الثالوث...

عمنا صديق ... عنوانك خوفنا ... لكن لقيناه تريان

ناس وزارة العدل حلفونا على التمر الفي الساقي والفي اللشو

وتاني يضروا لينا ما سمعنا بي حاجي تاني في التعويضات

والثالوث المذكور الناس ما بيذكروا اسماهم ليه ؟

خوف ؟ خجل ؟ ما في ثالوث من اصلو ؟

يعني الغول والعنقاء والثالوث = ثالوث

انا يعجبني الكلام البلا لولوة

شكرا يا عمنا ويديك الفي مرادك

صديق اخوي انا عكس ابو هشام العنوان بصطني وقلت الليلة حاج صديق ده يكون فك اللغز

لكن اقول ليك برضو ريحتنا نمسك في ثالوثك الواضح ومفيد ونخلي الغاز الكليس الملتنا فقر

والله انا لمن شفت الثالوث
قلتا ياجماعه الجنوب رجع الي الشمال ولاشنو
اذكرت اصحابنا الجنوبيين(المسحيين)
الاب و الابن والروح القدس امييييييييييييييين

أميرة الحومري قالت:
أنا كإعلامية صديق حيرني في وضع العناوين الجذابة
وده عندنا قالت في الإعلام باب قائم بذاته
قلت ليها
إنتو عايزين بس تموتوني في الهندسة دي بس؟
أنا برضو عملت دبلوم إعلام سنة
قلت ليها استنوا لما أكتب عن سيرتي الذاتيةن واعرض شهاداتي هنا.ز
ما خليت شيتاً حايم ما قريتو
..........
على الكليس هاهاها. ضحكتني
وأبو سفيان رجع لينا الجنوب
وأبواحمد اتبسط
ربنا يبسطنا كلنا
حتى أعداء المناصير ربنا يبسطهم مالو
الفضل عمييييييم
دحين عايزين الدقة في حقوق الناس وتعويضهم على هدى هذا الثالوث

الأب والابن والروح
كمان ابو سفيان جاب ثالوث وحولها للمسيحية
وعلي الكليس جاب ثالوث
المرض والفقر والجهل

علي الكليس كتب:

والله ياصيق انا اول ماقريت عنوان البوست قلت اخونا صديق جاب ضقله يلولح .لكن ياصديق هو في ثالوث اخر غير الفقر والمرض والجهل.الجماعه البسالوا كلهمم عارفين بس بيحبوا يسمعوها تاني .مرمي الله مابيتغطا
لك التحيه والحمد لله بقيت تقرب شوي شوي

انا من سأل ولم اجد إجابة

وسؤالي إجابته تسمية الأشياء بمسمياتها

الجبن عار

الخواف منو بنتبرا

والكلمة بالخط اللحمر يا عمنا ما في داعي ليها

لا لا لا يا ابو هشام. الماضي الناس عجنوه وسوهو طوبة للجديد والمستقبل.. وباقي البنيان نبنيه بمونة حرة.
الغلطان والمسئ والناجح في الماضي. مغفور ليهم عشان نتقدم.. خطوات كبيرة للامام
نتحرك خطوة للأمام

عذرا عمنا صديق ,,, لم اقصد ان اغير مجرى الموضوع

لكن التشبيه بتاع عمنا الكليس دوشنا ودا بس كان القصد

لك الإنحناءة شكرا وتقديرا

ها ها ها
يا أبو هشام.. فعلاً التشبيه دوشنا
غايتو قضيتنا دي جابت ليها جنس مصطلحات!!
1 فلوجة
2 كرزاى
3 ثالوث
ولسه يبدو في حاجات

صديق عبدالله علي أبوحنة كتب:لا لا لا يا ابو هشام. الماضي الناس عجنوه وسوهو طوبة للجديد والمستقبل.. وباقي البنيان نبنيه بمونة حرة.
الغلطان والمسئ والناجح في الماضي. مغفور ليهم عشان نتقدم.. خطوات كبيرة للامام
نتحرك خطوة للأمام

يقال الفشي غبينتو خرب مدينتو ،تسلم يا هندسة

القامة علي الكليس في المداخلة الفوق قال الثالوث
هو الجهل والفقر والمرض
ديل ثلاثة
ثالوث

برضو
الله
الوطن
الشعب
..........
ديل برضو ثالوث

وناس الهلال يقولوا شعارهم

الله

الوطن

الهلال

ده برضو ثالوث...

