عندو مرتين، ده ولد مرة أمري والله مرة شري ماني عارف

أستاذ الأجيال محمد عثمان موسي.. عبيد موسي.. متزوج مرتين واحدي من شري.. وواحدي من امري لما كان مدير مدرسة ( البانة).. قالوا عندو ولد استشهد.. دحين دايرين زول يعرف لينا الولد ده ولد مرتو بتاعة البانة والله مرة شري؟
والله انا نسيتو
المهم سنة 2004 جاء الولد من شري حضر معانا كرامة الوصول في الحنانين وانا صورتو وبات معانا.. وجاء يحمل خطاب من والده عبيد موسي. مكتوب فيه
صديق والله مشتاق ليك لكن مسافر بكرة فجر.. ولازم اصلك بعد اجي.. الولد ده مرسلو يودي مصاريف امري. عشان كدة وصلو بي عربيتك البانة وانا متأكد ما راح ترفض لى طلب
لما جاني الولد قلت ليهو ما كان تحتاج تجيب جواب من ابوك
ابوك نحن موش قاعدين نتنعم عليهو
ابوك هو السبب في نجاحنا. ونحن لما نديهو بنديهو من حقو علينا العندنا
لو كان جيتني وقلت لى انا ولد عبيد موسي وعايزك توصلني أمري خلاص الكلام انتهى ولزاماً عليا كان اوصلك امرى
نحن اساتذتنا لانرفض لهم طلب، هم يأمروا بس ونحن ننفذ..
اها ياخوانا واحد يسعفنا الولد ده ولد مرة أمري والله ولد مرة شري
هل هو نفس الشخص الإستشهد والله غيرو!
.....................
هذا الصالون الصورتو فيهو هو صالون الأخ عمر عبد الله
البيوت دي أشبه بقلعة في حلة الحنانين.. قالوا الوالي لما جاء شري نزل فيهم .
هذه البيوت طراز فريد
بناها المهندس الأول في المناصير كلها في بناء الجالوص عقيد عتمان.. والد نور الهادي وسلمان..
معروف عن عتمان مافي جداع واحد يجدع التبانة يقدر يقابلو وإنما عندو جداعين اتنين حتى يقابلوه.
عقيد زول يقدر مهنتو ويجي من الصعيد غنيان للطيش ومليان قروش ولمان يجي البلد لايمكن يبني فيها لاي زول مهما كان قدرو
وزول فنان للغاية في طراز البناء والعمران
أها ابوي ولدو عمر مغترب وعايز زول يبني ليهو بيوت جميلة اشبه بقلعة.. ومافي زول يقدر على العمل ده غير عقيد عثمان وعقيد عثمان لايبني في البلد!
ابوى زول زكي
قام مشى لصديقه سلمان محمد الخليفة وحكا ليهو الحكاية!
سلمان قال ليهو والله ياعم عبد الله حسب خوتك وقرابتك معانا وصداقتك. صدقني ما بقدر أعمل ليك حاجة..
لأنو عقيد ده انا طلبتو لى ساريقة بتاعة كر رفض! قال لى انا بجلالة قدري تبنيني ساريقة كر؟ واصلاً انا ما ببني في المناصير كلها! وما محتاج عشان أخرب إجازتي اقعد ابني فيها!
ابوي قال لى سلمان
والحل!
سلمان قال ليهو تمشي لى زهرة أختى اللي هي زوجة عقيد ام ناس سلمان عقيد
تكلما تقول ليها كدة كدة وتتجرس عليها وتقول ليها بزيد ليهو سعر الضراع. وكل يوم بعمل ليهم الفطور لحم!
والحديث لسلمان
قال سلمان طيلة وجودي في النعوفاب عقيد ماهو قاعد يرفض طلب لى زهرة.. ولايكسر خاترا وينفذ ليها وصاياها( رافع البيرق)
ابوى نفذ كلام سلمان محمد الخليفة بي حذافيرو.
زهرة قالت لو ما بيبني لى زول في المناصير! ياعمي عبد الله إنت يبني ليك! قاعد يسوي شنو؟ طوالي يقوم يبني ليك!
كلمت عقيد
عقيد الكلام بقا ليهو زي الصاقعي الوقعت من السماء
قال ليها على قساوة الموضوع وعدم احتياجي لى قروش وعشان خاترك ومعزة عمك عبد الله عندنا خلاص وافقت
ويلا قامت هذه القعلة.. وقام على شوال والوالد والوفد شهر بي الخلاء يجمعوا في الدوم ويشتروا من العرب واللوري مليان خرفان وعتان ويضبحوا في الخلاء. ومعاهم وفد من شباب الضقولة والحنانين والصغيراب والنعوفاب يعملوا باليومية ويقطعوا ويحسحسوا في الدوم من ساني وودي أم عون والهريوب وأب خريت. جابوا اللوري ملان شجر دوم من الخلاء. بالإضافة للكمر والعروق من ( دادق)
وقام هذا الصرح العظيم بفضل المرحومة زهرة شوال عليها الرحمة الواسعة ولعقيد بقدر ما قدموا لنا وعزونا
............
هذا الشباك الظاهر يا نور الهادي... من صنع الوالد عبد الله وكل الابواب والشبابيك
وفي ذلك قال صديق الوالد سليمان ود نصر الدين قال في موضع آخر زماااان وكت الجهلة والصبينة
قال
عودا الناجرو ود أب حنه
هييي يا ناس خلوها تصلنا
.......................
<script src='http://img69.imageshack.us/shareable/?i=mohammedosmanmosa234.jpg&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript>

يعني مروا 23 على البوست ده! مافي واحد يورينا ولد عبيد موسى ده أمو مرة أمري والله مرة شري وهو إسمو منو وهل عبيد موى عندو ولد استشهد! وهل إذا استشهد ياهو الولد ده!
ده كلام ده!
هل تعلم أنك بمجرد ما تفتح بوست، تعب فيهو صاحبو وجابو ليك هنا، وأنت تقراه ولاترد أنك مذنب ! والذنوب درجات..
أمال في ناس اصفياء
وناس أتقياء
وناس ابرار
وناس مقربين
وناس ساكت
وناس ..ناس قريعتي راحت.. كيف!
من الدقة في التعامل يكتسب الناس درجاتهم ومقاماتهم عند الله
وقال صلى الله عليه وسلم( سيئات المقربين، حسنات الأبرار)

تسلم يا ريس خالد على هذه المسرحية الغلوتية الرائعة قرأتها وضحكت فيها باستمتاع
...............
شكرا أميرة الأميرة على التوضيح.. الزول زولكم.