زواج جماعي بالمنتدى

لفت إنتباهي موضع إفتتاح مكتب للزواج في قلب الخرطوم ... وهناك من رأى في الأمر عجب ..

ولكني أرى أن هذا أمر ليس فيه عجب ... فالخرطوم أصبحت تقلد كل العجب .. وحتى على مستوى الساسة ... والتلفزيون .. وتقديم البرامج ... ونشرة الأخبار .... وحتى نظرة المذيعين إلى بعضهم خلال النشرة ... وحتى الإعلانات فكرتها تقليد ...

وهذا ليس المهم ...

المهم سادتي ماذا لو تبنى هذا المنتدى الراقي برنامجا للزواج الجماعي

الإخوة في دول الإغتراب تكون مساهماتهم عينية ... تكملة الشنطة وكدا

والإخوة هنا مساهمتهم مادية وعينية ... وكل إجراءات الباشي كمان

وكذلك يمكن أن يصب كل هذا العمل ويتم بعث الروح في العضوية بعودة الصندوق الإجتماعي بشكل جميل بعد أن ارسى عدد من الإخوة أساسه وبنيته وفكرته وقاموا بتنفيذها

لماذا لا يشترك كل الأعضاء ..؟ أنا شخصيا نفضت غبار السنين عني وجاهز يا أبو مصطفى للمشاركة من اليوم ..

ويا جبريل عبد الرحمن وخال أبرار سلام .. متى تنفضوا وإخوانكم غبار العزوبية

لكم جميعا كل الود والإحترام

من طرف **خال ابرار** الإثنين 26 سبتمبر 2011, 8:26 pm

احم احم وعليكم السلام....

خال ابرار كتب:احم احم وعليكم السلام....

توقعتك قريب من الباب والقلوب شواهد ... وعليكم السلام الدكتور الرائع خال ابرار

واتفضل طوالي

وهذا بوست يرفض فيه الصمت

هل تسمعني ؟؟

فـــــكرهـ جميله جدا ...
لان هنالك ناس لايملكون حق العرس وانشاء الله تتم هذهـ الفكــرهـ...
والي الامام ايها المناصيــر...

نرجو التوضيح من صاحب البوست هل دعوه الزواج لغير المتزوجين (العزاب )

او هي غير مختصره عليهم والدعوه للجميع

مع فائق الشكر

هاشم علي الجزولي كتب:نرجو التوضيح من صاحب البوست هل دعوه الزواج لغير المتزوجين (العزاب )

او هي غير مختصره عليهم والدعوه للجميع

مع فائق الشكر

الدعوه مختصرة للعزابه

بعد ما ينتهوا نشوف النضم التاني

بعدين الله يقدرنا

والقادر يشيل شيلتوا براهو

محمدمحمودانقا كتب:فـــــكرهـ جميله جدا ...
لان هنالك ناس لايملكون حق العرس وانشاء الله تتم هذهـ الفكــرهـ...
والي الامام ايها المناصيــر...

شكرا الرائع ود محمود الناثر فيض درره في كل الأمكنة

سلام يا راقي

هاشم علي الجزولي كتب:نرجو التوضيح من صاحب البوست هل دعوه الزواج لغير المتزوجين (العزاب )

او هي غير مختصره عليهم والدعوه للجميع

مع فائق الشكر

صاحب البشريات ــ والتحذيرات ـــ والقلم العاتي .. الرهيب ود الجزولي ... سلام يا باشمهندس

وانا ملاحظ أي حاجة فيها عرس قلمك ولا بيشاورك

إيه الحاصل ؟

شكرا لك يا مفخرة بلادي

ود المناصير انا الان في البيت والحكومه قريبه خلي الرد لي بكره من المكتب

ساري الليل كتب:
هاشم علي الجزولي كتب:نرجو التوضيح من صاحب البوست هل دعوه الزواج لغير المتزوجين (العزاب )

او هي غير مختصره عليهم والدعوه للجميع

مع فائق الشكر

الدعوه مختصرة للعزابه

بعد ما ينتهوا نشوف النضم التاني

بعدين الله يقدرنا

والقادر يشيل شيلتوا براهو

ساري الليل ... سلام يا نسميم منتدانا الهاب بالدعاش مبشر بالخريف .. وسقيا الخير

إجابتك في محلها ... والله يقدرنا

يا ود الجزولي إجابة سؤالك وسؤالي أعلاه عند صاحبك

وبيجيك براهو .. الله يعينك

هاشم علي الجزولي كتب:ود المناصير انا الان في البيت والحكومه قريبه خلي الرد لي بكره من المكتب