منوفلي الثواليث كترت والله شنو؟

كيف يعني يا ود جيب الله.. ما فاهم حاجة
...............ز
الثالوث دي اصلا عند أخواننا المسيحيين
ما عندنا نحنا المسلمين..
...............
أما مثلا لو كنت تقصد منوفلي
فهو قال
الله
الوطن
الهلال
.......
يعني اكثر محبة في قلبي الله
بعدو يجي محبة الوطن
بعدو يجي محبة الهلال
يبدو الراجل هلالابي على السكين
..........
ما فهمنا قصدك كان قصدك كدة تراهو ده الشرح
وكان عندك فهم تاني كدي ورينا يا باشمهندس

صديق عبدالله علي أبوحنة كتب:برضو
الله
الوطن
الشعب
..........
ديل برضو ثالوث

انا اقصد الوصف بالكلمة دي بس

يعني اسم الجلالة ممكن تضعه مع المخلوقات وتصفه بكلمة ديل ؟

فهمت علي ؟

بس خاصية الحذف مافي هنا.

شكرا يا صديق انا قاصد الفكاهة ولو ود جيب الله شايف اى حاجة ما فى محلها ممكن كن تحذفوها لانه خاصية التعديل ما عندى

ومن ضمن التلاتة

زمان لما جونا ناس الانقاذ فى البلد ودربونا دفاع شعبى كان شعارهم

جهاد

نصر

شهادة

وكان معسكر مفتوح يعنى بعد صلاة الظهر لى تسعة كدى عز الصيف يصادف يكون ما سكلك موية والوكت يضايقك ومرات الحيضان بتاعات الغرغار تدور تعقل فيهن الموية ما تلقى طريقة ومع ذلك الجاز كان غالى وجاته زيادة

ومن هناك والميدان جهاد-نصر -شهادة

اها وحدين بقوا لما المعلم يقول شعرنا يقولوا

الجاز

جاته

زيادة

تشكر الباشمهندس صديق
على البال الواسع والفهم الراقى

وتغيير مجريات النقاش الحاد والسخونة التى فيه

بسم الله الرحمن الرحيم.
مصطلح الثالوث مثله ومثل مصطلح الكرزاي نسبة إلي حامد كرزاي الأفغاني الأصل الأمريكي الجنسية الذي أتي به الأمريكان للأفغان حاكماً حتي ينفذ سياستهم. فأخذ نا نحن المناصر الإسم وصار يطلق علي كل من إرتحل إلي القري الجديدة.
أما الثالوث الذي نقصده نحن فهو يتكون من ثلاثي اللجنة الذين إنفردوا بكل شئ في اللجنة حيث لاإنجاز ولا إعجاز فقط تنظير وفتن وهروب وتهرب وإقصاء وتكبر ومكر وخداع وإليك يا أبا هشام أسماء الثالوث:-
1- أحمد عبد الفتاح جبريل
2-سعادة اللواء صحن
3-عبد العاطي محمد خير بالإضافة إلي خادم العرش جابر وصاحب المنظمة الغامضة محمد خير بتاع أم رملة.
فؤلاء هم أصحاب إسم الثالوث وأنا أتحداهم أن يخبروني لماذا فضوا الإعتصام كما أتحداهم أن يناظروني. وأتحداهم التحدي الأكبر أن يثبتوا لي شرعية هذه اللجنة؟ كما أتحداهم أن يخرجوا للملآ ويتناقشوا مع المواطن في سر الإتفاقية التي لم يوقعوا عليها.
فالتحدي قائم يا أيتها اللجنة أو لنقل لجنة الشركات والمنظمات والمحسوبية والجبن.

