقر في كسلا حي العرب باسرته. نسأل الله له العافية
<script src='http://img687.imageshack.us/shareable/?i=ahalnanaskasala.jpg&p=tl' type='text/javascript'></script><noscript></noscript>

http://www.sudanyat.org/upload/uploads/ahalnanaskasala.jpg

لما أكتب ليكم ، اكتب بكل إحساسي ومشاعري، واكون منحصراً.. انحصاراً كاملاً.. كل حواسي مجتمعة في حاسة واحدة.. عقلي.. بنات افكاري.. أطرب للنص ، قبل ان يطرب له الآخرون.. اقيم علاقة حب بيني وبين نصوصي المكتوبة ، فهن بناتي..
واطرب اكثر عندما اكتب لأهلى، يستوى عندي فيهم الجاد وصاحب الهزل، و غيره، لأنهم اهلى وسادتي، ومتكأ ضلي.. وين بنهرب.. منذ صغرنا نستقبل الضيف في خلوتنا ولانخاف منه.. وفيهم ماشي الدرب والتكروني.. والمجنون والغير معروف وذاهب العقل.. ومكسور الجناح والفقير والمرضان.. نعشيه.. ونسقيه الشاي.. ونفرش ليهو ونرقدوا.. بالرغم من احتياط الوالد بجميع الاحتياطات لخلوة في مهب الريح وجنبها السبيل والبير.. حتى السلاح كان عنده، تحسبا لاي طارئ، ولكنه يوماً واحداً لم يستخدمه، وكانت العناية تقيه، طالما( لقمة في بطن جائع)..وقال صلى الله عليه وسلم( في كل كبد رطب أجر) لذلك نحن ملك للآخرين وليس لأنفسنا.. نتقى عاديات الايام بس برحمة الله وخوف منه مبالغ فيهو..
عشان كدة نكتب بكل احاسيسنا لكم . وصدقنا المعهود..<script src='http://img837.imageshack.us/shareable/?i=lammaaktiblekum.jpg&p=tl' type='text/javascript'></script><noscript></noscript>

http://www.sudanyat.org/upload/uploads/lammaaktiblekum.jpg

الشوايقة زمان كانوا يقولوا( الشايقي كان نجح للعسكريي.. وكان بطل للطوريي) نحن برضو لاحقنا شئ من المقولة دي.. اصبح المنصوري كان نجح لى زريبة الفحم.. وكان بطل للطوريي..
رؤى بنتي في إحدى إجازاتنا اعجبت بزرايب الفحم العاملا عمها في ام بده.. عاملوا كم زريبة كدة ومشغل فيها مناصير، هذه واحدة من الزرايب..
قالت هي معجبة بمنظر الفحم.. ومعجبة بمنظر البت دي برضو الجات تشترى فحم، عايزة يصوروها جنبها.. وصورناها..
بالله نحن في السودان عملية ( الباكنق) اي التغليف لانجيدها في جميع الاشياء.. بالله حتى الفحم في السعودية والخليج يغلفوه ليك مكعبات للبخور. ومقرطس للبخور ما تفرزو من شكل الحلاوة..
شوف الفحم عندنا في السودان كيف!
خليك من ده
العيش والتمر تلقاه في الملجة في ام درمان. ياخي الفتاشة ديك الما بترحم تقددوا قديد. تقدد الشوالات. لامن الشوال يشتروه ، تلقا ربعو راح في الفتاشة. ويتقدد من كترة الفتاشة التى يغرزوها فيهو..
ياخي التمر ده ذاتو في الخليج وفي السعودية يقسطروه كم قرطيسة كدة ويدخلوه في اكياس وعلب ويطلعوا النوايي ويختوا محلها لوزة.. وقصص. وهم كمان يستعينوا بتمر السودان يعملوه كدة. والله ياهو تمرنا الما بتختاه العين.. لكن نحن لانفلح في البزنس ولا التغليف مرة واحدة. نضيع جمال الحاجات بالتغليف العوير..
<script src='http://img18.imageshack.us/shareable/?i=zarebatalfaham.jpg&p=tl' type='text/javascript'></script><noscript></noscript>

http://www.sudanyat.org/upload/uploads/zarebatalfaham.jpg

واصل متابعين

اليوم حضر الوالد من الاعتصام وقال وجد احد اقا ربك وتجاذبو اطراف الحديث والذكريات وجابو سيرتك بالخير .

