واحة المغتربين

[/center]



ليس غريبا أن نخالف ما اعتاد عليه الناس

لا من باب خالف تذكر ,,, ولكن لكل شيء سبب :

اخواننا في الإغتراب .. اكثر الناس تواصلا مع المنتدى ... نغيب نحن وهم حضور .. نأتي مرة أخرى ونجدهم على ذات العهد تواصلا أثيريا بل وإثراء لكل الأقسام

فكرت في الترفيه والترويح ... ولم أجد إلا التراث المنصوري الأصيل والطرب العفيف

ذهبت لقسم الفيديو والأغاني فوجدته على بواره القديم .. لا زيادة ولا حتى كلام يشجع ولو بعبارة شكرا وحسب

وتوكلت على الحي القيوم

وجيت بي جاي

افترش ساحة هذا القسم ... واجلب بضاعة مزجاة .. وهي تحمل في طياتها عز وارتباط باصلنا

وافرشها على أرض رحبة ... ولأهل ذوق وحس

وانا على يقين بانها ستجد قبولا

وجاييكم راجع

وينك يامحمد كيف حالك انا فاكرك جيت بجاي للحج من طول
الغيبات جاب الغنايم
انشاء الله يكون جبت الجديد والمفيد
عاد النشوف البضاعه
اوع تكون بضاعه مده منتهيه
اتحفنا بروائعك

بسم الله الرحمن الرحيم ياناس ما تخلوا الشمش تشرق مالكم تحوموا ليهجايع الليل ولا ياود المناصير جايب ليك بضاعة مهربة

ما تخاف ابوسفيان دا (حاكومة) براهو ممكن يمرقك من اي زنقة ويوزع ليك اي بضاعة

اغنية مليانة لامن مدفقة

وعيسى ينحط بكل نشاط

لا يفتر

لا يتلخبط

لا الطمبور يتخرب منو

ومرة يكون كورس كمان

الله يجازي اللي كان سبب

ولكن المغتربين مالن ابو البضاعة ؟

واللا لسع ما جو بي جاي

حياك الله أخى الرائع ود المناصير ... عودا ًحميدا ًلمنتداك ... كما عهدناك .. متألقا ًً ومبدعا ًوذواقا ًوحساسا ً مرهفا .... تشارك هنا وهناك وتستقطع من وقتك الغالى للترويح والترفية عن إخوانك بالتوثيق لتراثنا وطربنا الأصيل ... لله درك يا أصيل _

لك تحياتى وتقبل مرورى ،،،

التحية لك ود المناصير وعودا حميدا لمنتداك ونحن المغتربين في حاجة لابداعاتك ودائما في ذكراتنا وإن شاء الله ما ننسى الجميل . زارني الأخ النفر في الأسبوع الماضي وتونسنا كثير وجرينا الذكريات (النفر دفعة ) ولم نفترق إلا في المرحلة الجامعية هو على الخرطوم وأنا على أم درمان وقد جات سيرتك في الكلام وفي المنتدى والحمد لله الكلام كله كان مدح ونسألك العفو إن كنا اتينا بكلام لا يليق بك. لك التحية ابن المناصير ثانية.

عودا حميدا ود المناصير
نشتاق دوما لكتابتك ...وتدهشنا مداخلاتك ....وتطربنا ردودك ,,,انت دايما تحس بنا وتفتقدنا فكيف لا لا نحس بغيابك ... وجودك داخل المنتدى هو جزء كبير من واحتنا التى نهرب ليها من نيران الغربه وهجيرها ...فكن معنا ولاتغيب عنا ونحن دايما نتطلع لكتاباتك.
ولك تحياتى وتقبل مرورى

يابواحمد انت دائما
في الغازك المحيره
(الحاكومه)عندها معانه كتيره
تقصد ياتو فيها البعيد والقريب

ابو سفيان سلام

كمان الحاكومة عندها اكثر من معني يا ابوسفيان

كدي ورينا ولا انت الغربة والعزوبية خلنك بقيت عبقري

الأعزاء ابو سفيان وابو أحمد سلام ..

أشكر لكم مروركم بي جاي ... وأحي فيكم روح الدعابة والمتعة والمرح

شكرا لكم يا أصل الروعة

ويظل عيسى بروي رمز من رموز الغناء والطرب الاصيل الراقي ... رجل يلبس التهذيب وألادب .. حلو في دواخله وفي مظهره ...