كدا إجابتك وصلت

وننتظر باقي الكلام بكرة

لك الشكر أجزله يا زعيم

والله ياجماعه المنتدي اتقلب وكاله زواج دايرين مازون عديل
مره تقرا بوست فتح مركز زواج في الخرطوم
شوتين تقرا زواج جماعي
بعد فلان داير يعرس
الناس مسكها هلع بتاع عرس
السعوديه مطالبيب مراقبيب في الخرطوم
المزوجات خافات من الد بيل البايركس داير بفك البوره
المزوجين خايفين من وزراء الداخليه غايتوا الشغله جايطه
تاني احذزوا المنتدي مراقب بالرادارللجنسين
ملحوظه(طلب الزواج داخل المنتدي علي مسولية طالبه ممنوع التحدث مع خالدعابدين)

والله ياجماعه المنتدي اتقلب وكاله زواج دايرين مازون عديل
مره تقرا بوست فتح مركز زواج في الخرطوم
شوتين تقرا زواج جماعي
بعد فلان داير يعرس
الناس مسكها هلع بتاع عرس
السعوديه مطالبيب مراقبيب في الخرطوم
المزوجات خافات من الد بيل البايركس داير بفك البوره
المزوجين خايفين من وزراء الداخليه غايتوا الشغله جايطه
تاني احذزوا المنتدي مراقب بالرادارللجنسين
ملحوظه(طلب الزواج داخل المنتدي علي مسولية طالبه ممنوع التحدث مع خالدعابدين)

من طرف **يس مصطفي** الثلاثاء 27 سبتمبر 2011, 10:24 am

مشكور ياعمده علي البوست

للمتزوجين عليكم بسماع مدحه البرعي اربعه في اربعه ومن ثم انزالها الي ارض الواقع

ابو سفيان ... سلام

نسأل الله لك الثبات

ما لك بقيت تدبل في الكلام

بالله موضوع العرس دا مخيف كدا ؟

لك التحية يا رائع

وبرضو عايزين رأيك في الفكرة

يس مصطفي كتب:مشكور ياعمده علي البوست

للمتزوجين عليكم بسماع مدحه البرعي اربعه في اربعه ومن ثم انزالها الي ارض الواقع

الريس يس سلام .... وينك يا رائع ؟

مداخلاتك تناقصت وتآكلت اطرافها إيه السبب ؟

وإنت مع البرعي واللا معانا ؟

لك الشكر يا راقي

فكره جميله جدا وتنفيذها ممكن جدا .
اجتماع لمجلس المنتدى , ونقاش حولها , وانشاء الله عمل خير ربنا يتمه. انا غايتو شايفاها فكره واقعيه جدا.
برضو مناسبة يجتمع فيها مجلس المنتدى...

من طرف **تاج الدين** الثلاثاء 27 سبتمبر 2011, 5:15 pm

اخي ود المناصير
الفكرة طيبة (والدال علي الخير كفاعلة )
عليه نرجو من الاخوة الجدية في التعامل مع الموضوع وتطبيقه علي ارض الواقع
مع خالص الشكر والتقدير

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **(الحاج شرف)** الخميس 29 سبتمبر 2011, 4:49 am

من طرف **ود المناصير** الخميس 29 سبتمبر 2011, 5:58 am

هويدا ابوشعر كتب:فكره جميله جدا وتنفيذها ممكن جدا .
اجتماع لمجلس المنتدى , ونقاش حولها , وانشاء الله عمل خير ربنا يتمه. انا غايتو شايفاها فكره واقعيه جدا.
برضو مناسبة يجتمع فيها مجلس المنتدى...

شكرا أستاذة هويدا على المرور وتأييد الفكرة ... وربنا يوفق الجميع لما فيه الخير
وربنا يكتر المناسبات

من طرف **ود المناصير** الخميس 29 سبتمبر 2011, 6:01 am

تاج الدين كتب:اخي ود المناصير
الفكرة طيبة (والدال علي الخير كفاعلة )
عليه نرجو من الاخوة الجدية في التعامل مع الموضوع وتطبيقه علي ارض الواقع
مع خالص الشكر والتقدير

الرائع تاج الدين ... سلام ...
ونأمل من الإخوة أن يتعاملوا مع الفكرة حسب مقتضيات المطلوب كل في موقعه
وتطبيق ذلك ممكن ...
شكرا يا رائع

من طرف **ود المناصير** الخميس 29 سبتمبر 2011, 6:04 am

الزعيم الحاج شرف ... سلام ...
الصورة تكفي تعليقا
وانا أكتفي بها ردا
هكذا بلا إستنطاق ... وبلا إنتظااار ..

