منتخب السودان يخسر مباراته في كاس LG مع الكاميرون

خسر منتخب السودان اليوم مباراته مع الكاميرون في الدوره التي تنظمها شركة ال جي بالمغرب ثلاثة اهداف مقابل هدف وحيد

المشكلة ما فى الخساره الكبيره (ماركة مازدا) يا سارى الليل. المشكله المنتخب اظهر ضعفا واضحا فى جميع الخطوط وغيابا كبيرا للمهارات الاساسية للاعبى كرة القدم.
+
لعيبة وين ديل لي اسي وهم فى العمر ده ما بيعرفوا يلعبوا الباص صاح
ولا بيعرفوا يقيفوا صاح ولا تغطيه صاح ولا فكر صاح زايد الارتباك الظااهر
والمستوي التحت الصفر

عوافي يا ساري الليل وكل سنة والجميع بخير

زمان في غانا ( قانا ) بلغة مذيعينا رجعنا بــ 3×3

لكن البطولة الجاي حا نجي بـ 7×7 ماركة الوحدات

أصلو ما زدا معانا وهو زول شاطر ... وكمان يمكن الإستعانة بخبرات الرشيد بدوي مش كان مدرب الاحرار

ومرة كدا درب المريخ في القاهرة ؟

يا سادة يا كرام خلونا في دافورينا دا .... والهروب الكبير ... والدردرة والجرجير .. وهلمجرا

حتى التقليد الأعمى غلبنا

تتذكروا امير دامر لمان عائز يبدل فنيلتو مع إيتو والإحراج اللقاهو ؟

يعني حتى الناس قاعد تعافنا ... وكمان واحد زي إيتو ؟

يا اخي دا مرة عشان يصور إعلان مرق حوتي زي ما قال عادل إمام ( انا لو شفت حاجة تانية اقول على طول ) و( ونحن صغيرين ما نعرفش حاجة ) وبرضو عاجبانا سترتنا وجمال شعارنا اصلو دا عزنا

الفريق داير شغل كتير ... تركيز ... مباريات كبيرة ... إستفادة من الأخطاء

وبعدين عايزين زي سنة كدا مشاهدة كرة عالمية وتطبيق عملي في الميدان

إما كدا وإما الماركة إياها

وانتظروا إنا معكم من المنتظرين