قابلته قبل سنوات في بني مالك بجدة ... وسألته ماك خايف الكشة ؟ وانت جاي عمرة وقاعد لحدي الآن

وقال بالحرف ... وهل الشرطة تشك في زول بهذا الهندام ؟؟ وكان يلبس جلابية بيضاء وكامل الأناقة

وقلت له .. طيب في مداين الملك فهد في حفلة وفيها ناس صديق احمد ..

قال والله أنا اطلع المسرح والقى الكورس التمام الجماعة ديل ذاتن يجو يبشروا ... وهذا ما حدث بالضبط

ثم شاهدته في حفل نهاري في حديقة الحيوان سابقا ومعه النجار والبركل والمقل

ولما قدمو عيسى الناس إلا فرتكوهم بالبوليس .. وتوقفت الحفلة عدة مرات ...

عيسى مطرب للحد البعيد عزيزنا وقريبنا بو هشام

شكرا لك يا زعيم

النفر كتب:حياك الله أخى الرائع ود المناصير ... عودا ًحميدا ًلمنتداك ... كما عهدناك .. متألقا ًً ومبدعا ًوذواقا ًوحساسا ً مرهفا .... تشارك هنا وهناك وتستقطع من وقتك الغالى للترويح والترفية عن إخوانك بالتوثيق لتراثنا وطربنا الأصيل ... لله درك يا أصيل _

لك تحياتى وتقبل مرورى ،،،

الشاعر ... الرائع .. النفر

سلام يا رجل يا معتق

كلام يدهش ... نظمك ..يطرب ... حديث ذو شجون ... غضبك حليم وما بوست ليس من رأى كمن سمع إلا عنوان لذلك

أشكرك يا زعيم

وكل سنة وانت طيب

مصباح محمد مصباح كتب:التحية لك ود المناصير وعودا حميدا لمنتداك ونحن المغتربين في حاجة لابداعاتك ودائما في ذكراتنا وإن شاء الله ما ننسى الجميل . زارني الأخ النفر في الأسبوع الماضي وتونسنا كثير وجرينا الذكريات (النفر دفعة ) ولم نفترق إلا في المرحلة الجامعية هو على الخرطوم وأنا على أم درمان وقد جات سيرتك في الكلام وفي المنتدى والحمد لله الكلام كله كان مدح ونسألك العفو إن كنا اتينا بكلام لا يليق بك. لك التحية ابن المناصير ثانية.

الدكتور المرهف ... مصباح منتدانا وسراج قبيلتنا المنير ... سلام يا رائع

وافخر والله إيما فخر وسيرتي تكون حضورا بين رموز وعلماء بني وطني ...

ولكم والله مطلق الحرية في الحديث ... والعفو لله والرسول ... فأنتم فوق كل صغائر ... وثقتي فيكم لا حدود لها .. واعلم تماما لو رأيتم فينا إعوجاجا لقومتموه وانتم أهل الحزم والعزم والحل والعقد وقولكم وتوجيهكم شهادة اعتز بها

فقط لا تبخلوا علينا بالتقييم والتوجيه

لكل الشكر دكتورنا وأديبنا ورمز عزة أهلنا ورجاهم ..

وكل سنة وانت طيب

اميره الحومرى كتب:عودا حميدا ود المناصير
نشتاق دوما لكتابتك ...وتدهشنا مداخلاتك ....وتطربنا ردودك ,,,انت دايما تحس بنا وتفتقدنا فكيف لا لا نحس بغيابك ... وجودك داخل المنتدى هو جزء كبير من واحتنا التى نهرب ليها من نيران الغربه وهجيرها ...فكن معنا ولاتغيب عنا ونحن دايما نتطلع لكتاباتك.
ولك تحياتى وتقبل مرورى

أميرة الأمراء بت الحومري ... سلام أستاذتي الفاضلة ... مداخلتك فخر لي ... مواضيعك ..مدرسة .. ردودك .. علم

لك التحية وانت تعلمينا معنى الحياة ... وأصل التواصل مع الناس ... على الاثير عرفناك .. وعبر السجية السمحاء خبرناك

لك مني عاطر التحايا لك ولأسرتك الكريمة

وعيدكم مبارك

م بروي كتب:وين طار تاني ود القشارين ده








لعله ود المصارين
فهو من مصران المناصير
يبخرها بطيب الكلم
ونحسبه من وصفهم الحق تعالى
(وهدوا إلى الطيب من القول وهدوا
إلى صراط الحميد)
يدودر الكلمة حتى تتغلغل في حياض
النفس و(يخدر) خضارها وتزهر وينطلق الأريج
العابق ويسعد الوسط المحيط
لا تلبد هناك فإننا نراك بروحنا المتعلقة

أستاذنا ... عزتنا .. فخرنا ... حادينا .. ورمزنا ..