المبدع ودالمناصير لك التحيه0افكارك نيره وكتاباتك هادفه 0 واسلوبك شيق0دمت ذخرا لديار منصور0فكره ممتازه ونامل بان يتبعها تنفيذ ونحن علي اتم الاستعداد لما يطلب مننا0وانشاء تنتقل الفكره بعد ذلك الي البلد باسم المنتدي ٠0وليكن الشعار (اقلهن مهرا اكثرهن بركه)سيروا وعين الله ترعاكم

من طرف **abuahmed** الخميس 29 سبتمبر 2011, 2:27 pm

الاخ هاشم حليت مشكلتك ولا محتاج لاجاويد

انت البوديك نهاظر في موضوع العرس شنو

كمان بلا خجله علي العنكبوتية

من طرف **nader nor elhadi ali** الخميس 29 سبتمبر 2011, 2:43 pm

غايتو نحنا واقفين فى الصف سرعوا ابدو البرنامج ده

من طرف **(الحاج شرف)** الخميس 29 سبتمبر 2011, 4:40 pm

من طرف [ندعوك للتسجيل في المنتدى أو التعريف بنفسك لمعاينة هذا الرابط] في الثلاثاء 27 سبتمبر - 4:24

مشكور ياعمده علي البوست

للمتزوجين عليكم بسماع مدحه البرعي اربعه في اربعه ومن ثم انزالها الي ارض الواقع

منتظرنك تبدا انشاء الله من الدويم ديبنك قاعد فيها
على فكره
ايه رايكم يبتدئ المشروع من المتزوجين اولا
وعلى الاخوات الاعضاء بالمنتدى المبادره بتسجيل اسماء ازواجهن لدى الاخ راعى المشروع
انشاء الله تحت شعار الخلافه فى الاهل امر لابد من اكماله ولو تقاسمن التمره

من طرف **الرشيد طه** الخميس 29 سبتمبر 2011, 4:52 pm

فكرة جميلة بقليل من الجهد يمكن نجاحها

ود المناصير كتب:

توقعتك قريب من الباب

يا زعيم قريب ده شنو خال ابرار ده واقف فى الباب عديييييل

من طرف **الرشيد طه** الخميس 29 سبتمبر 2011, 5:01 pm

يس مصطفي كتب:مشكور ياعمده علي البوست

للمتزوجين عليكم بسماع مدحه البرعي اربعه في اربعه ومن ثم انزالها الي ارض الواقع

البوقد النار يدفى بيها والبقول كلام ينفذو

وفتح بلاغ مستعجل اليوم ضروريprint out السيد المدير

الاخ ابو احمد كتر خيرك انت عرفت الموضوع وانا كنت داير صاحب البوست يسأل سؤالك ده خاصه وهناك صله قرب المكان ( كلنا في القري جزائر وناس الجزائر تايتهم من زمن الطين معروفه بقوه رباطها ومتانتها لكن نقول شنو

غايتو يا ابو احمد الموضوع بقي صعب من مداخله الاخت هويدا اذ ذكرت ( فكره جميله وتنفيذها ممكن جدا )

وانا اطلب منها أضافه

( ان يكون الموضوع مختصرا علي العزاب (

اما المتزوجين فهم خارج الموضوع

اخونا تاج الدين بعد مداخلته ايضا عقد لي الموضوع وزاد من الخوف فلقد ذكر ( نرجو من الاخوه الجديه والتطبيق علي ارض الواقع في ناس قرواه والتدبيل علي ارض الواقع وكانت دي المصيبه

الحمد الله نجلاء جابت الفرج فلقد تم فهم الموضوع علي اساس دعم لفكره زواج جماعي في البلد واليوم نكون عمليين ونطبق الفكره عمليا لصاحب البوست وجميع المتداخلين وذلك بحضور حفل المرطبات المقام اليوم الخميس بنادي العمال في الخرطوم والذي يقام علي شرف الاخ النذير عمر الطاهر نسال الله له حياه زوجيه سعيده وأهو البوست جاب فائده