فى كل مرة تثبت انك مافيك مخ
الدليل على انك غير متابع قضية المناصير حتى الاسماء الثالوث كماتدعى كتبتها خطأ .
امايخبروك بفض الاعتصام (كان يكون السؤال لماذا لم تنفذ الاتفاقيه . مش احسن شويه . ودى حكومتك تجاوب عليها . اما مناظرتك . بس ورنى يناظروك فى شنو انت ورى الناس برنامجك شنو
اما شرعية اللجنه . مادام هى ماها شرعيه انت موجع راسك لىه امش سولك لجنة شرعيه واشتغل بها . حقو تورى الناس من اين تستمد الشرعيه .ياخ ابوضوه اللجنة مشت البلد فى خلال شهر نص مرتين للبلد وعقدت اجتماع مع القاعده على هامش باشة ابو قرون والمره الثانيه فى اللقاء التفاكرى فى شرى . يخرجوا اكتر من كدى يسوا شنو . كدى اخرج انت من خلف الكيبورد واطرح للناس حل

.فلتحدي قائم يا أيتها اللجنة أو لنقل لجنة الشركات والمنظمات والمحسوبية والجبنا.
دى قلتها زمان
الشحن المره دى طول خلاص
اخبار خط هثرو شنو الاتفاقيه اتوقعت

وهو كذلك ياارباب
لك ان تقرأ بين السطور والمواضيع التى كتبت فالنقد من اجل النقد باين
لكن نسوى شنو كل مره يجى واحد ملتب ويبقى مناضل .
صحيح اذا لم تكن مقتنع بالاعتصام فأن مخرجاته بالنسبه لك صفر
صحيح المابيهدى الكريم تعبان

ابضوه انت راكب من وين.كرزاى اطلقت قبل الرحول بزمن طويل فى اجتماع كبنه الذى حلت فيه لجنه جودابى واطلقت على شخص كان يلبس عبايه ويحمل عصايه ويتكلم باسم الدوله يعنى يقول رؤيتنا نحن كدوله كده....فانبرى له احدهم وقال دوله شنو نحن عندنا حقوق انت جاى تمثل حامد كرزاى فى المناصير وله شنو؟ومنها سمى الرجل بكرزاى ومن ثم اطلقت على المجموعه التى تبنت موقف الحكومه.اما الثالوث فتسميه عسكورى لاحمد والبرجوب وعبد العاطى بعد اتفاقيه قاعه الشارقه.لكن شايفك زى اهم ثلاثه حاجات فى العسكريه تلاته الضبط والربط.انت عملتهم خمسه.واللفظ يعنى التثليث فقط..اما حكايه الشرعيه وفض الاعتصام والمناظره فياخى هذه اشياء انت لافى عيرها ولافى نفيرها.شوف اسطوانه تانى دى قديتنا بيها.