نجلاء اقاربي كتااار في ميدان الإعتصام بالكوم. اسأليهو منو فيهم..
كان خميس سليمان ابوحنة ده ود أعمنا وهو أمين المخزن وماسك الميز للمعتصمين. و غيرو كتير من جهة الأم والاب.. كلهم ناس محلي..
لكن ماشء الله يا نجلاء.
انا أفتكر وبي حالتو دي المحلي الآن
الزول العندو شوية فكر ممكن يستثمر ويطلع قروش كتيرة خلاص.
ما شايفة العروسات كترت في المحلي اكثر من مناصير العاصمة!
ليه عشان العائد المادي
هسي دي جماعتنا هناك العندو مركب بتاعة ماكينة والعندو مركب بتاعة سمك. والعندو بوكس يتاجر بيهو من كريمة للبلد والقاعد يزرع لما البحيرة تنحسر. عجور وشمام وبطيخ وبامية وملوخية. أنا زمان كتبت بوست عن تجارة السمك بصورة حديثة، ياهو قاصد واحد من اهلنا ديل. عامل تنك موية ورا في البوكس. ويقبض السمك الحي، يجيبوا لشخصيات كبيرة في الحكومة. ويستلم آخر الشهر براتب ثابت.. حوالي 10 مرات في الشهر يجيب سمك حي. بالله المسؤولين ياكلوا سمكنا وعااارفنو ده سمك بحيرة المناصير.ولما نجي للقرارات ما يساعدونا؟ ده شنو ده
مرة قلت لى قريبنا ده!
ياخي اسأل فلان ده وهو بيعرفني وهو زول ما منصوري
اسألو قول ليهو( ياخي تاكلو سمكنا وتطردونا؟) قول ليهو صديق قال ليك كدة!
قال لى صديق هيييي. أنا دي بي طينة ودي بي عجينة
لو قلت ليهو كدة تاني راح يتغابا فيا العرفة وما بيشتري مني سمكي وهو زبون اول عندي..
غايتو جنس محن

وجابو سيرتك بالخير

بالخير ده فنان كبير هنا في الإمارات يا نجلاء. فنان من دبي..
والحمد لله الجابو سيرتي بالخير..
اصلو نحن المغتربين قد بعض اهلنا يزعلوا مننا ده داير جلابية وده عايز عقد عمل وده عايز دواء وده عايز مساهمة في عملية لإبنو..
مرات ندي ومرات الظروف تخلينا نقصر
عشان كدة ما يستبعد بعضهم قد يكون زعلان مننا وقد يفسر بعض الحاجات غلط.ز لكن كدة كدة الحمد لله يكاد يكون كل أهلى راضين عني. لاني زول ضميري ابيض ما بشيل في نفسي..
وحتى الغلط عديل مرات نشوفوا منهم نصلحو ونسويهو حاجة كويسة..

ومن أشعار الصمد زوج عمتنا ايضاً
بعد ضرع القماش الـ بالحديدي
مـَـتـَكـْرِنْ شافتو العين الأكيدي
مـَطـَـلـّـِعْ غنمو كل سوقاً وحيدي
قيلت في واحد من قرية الشلال كان تاجراً ويضرع القماش بالمتر . فلس وصار يبيع اغنامه في سوق النعوفاب وقيلت في والد محجوب ود الحاج الذي كان يعمل بمدينة وقر