(أبو احمد شفت الزوغه كيف اخوك حريف هارت زوغه بي دو )

من طرف **ahmed alkhabir** الخميس 29 سبتمبر 2011, 5:23 pm

الاخ نادر الضحية قربت والضحية فيها بتكتر الشواكيش اعمل حسابك خيف تفوت الضحية ونلقاك تغني

عايش وحيييييد محبوبك جار

عصفورا ليك كان بين ايديك اتربي وطار

امسك حبل الصبر

طبعا اختصارا على العزاب
الغريبة فى مؤسسه كانت قبل فتره تدعم افرادها العاملين للزواج .العزابة بمليونيين والمتزوجين بثلاثة ملايين عشان يقوا قلوب الرجال.
والله يستر على قول اميره

من طرف **nader nor elhadi ali** الخميس 29 سبتمبر 2011, 6:23 pm

يالخبير البركه فى الحاج شرف الدين

مالو ياجماعه البوست ده اخد مجري تاني0وخلا الجماعه بقوا يحلموا ساكت كان كدي يانساء المنتدي اتحدوا00000

من طرف **amira ali** الخميس 29 سبتمبر 2011, 7:43 pm

القكرة فعلا جميله ومهمة خاصة اذا كان فيها تقديم دعم من المنتدى
اما انا : حضور انابة عن الزوجات الغائبات
اي حركه كده والل كده من غير العزاب تلقو خبره بى غادى
حتى ود المناصير لا تطمئن تقول انا ما معروف وتسرح
ساعتها نقدر نجيبك للمحاكمه

ولا حتي في الاحلام ؟؟؟؟؟

قلت في الخيال مره شفت ناجاني

قالت ياتو خيال البخليك تناجي شخص تاني

قلت أبدا ده خيالك

ردت ما انا قدامك

فرد البصر حسيرا

عوافي ود المناصير يارائع

اقتراح ممتاز لكن شايف في ناس خائفة من الحكومات

وكان في زول ساكت عملها شيل شيلتك وشوف ليك مكان تاني

وعشان ماتكون في البلاك لست خليها للعزاب بس

الأخ ود المناصير دائما أفكارك رائعة وموضوعك كان للعزوبية فقط وبدليل أنك ناجيت خال أبرار وزميله ولكن الجماعة عملوها حاجة ثانية وقالوا للمتزوجين والمتزوج ما أظنه يحتاج مساعدة ولا دفره والباسعده يكون خائن والكلام ما شفته خوف بنات حوى وهاشم ده ما تشوفه كدي أكثر واحد خواف أما نحن فكلمتنا قلناها زمان. والمهم ربنا يزوج العزوبية ويرزقهم بنات الحلال والحكاية فيها أولويات.

الإخوة الكرام .. سلام ...
اعتذر للتأخير في متابعة الموضوع ... لإنشغالي ببعض المواضيع الأخرى وقلت اترك للناس مساحة من الزمن ..
على كل حال ... اريد أن نرى تجاوبا عمليا من العزابة ... وخال ابرار سلم ورجع ما عارف يكون وصل تونس وما جايب خبر
وجبريل ... لا سلام لا كلام ... وغيرهم كتير ..
كما أخوانا ناس الأرباب ما جونا بي جاي ... وخالد عابدين ... عارف وساكت
اصل الحكاية موضوع العرس دا يجيب الرجفة عديييل ... وود الجزولي ما براهو
وحتى بناتنا شكلهن كدا خايفات ... غايتو انا سأستمر في الموضوع
وجاييكم راجع بالمأذون ..

والله يامحمد كلامك بقي بخيف انا موضوع العرس يخفني عدبل
عشان كدا اني في الموضوع بصفه مرافب غبر كامل العضويه
بس بعاين بعيوني
ونحن من انصارعشان الناس تحب الناس وذي عبنينا يتحبوا وكل زول تايه يلاقي الريده في دربه(الله يرحم الفنان الخالدي)

من طرف [ندعوك للتسجيل في المنتدى أو التعريف بنفسك لمعاينة هذا الرابط] في الخميس 29 سبتمبر - 11:26 فى مؤسسه كانت قبل فتره تدعم افرادها العاملين للزواج .العزابة بمليونيين والمتزوجين بثلاثة ملايين عشان يقوا قلوب الرجال ه

