الهلا يحرق المريخ

وكيف يكون الحريق ... جري وتعب وشلهتة ونشافة ريق ...

طنطنة وحرد ... وهاك يا جرسة ...

شفنا مستوانا قدام الخرطوم الوطني ... وقنعنا من الكاس ... شفنا مستواهم امام الامل وهلال الجبال وقلنا كيف المخرج ؟؟

هذا لسان حال كل بني احمر

النوم اتقسم .. وان تم الحلم كابوس .. والكابوس مخيف ويفرط الروح

قال إيه شفت في المنام الهلال مبشتن البلد مسيرات ومظاهرات بالطول بالعرض ..

يا اخوانا في ايه ؟ قالوا اوتوبونقووووو

جاب قونو التاني في المريخ .. وسوى النتيجة اربعة ... ومن قبلو ساسسادمبببا

والغزال عملو الساس ... والفاس وقعت في الراس ... والمريخ اتبشتن خلاس .. ويا ناس كيفن الخلاص

النوم بقى هلواس ...وبلعنا التمباك ... وحبوب وجع الراس ...

وفقدنا الاحساس .. شوفنا بقى طشاش ... سمعنا بقى وسواس .. والذوق اصلو فاقدنو من الاساس ...

ويا ناس كيف الخلاص ...

الجري دا اصلو حقنا من زمااااان ... زمن الزول القعد فوق الكورة وجاب الرياضة الجماهيرية

وتاني زيكو عملا وشال الكورة ..

والليلة زول البدرة والميك اب ... يتلمع ويتلمع .. ويبلع .. وما بيشبع ..ويجيب من نيجيريا والمغرب ..وما عارف وين .. وطلعو من دور ال 32

وقال مؤتمر يطمم البطن ... ويفوز في الانتخابات كمان ... ويدخل البرلمان ... عشان يكبر الكيمان ...

ولكن .... الاتحاد .. يقول الموعد جمعة قبل الوقفة .. والناس ما تجي باللفة . عشان نحن عايزين نضحي ونفرح الناس الما قادرا تضحي ... اصلو الخرفان غالية .. وناس افراس وفداس والحداس والنسناس

غلو السوق .. وما هماهم ..

ويقى العيد السعيد في الخبر الاكيد انو المريخ لحق امات طه

وايه يعني ؟؟ القروش دي نحن ما عارفين جاية من وين ؟؟

جاية من الحاجات الما تمام ...

والما عارف يطالع بوست الخطير ود المناصير هكذا يطبق القانون في بلادي

وطبعا هو جاب الصياغة حسب ما سمعه ونحن نقول الموضوع اكبر من كدا يا كبير

والامر خطير ... والوالي البري .. طلع ختري ...

والمستشاريين من الوالي جايين ... عشان ينشطب البلاغ والوالي يكون في السليم

وفعلا هكذا يطبق القانون في بلادي

وكدا عرفنا القروش جاية من وين ..عشان كدا كل واحد جابوه طلع ماسورة ومكسورة

ثم ... هو في ايه ؟؟

النتيجة كم ؟؟؟

ياخوي
الهلال حرق المريخ وانتهي الله يستر عليه في
الممتاز العجب اذا اتفرمل المريخ
في المباريات المتبقيه يهرب هروب مالك عقار

يا سفيان سلام يا ازرق يا عاتي

بس المقارنة ما في

عقار حا يجي والي تاني

وكمان ممكن يبقى نائب ريس

إنت ما شفت الزول اللي كان مطلوب وصورتو مالي الجرايد بقى شنو ؟ بينو وبين الرئاسة خطوة واحدة

المؤتمر الوطني ممكن يعمل أي شيء عشان يظل في الحكومة

المريخ رفض اللعب في الكاس نشوف الاتحاد يعمل شنو ؟؟ وحا يحلها كيف ؟

والتصنيف بتاع الفيفا ظهر كمان والهلال رقم 3 والمريخ 282 او حاجة زي دي

يا شباب المريخ ويييينكم ؟؟

او انه الهروب كما قيل ؟؟؟

فعلنا كلام في في السياسه صاج
لكن اركو مناوي جاء وتاني هرب
طيب ياود المناصير نقول هروب مناوي
المريخ ااذا انهزم في المبارات المتبقيه وقابل الهلال و الهلال عند فرصه الفوز
بالكاس المريخ يهرب واسمع كلامي دا
بعدين حكايه التصنيف دا
الوصيفاب مايقتنعوا بها
الحقيقه االفرق شاسع
عشان كدا مابتدخل راسن
االا الواحد يوريهم
يعني282-3=179
دا الفرق بينا وبينهم

وصافه يابوهشام
موعدنا يوم الاربعاء