بسم الله الرحمن الرحيم.
توضيح :
-------
الرجاء عدم حذف التعليقات فهذه هي المرة الثالثة وفي فترات غير منتظمة يتم فيها حذف تعليق لي وكان نص التعليق هو قد أوضحت فيه كامل إسمي وبياناتي وسوف أعيده ثانية بكامل نصه:
يا أيها الباقدان إنك قد سألتني عن ماهو برنامجي؟ فأقول لك برنامجي هو: كنس كل الوجوه القديمة بعد محاسبتها ثم تسليم الدفة لقيادات شبابية تحمل أرواحها علي أكفها ولاتساوم أو تجامل. ثم إنك قد سألتني عن ماهو الشئ الذي تريد أن تناقش فيه اللجنة فأقول لك لدي الكثير جداً أن أناقشه مع اللجنة وليكن مكانه ساحات النقاش وإليك بياناتي مرة أخري:الإسم الحاج علي عمر وراق المناصي- الخيار المحلي- كبنة - الوراريق. خريج أم درمان الإسلامية 2008م -لغة عربية + دراسات إسلامية - السكن من بيت عزابة إلي غيره. الهاتف 0121159066 فكن شجاعاً وهات بياناتك مثلي. أما برنامج التحدي فهو قائم إن شاء الله. وسوف أطرح مالدي من برنامج علي الكل.
ولكن السؤال كيف نناقش أسماء مستعارة في قضية مهمة ولانعلم هل هي منصورية أم لا. فمهما آثرت الإختفاء فأنا سوف اظل وراؤكم حتي لو دخلتم جحر ضب فإني داخله فإما الموت أو النصر.
إلي دكتور النعوفابي:
-----------
ما جعلنا نتحدث عن الإعتصام وفضه دون نتائج هو: أنهم قد جعلوه حجة ومقياس لكل منصوري وكرهونا به بالرغم من أنهم لم يعرضوا الإتفاق علي المعتصمين قبل التوقيع عليه ثم هربوا ثم تهربوا من التوقيع نفسه ووقع إناسٌ آخرون.
فما يهمنا الآن هو أنه قد نمت جوانا ثورة ضد التلاعب والفساد والتواطؤ والتهرب. فيا عزيزينا الدكتور نحن نريد أن طرح فكرنا كشباب في هذه القضية ونحن لسنا يهود أو نصاري بل مناصير وإلي الآن نعيش لاجئون فهل ذنبنا أننا نريد إيصال صوتنا كمظلومين ومخدوعين؟؟

ابوضوه كتب
ونحن لسنا يهود أو نصاري بل مناصير

التحيه لك الاستاذ ابوضوه على المواضيع الثره وانت معلم والمعلم رسول فى امته ولكن اربأ بحامل لواء الرسل ان يستخدم الالفاظ فى غير مكانها وتذكر قول افضل الخلق (ان الرجل ليلقى بالكلمة لايلقى لهابالا فيهوى فى جهنم سبعين خريفا) اوكماقال
واللغه العربيه حافله بالعبارات والجمل والالفاظ التى يمكن استخدامها بلاخوف من عواقبها لان الكلمة التى تقولها وهى الثالوث عقيدة من عقائد المسيحيين .
وانت معلم للغة العربيه ننتظر منك كل ماهو جميل وانت تتمتع باسلوب جميل والمثل بقول الجفلن خلهن اقرع الواقفات ناس اللجنه اتركهم واعمل لجنه جديدة تنيثق منها لجنه الى ان نصل بوست حجوة ام ضبيبينه والمناصير مفتوحه لكل من يريد ان يخدم اهلة اما صراع الكيبورد لااظن انه يجدى
فيااخى لانشك فى حبك لارضك لانها عرضك وبلدا هيلك وهيلى وهيل كل المناصير
لكن اخى لانفجر فى خصومتنا ويامختص اللغة العربيه ابحث لنا صفة او لقب لذلك الثلاثى لكن لفظ ثالوث نرفضها جملة وتفصيلا ختى لاندخل انفسنا فى متاهات لااول ولآآآآآآآآآآآآآآخر لها وارجع الى سورة الاحزاب ستجد الجواب الشافى

بسم الله الرحمن الرحيم.
الأخ الكريم رجعنالك:
مصطلح الثالوث أنا لم إخترعه بل كان موجوداً قبلي فرددته كماهو: وتوجد أسماء في القرآن عدة وبكل لغات العرب منهم: لغة قريش -جرهم - خزاعة -طئ- حضر موت والمجال يطول ولايسع لذكرها لأنها كثيرة جداً.
ولكن إحتراماً لك سوف لن أردد هذا المصطلح وسوف أستبدله بمصطلح الأحقاف وهي تعني الرمل بلغة حضر موت وتوجد سورة كاملة بهذا الإسم في القرآن.. ولكن لدي سؤال مهم جداً هو: لماذا نطلق عليهم المصطلحات وهم يطلقون علينا التهم؟؟
ولماذا لانتناقش علي الملأ,؟
ثم أني لم أكن مجادلاً عبر الكيبورد فقط فهنالك ترحك إن شاء الله.