محمد بروي ... سلام يا رائع ..

منكم تعلمنا ... ومنكم نتعلم .. بكم ننطلق .. ونرتاد كل الفضاءات ..

كلنا نتوه نطرب مع ذكر آل بروي

وهبتونا الحياة ... وارجعتم إلينا ذاتنا .. بدأت رحلتنا معكم ... ولا زالت ... من السلام الجمهوري عرفنا الكثير من الناس ... بكم ذاع صيتنا وارتفع صوتنا

لا استطيع أن أزيد

فشهادتي فيكم مجروحة

كل سنة وانت طيب

نورالهادى كتب:الأخ ود المناصير لقد أبدع عيسى كعادته وتألقت أنت كما عهدناك فى جمع أغانى القامة عيسى فلك منا فائق الشكر والتقدير .

ولنا ملاحظة بسيطة فى هذه الايام تظهر يوم وتغيب أسبوع ان شاء الله خير .

الرجل الصعب اب كلاما واحد ... صاحب البيان بالعمل ... نور قبيلتنا وضوءها الساطع

نور الهادي عقيد ... سلام يا كبير ...

دائما أجدك حين اتمناك .. فأنت تحس بنا .. وتعيش معنا حياتنا لحظة بلحظة

لك الشكر يا صافي النية وسمح السجية

اما ملاحظتك في محلها ... وسببها بعض المضايقات من البعض ولكننا بكم نجتاز كل العوائق

رد الله غربتك وحفظك يا غالي

الفكى احمد كتب:

أهلا بيك ود قبيلتنا ، حياك الله ورعاك ، مشكورعلى هذه الإبداعات ولإهتمامك بالمنتدى وذوقك تجاه المغتربين ...ا

الرجل القامة والقاموس المتجدد الرائع ... الفكي

سلام

أبدا لم تغب عن بالنا لحظة وانت هناك في قلب الحدث ...لأننا عرفناك قلب طيب واصل طيب ونبت طيب ونفع طيب

وها انت تبدع في المنتدى ... وتواصل الجميع عبر الاثير وقبل ذلك عبر قلب طيب كبير يسع الجميع

لك التحية يا رائع

وكل سنة وانت طيب واسرتك بخير

الزعيم ... الغالي ... المتميز أبدا ... زعيم امة المناصير بالرياض عبد الغني ...سلام يا أصيل ...

تتهيب الحروف أن ترد عليك ...واهابك انا ... فكيف لمثلي أن يجاريك لغة وأدبا وعلما ؟؟ فأنت بحر دافق فيضه يغشى كل الناس هكذا بيان بالعمل ..

اشكر لك تواصلك الدائم معي ... وهذا من طيبة قلبك الحي النابض بحب الناس وحب الخير للناس

بارك الله فيك وحفظك واسرتك الرائعة ...

وعيدكم مبارك

ود المناصير عساك طيب وينك غطستا :: وكل عام وانت من الله اقرب
والله ليك وحشه وان شاء الله رجعت من الكتاحه دييييييييييييل

native guy كتب:ود المناصير عساك طيب وينك غطستا :: وكل عام وانت من الله اقرب
والله ليك وحشه وان شاء الله رجعت من الكتاحه دييييييييييييل

أستاذنا وفخرنا محمد ... تسلم يا غالي ... وأشكرك على تواصلك معنا وجعلنا نواكب التقنيات وأنت هناك في بلد العجائب

وعرفت أنك وصلت ارض النيل والأمان السودان ... فألف ألف حمدا على السلامة .. وربنا يديك العافية

ونأمل أن نستفيد منك رأي العين

أما أنا ... فحالي من الكتاحة إلى كرش الفيل عديل

وكتاحة الطبيعة ساهلي

كعبي كتاحة المنتديات

والله غالب

لك الشكر يا غالي

مغتربين ... مغتربين بالجد

كعب مغتربين الداخل

متى تنتهي هذه الملاواة ... وترجع مراكب ريدنا للمشرع القبيل

الله يعطيك العافية اخى ود المناصير

وانت تربطنا عبر الاثير بكل ماهو منصوري اصيل

ربنا يحفظك اخى .. لاهلك المناصير

ومشكوور على هذه البضاعه القيمة

نحن زاتنا بقينا نسمع معاكم ...غايتو غير محمد وين....مافي شئتا دخلت راسي

لك التحيه ودالمناصير
لك التحيه ابوحنه