الطريق الى هناك يمر من هنا

نتظر من يفتح الباب

من طرف **خال ابرار** الخميس 13 أكتوبر 2011, 3:46 pm

اقترح ان تقوم ادارة المنتدى بتكوين غرفة طوارئ عاجلة فالعيد ع الابواب واقترح ان يكون رئيسها من ذوى الحكومات القوية (يس او الرشيد او الحاج)

لضمان عدم التدبيل؟؟؟؟؟؟

واقترح ضم الاخت هويدا لمعرفتها بمؤسسات دعم الزواج ؟؟؟؟

اصحى يا خال ابرار ؟؟؟؟؟

من طرف **zoooba** الخميس 13 أكتوبر 2011, 7:09 pm

سلام لفاتح الموضوع المنصوري الهميم

شكراً على اهتمامك بالعزابه

موضوع موفق... موافقين جهزوا الظروف، وما تكون ظروف تعبانه .. لأنو الحياة اليموين ديل طلعت الجبل

على الأقل الظرف يحل مشاكل العرس الباشي وشهر العسل وما بعد شهر العسل

وليه يخصص على العزابه فقط!!!.

أنا أقترح على المتزوجين من غير المنصوريات أن يدبلو بي منصوريه (ضروري جداً) بس المتزوج منصورية خارج الموضوع

ههههههههههه

تقبل مروري

من طرف **خالد عابدين** الخميس 13 أكتوبر 2011, 7:12 pm

مالو النضمي ده من 26 سبتمبر يسوى في التيرن ويرن؟

زوبا قالت نعم للمدبلين ولكن اشترطت المناصير المتزوجين من غير منصوريات انا يازوبا اقول تضمي المناصير المزوجين من منصوريات ويكون الزواج علي الطريقه السعوديه يبقي سر العمليه في الطريقه السعوديه ودي معروفه لاخوانا في السعوديه الجماعه اياهم وعلي راسهم اخوي دكتور مصباح ( بعدين يامصباح بعد الدكتوراه دي الحكايه زابطه وحواء المغتربه عارفه السر مش كده يا انتصار ويا اميره كان ما عارفات اسألن اخواتكن السعوديات عندما يريد ان يتزوج الرجل باكثر من واحده

وبعدين الزوغه لمتين وين اصحابنا صاحب البوست وابو احمد يا يا ابو احمد شايف صاحبك بقي كيف غايتو الحاج شرف الدين يتاوق مره مره اما الريس قاطع مويه ونور اما اخوي الكاشف انا عرفه وزي مايقول اخوانا السعوديين ( خبز أيدي )

من طرف **abuahmed** السبت 15 أكتوبر 2011, 12:49 pm

تااااااااااني يا هاشم

انت يا زول الظاهر انو طيبة ما عندها خبر المنتدي بتاعنا ده عشان كده بيتتكلم علي كيفك

طبعا ماعندها خبر او يمكن عندها راي لانو ماشايفنها تخوجل مع اخواتها وهي ما ساهلة ومشاركتها مفيدة وضرورية

يا اخوي نحن البوستات الزي ده ما بنحب نمر عليها الا اذا زول جبرنا

يا هاشم وزوبا ما في داعي للاحراج وخلو الناس في حالهم

شكرا ود المناصير علي البوست .
فكره نايدها وندعمها.

مستعدين يا خال ابرار. لكن صاحبك قال جايب المأذون وزاغ والريس ما نظم الاجتماع.

من طرف **ابو هشام** الإثنين 17 أكتوبر 2011, 6:59 pm

هويدا ابوشعر كتب:مستعدين يا خال ابرار. لكن صاحبك قال جايب المأذون وزاغ والريس ما نظم الاجتماع.

زولكم دا يكون في شهر العسل وانتو ما جايبين خبر

وشكلو كدا بقت عليه المشى يخطب البت لولدوا عجبتو وخطبا لنفسو

قلوبنا معاك يا خال ابرار ,,,, ويا جبرين كلامك ماهو مشجع ابدا ابدا

بطل الرجفة

ما تبقى عليك حكاية حسن في القسم الرياضي

يا ابو هشام اطمن مافي رجفه ،ولا حاجة بس شايف اعمامنا ناس هاشم الجزولي مسخنين علي الخط فقلنا نفسح ليهم المجال شوية وكمان ندعم،ونحن اصلو الفيها فيها.