نسوان في الكورة

ميرفت ... في النيل الأزرق ... عندها اكبر مشكلة في لسانا ... مشكلتا في حرف السين ... وبعدين تمد لسانا حتى في الحروف الحلقية

وتاني حاجة تقاطع الضيوف ...

يعني كارثة في برامج الرياضة

والعايز يتأكد يراجع تقديما لقرعة بطولة افريقيا الاخيرة بالسودان

الثودان ... اهلا وثهلا .. الجذاير ... وث وث ثثث ثثث ث ث ث

والله فضيحة في التقديم

والتانية / فاطمة الصادق : دي كمان فاكاها في نفسا بشكل

واخر حاجة سافرت مع ناس مازدا المغرب في بطولة إل جي

وتتكلم ووتكلف وتقول تشحد في الكلام

وأسوأ حاجة تخلف كراعا

هي كورتنا ناقصة ؟؟ الرجال غلبتهم جاي مرفت وفاطني تساعد في برامجا

وبعدين بناتنا في المنتدى ما يزعلو اصلن ديل ما معهن منافسة بنات منصور عزة وحشمة

لكن

برامج العيد كلها نسوان

انتو عارفين ليه ؟

ناس القنوات قاعد يخافو نسوان المسئولين

عشان كدا يجيبو ليهن الدايراتنو

والما مصدق يسال عيسى بروي لما مشى ومعه فنان تاني ما بتذكرو قبل كم سنة كدا لقناة النيل الازرق للتسجيل معهم حسب وعد القناة

ولما مشو لقو مراة واحد وزير جابت نص فنان من الجماعة اياهم وفرضتو على القناة

والقناة اعتذرت لاصحابنا طبعا

عيسى قاعد ويمكن تسالوهو

حاجة غريبة

حا نجيها مرة تانية بالتفصيل